The Platter (悦品度假酒店‧屯門)

營業中

休息中

最近屯門開咗一間火車酒店,前牌經過間酒店見到佢嘅餐廳開咗。因為都想帶啲小朋友去試吓新野我諗佢哋應該會幾鍾意咁就打去book.我諗都勁多人好似我咁諗所以打去嘅時候其實好多日子都已經full晒..好彩都俾我哋book到基本上間酒店都真係火車做主題。餐廳門口仲有個好似火車入閘嘅物體幾得意。唔知係咪好好彩我哋都被分配到火車卡嘅位置比較特別啲小朋友都勁興奮。我哋叫咗一個大磨菇黑松露risotto我自己又叫咗一個五成熟嘅西冷扒.其實我自己唔係好食黑松露不過我小朋友話想試食物嚟到賣相都幾靚。咩都想試吓所以我都試咗兩啖黑松露risotto點知講真我覺得都幾有驚喜。個risotto有黑松露味不過唔會話太重過左啲白汁未。有少少後悔點解唔帶呢個比自己食我個仔食晒。。不過我個西冷扒都唔差。我自己其實都好鍾意係屋企煎扒但係我覺得佢煎得都唔錯。呢個價錢來講我我覺得都算幾抵食。如果唔係咁難book我諗我應該都會間唔中嚟食下。至於出面有一啲可以自助嘅嘢唔算好多不過呢個價錢what theyou expect?總括嚟講我會返嚟食。😃

朋友話近排屯門有間新酒店﹐想夜晚一齊去試下佢地餐廳既自助餐。 一入到間酒店覺得個設計好特別﹐成個紅色大火車擺左係度可以影下相。之後就上去間餐廳食野喇。估唔到個餐廳都充滿火車既設計﹐入口有d閘機係度,之後仲有d卡位係成個火車廂咁。坐低擺野就齊齊出去拎野食﹐因為我鐘意食燒牛仔肉。所以第一時間見到就拎黎試, 口感十分好﹐食多左幾件﹐牛肉好受歡迎,要排隊等切。刺身都多款揀,不錯。另外都仲有煙三文魚,燒雞,天婦羅，伊面有超多芝士同蝦,好正！早d去仲可以影到完整西班牙飯,一盆超大碟,排得好靚仲有好多海鮮。朋友一見到好多甜品同雪糕好開心話要留肚試哂每一樣,淨係哈根大師雪糕都食左幾轉。另外飲品任飲都幾好,唔似有d酒店得一杯飲品,次次都唔夠飲,想留耐d都唔方便。今日大家都食得好開心﹐有講有笑。野食正﹐個setting又有特色﹐係一個開心既gathering。下次有機會一定再黎試!!

上網見屯門悦品酒店餐廳新開張, 個自助餐又有八折優惠﹐於是襯屋企D小魔怪開始放暑假﹐我地成家就決定星期六晚去幫襯下呢間係2樓既自助餐廳。成間餐廳用火車為主題﹐小魔怪見到好興奮好鍾意,不停叫媽咪幫佢地影相添。餐廳入口乾淨企理,但餐廳唔算好大地方, 之後就被職員安排座低。我就試左個蟲草花杞子燉螺頭雞湯﹐較老火﹐個低有好多雞,睇來都落足料, 唔錯。而主食就有西班牙海鮮炒飯﹐燒牛肉﹐同埋羊架﹐D肉睇落好新鮮﹐肉質都好Juicy。特別係燒羊架﹐一啲都唔騷﹐火喉剛剛好, 肉腍唔韌,值得去試吓。至於沙律同埋壽司就較為普普通通冇乜驚喜喇。另外都有其他野食, 例如豬髀仔﹐熱三文魚及青口等﹐都幾有水準。個超大碟海鮮飯都幾吸引,有D生果﹐仲有好多甜品﹐雪糕仲有haagen dazs, 因為太飽最後只係食左玄米茶雪榚, 有得自己整pancake, 雖然都係按一下就完成, 但可以自己加糖漿醬料, 仔仔貪得意都食左兩塊。價錢就每位三佰幾﹐唔錯吖可以去TRY TRY既~

酒店由3月開張就已經等緊餐廳開,終於6月有得食但大家一定要提早book位.因為真係勁full去到酒店一定要影相.因為都幾多打卡位,放上IG好多人問我邊度影12:15上左餐廳已經好多人,但今次坐唔到火車位,可能要訂時講埋先有..坐低先食海鮮,有蝦同青口,蝦唔算話好大隻,但都幾甜,食多兩隻補數青口不過不失有我鍾意食的ham,仲有幾款唔知叫咩的沙律,都幾好食,但薯仔食兩舊就算,唔係回唔到本食buffet我一定要食刺身,款式未算好多,但幾新鮮,仲有我鍾意的甜蝦,仲有幾款壽式選擇,唔錯燒牛扒幾好食,媽媽見到話唔想食咁生,服務員好好即刻話可以拎入廚房整熟比媽媽,值得一讚熱盤都ok.不過人太多無影到太多相,熱盤久唔久都會轉下款式,但就要多d出去睇下,唔係可能好快比人拎晒甜品唔算話好有特色仲可以自己整pancake細細件再加d糖醬都幾正,不過就好多小朋友排隊玩,要比d耐性….感覺無人地講到咁差.可能因為我唔係頭一批去食.希望過多一個月去食會再有改善同新野食.始終屯門區無咩自助餐,都希望佢地做得好d.以後想食好野都唔洗出去

🎊新張誌慶又正值暑假開鑼，即管全家總動員來光顧一下環境：干淨企理，幸好暫不是全院滿座，地方仍見鬆動，但樓底略為低矮，有點似飯堂餐廳格局食物：新鮮，擺位整齊企理，味道適中，祗嫌食物種類一眼見曬，若能增加多些會更好，如pizza,魚肉，冷面及炸物甜品：任食H牌雪糕杯🍨無得輸，叧同場有一只本地牌子雪糕杯有幾種特別口味，值得嘗試👍🏻熟食羊架與送贈的半邊芝士龍蝦🦞至好味😋☕️🍹冷熱飲品隨意斟，如雪櫃的罐裝飲料可任取就更無敵意見：既標榜親子/火車主題餐廳，食物應加多些小朋友食物，如糖果，爆谷，啫喱，棉花糖，必定深受親子客人歡迎新張8折價位👌，如若正價，此種等於外面lunch自助餐級數的buffet真的要考慮考慮🚂走時記緊跟火車來個大合照作完美句號。

網上推介屯門新主題酒店有半自助餐食, 一於去試下lunch, 不過可能岩岩新開好多人去試,要早D訂位先有得食…餐廳係火車主題,房間好似都係有主題,下次試下2日1夜睇下點叫左個紅酒牛尾配薯蓉,份量都OK,牛尾都煮得幾林身同入味,如果薯蓉牛油味可以再濃少少就更加好出面buffet位有中西湯,沙律,冷盆同甜品南瓜湯幾正,落足料,中湯係青紅蘿蔔湯沙律都有5款菜任揀,仲有薯仔沙律,再加埋d鴨胸同ham都唔錯最後食埋雪糕同甜品就岩岩好,值得一讚係有haagen dazs任食,一口氣食左3個,都有幾多味揀下。

見新開張又有折,成人夜晚BUFFET折左3百八幾,所以試下,不過可以話俾大家知,如果以後都是呢個價錢,或者再貴D,千祈唔好去!首先,野食選擇超級少,所有食物放晒響3張唔超過6尺的桌子上,熱盤冇記錯得5種,1款蔬菜,1款炒飯,1款雞,仲有羊,不過竟然冇魚!!!食過咁多間酒店,未試過冇魚食!另外,呢到都完全冇炸野食,係一樣都冇!!!唔通怕大家熱氣??又係未試過食BUFFET冇炸食物!!另外,仲有凍盤,沙津,蝦,螺等,比熱盤叫好D壽司有,得3款,仲要唔係平時大路款,個樣都幾核突下,所以見冇咩人拎,魚生有,好似都係2-3款,不過都係冇咩人要仲有麵檔,但只有幼麵同埋金邊粉兩種,有丸同菜,我最欣賞韭菜餃,叫做食得落口,可以飽肚甜品4-5樣糕點,好采叫做有H記雪糕,同埋有自製PANCAKE機,因為冇咩好食,我地勁整PANCAKE食先夠飽食物味道方面:可能唔啱大家胃口,炒飯好硬,雞味道好怪,菜可以,我除左食左餃子同PANCAKE之外,其他都冇咩食過,甜品正常啦,唔好期望好好食!環境呢,OK啦,乾淨,D枱唔迫,不過唔好期望火車裝修好有特色,除左卡座係似車廂之外,其他枱咪普通長枱,冇咩特別!廁所囉,真係似

同事話最近有新餐廳要去試下新意.酒店都幾有特色.用火車同車卡做主題.大堂同門口都幾多打卡位.好多啊媽都帶小朋友來食同影相.12點半上到去全場爆滿.我叫左煎三文魚柳配檸檬牛油汁.野食未來前先食沙律, 我飲左中湯都幾夠火喉.朋友話南瓜湯都幾綿.應該都落足料三文魚扒唔錯.個檸檬汁幾吊味同fresh.一齊食都幾夾餐廳有haagen dazs任食, 仲見到有另一款coco berry雪糕, 試左玄米茶同海盬味都幾特別又幾好食生果我只食左幾件哈蜜瓜.如果生果有多d選擇就更好啦朋友仲自己整左件pancake食.味道正正常常不過可以自己落配料都幾得意埋單138有8折再加一, 又真係幾抵, 下次會再同同事黎食!

· 長腳蟹好味· 凍蝦冇味，但肉質尚算可以，沒有· 螺很好，有鮮味· 沙律OK喇，冇特別· 煙三文魚，買相不吸引，不過味道OK· 壽司冇特別，坊間有好多特別少少既款式，呢處好普通· 西班牙海鮮飯，海鮮OK但D飯真係乾· 羊架好食，唔酥· 熱三文魚OK喇· 豬仔肶OK，唔硬，味道好· 熱青口好味，冬陰公味，幾好味· LAKSA 湯麵，LAKSA湯味道尚可，但你唔講真係唔會諗到佢係LAKSA，因為唔係好地道，冇LAKSA果種FEEL· MACARON，好靚，好CUTE，攞左3粒，食完1粒之後，SORRY但真係甜到食唔到· 餅仔OK LA，賣相冇特別，味道冇特别· MOUSSE既質感一般，味道十分之假· 糖水OK LA，清清地，· 甜品檯個蒸籠好很恐怖，突然間爆水出黎· 生果出奇地不太差，睇個樣以為實係又生又冇味，點知食落又OK WOR· 龍蝦OK，雖然都係好少肉，但起碼肉質唔係”梅”，同埋味道很好· 牛扒OK        · 個燒汁冇味道        · HAGAN DAZ 雪糕唔駛講喇        · 另外有隻不知名雪糕，芒果味好芒果，海鹽都好食，仲有一隻玄米茶冇試，太飽，真係食唔

早幾日聽媽媽講屯門悅品酒店新開業半自助餐98起，於是今日帶媽媽同弟弟來食，懷著期望的心情來食點知....裝修的確係幾靚，但只有一個字形容差差差....我們要求坐卡位，經理堅持有人訂左，喂我們都block左先來食架，呢樣都算....一行出去準備拎野食，原來一系列冷盤係菜同菜，十隻手指數哂，到野飲方面，橙汁，蘋果汁，咖啡，凍檸檬茶，中湯，西湯....主食諗住好的啦，媽媽個長通粉好硬，我塊牛扒七成熟變左十七成熟，喺弟弟食個塊魚柳好的囉....真係食到全身火，唔會再來....補多句，大陸食蒲飛都好過呢間好多倍!!

上星期日，我地一家四口出發去屯門西鐵站附近一間新開的酒店(悦品度假酒店 ∙ 屯門)食Lunch Buffet，真心覺得食物質素欠佳(例如個麵包居然係濕嘅)，不但食品款式少，而且地方細，Book位時一早request定要兩張baby high chair，去到居然話無。最離譜嘅係，本身有Häagen-Dazs雪糕嘅，食到中場，竟然話啲Häagen-Dazs雪糕唔可以再食，要留俾dinner buffet。大佬你酒店宣傳是有架嘛!!!  佢地居然用塊布cover住個雪糕櫃，又叫d客話唔可以食，真係勁cheap!!!! 勁核突!!!! 有d客同經理理論，最後酒店都係堅持唔比D客食。因此激嬲了好多客，有D話只此一次，不會有下次。食咁耐Buffet，都係第一次見。好心一係一開始就唔好比客食，點可以食到中途唔比人食，做衰自己個名。一個字:「伏!」

早幾個月前呢間酒店開幕，但係竟然冇餐廳，終於以火車為設計主題的The Platter，提供各款環球及亞洲美食，蒞臨屯門市嘅酒店趁佢開幕做緊八折優惠，約埋屋企人去試吓中午自助餐，眼見呢間餐廳其他分店嘅食評都係麻麻，不過呢間分店做左火車為主題概念，所以膽粗粗姑且一試呢間野都幾難訂位，因為長期冇人聽電話，停車場又冇位，要親身去酒店訂位，都幾唔方便。Anyway, 上到去都坐滿晒人，樓底都矮，啲枱又密，好似快餐店咁，又嘈又迫，食物選擇好少，海鮮得兩種不過有即滾湯粉麵，燒牛肉，甜品最少選擇，雪糕係made in Hong Kong八折後大概每人$200一位，如果想近近地，搵個地方坐低涼下冷氣，都可以一試，不過唔好期望會有好嘢食

睇某blogger介紹依度，都好像好吸引，但講半自助餐資料係零，幻想blogger寫到好吸引，應該好正掛？準備好進入餐廳，由於本身係12點至二點半，但放學後黎到都差不多一點十五分，一入到去爆晒場！準備入閘準備好入車廂坐底食野啦！好在上星期已約左朋友預早左book,如果唔預早未必可坐車廂啊？兒童午餐餐牌，好奇怪係如果叫兒童餐既話就唔可以出去出面取甜品同野食啦！大人既餐就可出去任取野食，所以小朋友都唔食兒童餐食返大人既meal!意大利辣肉腸pizza,薄餅底但好普普通通咁，可惜芝士唔太夠濃。不過如小朋友食感覺上唔算話好熱氣既！今次7乘熟牛扒，冇咩根！薯角小得可憐得四件咋...日本珍珠帶子野菌闊條麵配黑松露忌廉汁，依個粉量夠小朋友食多過大人食。當一見任取野食既位置，現實同幻想係來回事⋯⋯自助既沙律bar,好可惜我遲左一小時黎以為忌廉湯冇晒會再出多煲新，點知原來係冇既甜品完全都係手快有手慢冇既感覺，出一round一款後就冇添加呢！彩色泡芙算係最last一盆甜品，黑色黑芝麻味，綠色綠茶味，紅色士多啤梨味，棕色係朱古力味！雪糕同blogger介紹既哈根大師雪糕完全兩回事，依隻雪糕香港造做既意大利雪