Table

營業中

休息中

.‼️❤️ 記得CLICK我PROFILE關注我呀 ❤️‼️.😋 黃竹坑搵食好去處 @ 🌟 Table 🌟.💁‍♀️ 圖片展示美食為：香草雞扒拼吉列蝦 HKD 98免翁牛柳 HKD 148參巴醬爆炒牛柳粒 HKD 138- 養生燉湯- 茶碗蒸- 茄子肉燥煮- 韓式泡菜飯 + HKD 12話梅柚子梳打 + HKD 15熱情果烏龍茶 + HKD 15紅豆冰 + HKD 15.👽 去新商場行下，都未到晚餐繁忙時段已經見到好多人，即刻被吸引過去，望一望餐牌，果然好抵食，難怪咁多人。.🔥 成個餐牌最吸引我地嘅就係有港式鐵板餐呀！揀左「香草雞扒拼吉列蝦」，同「免翁牛柳」，好大份！望住店員即場倒醬汁上去，熱辣辣嘅鐵板掂到醬汁之後發出渣渣聲，真係滿滿嘅懷舊回憶！.🍱 另外佢個港式晚餐上檯好似日式定食咁，有養生燉湯、茶碗蒸、前菜、主食、飲品，真係抵食。叫左「參巴醬爆炒牛柳粒」配「茄子肉燥煮」啲牛肉好大舊，全部食物份量唔少，味道亦都唔差，成餐飯食完都唔覺得口渴。.🍨 呢度飲品可以跟餐自由改配特飲，我哋就揀咗啲港式經典試吓，「話梅柚子梳打」、「熱情果烏龍茶」同「紅豆冰」，夠大杯，消暑解渴，尤其粒大話梅同紅豆真不錯。.

The Southside開左，就嚟逛一逛，原來都幾多野行，我仲睇中左對Aigle rainboots仲有一間性價比高嘅cafe feel茶餐廳‼️環境都唔錯，下午茶餐一啲都唔貴「鐵板肉絲炒麵」用鐵板上嘅肉絲炒麵可以話係一個gimmick不過同時間都有個好處，就係可以保持到麵條嘅脆度❤️好欣賞個芡汁唔會太稠～～「吉列魚柳北海道咖喱蛋蓋飯」呢個北海道咖喱有微微嘅辣味，吉列魚柳一切開並唔係散的炸衣完美地包裏住魚柳，呢個咖喱飯好食「芥末雞扒漢堡」雞扒夠大塊，望落已經好有睇頭雞扒唔會乾爭爭不過就無咩芥末醬‼️勝在價錢好抵食❤️只係$4️⃣8️⃣咋

今日去咗新商場行吓，見到呢間餐廳，門面開陽，裝修清新，裝修都幾靚，座位都好闊落，估唔到原來係間茶記，真茶餐廳咁嘅價錢，cafe 嘅質素！好味煎肉餅飯煎肉餅飯，煎到香噴噴，又唔會太乾身，加埋超級蔥油，好味！❤️特別介紹，佢啲菜圃，我就好鍾意！加飯食一流！安格斯牛肉漢堡北海道咖喱蛋蓋飯好靚仔，咖喱汁夠香濃，蛋蓋滑滑，牛肉漢堡肉質鮮嫩！熱咖啡走平時飲茶走飲得多，今日飲咖啡走，即係咖啡加煉奶，有幾好飲喎，咖啡唔苦唔澀！

放工去咗黃竹坑新開嘅商場食晚飯係一間好精緻既港式餐廳晚市定食足足有六樣野包括養生燉湯、茶碗蒸、前菜仲有主菜、米飯同埋養生茶同朋友一人一個Set燉湯幾足料，飲落無味精茶碗蒸D 料都幾多前菜揀左薯仔沙律同埋胡麻醬秋葵比較推薦胡麻醬秋葵主菜就係蝦醬四季豆炒黑毛豬蝦醬味好出，同黑毛豬幾夾咖哩牛肋肉就正常發揮，但份量好多米飯仲有唔同嘅款式可以升級加咗個醬油蘭王蛋，撈飯食幾香另外嗌左份鐵板餐免翁牛柳五成熟配黑椒汁食落幾軟腍，黑椒汁夠哂味整體食物水準唔錯，值得一試！

同另一半去咗黃竹坑新開嘅商場行街，意外發現呢間超抵食嘅餐廳🍴港島人必食餐廳😎性價比超高Order：1️⃣安格斯牛肉漢堡扒北海道咖哩蛋蓋飯漢堡扒肉質鮮嫩，咬落去啖啖肉汁，食到好滿足呀😍😍😍熱辣辣嘅咖哩𣺉落香噴噴嘅滑蛋，加埋白飯，呢個組合簡直冇得輸！2️⃣招牌香煎肉餅飯厚身肉餅入面有好大粒嘅章魚🐙而且數量都有好多～配埋蔥油真係好邪惡呀😆最正係竟然會有菜脯🥺無論係撈飯定係撈肉餅都好好味！

黃昏6點半去到，已經好多人。點了兩份set dinner, 唔記得影餐牌，以下係憑記憶描述。小食1(幾揀一)：麻醬秋葵/醉雞翼(有3隻咁多，好好味！)小食2：茶碗蛋(既定，略鹹)燉湯：有雞腳排骨海底椰？瓜，好好味。主食(幾揀一)：冬筍黑椒醬爆雞柳(好多雞肉，個汁甜甜哋，好香口，冬筍好清新，香甜)/蝦醬豆角炒黑毛豚肉(又係好多肉，夠嫩口，好味，個蝦醬不會太鹹)飯：可選白飯或其他飯(加錢)飲品：養生茶(紅色的，微甜，估計係洛神花同山渣)另叫一杯凍飲加$12。整體感覺係好豐富，好滿足，環境都舒適，推介！

🐮免翁牛柳（跟餐湯） $148有蘑菇燒汁/ 黑椒汁 可以揀，牛牛鐵板上，現場淋上醬汁，炸炸聲好有氣氛🤣，牛柳粉紅粉紅咁，外面焦香裡面又林又軟，不費吹灰之力就KO晒2件👍🏻。 羅宋湯-真係好好好好濃，🥬🍅🥕🌶️蔬菜加牛肉，蕃茄酸香加上各種蔬菜甜味再以牛肉提鮮，大碗D就好啦🐷吉列豬扒北海道咖喱蛋蓋飯 $78貼心地有 少飯/多飯 揀，咖哩味道似辛口日式咖哩，香濃咖哩味，少少辣但好食，豬扒好有茶餐廳炸豬扒嘅味道，加麵包糠外皮，香脆實在有質感。🦪廣島蠔＋🦐蝦球石鍋烏冬 $98有 雞白湯/ 蕃茄湯 / 黑蒜油豬骨湯揀，今次試雞白湯先。石鍋真係好滾好滾，烏冬滑lu Lu, 廣島蠔無得輸，肉質嫩滑蠔肉飽滿蠔味濃，蝦球彈牙爽口大隻，推👍🏻 石鍋勁熱記得小心🥤凍鴛鴦凍鴦係香港茶記特色，分層好靚，茶味啡味平衡👍🏻

今日同我嫲嫲去左黃竹坑新商場試新野。去左間叫table嘅餐廳，價格偏貴，預佢似高級版茶餐廳。食左佢下午茶餐蛋面，份量偏少，不過ok好味。熱狗同沙律味道不錯，不過熱狗可以用紙包住會吸番啲水，令佢冇咁濕。總睇ok。價錢午餐同下午茶比較扺食。

Hong Kong Style set dinner 港式料理定食 🇭🇰 $165呢一款一個定食有六樣嘢食嘅晚餐set 超級吸引🤩，今日嘅養生燉湯係滋潤椰子🥥🎃雞腳南瓜湯，煲得好入味又夠健康，仲有滑捋捋嘅蟹柳茶碗蒸🦀🍳、有得四款揀一款嘅appetiser 、開胃嘅芝麻醬撈烏Main course 🍜、甜甜地嘅蜜椒雞柳炒萵筍🍯🍗、同埋補血嘅自家製養生茶☕️，成個定食由碗碗碟碟去到食物嘅味道都充滿香港特色，而且非常豐富Filet Mignon 免翁牛柳 🥩$160性價比好高嘅免翁牛柳係個唔錯嘅主菜，鐵板牛柳可以揀幾多成熟，而醬汁就可以有兩款選擇，今次揀咗嘢味嘅辣辣地黑椒汁🌶️，配上新鮮粟米🌽、幾舊炸脆脆地嘅薯角🥔、養生嘅青椒🫑、椰菜花🥦等，連埋個羅宋湯一齊食，確實幾正！

南區終於有大型商場啦！新商場The Southside 開幕，作為南區友當然要去潮聖一下！見到好多新開嘅餐廳都排哂隊，近近地就去左位於正門嘅餐廳 Table Café ，餐廳環境光猛，設有卡座坐得舒舒服服，晚餐 menu 都有好多款式選擇！今次我同家姐仔嚟 Dinner，就揀左：🌟 紐西蘭西冷套餐包餐湯及飲品，可或加錢轉特飲，今日餐湯係羅宋湯，杯上都幾得意！西冷牛扒7成熟配黑椒汁，都幾大份下，配有薯菜同粟米，肉質不錯，很有港式風味！🌟 安格斯板腱牛肉石鍋烏冬石鍋盛載住熱辣辣嘅烏冬，上枱時個湯仲係滾緊架，雞白湯底啱哂小朋友，烏冬又夠彈牙，安格斯板腱牛肉唔韌又夠牛味，不錯！飲品我哋都轉左特飲，柚子烏龍茶及熱情果梳打，消暑又解渴！

第一次忍唔住寫食評😮‍💨一間餐廳居然會冇外賣，必須要坐低食🤥講佢環保但係堂食坐低又居然可以嗌外賣盒自己裝🤔唔浪費食物呢樣野係啱嘅，但係一間餐廳冇外賣真係奇怪。天氣熱辣辣，外面排隊又係露天，想嗌翻屋企都唔得…或許對自家食物信心十足？但係食物質素可以話係冇咁貴嘅價錢食到中挺以下嘅質素。例如番茄湯底嘅烏冬，湯底濃郁但係味道口感一般。鐵板牛扒塊鐵板一上檯即加汁居然唔識"炸"一聲，有違鐵板嘅功能😟有次下午茶個火腿芝士飛碟亦有少少檸檬味🤔可能所有餐廳都會有的問題，但係第一次食下午茶感覺已稍不妥☹️第二次試埋dinner居然失望而歸。果然事不過三，第三次打算外賣卻失敗而回…

黃竹坑站上蓋新商場The Southside終於正常開幕了！ 今次去探朋友新居入伙，一齊行下新商場，食過靚晚，最後揀咗呢間裝修得優雅大方的Table祭五臟府😋係餐廳出邊排咗幾張枱，就到我地入座，鋪頭採用QR code落單形式，想食咩禁2禁就清清楚楚睇晒，不過我為咗想睇下d食物個賣相，就問咗waiter拎咗份有相的menu參考下。其實menu都幾多選擇，主要有鐵板餐(西冷 牛柳 雜扒 豬扒 雞扒)、北海道直送咖哩滑蛋蓋飯、石鍋烏冬 (安格斯牛，黑毛豬，廣島蠔，鹿兒島叉燒) 同埋最多人點的港式六道菜料理定食🤔定食: 燉湯+茶碗蒸+雞中翼+脆蝦球+腐乳葱油撈飯+養生茶雞翼正常操作，不會過咸。蝦球有酒樓水準，有成5-6件，香脆得來沒有雪藏蝦味，食材處理真係好緊要。腐乳真係大大粒Cube Size咁比你，DIY將腐肉同葱油撈埋白飯，將成個白飯層次提升了一級！定食: 燉湯+茶碗蒸+燒粟米+壽喜燒牛肉+韓式泡菜飯+養生茶燒粟米切成小片，方便入口。壽喜燒牛肉份量有點多，送飯一流，牛肉不會有過多肥膏泡菜飯有點兒令人哭笑不得，可能食返普通白飯/腐乳葱油較好燉湯幾足料，而家講求健康，飲完都唔會口渴，仲有湯渣

黃竹坑開咗個新商場 為食妹👧🏻當然要去湊吓熱鬧🙌揀咗間平平哋性價比都唔錯嘅西餐廳 鐵板扒餐有五款 我哋分別點了免翁牛柳和紐西蘭西冷 醬汁可選擇黑椒汁|蘑菇燒汁 配埋餐湯 另外半價配飲品🍹熱情果烏龍茶🍹粉紅西柚烏龍茶羅宋湯細細杯 味道正常兩款鐵板上枱嗰刻 店員淋上醬汁 吱吱聲好過癮😆點了七成熟 牛柳同西冷肉質軟腍 兩款口感都唔錯👍🏿西冷size巨形 好滿足❤️我地大食仔唔夠喉 追加一份板燒厚切牛舌北海道咖喱蛋蓋飯開心share 😆厚切牛舌軟嫩徧淋 超鍾意🥰咖喱甜甜辣辣 惹味😛

開頭睇menu以為係少少西餐嘅餐廳原來係無all day breakfast食嘅純粹茶記但裝修靚D好唔容易俾我等到2點30下午茶但都係唔啱食結果要叫返lunch窗口D長chair確實坐得唔多舒服好硬同要烏到好低食野值得一讚嘅係份量真係好大我覺得佢同樣價可以俾少1/3宜家完全食唔曬前後叫左3樣野煎肉餅飯配左咸酸菜但其實得D咸酸菜同豉油係有味個肉餅本身係無味咖哩牛舌滑蛋飯真係大到要打包咖哩偏咸同辣滑蛋好滑牛舌倖左4大條甘多可惜只有一條係juicyD其他都較乾最好食係個雞扒漢堡蜜糖芥末好食雞亦夠滑

週二與友人去Southside行行,  見環境唔錯, 入去食了兩個茶餐, 一份肉粒飯, 一份咸牛肉熱狗, 用料上佳,  整得好好味, 性價比奇高!  D侍應醒目勤快, 會主動講解配菜有咩選擇. 今時今日真係叫人驚喜。有衝動想問佢仲係邊區有開分店 : )