Table

營業中

休息中

係平台叫咗三個吉列豬扒蛋蓋飯 , 等咗1個小時 , 點知送嚟一個飯 , 送漏兩個 , 合飯只係暖暖地 , 打電話去商戶想話了解 一直冇人接聽 , 無法跟進 , 完全冇服務 , 不知所謂 , 同騙案冇分別

接男朋友收工然後一齊去食飯ꉂ ･ ･ ☆見到新商場新餐廳 好多人喺入邊食緊嘢應該唔會差得去邊度 所以揀咗呢間餐廳食佢既門口係𝖔𝖚𝖙𝖉𝖔𝖔𝖗 入到去坐低係梳化凳本身覺得有啲高 但坐坐下又覺得𝕆𝕜 餐廳佈置都係用綠色 𑁍𑁍仲有棵樹係中間位置 𑁍𑁍有清新既感覺⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 免翁牛柳鐵板餐 $𝟙𝟜𝟠鐵板係牛既公仔 好𝖈𝖚𝖙𝖊⌯'Ⱉ'⌯ 小驚喜 有羅宋湯做餐湯 因為𝔪𝔢𝔫𝔲無寫鐵板餐除左牛柳仲有好多餸 有大大舊薯角 粟米 瓜 同 椰菜花 牛柳揀左五成熟 煮得剛剛好 •⤙•𝓗𝓸𝓷𝓰 𝓚𝓸𝓷𝓰 𝓼𝓽𝔂𝓵𝓮 𝓼𝓮𝓽 𝓭𝓲𝓷𝓷𝓮𝓻 $𝟙𝟛𝟠𝜗𝜚 超豐富既𝓼𝓮𝓽 𝜗𝜚‎➳養生燉湯 勁豐富 有荔枝肉 桃膠 排骨 瑤柱 雪梨 個湯勁甜 真係好養生^•ω<^ ੭ ‎➳茶碗蒸 有雞肉同菇 我同男朋友都勁驚喜有咁多餸係蒸蛋入面‎➳前菜 四選一 晚上七點先過去食飯 所以紅油抄手已經賣曬 ⸝⸝ʚ̴̶̷̆ ̯ʚ̴̶̷̆⸝⸝最後我揀咗意式蕃茄蝴蝶粉沙律 小朋友應該會好鍾意 顏色同蝴蝶粉都可以吸引小朋友既食飯興趣‎➳主食 五選一 本身想揀馬拉盞菜心炒牛肉 但係又賣曬 ⸝⸝ʚ̴̶̷̆ ̯ʚ̴̶̷̆⸝⸝所以最後我

第一次嚟The Southside，有好多唔同餐廳選擇！依間Table雖然門口係商場出面，但都吸引到好多人排隊，望入去個環境好園林feel，好清新舒服咁，一於試一試！Menu都有好多唔同選擇，有港式料理定食、有北海道咖哩滑蛋蓋飯、石鍋烏冬 等等，真係花多眼亂，不過最吸引我哋嘅係鐵板扒餐！嗌咗兩個扒餐，有餐湯跟，今日係羅宋湯，用隻杯上都幾得意又方便飲，味道方便超濃郁，有驚喜喎！我揀咗免翁牛柳 配蘑菇燒汁 仲可以多汁㖭呀 讚！免翁牛柳鬆軟肉味濃，好正！男朋友嗌咗紐西蘭西冷，叫五成熟真係可以做到切開有啲粉嫰色，肉味都濃香，肉質實啲有咬口，唔錯唔錯！配埋黑椒汁，惹味得嚟又唔會好辣！飲品我叫咗紅豆冰，啲紅豆淋得嚟係有咬口，我鍾意！男朋友就叫咗粉紅西柚烏龍茶，西柚味真係濃，都飲到烏龍茶味！

Southside真係太好hea~慢慢咁逐間逐間餐廳食下先Table晚市經常爆場 趁早收工即刻去🤭1730到仲可以拍下片～晚市大致分為中式晚餐/鐵板餐/蛋包飯 坐得好近出菜位 其實見每款都好吸引 而且份量好大不過想食多款式嘅話 非中式晚餐莫屬✔️養生茶有啲杞子～好濃郁，有少少甘味，感覺好健康 ✔️茶碗蒸有水準嘅茶碗蒸 好滑溜 仲有鳴門卷🍥雞肉 又重蛋味✔️紅油抄手作為一個餐前小食，竟然有三隻咁多個辣汁超開胃香口 辣妹啱晒✔️琥珀芥末脆蝦球係比較mild嘅芥末味 老幼咸宜蝦頭爽口彈牙 炸漿亦都夠晒薄身仲有啲琥珀合桃同埋三色椒碟餸一嚟到個感覺就好開心😁✔️胡麻醬冷菠菜冇諗過前菜都咁大碟 菠菜嫩口夠晒乾身配埋啲胡麻醬食好開胃 小朋友都會自動自覺食✔️燉湯雪梨燉排骨湯～呢個真係我呢啲無飯家庭嘅恩物飲落夠晒清新滋潤 排骨燉到妹腍 我全部湯料都食晒😉✔️馬拉盞菜心苗炒牛肉冇諗過炒得咁有鑊氣 菜心苗好嫩口牛肉份量超級多 馬拉盞，又夠晒香口✔️蘭王蛋醬油飯✔️胡麻醬烏冬主食可以揀白飯/烏冬/蘭王蛋醬油飯我仲點埋紅豆冰添😆餐廳嘅樓底好高 空間感足 冷氣又夠 坐得好舒服而且餐廳仲會定期轉餐牌㗎 有留意佢哋社交平台一星期都轉

餐廳裝修好簡約好有活力，相對員工同客人原來就唔係太年青早餐都好多選擇有少少選擇困難最終揀咗個救殭屍嘔湯通粉，都幾ok嘅，薑可以再多啲，牛肉彈牙嫩滑，奶茶亦都幾好味另外叫咗個歐洲式雞扒豬肉腸沙律，有驚喜，味道同份量都非常可以，喺黃竹坑區佢嘅出品同價錢性價比極高

難得喺呢頭做野，放工即刻去參觀下個新商場~不過個商場樓底有啲矮，有啲壓迫~所以去左地下揾食，個景好開揚~又有中日西餐揀,啲服務都好好添~🔹港式料理定食🔹 好推介呢個set~第一次見啲咁fusion嘅set~日本style，但用萬壽無疆餐具~有中式嘅燉湯、日式蒸蛋~再揀左紅油抄手、超濃粟米脆魚塊~同蘭王蛋醬油飯~仲有杯養生茶~全部都好食~大滿足呀~🔹安格斯板腱牛肉石鍋烏冬🔹又係第一次見熱得咁誇張嘅石鍋~未食都知係好野~雞白湯湯底~好香好入到啲烏冬~🔹餐飲🔹晚餐可以半價餐飲~熱情果烏龍茶 - 成個茶包加熱情果醬，味道比例剛剛好~紅豆冰就唔會輸~

免翁牛柳（跟餐湯） $148可選蘑菇燒汁/ 黑椒汁, 鐵板上會即場淋上sauce, 牛柳切開中間仲係粉紅, 外面焦香肉質軟腍, 羅宋湯好濃厚, 有多種蔬菜甜呂加牛肉，再加堆蕃茄酸香幾好飲黑豚肉石鍋烏冬 $98有雞白湯/ 蕃茄湯 / 黑蒜油豬骨湯揀, 試左雞白湯先. 烏冬滑溜唔會太腍, 湯略咸. 石鍋好滾夠哂熱,可以keep 住溫度的食到最後豚肉就鞋左dd 會想試其他款野飲加錢要紅豆冰好正, 地方都算闊落 人流turnover 都快, 生意好有原因

Southside 終於落成，南區起左個連住港鐵站嘅新商場，裏面嘅餐廳質素都好高！Table 係 southside 之中，無疑係一間性價比高嘅餐廳，價格相宜！好多街坊平時都落嚟食晚飯😆晚上有港式料理定食 Set Dinner Menu，好奉承。仲有其他鐵板扒餐同飯餐揀，人頭冇最低消費。值得一讚。👍🏻 餐廳好受歡迎，晚上七時來大概排隊10分鐘便可以入座。Set Dinner $138養生燉湯 + 茶碗蒸 + 前菜 (自選: 川式麻辣豬肚絲) + 主食 (自選: 日出鹹蛋蒸肉餅山) + 米飯 (+$12 蘭王蛋醬油飯) + 養生茶麻辣豬肚絲肥瘦相間，好爽口👍🏻 啱晒鍾意麻辣鮮香既朋友，開胃菜😋茶碗蒸超好食！ 濃郁蛋香，日式風味，蒸蛋超滑 🥚 裏面有滿滿的餸提鮮，味道層次豐富！蘭王蛋飯 - 米飯粒粒分明，蘭王蛋好新鮮🥹 流心好吸引，加埋醬油，每粒飯都吸飽咗醬汁香味😍肉餅山就唔洗多講～港式美食！連肉餅都做到獅子山精神，真係得香港人先做到😂 肉塔真材實料，啖啖肉，裏面仲富有肉汁👍🏻鐵板餐：免翁牛柳配餐湯 $148 (可半價加配飲品)免翁牛柳 = Filet Mignon，鐵板上吱吱聲 🎶

平時好少過嚟黃竹坑，今日約咗朋友喺附近玩，趁未夠鐘嘅時候，見到有間餐廳好多人排隊，喺門口望左陣個Menu，發覺食物款式都幾多，而且價錢合理，決定試一試。好快職員安排咗我哋入座，入邊環境幾舒服，餐廳用QR code落單，真係慳返好多時間。我最欣賞餐廳設有自助飲水區，有常溫水、熱水同埋檸檬水。真係非常細心！巴基斯坦皇室咖喱牛腩飯:這道咖喱牛腩飯色澤誘人,肉質柔軟入味,咖喱醬料香濃醇厚,非常下飯。飯後回味悠長,令人胃口大開。這道經典菜式堪稱是一絕。安格斯牛肉漢堡扒北海道咖喱蛋蓋飯:這道創意十足的蓋飯造型美觀,材料新鮮可口。安格斯牛肉漢堡扒鮮嫩多汁,與入口即化的北海道咖喱蛋完美搭配。咖喱醬料香濃不膩,為這道蓋飯增添了許多韻味。整體口感豐富,令人難忘。

黎到黃竹坑最新商場　southside 行下 到晚餐時候 經過門口望menu 吸引咗我同媽咪入去食嘢 好彩早少少入店 一下子坐滿座 可見人氣十足 環境光潔明亮，有棵樹喺中間裝飾，而且更有戶外座QR code落單快捷，方便落單，等一等就有嘢食啦 叫咗一份免翁牛柳 跟磨菇燒汁跟餐湯 免翁牛柳淋之餘有肉汁 鐵板上保持到溫度，又有風味 港式風味定食 有選擇困難症最啱揀呢款有共6款不同食物湯茶養生茶 （養生燉湯 （好多養生材料 好天然味冇味精）茶蒸碗 高知土佐豆腐（炸豆腐黎 重有埋汁配）甜 酸鳳梨松阪肉（正 咕嚕肉製法）蘭王醬油蛋飯（醬油蛋撈飯，我至愛）熱檸菜蜜 夠滋潤話梅柚子梳打 酸酸甜甜夠清爽最後再開心share咗杯熱柚子蜜添冲得好好飲我哋離開嗰陣時店仲大排長龍添Table (黃竹坑)黃竹坑香葉道11號THE SOUTHSIDE LG樓LG03號舖@table_thesouthside hashtag #Table #Tablehk #黃竹坑美食 #西餐咖啡店 #TheSouthsideTable cafe"香港探店/香港咖啡廳/西Hashtag #香港美食 #香港探店 #香港必食餐廳 #

落地玻璃，店內有好多綠色植物，光線明亮！港式料理定食 $138，好特別，成個set包左6款食物，包括養生燉湯、茶碗蒸、前菜、主食、米飯同養生茶，非常豐富！👉🏻養生燉湯入口清澈鮮甜，濃郁而不膩，餡料多，真材實料！👉🏻茶碗蒸賣相精緻，嫩滑嘅蒸蛋，入面仲有雞肉同菇！👉🏻日式醬油煮牛筋牛筋極軟淋，色澤濃好入味！👉🏻桂花柚子蜜餞蝦球共七件，香甜嘅桂花柚子蜜，口感層次豐富，蝦球肉質飽滿彈牙，味道酸甜又清新！👉🏻蘭王蛋醬油飯 (+$12)橙色嘅蛋黃，蛋滑味濃，伴飯一流！👉🏻熱情果烏龍茶 (+$15)唔會死甜，有清爽冰涼感！👉🏻免翁牛柳 $148自選度高，可揀汁量口味、熟度、碟上或鐵板上等，牛柳揀左5成熟，呈粉嫩色，肉質軟淋揀左蘑菇燒汁，仲有大量椰菜花同薯角！👉🏻羅宋湯跟餐附送，唔會太稀，溫暖又開胃！👉🏻話梅柚子梳打 (+$15)酸甜嘅話梅配清爽梳打，有氣泡感，消暑解渴！

去過The Southside 3次，都唔知有Table呢間店，係睇openrice先知佢嘅存在，仲有最多好評添。今晚喺黃竹坑站轉車，特登去食番餐。原來佢座落商場正門，但門口喺戶外，淨行室內係見唔到佢㗎。好耐無食過鐵板扒，加上非常肚餓，就叫左個免翁牛柳五成熟($148)升級特飲熱情果烏龍茶半價($15)。手機落單好方便，上菜都好快手。扒餐包左羅宋湯，好濃好夠料，雖然細細杯，但份量真係夠㗎啦，因為個扒餐係好豐富嘅。兩塊厚厚牛柳，粉嫩淋滑，配菜有番茄、椰菜花、粟米、脆肉瓜、大量薯角，全部都好味，包你食飽飽。熱情果烏龍茶則較遜色，用烏龍茶包，但唔係好覺熱情果味，比較清淡，但驚喜佢係用甘蔗渣飲管而唔係紙飲管，呢個又加分。總結食店環境清新，食物用料新鮮優質，賣相精美，性價比高免加一，喺湯杯同單據都見到名稱係‘茶東西’，應該係茶餐廳升級傑作，一定要大推！

今日同屋企人去Southside行街，夜晚去咗呢間Cafe食飯，原先以為係西餐，睇完Menu先發現原來係間港式Fusion Cafe，無論係裝修同環境都完全唔似，好有驚喜😂 見隔離一個二個唔係叫鐵板就係要晚市套餐。每份會包是日養生燉湯、茶碗蒸、前菜、配菜同主食，仲有個養身茶，擺盤精緻，細細一份，淨係賣相已經贏咗。前菜嘅話我最鍾意高知土佐豆腐，出邊好少會食到，個豆腐都幾滑，而且外層薄身又脆。配菜都有唔少選擇，呢啲最啱大家一齊開心Share，咕嚕肉酸甜到啱啱好、蒸肉餅鹹香味突出、牛肉都算淋身，可惜無羊～

餐廳位於THE SOUTHSIDE地下，採用Cafe設計但主打港式Fusion菜，早/午/下午茶/晚餐時段有唔同套餐供應，平日晚上都Full House，遲少少仲有人龍，食物價錢合理，難怪大受歡迎。晚市套餐包括養生燉湯、茶碗蒸、前菜、主食同澱粉，客人可因應個人喜好選取菜式，而每個星期都會更換菜單。湯底清甜無味精，配料豐富，暖笠笠好暖胃、茶碗蒸滑溜，調味適中。前菜有陳年黑醋雲耳拍青瓜，個人最鍾意呢款，微酸微凍十分開胃、韓式醬煮蓮藕片較清淡，蓮藕帶點咬口，正常發揮、高知土佐豆腐比較特別，外層脆身，豆腐滑溜，搭配醬汁更惹味。主食有齊豬牛雞，私心推介甜酸鳳梨松阪肉，酸甜入味，外層脆身，肉質嫩滑、日出咸蛋蒸肉餅山打卡able又好味，鹹鹹哋配飯一流、而京蔥醬爆牛肉，法式紅酒野菜燉牛肋肉同XO醬三菇炒雞柳就正常發揮，唔鹹唔油，感覺健康。另外餐廳有幾款鐵板餐供應，跟餐配羅宋湯，免翁牛柳都幾大塊，五成熟上枱後變到七成就啱啱好食得啦，肉質軟嫩多汁，有黑椒汁同蘑菇汁，旁邊附上椰菜花、紅蘿蔔、粟米同粗薯條，幫助解膩，配搭唔錯。

冬陰功是一道著名的泰國酸辣湯,以各種新鮮海鮮和香料為主要食材。這道湯濃郁醇厚,酸辣有致,是泰國菜中的經典之作。首先,湯底用柑橘類水果如檸檬草、柚子、橙子等調製,添加魚露、辣椒等調味料,酸辣味道層次分明。然後根據個人口味加入蝦、魚片、貝類等海鮮,還有香菜、蔥花等香料,為湯底注入新鮮味道。冬陰功不但味道出眾,也富含多種營養。海鮮提供優質蛋白質,柑橘類水果則含有豐富維生素C,辣椒可促進新陳代謝。這道湯清淡爽口,開胃消脂,是養生佳品。整體來說,冬陰功集酸、辣、鮮、香於一身,是泰國美食的代表作之一,值得一嘗。