Sweets House Cha Cha (已結業)

老婆一向是抹茶雪糕的擁戴者，行過Log On都無放過，要食返一杯。之前成日食，貪佢啲抹茶味夠晒濃。但想唔到，今次有點失味。好似溝多咗水咁，個軟雪糕易溶咗。食咗兩三啖，就感覺到雪糕開始融化。同時間抹茶味都無咁濃郁。作為抹茶雪糕專門店，這樣的分準很難再維繫鐘意食的吧？仲要賣緊三十幾四十元最平的一支，這個質素有點不值。還好，個脆筒都保持到仲好干脆，食起上黎唔會濕淋淋的。這是值得一讚的地方。還有，雪糕不會太甜，這點也是值得一讚的。

呢排士多啤梨當造，所以Sweet House Cha Cha 最近都推出期間限定的士多啤梨北海道牛奶軟雪糕應下節。將士多啤梨打至果蓉再加入牛奶軟雪糕入面，因為用的係白色士多啤梨，所以你見到個雪糕並沒有好深色的粉好色，但無減士多啤梨香甜味，面對再加上啲士多啤朵味的粉末。一咬入口，充滿士多啤梨香味，我非常喜歡。供應期至到3 月15 日，快啲去試下啦... 

呢間分店喺Logon入面，面積冇咁大，就冇車輪餅賣喇，不過冇所謂，我主力係想食雪糕。抹茶牛奶威化筒 $32/大我地揀左抹茶牛奶，方便雞手鴨腳嘅我當然都係點威化cone裝… 大size同細size相差10蚊，都爭幾遠，三十零蚊有杯幾高質嘅雪糕都唔貴。店員都唧得幾細心，食到底都有雪糕。雪糕質地厚滑，抹茶味甘而不苦，北海道牛奶香濃，整體奶味重，稍稍蓋過茶味，所以如果單點一款味道，會相當唔錯。威化cone脆得黎硬身，唔會好似食左陣風，加埋雪糕食，感覺實在！不過可能奶成分佔多，雪糕都會溶得幾快，趁凍食。一路都覺得Cha Cha嘅雪糕幾好食，以抹茶乜乜而言，價格都算親民。

今日新年流流嘅年初五，特登去青衣城食雪糕，點知換上無禮貌對待！比現金HKD＄120買咗３杯雪糕，都係買比小孩食，出咗門口一陣想行其他商店，只好走回雪糕店問有無「蓋」可給上？櫃位內個位小姐有禮貌幫其中一杯換上新杯後找不到「蓋」便叫了個黑衫有眼鏡女員工問有無細「蓋」，點知個黑衫員工話換杯每個要收HKD＄４連講３次跟著又話雪糕唔做外賣！我咪問點解換杯前唔講要收錢呀？唔換都換咗咁點呀？見我咁講就即刻話唔收我錢！我知係即食雪糕！只係問有無「蓋」啫！黑衫員工今時今日啲咁嘅服務態度令我呢個香港人好想知自己係咪去錯地方？！HKD＄120買３杯雪糕！係咪覺得我連HKD＄4會比唔起呀？以後都唔會再去青衣城呢間買雪糕食！我都有去其他雪糕品牌買過雪糕食，價錢高，服務質數好過你百倍！

有點驚訝，竟然在LOG-ON入面~~~來到青衣，還是吃~~~ 喜歡綠色的小編一見到就兩眼發光了！就算剛剛已經吃飽了，也需要一個飯後甜品才會完滿！ 這一個牌子之前已經有所聞，所以試一下！ 我點了M1，單純想試一下綠茶雪糕！ 到手了！拍照後立即品嚐！ 嗯~~~>"<！好好味！綠茶的甘味衝入我的味蕾，是真正的綠茶味。這雪糕很滑，牛奶配合很好，一邊品嚐一邊大讚！ 雖然不便宜，理應有這樣的質素，只是雪糕也應該要控制得好才能做得出色！推介！

京都宇治抹茶軟雪糕沙冰今日同P大人行青衣城, 走到LOG ON睇野, 有點口渴於是走到sweets house cha cha看看。好耐之前我有食過呢度既抹茶軟雪糕, 當時覺得好重奶味喔...不過P大人愛吃雪糕, 所以點了這個試試。雪糕好像比以前沒那麼重奶味, 令到抹茶味道更明顯,抹茶沙冰, 好飲!!係我喜歡既個種味道, 甜度雖然高左D, 但配埋雪糕能夠中和返個D甜味,甜抹茶黎講茶味算是突出, 相當唔錯~!

每次去開Sweet House Cha Cha，一定會食至愛既綠茶軟雪糕🍦，今日去到呢到，見到有期間限定既蜜瓜雪糕，竟然一反常態試左呢杯新出品既雪糕，淡淡的橙色雪糕有著香甜蜜瓜味, 質地都係好似食開既綠茶雪糕咁幼滑，咁有奶味，而且筒都仲係好脆卜卜，唔會好似有D筒淋曬期間限定既就試下啦，真係好味又消暑既良品

每次去Log On我都必食Cha Cha的雪糕，綠茶雪糕宜家大行其道，但我獨愛Cha Cha的！以前無迷你版，一食就要食大杯，宜家出左迷你價錢更吸引！北海道3.6牛乳+宇治抹茶迷你版$20，Size都唔細，一個人夠食啦！(不過今次我要同老婆些牙，兩溝雪糕可以一齊次享受兩種口味，話晒用北海道3.6牛乳，充滿奶味，好香又滑，純白色無渣。抹茶沒有想像中的苦澀味，都是滑滑地仲帶點甜味，是正品的抹茶，小人覺得抹茶部份較多！$20的確超值，趁炎炎夏日去食返杯:

又有新品啦, 今次係士多啤梨味, 見MENU杯雪糕好粉紅好可愛. 已經忍唔住想試.推廣日期是 29/3 - 8/5士多啤梨配抹茶雪糕 $30 士多啤梨與抹茶紐紋雪糕，頭個幾啖都食到士多啤梨味，但之後被抹茶味蓋過。仍然覺得抹茶味最正最濃厚。士多啤梨北海道牛乳雪糕 $28新口味士多啤梨味用上法國嚴選果蓉，味道天然清新，牛乳味比較重，雪糕好滑好厚身。試完新口味, 覺得唔需要特別買來試, 一來個雪糕顏色好淡, 似牛乳白色.起初我仲誤會牛乳味, 問清楚店員, 原來用天然士多啤梨果蓉, 不含色素, 所以比較淡粉紅色. 但幾岩小朋友食, 因為成份天然有質素.

香港好多好野食, 唔使去日本都有好味既香濃抹茶雪糕買左杯抹茶牛奶味甜筒雪糕用左北海道牛乳, 口感特別滑牛奶味香濃, 抹茶味唔苦, 同via tokyo一樣咁濃咁滑甜筒好似餅干咁, 脆脆地好味道$30抵食

葵芳log on開幕，近收銀處附近有間Sweet House Cha Cha, 在當眼處會見到「聖誕期間限定」的宣傳牌。原本已為這Sweet House Cha Cha 在Openrice登記了新戶口，可惜它剛才覆我電郵說: 未能加入這餐廳資料，因為不能核實這餐廳資料，要提供電話號碼或店門口相片。只怕到我有時間去為Cha Cha拍門口相片時，聖誕已經過去了！ 唯有借助最近的青衣分店出文吧！彩色繽紛聖誕樹 $48抹茶軟雪糕有茶青味，牛奶味道沒有把抹茶的甘澀掩蓋，甜味適宜，滑溜無窮，綴上彩紅脆米波波，烘脆過的米糰吃到是有些軟糯，底層是裹上黃豆粉的蕨餅，清甜煙韌，是有點咬不斷的口感，小朋友吃時要特別留神。

Sweet House Cha Cha 大家應該都不會陌生，幾年前它空降住宅區中的商場: 青衣城，並不會都它有一種驚喜感，可能因為它的位置距離我家太近，有種垂手可得的感覺，反而在尖沙嘴分店吃Sweet House Cha Cha，感覺上會覺得珍貴一點 (哪裡來的邏輯?)。最近 (也不是最近) 抹茶當道，抹茶的商品基本上都不會賣得相宜的價錢，卻不乏熱心的追捧者 (例如我! )。炎炎夏日，要吃抹茶制品，少不了雪糕；Sweet House Cha Cha因地點實在太便利，已經成為了我忽然發神經想吃抹茶雪糕的必到之處。今次試宇治抹茶沙冰配雪糕，雪糕誠言不是主菜，底下深綠色的沙冰才是主菜中的主菜。一直都認為這家店的雪糕經已是走隱守路線，雖然抹茶的苦澀味道不太突 出，但它對甜度的控制和雪糕本身幼滑程度的控制相當平衡，以致吃起來不會有一種甜品帶來的甜的負荷。第一次試沙冰，十分清新，當下有種覺悟感概是為甚麼之 前不嘗試去吃抹茶沙冰! (閃電: 銀芽) 抹茶沙冰的甜度比雪糕更少，苦澀味道較為突出，中和了上層雪糕甜膩和滑溜感；在完成上層雪糕後，下層的沙味正好為整個甜品的一個好句點。Find us on:

Chacha都新出左爆谷雪糕！！！Chacha既雪糕不用多解釋了吧？當然是抹茶味及奶味並重又軟滑。而焦糖爆谷疑似是Garrett出品，均勻厚厚的焦糖包圍着爆谷，保持脆脆口感，不用多費唇舌說有多邪惡吧！雪糕可選抹茶/北海道牛奶/抹茶牛奶味道。

這間位於log-on內的雪糕店，綠茶口味濃郁，密度高，每一口都充滿綠茶味，吃下有苦苦回甘，定價只是$32，事日重要用地鐵公司$10coupon，折實$22，實在太抵了...店內還有3.6牛奶雪糕不同配搭，如果一個人食不完還有迷你版選擇, 好似都係$22蚊，的確好味又抵食。

又有新品啦, 係期間限定: 櫻之軟雪糕系列. 粉紅色好靚, 又係大受歡迎既櫻花主題.期間限定: 櫻之軟雪糕系列 ($45) :雪糕可揀北海道牛奶/ 抹茶/ 扭紋. 朋友未試過就揀扭紋試哂2個味啦.雪糕一向厚濃厚美味唔多講.特別之處, 就係今次限定主角. 櫻之餅 (紅豆餡), 以及櫻花白豆蓉.櫻之餅 好好味, 外層有塊葉包著, 餅係煙煙韌韌既米, 內裡係紅豆餡. 食落唔會太甜.另外櫻花白豆蓉就好靚好吸引, 不過就甜左少少, 而且冇咩特別味.