主打地中海式意大利菜嘅JUNO，最近推出新Weekend Brunch Menu🥂加$198就可以有free-flow，好適合大家聚會談心慢慢傾😙 前菜嘅選擇偏向地中海菜，而主菜選擇就有牛扒、意粉🥩🍝同佢哋招牌嘅海鮮砂鍋西班牙短麵等等🦐甜品又繼續去返意大利，有奶凍或者Tiramisu🥰奶凍好滑嘟嘟👍🏻而Tiramisu就比較挺身，濃郁重蛋香🥚 整體餐廳氣氛比較輕鬆新派，weekend約人傾下偈又唔會太嘈👌🏻

係中環街市坐路邊吧枱食Omakase別有風味😋好似真係去咗日本嘅魚市場咁😆 呢度嘅omakase set都唔貴👌🏻價錢有$398同$688，圖中$398嘅套餐就有10件壽司+1件手卷🍣再附送1個湯🍲10件壽司入面已經有拖羅、海膽呢啲重點必食👍🏻如果揀$688個餐就會有埋刺身。 魚生同海膽都好新鮮🤩尤其是海膽好甜！ 最後個茶漬湯都好濃魚味好驚喜👍🏻 不過樓面得1位店員踢晒腳，師傅都只有2位，望住佢哋密密做，但人多時都係要等一下。

本身睇環境以為係得個樣嘅cafe🤣諗住只係for打卡用🫢點知食物又出人意表地幾高質喎！ 尤其是和牛！平時要食到咁有水準，油花十足嘅和牛可能講緊過千蚊一餐😣但係呢度係2百出頭就有成交🤝套餐仲有齊前菜主食，真心抵食👍🏻 甜品揀抹茶affagato都幾正😋牛奶雪糕好香滑！加埋甘香濃郁嘅抹茶🍵溝埋變咗matcha latte😛 飲品本身套餐無包，但可以加$25配荔枝烏龍/葡萄烏龍，佢哋係飲落好清香嘅果香茶，而唔係加咗糖漿嗰種😙

呢度環境好適合打卡！而且食物有水準之餘，價錢亦親民就算晚市有齊4道菜都只係$198係大商場，地鐵站一出嘅位置咁方便都收呢個價錢，真係值得再訪！ 主菜我哋揀咗西京燒時令魚同慢煮澳洲M7和牛板腱扒，非常高質！尤其是和牛，雖然份量唔係多，但勝在油花澎湃！如果大食可以考慮魚，份量有成2大塊，而且都燒得好嫩滑😋 前菜揀咗炸豆腐、蟹肉梅酒啫喱、冰鎮鮑魚同日本A5和牛，一個餐可以食晒2款不同產地嘅和牛😌非常豐富👍🏻推薦！

期間限定HK Lemon Story🍋主題Menu 好有驚喜😍呢間樓上小店勁有heart，由麵包到伴碟到湯汁，每一樣都係自家製，無用任何現成貨！ 細心到餐前麵包已經開始配合主題，用咗檸蜜配牛油多士🧈晚餐附送Lemonly Alsatian Reisling🍾飲落真係有檸檬同蜜糖嘅香味🍯又襯返個主題😉 餐湯無論係蕃茄薄荷湯定龍蝦湯🦞都係真材實料無加忌廉，飲落口感唔會去到好杰但係又夠濃味😯 牛油果意粉🥑同意大利飯同樣係無加忌廉，而係用椰奶，食落就無咁膩😌 意大利飯仲好重香茅味，好似飲緊冬蔭公咁！ 呢度嘅豬腩肉真係食得出功夫😙夠入味之餘，個皮脆到不得了🤤皮下脂肪亦都融化晒🥰口感一絕！ 最後甜品試咗個無糖香蕉煎餅🍌同檸檬雪芳蛋糕🍰煎餅入面夾滿香蕉，所以完全唔需要加糖都夠味，仲有牛油果、芒果泡沫🥭同紅菜頭雪皅配埋一齊食，味道更加Fresh! 檸檬雪芳上面都嘅mamalade🍊都係自家製，果皮清香無被甜味掩蓋👌🏻 由頭到尾都盡顯心思嘅一餐😘真係好適合請另一半嚟食檸檬呀🈴️勝價比仲超高！連鎖店價錢食五星酒店水準！大推！ Lemony Long Lunch $288/p / Dinner $638/p

食Omakase又得👌🏻食Lunch Set亦得😎得左！ Lunch Set好豐富，有前菜3點+麵豉湯+主食+甜品🥰 主食有生有熟，生既揀咗月山海鮮丼(圖1)，入面有好多唔同魚生刺身🤩有拖羅、海膽、三文魚籽、油甘魚等等，質素都好好，十分鮮👍🏻 熟既就揀咗A5和牛西冷🥩份量就唔多，不過真係重質不重量！外層煎到脆脆地，肉質就入口即溶☺️滿爆油香！ 餐廳環境都好靚🫶🏻可以參考圖3👆🏻推薦😋 燒日山 A5 和牛西冷 $558 月山海鮮丼 $438

估唔到😯我以為呢度淨係得串燒🍢原來有Omakase食嫁😱師傅仲好專業好Friendly☺️一路食一路照顧我哋嘅口味同需要👍🏻 今次個餐都好豐富😋有前菜3點+刺身5款+壽司6件🍣魚湯🐟同埋甜品🍨 生蠔好厚肉鮮味👏🏻壽司唔普通！有鵝肝和牛壽司，一擺入口就係勁爆油香🤤仲有鮑魚肝醬拌飯😍超正！好似risotto既口感！ 佢地係沙田同尖沙咀都有分店🤓九龍同新界區既朋友，都可以試到咁親民價既omakase la😜

黎到龍蝦專門店，當然要食龍蝦乜乜乜啦🦞 我哋2個人，叫左2份sides同2份main，當中包括最招牌重點推薦既lobster mac & cheese同lobster roll！ 個mac & cheese其實有少少圖文不符🤣因為menu幅圖係有個龍蝦頭做裝飾，但實物係無既😥所以影相就無咁靚，不過！食落都係好多大大件既龍蝦肉，彈牙爽口😋重點係，通粉部份都做得好好！超級creamy🤩我哋2個人係完全食唔晒😅因為太膩啦，建議大家要3-4個人share！ Lobster roll曾經係香港盛極一時，不過宜家又買少見少了😔好少地方有得食。呢度既然主打龍蝦，當然唔單止有得食，仲要食質素都唔錯添嫁👌🏻

呢間新開既日系風格cafe都吸引左唔少人，建議大家可以book定位😌 除咗基本既意粉🍝全日早餐之外🍳最多人打卡既當然係Tea Set Picnic Box或者圖中既Toast Set🍞 多士餐除咗mini toast之外，仲有朱古力mini pancakes🥞都可以自己動手燒✌🏻但其他食物就唔洗燒都食得🤣有泡芙、溫泉蛋🥚粟米湯🌽南瓜湯🎃同2杯飲品☕️ 其實都幾豐富👌🏻味道都唔錯，不過可能因為新開，所以食物製作時間都幾長🤭嗌呢類Set既隔離左右，都同我哋一樣差唔多等左1個鐘先有得食😵‍💫但如果係叫意粉嗰類就會快好多👍🏻

之前呢度新開就已經黎過一次，好欣賞佢地以茶入饌既創新菜式🤩最近換左新menu，我地就再黎試下！ 上次其實已經有驚喜，但今次又更加驚喜，仲維持到新鮮感！ 看似三文魚，其實佢係叉燒味鱈魚😎估佢唔到咁滑嫩爆汁！ 超級新鮮既藍龍蝦🦞神奇地配左本土既酸菜同鮮刨黑松露😯個味道好獨特。 隻蛋一睇色水就知濃郁啦🤤隻蛋同黑松露共處一樽72小時，經過薰陶，香氣零舍不同🤣重點係個白色芝士泡沫汁，鹹中帶甜好好味😋 又係諗都諗唔到既配搭！上面既鵪鶉蛋用八珍甜醋浸過，下面係黑魚子同蟹肉，成件事原來好match！ 燒棉花糖配鵝肝😱本身鵝肝入口即溶已經夠正，加埋半溶棉花糖又有甜味同焦香可以中和返個油膩感！ 一定睇唔出，係蟶子！但係配左辣朱古力😜我平時好憎辣朱古力既味，覺得好唔夾🙁但呢個又唔會喎！食落反而似係辣蟶子配朱古力，佢哋用既係dark chocolate，所以鮮中帶甘👍🏻 其實成個menu係有9道菜🤰🏻有埋tea pairing🫖可以試到好多出面飲唔到既茶😌真係一定食到捧住肚滿足走！