Sweets House Cha Cha (已結業)

呢間分店喺Logon入面，面積冇咁大，就冇車輪餅賣喇，不過冇所謂，我主力係想食雪糕。抹茶牛奶威化筒 $32/大我地揀左抹茶牛奶，方便雞手鴨腳嘅我當然都係點威化cone裝… 大size同細size相差10蚊，都爭幾遠，三十零蚊有杯幾高質嘅雪糕都唔貴。店員都唧得幾細心，食到底都有雪糕。雪糕質地厚滑，抹茶味甘而不苦，北海道牛奶香濃，整體奶味重，稍稍蓋過茶味，所以如果單點一款味道，會相當唔錯。威化cone脆得黎硬身，唔會好似食左陣風，加埋雪糕食，感覺實在！不過可能奶成分佔多，雪糕都會溶得幾快，趁凍食。一路都覺得Cha Cha嘅雪糕幾好食，以抹茶乜乜而言，價格都算親民。