SuperNormal (淘大商場2期)

營業中

休息中

🍽 SuperNormal (淘大商場) (九龍灣)九龍灣牛頭角道77號淘大商場2期地下196-199號舖@supernormal_hk Lunchtime 去食個lunch set，配前菜同餐飲。前菜有是日餐湯/薯條/菠蘿烤雞沙律簡，簡咗一個餐湯同薯條，嗰日嘅餐湯係蕃茄湯。個蕃茄湯好一般🫠，但薯條🍟就好好食！佢係啱啱炸起，食嘅時候要小心熱，外脆內軟🤤如果下次我會寧願叫兩個薯條🤣😋日本和牛漢堡 $88 (4/5)呢個有驚喜，佢個麵包係烘過係脆既，生菜🥬蕃茄都係新鮮既，生菜咬落去係脆。成個包一咬落去，好多汁bit出嚟，估唔到佢咁多汁，好食☺️但食漢堡包嘅難度就係，一口咬哂咁多層，一定要格眼撳扁佢😂每次都好艱辛咁🤣😋澳洲穀飼肉眼牛扒配雜菜 $110(3.7/5)叫咗5成熟，外表睇落好普通，但咬落去唔會韌，以呢個價錢食到呢個質素，好抵👍配菜有西蘭花、翠肉瓜同炸芝士薯蓉，正正常常💁‍♀️CP值高既西餐💁‍♀️薯條必叫 真係好好食😋💁‍♀️想平平地食西餐，呢個係唔錯既選擇整體🫶(3.9/5)#kkfood #kkfood九龍灣 #kkfood餐廳 #kkfood西餐 #hkfoodie #hkfood

淘大商場真係幾好行的，商店和食肆的種類繁多，不單調不沉悶，定能選到想買和想食的東西。今日行完街好想食西餐。兩點九落單，店員問我們要唔要等到三點？因為三點後有八折。我們說好啊。好欣賞店員的主動查詢，也欣賞餐廳不介意我們白坐15分鐘。本來我和先生打算一人點一個套餐，見有八折，於是多點了一個小食，很豐富啊。🔶芝士蟹肉焗大啡菇（$88）我本身是菇菇控，食菇無數，這個做得很出色。大啡菇夠大隻，鮮嫩多汁，菇味濃郁，填滿蟹肉、洋蔥、火腿和芝士做的餡料，焗得金黃香噴噴。🔶澳洲穀飼肉眼牛扒配雜菜（$110）肉眼鮮嫩多汁有牛肉味，切開是粉紅色的。燒汁很美味，不過鹹也不會蓋過牛扒本身的味道。伴碟的蔬菜種類豐富，而且是經過調味和炒製，本身已很好食。🔶西班牙黑毛豬鞍配雜菜（$138）不帶骨的黑毛豬肉味香濃，尤其邊位有少許肥膏，更覺甘香。可惜這件豬鞍煎得熟了一點，不然會更好食。套餐包餐湯和熱飲。

今日黎到九龍灣行街，行到累就搵間餐廳食野休息下。黎到呢間餐廳就入去試下啦。首先我地選左一個兩人晚餐。入面有跟餐湯，今日係蕃茄湯，好滑好香濃，味道岩岩好，飲完唔會覺得口渴。而且營養十分之好。隨餐重有蒜蓉包兩客，呢個非常香脆可口，口感一流，而且蒜蓉味好出，非常好味。食過咁多間覺得呢間既蒜蓉包係最好味。另一款小食係日本唐揚炸蝦，呢個係配咪沙律醬，點咪食特別好味。非常香脆。重有手打蟹餅，呢個外脆內軟，非常有層次感，味道都唔錯，我個人十分喜愛。主食方面就選左西京燒比目魚 配薯蓉，呢個份量十足，平時自己買都非常貴，係道食真係十分滿足，入口即溶。薯蓉又好好味，非常入味。另一款主食係經典安格斯牛肉漢堡，啲蕃茄係甜嘅，非常好味，而且配咪薯條，點咪蕃茄醬食特別好味。真係世界級享受。跟餐重有兩杯飲品，一杯就加錢轉特飲，玫瑰荔枝梳打，味道都唔錯，好有層次，下面甜甜地，上層就係梳打水，就咁睇底部好似識發光，螢光粉紅。另一杯係檸檬水熱飲，維他命c非常豐富。可補充人體所需營養。

今晚放工去九龍灣睇戲睇完戲當然要食好西！二人餐就係最好選擇份量豐富～♥️西京燒比目魚- 比目魚滑嫩 油脂分佈平均 皮脆多汁 薯菜牛油味濃 入口軟滑♥️經典安格斯牛肉漢堡- 牛肉多汁 九成熟剛剛好 芝士濃郁 份量充足 漢堡包🍔烘得脆脆的 漢堡迷必點♥️手打蟹餅- 混入一絲絲蟹肉蟹膏醬 輕輕炸熟 點上沙律醬 佐酒之選♥️唐揚炸蝦- 炸後仍然鮮甜 香酥脆口 連殼都食得埋 另一佐酒必點菜式♥️蕃茄餐湯- 香濃蕃茄攪拌成蓉 口感creamy ♥️蒜蓉包- 牛油蒜味爆登 非常脆口 停不了口♥️荔枝玫瑰梳打- 賣相美觀 少女味出適合打卡#西餐 #漢堡 #二人餐 #抵食 #平民價

今日喺淘大Donki行完街，想搵吓有咩好食，喺OpenRice見到呢度有間西餐叫Super Normal好似好高評價，於是就入去食啦。入到去見到啲人食緊嘅嘢已經覺得好香好吸引，餐牌上面非常多唔同嘅食物選擇，而且餐牌都整得好精美，樣樣都睇落好吸引，樣樣都想試！ 首先我哋叫咗個沙律，佢淨係沙律都搞到我哋選擇困難，最後我哋揀咗燒牛肉沙律，牛肉份量都唔少，有7片！燒得好香啱啱好，然後佢啲沙律醬都好好味，酸酸甜甜。之後到嘅，係忌廉煮青口，青口份量都幾多，有10零隻，隻隻都好大隻，佢個忌廉汁非常之好味，我哋食晒啲青口之後都特登留住佢諗住用黎點其他嘢食。不得不讚佢兩片，蒜蓉包都好好味，佢唔同出邊啲蒜蓉包佢哋係唔會𠝹口嘅，香脆得來又唔會覺得熱氣，仲要好好味。仲有係拿玻里香腸，我完全係俾佢啲茄汁同埋佢啲薄餅吸引咗，仲諗住用呢啲薄餅點啲青口嘅忌廉汁，但係食完呢一個醬汁之後真係選擇困難，因為呢個醬汁都係超級超級超級好味，佢唔係一般嘅茄汁，佢嘅茄汁係有種香甜嘅味道，總之唔知係調味加左嘅香草定係啲蒜蓉既關係，令到成個茄汁超級香，應該係我食過最好味嘅茄汁醬之一，仲有佢腸仔嘅份量都好多，原來仲有啲煙肉，佢啲腸仔都好

餐廳門面裝修好吸引，同朋友係度食咗個晚餐。餐廳入面氣氛都幾好，適合食飯打咭😇秘製甜酸汁燒雞甜酸汁味道好特別好開胃，加上配菜洋䓤蕃茄令隻燒雞更加惹味！雞件本身新鮮，肉質實正。難怪廚師推介！黑醋鵝肝牛肉漢堡呢個口味非常特別，第一次食。牛肉厚身好香，鵝肝嘅味同時亦都突出，黑醋嘅酸甜又將肉嘅油膩感即時減半！麵包皮焗到外脆內軟！墨西哥粟米片有豐富的牛油果醬，酸忌廉同芝士肉醬！焗得啱啱好～呢度食物種類都唔少，估唔呢度仲有串燒食！因為今日已經飽飽，下次再嚟試！

之前同朋友食過晚餐覺得唔錯，今次就去試吓午餐。午餐選擇都唔少，仲幾多選擇，而且價錢都好合理。蘑菇洋蔥安格斯牛肉漢堡 $78之前試過和牛漢堡都不錯，今次試下呢款蘑菇洋蔥安格斯牛肉漢堡，入面夾左蘑菇、洋蔥、蕃茄同芝士，份量充足，漢堡都juicy唔會乾爭爭。
頂級美國西冷牛扒配雜菜250G $148牛扒都好大塊，叫左七成熟但唔會韌，唔點佢個醬汁食原汁原味都好好食！配菜份量都有好多款，入面有個忌廉薯餅都好好食，可惜只得一舊。黑松露薯條$78好大碟薯條，岩哂我哋呢啲薯條控。新鮮熱辣辣好脆好好食！菠蘿茘枝四季春茶 跟餐+$8套餐配特飲只需加$8都好合理，仲可以揀少甜，四季春味都好出，配菠蘿荔枝味好清新。丁香肉桂檸蜜 跟餐+$8朋友話呢杯唔係一般普通檸蜜🍯，係會滲出陣陣肉桂香氣同煙燻木味既檸蜜，好特別！地址: 九龍灣牛頭角道77號淘大商場2期地下196-199號舖

有叫到益力多士多啤梨特飲全部都係士多啤梨益力多 係Yakult 加咗少少冧酒 加好多士多啤梨 加埋一齊打成 味道方面唔會重酒味 入口酸酸甜甜咁 啱哂收工就嚟瞓着 飲一飲即刻醒神晒仲好醒胃Main叫咗份藍蟹肉焗蟹蓋蟹膏意大利飯 🤤個意大利粉一上枱就超級香 望落去幾靚 蟹肉飯質地軟熟黏口 飯粒爆滿醬汁 🥰芝士碎非常香口個飯差唔多全部位置不起都有拉絲效果 蟹殼入咗好多芝士焗完之後超香口 超級重口味簡簡單單食個飯加杯嘢飲已經好滿足

SuperNormal (淘大商場) (九龍灣)今次又同朋友嚟食SuperNormal，呢到嘅野食真係好高質好好食🤤Lunch同Dinner Menu都好唔同，超推薦🥰三重芝士安格斯牛肉漢堡$106🥩安格斯牛肉果然無令人失望😝牛味好重，三重芝士有流心嘅感覺，食落好邪惡😋漢堡包體都唔錯，一啖咬落去好Juicy，好滿足❤️雙色魚籽煙三文魚忌廉天使麵$138🍝又係我最愛嘅天使麵🥰麵質正，配搭濃郁忌廉、鹹鹹三文魚，同埋雙色魚籽，口感超豐富😋芥末燒牛肉沙律 🥗 $88見有芥末沙律咁特別，就緊係要試下🤣芥末味唔算太濃，但係夠香！燒牛肉嘅味道好好，質素都幾高🥰沙律菜都食得出幾新鮮同爽口，正❤️串燒 🍡：係夜晚先有架🥰日本岩手雞肉 🍗 $32雞肉串好嫩好淋，火喉都好夠🥰醬汁惹味，正！雞軟骨 🦴 $18咬落去爽口彈牙，口感正😋雞髀菇 🍄 $22好Juicy嘅燒雞髀菇😆食串燒點少得佢呢❤️Summer Tree 🍹 $64好好飲嘅cocktail，酒味同甜味啱啱好🥰有少少椰子同熱情果嘅味道，好易入口，女仔朋友都會啱飲❤️地址：九龍灣牛頭角道77號淘大商場2期地下196-199號舖整體評分：5/5味道：5/5環境：

地鐵九龍灣站淘大商場, Super Normal西餐廳 的午餐價錢 實惠, 抵吃 質素高 ,前菜 有菠蘿雞肉沙律 或 餐湯， 仲包埋餐飲， 這裏座位舒適， 柔柔的燈光 下播著抒情的歐西歌曲，真是一樂也。龍蝦汁帶子意大利飯....HK$86賣相已經非常之吸引， 大大粒的帶子 加上 軟綿綿的 龍蝦汁 意大利飯，味道 鮮甜 可口， 醬汁不濃不稀恰到好處， 好味道。西京燒比目魚配薯蓉.....HK$96大大塊比目魚新鮮軟滑，西京燒汁味道獨特 能帶出魚嘅鮮甜味， 薯蓉是我的至愛， 暖暖軟綿綿的，超正。忌廉湯（跟餐）磨菇忌廉湯， 好味道而且濃香creamy , 軟綿綿 的，口感極好。菠蘿烤雞沙律（跟餐）大大塊的雞肉拌以新鮮的沙律菜，顏色鮮艷美麗， 加上酸酸甜甜的沙律醬，大大碗的 醒胃又飽肚。熱檸檬茶，凍檸檬茶各一杯（跟餐）檸檬清香茶味濃郁不苦澀，好味道。

位於九龍灣淘大商場裡的一家酒吧西餐廳，燈光昏暗，牆壁都是暗黑，走工業風格，佈置別緻，播放著音樂，很適合把酒談天。雖然座位略逼，但是每一枱都有間隔，隱蔽度高。食物款式多樣化，新鮮烹調，當到了繁忙時間，等候食物上枱較久。Salad: 刺身級帶子牛油果沙律 日本刺身級帶子，兩大粒，肉質肥美，表面煎至金黃香口，內裡鮮味突出。沙律菜新鮮，配上牛油果沙律醬，蠻清新的。Pasta: 照燒日本鰻魚扁意粉原條鰻魚，灑上紫菜絲，鋪在意粉上，不過小心鰻魚有細骨。以日式燒汁烹調意粉，還有洋蔥及雜菌菇類，味道不會太膩。意粉硬度適中，帶點韌感。Burger: 黑醋鵝肝牛肉漢堡澎湃的漢堡，入面夾著鵝肝、牛肉肉扒、芝士、蕃茄及沙律菜。香煎鵝肝，大大一塊，又厚，油脂特別豐腴。牛肉扒經已熟透。伴菜有少量沙律，中和整體膩感，還有新鮮炸起的薯條，薯仔香味滿溢。

平日行開九龍灣都冇咩bar and restaurant ，所以見到有就即刻黎試下，6點幾入到去未算多人，不過食食下就開始多人黎，鋪頭細細，所以最好就訂位留坐啦。首先叫左Nachos，上菜速度算快，nachos亦夠脆，醬汁都夠多，送酒都唔錯。跟住試個炸軟殼蟹漢堡，包質感正常，軟殼蟹即炸都唔會沐哂，加埋醬汁，生菜同蕃茄好開胃，而且好大個，3個人都夠食。再黎有個羊架，好厚肉，唔似出面街邊好多都係骨或肥膏多過肉，而且羊味濃郁，抵食之選。最後係燒雞，個醬汁酸酸甜甜好好味，皮脆肉亦夠滑，隻雞仲好大隻，同人分享簡直一流。

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎呢間之前已經食過幾次啦，個名好謙虛咁叫𝘴𝘶𝘱𝘦𝘳 𝘯𝘰𝘳𝘮𝘢𝘭😂但其實幾好食🤣𝘭𝘶𝘯𝘤𝘩 𝘴𝘦𝘵跟餐薯條🍟、沙律🥗同湯三揀一😍跟餐薯條都勁多，用個網筲箕裝住特別有風味。沙律就有𝘥雞肉係面，份量都好多！🌟龍蝦汁帶子意大利飯 𝗦𝗖𝗔𝗟𝗟𝗢𝗣 𝗥𝗜𝗦𝗢𝗧𝗧𝗢 𝗜𝗡 𝗟𝗢𝗕𝗦𝗧𝗘𝗥 𝗦𝗔𝗨𝗖𝗘 （$𝟴𝟲）龍蝦汁個味幾重，食落好開胃，帶子非常肥美新鮮，而且表面仲微微煎過，如果多幾粒就好😂另外好鐘意佢既𝘳𝘪𝘴𝘰𝘵𝘵𝘰 煮得入味得黎仲仍然保留到飯粒有骨既口感。🌟法式燒羊架配雜菜 𝗥𝗢𝗔𝗦𝗧𝗘𝗗 𝗟𝗔𝗠𝗕 𝗥𝗔𝗖𝗞𝗦 （$𝟭𝟯𝟴）羊架有兩大舊，燒到表面有少許焦脆，咬落口有種油脂既香氣。羊架好大舊，兩個人𝘴𝘩𝘢𝘳𝘦都𝘰𝘬。切開入面既肉仲有少少嫩紅，仲有𝘥肉汁，重點係有羊羶味恰到好處，非常欣賞☺️☺️🎈配菜有沙律、雞髀菇粒、粟米芯、仲有炸薯蓉芝士🥰好有心思跟餐加左$𝟴升級特飲，杯𝗿𝗼𝘀𝗲 𝗹𝗮𝘁𝘁𝗲 🌹既比例拿捏得好好，玫瑰味香但又唔會搶左啡味☕️📍 𝐒𝐮𝐩𝐞𝐫 𝐍𝐨𝐫𝐦𝐚𝐥九龍灣牛頭角道77號淘大商場2期地下196-199號舖

同朋友行街食個lunch , 見到呢間餐廳幾大，應該坐得幾舒服。行到入去，係門口企左陣，完全冇人理我地，咁我地就自己搵位坐低。之後有個妹妹行開，粒聲唔出放低餐牌，又行返去bar 枱果邊繼續傾計。 先講服務方面，又唔可以話服務差！只能話係冇服務😂😂食物方面亦一般：跟餐2個薯條，我覺得係最好食😂可能新鮮炸起，好脆口，而且跟餐份量黎講，算好大份👍🏻餐飲叫左：白桃四季春，荔枝菠蘿特飲其實2杯個味都好似😂菠蘿果杯就比較甜少少主食：海鮮辣肉腸意大利飯，少少香辣味，但真係得面頭2個青口係海鮮，味道唔錯，但配料較少。黑松露炒扁意粉：冇咩黑松露味，而且個意粉好油好油，油膩到食左一半我放棄咗🥲價錢唔算貴，午餐人均$100 有主菜+薯條+飲品。

我都經常會出九龍灣，工作完都要嘆下，有間西餐廳🍴其實很不錯👍尤其午餐價格合理，食物水準很好！雙色魚籽煙三文魚忌廉天使麵邪惡又美味的Cream滿滿在每條意粉🍝 加入雙色魚籽及煙三文魚更添咬口！西京燒比目魚香草焗薯 比目魚肥美可口又新鮮，軟軟滑滑的加入薯蓉很配的！安格斯牛肉漢堡 午肉漢堡控都一定喜歡💕夾著蘑菇、芝士蕃茄份量十足！SuperNormal 九龍灣牛頭角道77號淘大商場2期地下196-199號舖