𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒲𝒶𝓃 𝒞𝒽𝒶𝒾 牛肉豆腐野菜鍋 （$158） 有大量牛，啱晒。牛肉同豆腐好似有烤過特別香，仲有大葱、菜、金菇、菇、魚片、芋絲，好足料好豐富， 湯底好濃郁但飲完唔會口渴，應該無味精😆 日式糯米糍 （$58） 唔係朋友講都唔知裡面個饀係哈蜜瓜味，甜甜地，幾煙韌幾好味，食埋伴碟的生果，無咁罪疚感😌 📍戀 （灣仔） 灣仔皇后大道東202號𝘘𝘙𝘌 𝘗𝘭𝘢𝘻𝘢 10樓

之前同朋友食過晚餐覺得唔錯，今次就去試吓午餐。午餐選擇都唔少，仲幾多選擇，而且價錢都好合理。 蘑菇洋蔥安格斯牛肉漢堡 $78 之前試過和牛漢堡都不錯，今次試下呢款蘑菇洋蔥安格斯牛肉漢堡，入面夾左蘑菇、洋蔥、蕃茄同芝士，份量充足，漢堡都juicy唔會乾爭爭。
 頂級美國西冷牛扒配雜菜250G $148 牛扒都好大塊，叫左七成熟但唔會韌，唔點佢個醬汁食原汁原味都好好食！配菜份量都有好多款，入面有個忌廉薯餅都好好食，可惜只得一舊。 黑松露薯條$78 好大碟薯條，岩哂我哋呢啲薯條控。新鮮熱辣辣好脆好好食！ 菠蘿茘枝四季春茶 跟餐+$8 套餐配特飲只需加$8都好合理，仲可以揀少甜，四季春味都好出，配菠蘿荔枝味好清新。 丁香肉桂檸蜜 跟餐+$8 朋友話呢杯唔係一般普通檸蜜🍯，係會滲出陣陣肉桂香氣同煙燻木味既檸蜜，好特別！ 地址: 九龍灣牛頭角道77號淘大商場2期地下196-199號舖

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃 海濱開左間💛良心小店，去過兩次都食唔到。一次要排勁耐，一次就星期三休息😰今次終於食到😍 座位唔多，應該加埋20個左右，木系裝修，有唔少𝘥𝘦𝘵𝘢𝘪𝘭𝘴位，坐得舒服。主食加$8 或者$12 就有埋前菜、漬物、味噌湯同飲品。個人覺得係必叫既，樣樣都好有心思，而且𝘥 碟都好有特式，湯入面仲有隻蜆🤣飲品就叫左波子汽水🥤 🌟極上燒牛肉 ($48) 燒牛肉同飯係分上既，牛肉份量係巨多，而且擺得好有心機，牛肉煮到好上色。重點係好好味呀😍唔煙靭同埋冇筋，仲要唔係死咸，真心有牛肉味而且一𝘥都唔乾🤣 佢個飯上面有𝘥飯素，白飯食落唔會悶，撈牛肉食真係白飯小偷，唔多食飯既我都掃晒成碗🤣 🌟吉列鹿兒島三元黑豚 ($58) 炸豬扒份量比正常大少少，加左好多木魚同沙律醬視覺效果好好。豬扒𝘤𝘶𝘵好左先上，方便食，佢既炸衣好薄，熱辣辣時食落超脆口，食到尾都𝘬𝘦𝘦𝘱到脆口。豬扒係半肥瘦既，食到尾有少少膩，如果可以提供多個醬汁黎點會更好。 🌟 日本雞軟骨棒餃子2隻 ($8） 追加左2隻餃子🥟，外表好焦脆，內裹食到少少雞軟骨粒，口感幾得意😍 總結就係價錢真係好親民，而且勁高質，一定會回訪，但可唔可以唔好排咁耐 📍月半堂 𝐇𝐚𝐥𝐟 𝐌𝐨𝐨𝐧 荃灣怡樂街1-5號海濱花園海裕閣22座地下108號舖

烤卡津雞肉薯粒鑊仔 $93 baby size 雖然話係baby size 但一d都唔細，2個人食岩岩好。而且連埋個鑊仔一齊上，由頭到尾都keep住熱辣辣❤️ 重點係味道超級好食，雞同薯仔，蛋同芝士好夾❤️必點！ 三文魚扒露筍南瓜意大利飯 $168 淡淡的南瓜味同意大利飯好夾，同埋加左南瓜令到意大利飯更黏更有口感，而且金黃色的飯好靚，只係睇已經好開胃😍三文魚扒煎到皮脆肉嫩🤤好好食！ Green Cleanse Smoothies $108 外貌超級吸引！而且顏色豐富，上面鋪滿新鮮生果，分別有士多啤梨，藍莓，芒果，另外仲有有機奇亞籽，穀物，椰子片，連埋燕麥奶同牛油果等食材打成既Smoothies 一齊食，口感豐富，而且好健康❤️ 自製綿花糖石板街窩夫 $93 好食！最鍾意食甜品❤️窩夫上面的朱古力塊同綿花糖，會隨著窩夫的熱度溶化，再配埋朱古力味雪糕，一絕！👍🏻 下次想試埋佢個pancake，見到有得揀「無麵粉」感覺好特別🤔

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒮𝒽𝒶 𝒯𝒾𝓃 🌟冒菜自選套餐 湯底使用了77種材料熬成，湯底濃郁，香味四溢。可以根據自己的喜好搭配選擇配菜，包括蔬菜，肉和麵。當中有香港麵檔比較少有的竹旬。 🌟酸菜豬面肉米線 由77種材料製成的湯底，配合自家醃製的酸菜，湯底相當開胃。店主會因應客人喜愛的辣度調味，配合酸菜帶出的酸味，令人食唔停☺️ 🌟串串系列 食材以竹籤串好，再放入濃湯中烚熟。淋上辣油和芝麻，帶出陣陣麻香。一啖一串食得非常滋味！麻辣串串款式多達31種，麻辣口味超過癮😆 🌟鮮肉漢堡 🍔 有兩種口味可以選擇，沙拉醬、香辣粉。漢堡是鮮豬肉製成，店主將外層煎到金黃色，厚厚的漢堡外脆內軟。就像店家所說的像十八歲的卜卜脆少女。沙拉醬搭配較西式；香辣粉搭配十分有驚喜，恰到好處，完美凸顯出川式口味。 🌟麻辣豬腦🧠 豬腦擁有豐富的營養，可為偏頭痛的人做食療。店家將豬腦煮到九成熟，火候拿捏得剛剛好。口感就像鵝肝的細膩，但比鵝肝更加綿軟。質地嫩口，入口即溶。 🌟黑糖冬粉 相當驚喜的甜品！ 冬粉本身沒有味道。但淋上自家製黑糖和酒釀，味道簡直完美，又可以即時解辣！再加上瓜子、山楂、花生碎、提子乾，衝擊味蕾，提升多層次口感。在這個炎熱的夏天，幫你消暑解濟！十分推薦！🥰 📍 串串川 𝐂𝐡𝐮𝐚𝐧 𝐂𝐡𝐮𝐚𝐧 𝐂𝐡𝐮𝐚𝐧 沙田石門安群街3號京瑞廣場一期地下G47號舖

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓃𝑔 𝒴𝒾 成日都話青衣係美食沙漠，果日沿著海邊行左好耐都淨係見到d連鎖餐廳，終於係最後一刻見到呢間台灣野。餐廳裝修滿滿台灣味，有個假既車站售票處，牆上又有鐵路壁畫，加上微黃既燈，感覺温馨。 🌟阿里山招牌紅燒牛肉麵 （$60） 牛肉非常厚切，而且係有筋果種，煮得好入味。湯底有種好濃厚既藥材味，加上酸菜，我個人幾鐘意，忍唔住一啖接一啖咁飲。不過個我麻麻地呢隻麵，比較似油麵🤣但整體都有驚喜😍😍 🌟香酥排骨肉燥乾拌麵（麻醬味/蔥油味) （$62） 乾拌麵有大量炸蒜同蔥，非常香口，麵底都係油麵。炸排骨感覺一般，炸粉偏厚同比較乾身。 🌟逢甲鹽酥雞（$15） 𝘭𝘶𝘯𝘤𝘩 𝘴𝘦𝘵 可以加錢配小食，試下夜市必點既鹽酥雞。雞件比想像中瘦小，食到炸粉多過肉，不過就有𝘥味粉好香口🤣 飲品試左🌟古早冬瓜茶同🌟台灣奶茶，奶茶偏淡口，冬瓜茶正常。 食食下原來已經二點幾，好多人黎食𝘵𝘦𝘢，個𝘵𝘦𝘢 𝘴𝘦𝘵 價錢好似3 40 而且多選擇，下次可以再試下。 📍阿里山鐵路便當 𝐀𝐥𝐢𝐬𝐡𝐚𝐧 𝐅𝐨𝐨𝐝 𝐒𝐭𝐚𝐭𝐢𝐨𝐧 青衣長環街4號翠怡花園一座地舖6號舖

𝒞𝒶𝒻𝑒 𝒾𝓃 𝒦𝓌𝒶𝒾 𝐹𝑜𝓃𝑔 餐廳係葵青劇院隔離，室內同室外都可以坐，不過當日落雨，所以就坐左室內。餐廳係用𝘘𝘙落單，簡單方便☺️ 🌟流心蛋腐乳卡邦尼長通粉 𝗣𝗲𝗻𝗻𝗲 𝗖𝗮𝗿𝗯𝗼𝗻𝗮𝗿𝗮 𝘄/ 𝗦𝗼𝗳𝘁-𝗯𝗼𝗶𝗹𝗲𝗱 𝗘𝗴𝗴 𝗶𝗻 𝗙𝗲𝗿𝗺𝗲𝗻𝘁𝗲𝗱 𝗕𝗲𝗮𝗻 𝗖𝘂𝗿𝗱 𝗦𝗮𝘂𝗰𝗲 ($𝟵𝟴) 聞上去腐乳既味勁有個性超濃烈超搶，不過將卡邦尼醬同腐乳搞拌之後個味就温和左好多。入口既時候又覺呢呢兩種中西食材意想不到地夾🤣落埋温泉蛋令個𝘴𝘢𝘶𝘤𝘦更濃稠，長通粉處理得唔錯，幾掛汁好味😋 🌟厚切芝士豬扒蕃茄沙律菜漢堡包 酸忌廉蕃薯條 𝗖𝗵𝗲𝗲𝘀𝗲 𝗣𝗼𝗿𝗸 𝗖𝗵𝗼𝗽 𝗕𝘂𝗿𝗴𝗲𝗿 𝘄/ 𝗦𝘄𝗲𝗲𝘁 𝗣𝗼𝘁𝗮𝘁𝗼 𝗙𝗿𝗶𝗲𝘀 & 𝗦𝗼𝘂𝗿 𝗖𝗿𝗲𝗮𝗺 ($𝟭𝟬𝟴) 呢個漢堡好足料，好厚身，好鐘意佢既包先係烘過，好酥脆，不過缺點係一咬會跌到周圍都係碎😂豬扒都仲保持到水份，有齊正常既蕃茄、生菜同芝士。另一樣大讚既係配有酸忌廉黎點蕃薯條（雖然個人鐘意薯條多𝘥) 其中一杯加左$14 𝘶𝘱𝘨𝘳𝘢𝘥𝘦 做☕️𝙇𝙖𝙩𝙩𝙚 ，拉花好靚靚，飲落正常，奶味較重。反而另一杯跟餐既 🍹冰果茶𝙄𝙘𝙚𝙙 𝙁𝙧𝙪𝙞𝙩 𝙏𝙚𝙖有驚喜😍下次唔會特登加錢 📍牧羊少年咖啡館𝐓𝐡𝐞 𝐀𝐥𝐜𝐡𝐞𝐦𝐢𝐬𝐭 𝐂𝐚𝐟𝐞 興寧路12號葵青劇院地下2號舖

𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾 裝修係舊式既港式扒房，四人卡位都幾闊落，坐得舒服。不過就比較重煙味 好耐冇食鐵板餐啦！見到有個晚餐係🌟鐵板牛柳配芝士焗龍蝦🦞仲要有晒餐包、湯、飲品同甜品先$148！ 即刻叫黎試下😍 餐包係有少少似黑糖包果種，咬落幾有口感。主菜係鐵板上夠晒熱辣辣，牛柳有兩大塊，咬落d肉比較實同普通，牛味還可以。龍蝦有半隻，鋪滿芝士望落幾正，有大大隻蟹鉗，而且已經敲碎左方便食。不過實際既肉唔多😅除左扒之外仲有大量既菜！少少薯條同勁多意粉🍝粗薯條點埋洋蔥汁好好味😋 甜品就係雪糕，雖然唔係咩大牌子，但我果杯椰子🥥菠蘿又幾清爽😍飲品叫左凍檸茶🍹呢道絕對係以量取勝，性價比勁高！大食既男仔都實食得飽😂 📍𝐄-𝐃𝐞𝐥𝐢𝐜𝐢𝐨𝐮𝐬 𝐂𝐚𝐟𝐞 𝐑𝐞𝐬𝐭𝐚𝐮𝐫𝐚𝐧𝐭 九龍深水埗北河街185號

第一次去食蝦蝦燒，佐敦店位置好方便，地鐵站一出5分鐘左右就到。當日大概7點左右到，上到去店員服務都好好，好快就帶左我地去坐低。亦會講解枱面既工具點用和基本每樣食材擺放位置。 一坐低店舖會預先準備好蝦係爐上面燒，所以一坐低就有得食。旁邊活蝦數量都好多，店員都好勤力，會一路檢查周圍既蝦有無死。如果有就會夾走處理，亦會定時放返新既蝦入去，以確保食材新鮮。 另外其他種類食材都非常多： 海鮮方面，原條既魚都有5種以上，鮑魚、帶子、扇貝和生蠔都有，非常滿足。只係生蠔蠔殼碎有d多，比較可惜haha。 肉類方面，基本牛羊雞豬都有。個人最推薦牛仔骨，有牛味而且肉質夠琳。另外重有其他丸類同腸仔，因為真係太多，我唔太記得了。 特別提醒，一定要試蒜蓉包，配燒蝦一齊食絕對一絕。我自己都忍唔住食左三塊haha。 整體黎講，食得好開心，絕對值得再去。 📍蝦蝦燒 佐敦白加士街10-24號永富大廈1樓

仲差過茶記既午餐｜ 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎 今日黎到交易廣場諗著食壽喜燒點知冇得𝘸𝘢𝘭𝘬 𝘪𝘯，見到下一層有間餐廳價錢𝘰𝘬裝修都幾靚都多人食於是一試，點知失望之極🥹我地三個坐左係張一字排開既枱，好似自修室温書咁，枱面既墊枱紙上已經印左𝘮𝘦𝘯𝘶😂還保又方便 🌟 星加坡海南雞飯 𝗦𝗶𝗻𝗴𝗮𝗽𝗼𝗿𝗲 𝗛𝗮𝗶𝗻𝗮𝗻 𝗖𝗵𝗶𝗰𝗸𝗲𝗻 𝗥𝗶𝗰𝗲 ($𝟲𝟯) 雞件算大件，主要係雞翼同雞髀🍗，但雞本身好咸，食到一大半先醒起有醬😅 🌟 越式蕃茄牛骨清湯牛腩河 𝗩𝗶𝗲𝘁𝗻𝗮𝗺𝗲𝘀𝗲 𝗕𝗲𝗲𝗳 𝗕𝗿𝗶𝘀𝗸𝗲𝘁 𝗡𝗼𝗼𝗱𝗹𝗲𝘀 𝘄𝗶𝘁𝗵 𝗧𝗼𝗺𝗮𝘁𝗼 𝗖𝗼𝗻𝘀𝗼𝗺𝗺𝗲 ($𝟲𝟱) 呢個簡直失望，本身諗著有濃濃既蕃茄湯底加埋牛腩，上枱見到個湯底咁清都知中伏😅搵勻成碗湯入面得4-5 粒車厘茄😂咁梗係冇蕃茄味啦😅牛腩既肉就比較柴同鞋，仲有就係冇咩牛味，米線煮到勁淋，一入口就爛果種🥶整體黎講真係好一般，自己屋企煮應該都好味過佢😅 🌟 巴東牛肋條配黃姜飯 𝗕𝗲𝗲𝗳 𝗥𝗲𝗻 𝗗𝗮𝗻𝗴 𝘄𝗶𝘁𝗵 𝗧𝘂𝗺𝗲𝗿𝗶𝗰 𝗥𝗶𝗰𝗲 ($𝟲𝟮) 朋友一見到巴東牛肋條就即刻嗌，話好掛著果隻味。牛肋條同飯分上，賣相都唔錯，但係食落就知個所謂既巴東醬好唔地道，只係偏咸，但果種咸味又入唔到舊腩，好似汁還汁，肉還肉既感覺😅 總結黎講，餐廳既環境同裝修比較可取，應該主要𝘴𝘦𝘳𝘷𝘦樓上商廈既上班族，但食物質素同價錢都令我唔會再回頭 📍茶室 𝐂𝐡𝐚 𝐒𝐚𝐭 九龍灣宏照道33號 國際交易中心一樓39室