SuperNormal (淘大商場2期)

營業中

休息中

之前經過淘大見依間餐廳都幾多人幫襯～見佢個德國脆皮鹹豬手仲做緊特價$98隻就一於去試試🤡德國脆皮鹹豬手有3種口味，柚子味、泰式秘製汁同埋香蒜黑椒汁。我地揀左香蒜黑椒汁～豬手係即刻焗，大概要25分鐘，我地一坐低就即刻叫左豬手先～之後再慢慢叫埋其他😆豬手個皮勁酥脆🤤🤤唔油膩👍🏻餐廳好貼心咁已經起埋d肉👍🏻啖啖肉食得好過癮～同埋肉質幾腍，唔會柴。另外可以配埋酸菜一齊食～酸酸地又多種食法～日本柚子肉鮮蝦沙律 柚子沙律🥗好清新～蝦肉爽口，幾開胃藍芝士水牛雞翼5隻依款比較重口味，幾重酸辣味～雞翼都幾大隻蒜香紅椒藍蟹肉鮮蝦扁意粉都幾多蟹肉，蝦肉都係爽口～蒜香🧄令個意粉更加惹味～燒物都唔錯👍🏻鹽燒厚切牛舌心燒羊架（2件）都幾厚切，啖啖肉同幾juicy~2杯飲品都好fresh～菠蘿雪梨四季春茶幾有茶香，唔會好甜。青瓜薄荷青檸梳打可以解膩，唔錯唔錯😌

今日黎到九龍灣行街，行到累左又到左時間搵食，比我地發現呢間餐廳，裝修非常有情調，重有個酒吧區，約咪朋友仔黎十分打卡勝地。首先我地叫左兩個小食，一個係黑松露薯條🍟，呢個一啲都唔會油膩，黑松露味道好出，我個人十分喜歡。另一款小食係香煎手抓餅，煎到好香口，香香脆脆感覺都唔會太熱氣，都幾唔錯。主食方面就叫左泰式秘製汁脆皮豬手，據講每日限量得25隻，非常之珍貴，賣相十分吸引，食落非常有驚喜，外脆內軟，有三款醬料選擇，我地今次選左泰式秘製汁，酸酸辣辣咁非常野味。跟住再點左香煎露筍鵝肝牛肝菌燉飯，呢個真係無得輸，鵝肝非常滑，入口即溶，味道非常好👍。世界級享受。最後就係三重奏芝士牛肉漢堡，呢個份量十足，巨型漢堡，味道十分之好，真係食過流連忘返。今次既體驗一百分滿分💯我比一百分💯。真係非常之享受，非常美味，值得一試，一試便愛上。

住附近嘅人，對呢間餐廳應該唔會陌生，因為已經開咗好多年，而且一直都保持到食物高質素，價錢唔貴。呢度最招牌就係食豬手，入到去見到做緊特價$98，就即刻下單豬手先。佢有三款味道選擇，我哋揀咗香蒜黑椒脆皮鹹豬手，因為佢係現做，起碼都要25分鐘。所以攻略係落咗單豬手再慢慢揀嘢飲同其他嘢食。芥末牛肉沙律，牛肉嫩，大約medium，味道剛好，沙律菜新鮮。推介雙色芝士焗蟹肉大啡菇，好多餡料，食到蟹肉同埋啖啖芝士，口感豐富。青瓜薄荷青檸梳打 ，好fresh，咁熱嘅天氣啱晒。朋友的士多啤梨熱情果梳打我就沒有試。食完沙律同大啡菇，豬手啱啱上桌，時間剛剛好，好大隻，皮脆肉多，仲配有德國酸菜。叫咗件芝士蛋糕，估佢唔到，賣相靚不特止，味道真係好唔錯，唔會太甜，又有香濃芝士味，尤其是個餅底，牛油味好香。餐廳氣氛幾好，招呼都唔錯。

🎀九龍灣。必食限定德國豬手🐷氣氛環境聚會一流👍🎀🪄店名* #SuperNormal🔮地址* 九龍灣牛頭角道77號淘大商場2期地下🔮🗾分店地區🗾 沒有分店💰價錢$442 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_九龍灣剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵今次有遠道去九龍灣附近覓食 呢間西餐我想食左好耐😍今次終於比我搵到朋友得閒陪我食！餐廳系位於淘大商場外面轉彎暗角位置 燈光比較昏暗 有啲似酒吧 空間好寬敞 而且部分座位設計高一層 進食會較方便～餐廳內有好多特別既壁畫,油畫好岩打卡 加上用左紅石磚 石板等風格做牆身 以及復古燈飾 整體主體好有特色☺️🍽️食物質素🍽️食物方面選擇相當豐富 令我都唔知揀邊樣好 而且價格系西餐黎講都算性價比高 餐廳更設有lunch set及tea set 價錢更優惠 當然必食系佢地咸豬手！而家做緊優惠只需要$98😍餐廳有齊曬雞,牛,羊,豬,意粉,沙律,小食等 睇黎可以去多幾次食勻佢😆👀評分💖💖💖💖💖🪄香蒜黑椒脆皮咸豬手$98原價$228 而家做緊大優惠😍必食拉根系 有

今次九龍灣收工去左淘大商場食西餐Super Normal酒吧格局工業風裝修，專登去嚐嚐招牌菜脆皮鹹豬手，仲有優惠價好吸引🤩💫日本柚子肉鮮蝦沙律🥗沙律顏色繽紛鮮艷，柚子肉味道清新鮮蝦爽口，醬汁份量剛好口感輕盈，非常開胃🤤💫脆皮鹹豬手柚子蜜味🍖鹹豬手外脆內軟，脆卜卜皮帶上少少咸味🧂加埋柚子蜜汁更清香和甜味，好特別的鹹甜搭配，幾新穎🥰💫寶雲酥焗紐西蘭羊架雜菜🐑羊架焗製恰到好處，口感柔嫩多汁😌雜菜清脆爽口可中和一下羊架的油膩感，而且羊架厚切大份好味道👅💫士多啤梨檸檬蛋糕🍰蛋糕底質地酥脆，內餡酸甜適中，士多啤梨和檸檬的滋味完美融合，有種清新怡人的感受，完美的飯後甜品👍🏾

白酒煮法國藍青口 $118🐚青口好新鮮，青口肉有咬口。重點係佢濃郁既忌廉汁，配上蒜蓉包一齊食，Yummy!😋😋香蒜黑椒脆皮鹹豬手 $98🐷做緊特價既豬手，份量十足。豬手即叫即煮，豬皮十分脆口，加上黑椒汁同埋酸菜一齊食，夠晒惹味！🥰煙三文魚蟹籽魚忌廉意粉 $132🐟本身中意食三文魚，忌廉汁好濃郁，但又唔會好油膩，加埋魚籽一齊食，口感一流。🤩🤩牛油爆蒜雞柳意粉 $128🐔帶辣既炒意粉，加上香蒜雞柳和配菜一齊食，中意食辣既朋友一定要試吓。😉

呢間餐廳我地都算係常客了，三不五時朋友聚會就會去呢度開餐。今次特別d，朋友嚟我地屋企，所以今次就買外賣😎德國咸豬手✨🅰️🅰️🅰️🅰️🅰️✨次次去都必叫嘅菜式，個皮勁脆，點埋蜜糖芥末醬就好好餸酒🍺最抵讚佢地嘅肉唔會焗到好乾，必食！三色芝士漢堡🅰️🅰️🅰️🅰️🅰️漢堡好大個，我地切開share都夠食，但好juicy，少不免會整污糟隻手😂所以係屋企食就最好，無咁狼狽。卡邦尼意粉🅰️🅰️🅰️🅰️🅰️意粉彈牙，菇味夠濃，忌廉汁mix埋一齊好creamy，建議叫一個兩三個人就啱啱好，否則就會太膩。帶子龍蝦汁意大利飯🅰️🅰️🅰️🅰️佢地呢家係刺身級帶子，所以煎到半熟就啱啱好。佢地用左蝦湯煮，意大利飯吸哂d汁，海鮮味十足。呢間都算係住宅區內高質嘅酒吧餐廳，特別在佢地嘅手工啤好多款式，每次堂食我地都會試，不過今次我地外賣就無飲。推介畀大家嚟試下🥰

身為九龍東人，淘大係細細個經常黎既搵食地方，多元化價錢又親民。想黎食呢個脆皮咸豬手好耐，麥啤慢煮6小時，肉淋既程度滿意保留少少咬口，即叫即焗皮相當脆，選左香蒜黑椒汁，汁係另上。點少得嗌埋啤酒，加埋小食日本雞泡魚乾 & 燒焦糖菠蘿，有水準，錦上添花，人生一大樂事！ 風趣老闆仲氹得阿囡好開心，招呼好好，一出門口就話下次要再黎。我印象好深刻牆上面飾物，有啲木板寫住 ”Family Rules”, 有11個點好值得等緊野食，傾偈時間討論下思考下。

✨️《香蒜黑椒脆皮咸豬手》$98咸香度適中，不太咸。个皮卜卜脆，十分惹味。✨️《日本柚子肉鲜蝦沙律》$98日本柚子肉味道清新醒胃，令我食慾大增。而蝦就中型Size ,共有5隻，味道鲜美。碟底下仲有新鲜什錦蔬菜。✨️《香煎海爐魚配雲吞》$158海爐魚煎得啱啱好，肉質白滑，沒有醒味，已去骨，爐魚皮煎到脆卜卜。雲吞形狀工整整 ，件件差不多Size，內有素菜餡，好好味。✨️《蒲燒鳗魚》$20/串一串共有2件，醬汁濃郁。燒到魚邊少少焦，十分香口。✨️《西柚四季檸檬春茶》$42是一款冇酒精嘅特飲。西柚味重，甜甜地嘅茶味很容易入口。杯上有一片燒焦左嘅西柚作為裝飾，非常睛，打咭一流。✨️《濃厚芝士蛋糕》$42芝士控不能錯過嘅甜品，質地軟淋淋，入口即溶化。📍九龍灣 淘大花園商場地下

Openrice九龍灣區搜尋最頂位，其實我一直都想嚟試，今次咁啱去附近跑步，跑完肚餓即刻同阿sir嚟開餐，咁啱豬手又做promotion，唔係唔試呀嘛！🥢法式手打鮮蠔湯 $62 ⭐️⭐️⭐️⭐️打得細滑，蠔味濃郁鮮味十足，不過價錢貴咗啲啲。🥢白酒忌廉煮法國藍青口配香草蒜蓉包 $118 ⭐️⭐️⭐️青口大大隻無雪味，忌廉汁好香好creamy，蘸青口或蒜蓉包或豬手都好配。🥢香煎鵝肝露筍牛肝菌燉飯 $148 ⭐️⭐️⭐️⭐️飯軟硬適中夠濕潤，有好多嫩露筍同牛肝菌，同埋整整一件油脂豐富嘅鵝肝，好味到一口接一口。🥢柚子脆皮豬手 $98 ⭐️⭐️⭐️⭐️⭐️最期望嘅豬手終於登場，好貼心切好一件件，皮脆到咬落咯咯聲，肉非常入味juicy，柚子芥末醬係錦上添花，豬手完美到無可挑剔。二人共消費：$469

今次再次嚟到淘大廣場的SuperNormal，裝修都同以往一樣有情調，放工過嚟傾偈，啤啤佢 好chill，menu同上次有啲轉變，多咗唔同嘅嘢食原味薯條開頭我哋嗌咗薯條，佢係有皮薯條，條條都好粗，好多薯肉，外脆內軟，正柚子脆皮豬手脆皮豬手做緊大特價，有三款唔同嘅味道揀， 我哋揀咗柚子味，柚子味冇咁漏，豬手皮好鬆脆，豬手肉整得好淋，味道仲好好味，豬手起曬肉，食得好優雅 😆三重奏芝士牛肉漢堡今次我哋食咗三重芝士牛肉漢堡，三重芝士漏曬出嚟好juicy，牛肉好厚好大塊，仲有一塊大煙肉，成個包連埋啲汁好豐富好大個，另外仲有配薯條，夠曬飽日本刺身帶子龍蝦汁燉飯刺身帶子大大粒，輕輕煎封個，外面煎得香，裏面還是生的，真係好鮮，個燉飯煮得好軟熟，龍蝦汁粒粒都包住啲飯，好濃鬱濃厚芝士蛋糕最後甜品嗌咗芝士蛋糕，廚師精心擺盤擺得好靚，芝士蛋糕甜度適中，餅底有焦糖味，係一個完滿嘅晚餐

{🍽️ 香港搵食 🍽️｝ Super Normal位於淘大商場既高質西餐廳。工業風設計，偏向有情調嘅風格，岩曬想傾吓偈放鬆下既人士😉 餐廳主打豬手，所以今次叫左柚子脆皮豬手 🍖 豬手外皮鬆脆，內裏肉質嫩滑，而且鹹鹹地幾惹味； 串燒就叫左厚切牛舌芯，日本雞泡魚乾同埋焦糖燒菠蘿。干蒜香紅椒藍蟹肉鮮蝦扁意粉，足料好大碟，而且好好味，意粉唔會太腍；士多啤梨熱情果梳打，士多啤梨很重，而且熱情果既酸味唔會太多，好飲 👍🏻 至於菠蘿雪梨四季春茶，茶味好清新，菠蘿雪梨嘅味道恰到好處🤤🤤🤤 重點推介焦糖燒菠蘿👍🏻👍🏻 真係好好食，酸酸甜甜嘅菠蘿上面有脆脆嘅焦糖，將菠蘿本身嘅酸味中和左，正🤤🤤🤤

SuperNormal我encore唔止一次嘅餐廳，佢嘅德國咸豬手原價已經好抵食🥳重點7月期間限定豬手$98蚊一隻，仲要有三種口味，柚子味/泰式秘製汁/黑椒味,任君選擇麥啤浸脆皮德國咸豬手🐷自家釀製柚子麥啤浸足豬手8小時，雖然只是98蚊，但童叟無欺，一樣咁大隻！豬手皮脆肉嫩配埋泰式秘製汁, 微辣帶酸，性價比極高😋絕對無令我失望，水準依然，送酒一流🍺🟢黑松露薯條配自家茄汁$62.0美味的炸薯條配上香味濃郁的黑松露，好食到不得了，簡直令人無法停下來🔴燒羊架（兩件 ）$78.0羊架肥瘦均勻，肉味豐富，肉汁帶甜，口感柔嫩，咬落去唔乾身好爆汁。🟡焦糖菠蘿$36.0我至愛，新鮮菠蘿連皮燒，脆脆的焦糖包住多汁鮮甜嘅菠蘿，一啖咬下去外脆內甜，超正🥳 每一杯cocktail都好靚，真係唔知點揀😂🟡 Cocktail- Tequila Rock $62.0Tequila, Vodka酒配桃，橙，紅莓汁，味道酸酸甜甜，加埋佢嘅可愛酒杯，打卡一流👍🟣Cocktail - Yuzu Yuzu -$64.0日本清酒配上柚子梳打，味道清甜可口，酒杯造型好搞笑

一向都覺得supernormal係幾高性價比西餐，最近仲有$98豬手，真係平到唔信！❣️$98豬手係7月限定，所以記得盡快去！❣️個人覺得每款菜式味道都唔錯，特別鍾意🍔！🐷德國脆皮鹹豬手$98- 大大舊多肉，慢煮肉質軟嫩，外皮有柚子香脆得來微甜，最難得係唔會好鹹，真係有水準！🍔牛油果他他脆魚柳堡$96- 魚柳大大條好厚肉，肉質夠嫩，配上他他醬好香口，仲有大大粒軟淋牛油果肉，幾足料滋味🥗溏心蛋凱撒沙律$88- 菜幾爽口，配上溏心蛋蛋黃香，開胃之選野飲點了🍹tequila rock $62，tequila酒味濃，另外yuzu yuzu好清新，最特別係個賣相都吸引。

Supernormal 是一家有酒精飲料的西式餐廳，適合朋友們聚餐，餐廳燈光具氛圍，挺有情調的。首先是我和朋汞選了兩個主食其中一個是他們的洋蔥甜酸醬烤雞。甜酸汁十分掛雞，雞肉烤得微焦，散發著誘人的香氣。烤雞肉保留了肉汁，口感豐富多汁。醬汁中帶有小洋蔥的調味，增添了口感，並與雞肉完美結合，絕對值得一戰。另一道是泰式秘製汁脆皮豬手。豬手外皮酥脆，內部則保持著柔軟的口感。搭配上泰式秘製醬酸口感讓豬手不油膩。這道菜的豬手肉質不會過於韌硬配上酸菜，更能提升整體的口感，及減少油脂的口感。在飲品方面，菠蘿雪梨四季春具有淡淡的菠蘿香氣，而四季春茶底則在口中帶來後勁。雪梨的清甜潤口，味道不錯。最後，丁香肉桂檸蜜是一道獨特的飲品。肉桂原條的加入展現了他們的誠意，丁香一粒一粒地插入檸檬中，十分漂䇔。飲下去的時候給人清爽的感覺，並且潤喉。