SUKIYAKIYA

營業中

休息中

我同老公拍拖周年紀念，當然要食我最鍾意嘅壽喜燒啦！咁啱知道灣仔開咗間新嘅舖頭，我身為fans一定要去啦！🥳🥳🥳🥳果然冇令我失望，連老公仔都話正❤️❤️❤️一開始我哋嗌左一個和牛A5set$589個餐包一個前菜三款都好好食，佢會介紹由左至右咁樣食😊😊跟住會有盤蔬菜主角終於出場啦！入口即溶，啲油香香到完全講唔到野！我老公話好食過喺日本食添🤣🤣🤣🤣可能思鄉病嚴重得滯🤪🤪🤪另外追加咗$249嗰款牛，雖然啲油脂冇咁多，但肉味就重咗，我覺得都好好味😋😋😋High ball 佢會有職員幫你排位，整個壽喜燒湯底，用嚟淥啲菜，但你可以選擇放唔放和牛響面！我同我老公覺得啲和牛都係燒好食好多，就咁擺喺面淥黎食就浪費左😌😌😌有甜品有飲品個餐可以揀飯或者烏冬，另外仲有隻蛋俾你打，用黎mix 和牛黎食！另外一讚，服務一流，有人幫你燒呀，淥呀甘🥳🥳🥳一句講晒，快啲book位嚟食啦🥰🥰🥰🥰

一早電話預約位置！都非常滿坐！本人提早左17:45到達；快速安排在卡坐位！一坐低職員介紹有什麼餐牌內容及先上一壺熱茶及口罩紙袋！非常貼心！佢A5和牛餐大概近$600已包括頭盤三小碟、150g牛、蔬菜盤一個、飲料一杯和雪糕！由於我同朋友都怕和牛太油脂重、所以點了A3和牛餐加一個雞肉餐！首先前菜三小碟、和牛餐有和牛他他、芝麻露荀和柚子蘿蔔！雞套餐就和牛他他換上蔬菜漬！和牛他他配上蛋汁嫩滑易入口、濃濃牛肉味🥰！露荀爽口！好似食緊澳門芝麻糖！蘿蔔爽胞！主菜到啦！高大男職員細心為我們先煎香和牛配上壽喜燒汁！自行加上雞蛋汁吃！牛味和脂肪在口內爆發🥰🥰🥰一吃難忘！食完牛就再煎雞肉...但牛肉實在太出色！將雞肉比下去！最後加湯及壽喜燒汁煮剩餘既菜盤！所有菜都食得出係高汁貨色🤨👍最後先食套餐上既烏冬！爽口彈牙...剩餘湯汁再炒飯！非常完美！餐後配上雪糕及美式咖啡！大滿足🤗🤗🤗

小弟和太太都是Sukiyaki控。而每次去日本都喜歡去品嚐不同的Sukiyaki店。今年因為疫情冇得去旅行而剛好朋友介紹呢一間新開店咁我哋就去試吓啦。整體來講餐廳環境舒適。每一位員工都非常之親切有禮和專業。我們點了一個A5特選和牛一個和牛嘅Sukiyaki。 建議如果預算合適A5特選和牛絕對係推介。順帶一提佢哋配嘅蔬菜份量亦很足夠。set 包埋前菜，飯或烏冬，餐飲和甜品。呢一餐食得好滿足好舒服。值得重臨

好掛住日本嘅壽喜燒同shabu shabu冇得去旅行唯有放肆下係香港食止下癮!呢間新開嘅壽喜燒專門店供應日本A5 A4和牛仲有好多鍋物選擇餐廳位置偏遠 近灣仔碼頭個邊餐廳內座位都算多 間距較闊落坐得幾舒服 而且感覺乾淨由頭到尾都會有店員serve 服務好好日本產黑毛和牛(A4) (一人前)一人前嘅壽喜燒包括前菜 肉 野菜盤 烏冬或飯 飲品 甜品非常豐富呀！前菜有三小款 味道由淡至濃好有心思 款款都超開胃 顏色都好吸引淡味有柚子醃蘿蔔 酸酸甜甜 好清甜爽脆之後有野菜蒟蒻 鹹鹹甜甜幾過癮最後有柚子醃三色蕃茄 好鮮甜juicy店員先會用舊油脂燒熱個鍋再將和牛片放係鍋上燒和牛選用鹿兒島野崎牛雪花紋超靚 色澤粉紅 油脂分佈好均勻加咗壽喜燒汁一齊燒蘸上蛋汁一齊食 入口油脂香滿溢肉質嫩滑 好濃郁牛味 超好食蛋汁同壽喜燒汁嘅香味完全唔蓋過和牛原本嘅味 反而更加分！怕膩嘅仲可以唧啲青檸汁一齊食食到一半又可以燒蔬菜野菜盤都有好多種類菇類 大蔥 洋蔥 南瓜 芋絲 蕃茄等等蔬菜樣樣都好新鮮吸咗和牛油脂香加上特製壽喜燒汁同高湯精華中嘅精華最後梗係要加個烏冬埋尾先perfect池！烏冬同樣索哂鍋裡面嘅精華質感彈牙

今日一嚐這間新店，揀左壽喜燒A5和牛餐，服務員全程講解，讓你試盡三種食法（沾蛋吃、味粉吃、青檸汁吃），服務態度一流！值得欣賞！前菜當中的和牛他他配上鵪鶉蛋，好正呀！係食過他他以來整得最美味的！主菜和牛六大塊，份量係好大塊的，入口即溶！好味！最後配埋烏冬，飽呀！

公司樓下新開咗餐廳，決定試一試。訂咗枱，準時到，不過入到餐廳裡面便發覺出事，冇乜人，都估到價錢應該唔平。打開餐牌，先發覺原來冇 set lunch ，價錢同晚餐一樣，坦白講，真係貴，晚餐或者可以，lunch 就。。。。 佢餐牌有分壽喜燒同火鍋，但下午仍要返工，免得成身味，所以揀咗火鍋 朋友之後到埋，冇理由就咁走，於是兩個女仔叫咗一個和牛套餐，加一個烏冬，但估唔到夠食，下午茶都唔使食嘢 👍🏻👍🏻👍🏻👍🏻前菜 - 第一碟係蘿蔔；第二碟係生牛肉；第三碟全係蕃茄，但，好好食喎 👍🏻👍🏻👍🏻👍🏻👍🏻 牛 - 正 👍🏻👍🏻👍🏻👍🏻👍🏻👍🏻👍🏻👍🏻👍🏻烏冬 - 冇乜驚喜 好多菜 👍🏻👍🏻👍🏻👍🏻👍🏻👍🏻👍🏻👍🏻牛肉窩 - 又真係幾好食 😋😋😋😋😋

灣仔 美食攻略 全新日本品牌開幕 SUKIYAKIYA 壽喜燒專門店 關西風 鹿兒島野崎和牛 肉嫩味濃 專人席前料理 Fine Dining 油花均勻入口即融港灣道30號新鴻基中心 2樓2A-1店 唔洗去旅行都食到日本專門店水準灣仔最新餐廳介紹A5和牛壽喜燒,專人席前料理餐廳係本地最大肉入口商,可以引入頂級和牛今次就引入鹿兒島 野崎牛牛肉細緻嫩滑多肉汁而味濃郁有彈性一口食盡脂香甘甜,回味無窮每個客人落單後,由服務生專人代為料理由擺盤到前菜,醬汁都十分講究最重要係價錢合理,人形町今半都要7000YEN咁圍返港幣而家$589 (A5和牛)直頭抵過去日本食!套餐包野菜盛合,甜品 和牛油花均勻,色澤粉嫩,而且切得厚身食起上黎不會太薄而失去口感 另一重點,就係特別調製既和牛他他十分開胃,令人好驚喜既味道,手切而成肉質唔會太細碎而失去和牛獨特香氣 前菜三色車厘茄,柚子葡萄,酸香開胃套餐包括:野菜盛合,食材都由日本直送先食牛肉,再由店員幫你將蔬菜下鍋蔬菜吸飽和牛脂香同壽喜燒汁,非常味美 店員先將和牛油脂起鍋再將和牛片放上鍋中煎香加上醬汁 推薦將日本雞蛋拌勻沾蛋汁食食起黎更加嫩,值得一提這裡的壽喜燒醬

經朋友介紹知道灣仔有間新開餐廳食壽喜燒，就約埋屋企人一商去試下。之前食過幾次都係去日本旅行時食，香港未食過，所以都好期待。當晚約左八點，我地準時到達，先量體溫後入座，我地既坐位係塌塌米，不過唔洗跪係度食既，佢係一張櫈。坐低之後店員就派發餐牌，不過佢無介紹就行開左，可能都比較繁忙，而且冷氣比較凍，怕凍既人建議要帶定外套。當晚我地一行五大一小，點左日本產特選黑毛和牛A3,A4,A5各一份，每份係for兩人。先上前菜柚子蘿蔔，和牛刺身他他，蕃茄仔柚子蘿蔔 : 味道清新和牛刺身他他 : 味道偏咸( 我從未試過食生牛肉，今次係第一次，食落口完全唔覺得食緊生牛肉，連唔食生野既奶奶都食到，可能因為比較重味，所以會比較易入口)蕃茄仔 : 酸酸甜甜，開胃一流。佢應該係有醃過，不過唔知用咩醃食完前菜就到主角先上三份牛肉，跟住再上三份雜菜盤，另外每人有一隻日本無菌雞蛋，打落個碗度一陣點和牛食。職員會先幫我地煮部分牛，佢地亦建議唧青檸汁落塊牛度食，我試左，係幾清新，感覺上無甘油膩。跟住加湯煮雜菜，另外每人仲有一份烏冬，不過無包飲品，但餐廳有供應免費熱玄米茶。最後仲有柚子雪葩做甜品。A4和牛A5和牛A3和牛雜菜

一家人食好西，叫左牛同豚肉壽喜燒/涮涮鍋。牛肉入口即溶A5 A4 簡直人間極品，好新鮮，脂肪分佈平均，質素無容置疑。而個豚肉就無豬肉嘅臭味，嬾口，高級貨色果然唔同D。其他蔬菜都好新鮮，好甜。另外， 成餐都有專人講解同淥， 服務都好一流