Soi.29

營業中

休息中

Soi.29 (尖沙咀)📍尖沙咀寶勒巷29寶昌商業大廈地下尖東呢頭唔算多泰國菜餐廳，今年就新開左一間，味道都唔錯，所以推介比大家🙌🏻✨燒牛肉重點推介燒牛肉！牛肉既熟度啱啱好，入面仲有鮮嫩既粉紅色。牛肉柔軟嫩滑，肉味濃郁，加埋祕製既醬汁，食落酸酸辣辣，減輕左膩既感覺。✨泰式炒椰菜苗呢到既菜都可以百搭，姐係泰式/馬拉盞/勁辣/蒜蓉都可以搭椰菜苗/芥蘭/西蘭花/通菜/雜菜，泰式炒菜落左麵豉，所以咸咸香香。✨鹽燒魚鹽燒魚出面包哂一層厚厚既鹽，咸味滲哂入魚肉到，調味啱啱好。條魚既肉質嫩滑，唔會鬆散，不過比較失色既係魚既味道比較淡。點左汁之後，酸酸地既味道吊出魚既鮮味，而且少少辣更加開胃。✨酸辣鳳爪沙律係所有餸之中最辣既一道，鳳爪去左骨，食落啖啖肉好方便。仲有蕃茄仔、青瓜、生洋蔥等配料，非常豐富。✨泰式拼盤有蝦餅、春卷、雞翼，每款四件，啱哂同朋友share。全部野都炸到脆卜卜，加埋泰式辣醬，都唔錯。✨芒果糯米飯佢係少數上檯嘅時候仲出緊煙嘅芒果糯米飯。芒果夠甜，份量唔少。糯米飯煲到比較稔同濕潤，但係椰汁既味道唔夠香甜。最後每位客人食完飯都會有泰式冰棒送返架，我地食個晚係洛神花同提子味，非常有風味～

星期五嚟咗呢間餐廳食飯冇得book位所以Walk in排咗幾分鐘就入到座 安排入座嘅員工好好人入到去裝修非常泰國風味食物方面就嗌咗沙嗲$88 可以相併雞肉同豬肉 唔錯 好滑好入味生菜包(豬/牛)$88/98 份量好大 生菜都俾好多 而且味道非常不錯豬手飯$78 呢個正! 豬手超級淋同埋入味 但又唔會太肥 好好食！勁辣炒椰菜$68 呢個就普普通通 無勁辣咁誇張不過都合格飲品方面就嗌咗 青檸梳打 同埋泰式凍奶茶 好有泰國嘅感覺 唔錯！最後臨走 員工有問我哋食咗雪條未 超級nice

今日同我高太食飯，左揀右揀終於都揀左soi 29食泰國菜對於一年去十次八次既高生黎講，依度真係滿滿既泰國風味餐廳用左好多泰國飾物去做裝飾播既歌都係新啲既泰國音樂餐牌都有好多泰國地道菜色今日同高太得两個胃試唔到甘多野，下次試多两樣先同我高太食飯，一定要嗌個菜先泰式炒雜菜真係完全泰國地道風味，令人懷念睇左好多食評都話要試依個燒牛肉雖然其實好多泰國人都唔好牛肉，但係依個牛燒到生熟適中，非常好食串燒拼盤靈魂係個醬度，唯一美中不足係啲腸仔芒芒芒果糯米飯超好食唔食甜野既高生都要食除左糯米飯熱左少少，但係已經完勝過香港好多泰國餐廳抵食又好食，好快再反黎

其實如果有人喺尖沙咀飲嘢 都可能有人叫外賣食過呢一間！兜兜轉轉 地方終於喺尖沙咀開返實體店舖㊗️ 仲記得幾年前 第一次食過佢嘅燒牛肉就覺得好好食 所以同同事係公司補食生日飯 我就提議食呢間叫個外賣先（發泡膠盒嗰啲串燒同燒賣係華記嘅 大家可以忽略）咁當然一嚟到要叫呢個好出名嘅燒牛肉啦！😈但係我都想知同呢個嘅燒牛肉沙律有咩分別（下次問吓人先 ）燒牛肉依然好食！因為仲有叫附近嘅舖頭串燒（牛柳肉） 一對比呢⋯呢間嘅燒牛肉當然係好味好多啦😂😂 點埋呢個醬汁就好泰式味道啦 正生蝦依然好味道好怕唔夠飽 叫咗個醉貓炒河！呢個都好好食好夠味 不過略嫌份量有啲少 哈哈😂😂但係呢一個生菜包呢就覺得普通 還好！味道爭少少😛 個人覺得唔夠濃味下次推介大家去舖頭食 比較有氣氛！舖頭裝修都好靚 好有風味👍🏼👍🏼👍🏼祝生意興隆

今次試咗呢個大排檔風嘅泰式餐廳 最鍾意就係食泰國嘢(๑˃̵ᴗ˂̵)و 尖沙咀寶勒巷嗰邊就最多好嘢食啦~~~~呢間餐廳嘅裝修顏色都好eye catching 估唔到平日去都座無虛席🤰牆身d鐵皮+colourful ge poster同d枱櫈都有大排檔feel，舖頭細細來講佢都唔算坐得迫燒牛肉 $128呢個真係必嗌!! 牛肉生熟啱啱好脂香感重 而且嫩口牛肉好嫩滑配埋酸甜醬汁好食好開胃(๑˃̵ᴗ˂̵)و 串燒沙嗲 $88我哋就揀咗雞肉串🍢食串燒最正嘅就係啖啖肉唔使lur骨 再加埋佢嘅沙嗲醬٩(ˊᗜˋ*)و✧*｡果然美味是卡路里的朋友馬拉盞通菜$78 不嬲都覺得出街食飯炒碟菜其實都好貴 不過出嚟食嘢就係咁(´ . .̫ . `) 馬拉盞個醬汁好入味 美祿雪條 免費贈送有個鐵做嘅傳統雪條爐製 埋單之後每人一條免費贈送細細支食飽再食都唔會太Heavy

同朋友慶祝生日🍾️，想去下小店，唔想去連鎖，見到尖沙咀有得食泰國🇹🇭菜，朋友本身都喜歡泰菜，見餐廳🍴地點都方便又容易搵，就試試佢先😋😋😋當去到好多人，OpenRice book 左都要等一陣間先有位，坐座唔算舒適但以小店黎講，算幾好👍🏻食物方面好食😋尤其係串燒拼盤✅，叫左一份，再外賣🥡多一份添，朋友拎返屋企宵夜😂泰式鳳爪，我同朋友都覺得辣嘅，一路話辣但係不停繼續食🤣🤣乾炒河好食😋生菜包都有少少辣🔺整個用餐體驗很多❤️有機會會再去呀☺️✔️

聽講尖沙嘴開左間好特別既泰國菜，鋪頭內籠好似港式大牌檔。雖然似大牌檔，但坐落唔逼同都算舒服。我地今日好肚餓，叫左四樣野食，分別係冬陰功湯金邊粉 / 燒牛肉 / 酥炸皮蛋蝦餅 / 蝦膏炒飯。冬陰功湯金邊粉好多人推介依個，但我覺得佢唔算好驚喜，算係正常味道，佢味道偏甜酸，冇咩辣味，個人比較鍾意酸辣重D既冬陰功湯，下次黎就未必會再叫。燒牛肉依個真係必食同埋一定會再食，牛肉燒得岩岩好，唔會太熟好淋，唔使點咬已經食到，而且本身調味都好夠，真係會食唔停。酥炸皮蛋蝦餅今晚最驚喜既一道菜，完全冇諗過皮蛋同蝦餅係咁夾，但記得記得一定要點泰式辣醬，成件事係即刻變滿分。覺得依道菜會係伏既朋友，你叫完一定唔會後悔。蝦膏炒飯依個算係正常發揮，略嫌D飯未算好乾，但都有好香既蝦膏味，算係醫肚唔錯既選擇。

餐廳成個環境闊落 裝修顏色好鮮艷 用黎影相打卡好唔錯 好有泰國嘅感覺 好似真係去咗泰國咁樣除咗裝修之外 食物唔算貴 食完仲有雪條送食物質素平平無奇正常發揮 1.串燒拼盤 有肉汁都幾嫩口 幾抵食 有豬肉串有雞肉串仲有埋燒腸仔 有配沙嗲醬夠野味？2.泰式生蝦 蝦肉爽口彈牙 中間嘅醬料都有少少辣3.生菜包 不過不失 冇咩特別驚喜飲品方面 嗌左香茅荔枝冰同埋龍眼冰 荔枝冰香茅味過重 一般般 但係如果鍾意香茅味嘅人應該會好鍾意 但係荔枝肉幾甜唔錯

完全冇諗過星期一都可以坐無虛席, 食到我地差唔多走都仲有人啱啱先坐底😅 呢度成個裝修都係走泰式街頭風, 枱枱凳凳都係大排檔會見到, 而且都坐得幾逼, 真係有大排檔既氛圍🙃 食物同飲品既選擇都幾地道, 質素都比想像中好添🥰酸辣龍鳳爪沙律🥗($78)食泰國菜必點, 有別於平日食到既酸味比較重, 今次呢個係勁辣, 鳳爪勁彈牙爽口, 沙律勁多, 係一個超refreshing 既前菜, 但係如果唔太食得辣既朋友就唔好挑戰喇🧐串燒沙嗲🍢($88)豬同雞每樣三串, 燒到香噴噴同埋夠熱辣辣, 點埋個沙嗲醬絕對係無懈可擊😎 我覺得叫呢個串燒會好過叫串燒拼盤, 因為見到隔離枱叫左除左肉之外仲會有燒腸仔, 但係腸仔好似普通左啲, 所以想啖啖肉又平啲既話我建議叫呢個🙂香茅燒雞半隻🐓($88)半隻既份量都算多, 雞整到好有色澤感, 而且肉質好滑, 就算係雞胸既部分都唔會”鞋”，再點埋個特製辣醬同隻雞超夾😎 不過香茅味就欠奉, 但係都係一隻好食既燒雞👍🏽醉貓炒河🍲($88)見到個名以為有酒去煮, 但其實一啲關係都冇😂 個名有兩個唔同既說法, 有人話係起源自有個廚師飲醉酒求其炒出嚟, 亦有人話專門係煮畀醉咗嘅人食😉

繼續係呢啲尋找旅行的感覺嘅餐廳由泰國夫婦主理 菜式感覺再「平民」啲 店舖裝修再加啲粉紅藍膠碟令成件事再有feel啲😂🤍冬陰功湯金邊粉($72) | Rating: 8/10係濃郁同味道幾正宗嘅冬陰功湯!!辣度同酸度都適中 揀咗配牛肉牛肉片幾嫩幾香 但牛肉粒就比較普通🤍燒牛肉($128) | Rating: 8.5/10會話係必嗌!! 呢個質素仲要唔貴牛肉生熟啱啱好 未到好嫩身但都易咬肉味幾濃 脂香感都唔錯 配嘅醬汁都好食!🤍鹹蛋魷魚($118) | Rating: 6.9/10其實唔係難食 但就比較失望因為食落唔算太香口 整體味道少淡鹹蛋味亦都唔太出 有好多改善空間🤍馬拉盞椰菜苗($88) | Rating: 6.8/10比較普通嘅一碟 正常發揮咁如果可以多翻少少鑊氣同馬拉盞嘅存在感會比較好🥲🤍泰式奶茶($38) | Rating: 6/10雖然差唔多倒曬成杯落細妹條褲到😅但飲過幾啖都仲記得咩味 好水好淡(?)茶同奶味都唔出 但同時又唔會好甜😂總結就係倒瀉咗都唔太心痛🤍美祿雪條(星期四五六贈送) | Rating: 7.5/10用傳統雪條爐製作 埋單之後每人一條!雖然係免費但都冇hea

冇得去泰國 真係好掛住芒果糯米飯及馬莎廚！  九龍城泰國菜係好食， 但問題冇得book位， 人多好難咁樣等法， 好彩尖沙咀呢間泰菜有得book，不過book咗都係要等，可能星期六啦，最終等了大約半小時入座先來一杯西瓜沙冰， 好有誠意有塊西瓜同有把遮仔，感覺都泰泰地馬拉盞通菜 炒得都幾惹味 唔算好油泰式乾炒河 （雞肉）ok呀！有鑊氣 唔錯唔錯 菠蘿炒飯啲飯炒得算乾身 加啲肉鬆 菠蘿粒都算新鮮 呢個好好味 船麵喜出望外 最好食係呢個！ 湯同麵都好泰呀! 泰式炒雜菜少少辣辣地 真係唔知點解會系辣 串燒兩碟遲咗好多先嚟 肉係好食的 但最大問題係凍冰冰 唔熱點會好食？ 真係大打折扣！芒果糯米飯 $68芒果都幾甜 糯米飯暖粒粒 連埋椰漿very骨！ 飯後餐廳送每位一條 " 泰式雪條 " 當晚有咖啡味同阿華田味  我哋是阿華田味 都幾唔錯！整體都可以， 係限時90分鐘太急，座位亦比較迫， 但都值得一試

偽泰國之旅～夜市大牌檔風@soi.29餐廳細細，鐵皮牆、膠櫈鐵皮枱、彩色鐵門牌，仲有大桶雪條，真係有d旅行feel🇹🇭肉碎奄列$78: 蛋煎得好香但不油膩，有蠔餅feel,加埋肉碎，正串燒沙嗲$88:有3串雞3串豬，算抵。肉類烤得剛好保持肉汁又帶焦香。沙嗲醬有粒粒花生碎，yummy青咖喱雞$78: 青咖喱好味，不過雞肉極少，同埋冇配飯或包，差少少蒜蓉包$58: 夠晒份量，又厚又多件，點咖喱一流泰式奶茶$38:朋友話麻麻椰青$48: 唔算甜，不過清新最可惜泰式雪條星期四、五及六先有供應，唯有下次再食

尖沙咀開左間新既泰菜～之前ig見唔少人去打卡，一入到去好似去左泰國market既小檔，裝修都好地道嘅泰國🇹🇭泰式奶茶 $38 🌟🌟🌟天氣咁熱，入去叫杯泰式奶茶解下暑先🌞杯奶茶有茶味，但味道比較淡，可以改善下菠蘿炒飯 $88 🌟🌟🌟好地道嘅菠蘿炒飯，同泰國街邊食既差唔多，有別其他泰國菜既，但都比較普通，唔值得推介串燒拼盤 $138 🌟🌟🌟🌟🌟 全晚最推介既係串燒拼盤，有4款串燒（雞肉、雞軟骨、豬肉、腸仔），每款3串，好抵食燒得夠熱，配埋沙嗲汁，個沙嗲汁好香花生味，粒粒花生粒，好正

💚Soi.29💚小編見餐廳新開就去試下。餐廳有規定75分鐘用餐時間，坐位比較少，可能book位會比較好。上菜速度都幾快，而且態度幾好，所以第一印象唔錯。馬拉盞炒椰菜苗椰菜苗好新鮮，爽脆。一上其實好香，但食落會有少少失望，因為唔夠馬拉盞味，小編覺得可以再濃味啲。串燒拼盤有雞軟骨，豬肉，雞肉同腸仔，再另外配上沙嗲醬。沙嗲醬味道比較淡，但所有串燒都有幾香嘅炭燒味。雞肉：好嫩，juicy，而且唔乾，幾好食。豬肉：小編就覺得有啲肥，咬到肥肉嘅位會多少少，同埋肉質唔夠滑，呢個麻麻。雞軟骨：爽，脆。幾好食，但呢個就明顯食到好油。腸仔：因為喺廚房腸關係，所以會幾咸，呢個都麻麻。泰式乾炒 （河粉）份量正常，入面包咗雞肉。好香，有鍋氣。河粉都有咬口，唔會炒到好‘林’，所以呢個幾好食。小編會推介呢個。椰青就係正常椰青😂但要留意係呢間餐廳嘅餸菜都比較多油，可能叫野飲會好啲。另外，今日小編咁啱撞正餐廳有免費雪條食嘅時候（逢星期四五六就會有雪條食🙈 店員亦會主動講，走都會問你有冇食到），所以食完飯就食咗條泰式奶茶雪條，滿足，順便去埋油🤣

你估我唔想鴛鴦戲水就浸死，比翼雙飛就撻死呀？咁問題係你當人乾柴烈火，人地當你干炒牛河呀麻。講真對單身狗黎講，鍾意我節奏定係鍾意我結構都好，Now the time 7pm ，呢間新派泰菜「Soi.29」就係我地今晚target，HEY! i am on the way，Dim dim sum with my gang gang！👇📌廚 師 推 介 -▪️ 燒 牛 肉 - $128▪️ 泰 式 生 蝦 - $128▫️ 第一道必食廚師推介之一「燒 牛 肉」，大廚將牛肉燒到medium rare，中心位相當軟腍嫩滑，食落肉汁豐富，邊位帶少少焦香；加上餐廳自家製醬汁，鹹香十足，份量亦對得住價錢，呢個一定要試；而另一款推介「泰式·生蝦」係必點之一，生蝦咬落質感鮮甜爽彈，每一隻賣相都夠哂晶瑩剔透，點埋泰式辣醬，帶少少辣勁，夠哂風味。📌飯 · 麵 -▪️ 炒 金 邊 粉 - $88▫️ 泰國野又點少得「炒 金 邊 粉」啦，大廚炒得非常乾身，唔會好零碎，賣相乾淨；加上金邊粉調味適中，入口帶少少酸甜；大蝦入口尚算新鮮，無果種雪藏味，肉質彈牙，整體唔錯。📌泰 式 小 菜 - ▪️ 肉 碎 奄 列 - $78 ▫️ 估