Soi.29

呢間餐廳原來限時60分鐘，未食完個侍應就開始埋枱趕人走第一次：倒數10分鐘第二次：夠鐘吹埋單第三次：可以同客人講，我哋已tolerate你哋10分鐘結果：被收野、被趕走 （重點係未食完野，其實有後加食物。唔係食唔哂，係無得食完。極度浪費。收走時仲要唔問使唔使打包）跟住個呀姐仲可以同客人理論點解人哋60分鐘食完，你哋會食唔完。態度勁差嘅呀姐一餐飯埋咗枱三次請我哋走，態度差到爆炸。 食到成肚氣！正正常常一間餐廳價錢又唔係平，香港點解會變成咁。唔會有下次Btw 冷氣機仲要滴水，滴到頭髮同衫…查看更多

呢間餐廳原來限時60分鐘，未食完個侍應就開始趕人走，同客人理論點解人哋60分鐘食完，你哋會食唔完。個侍應埋咗枱三次請我哋走，態度差到爆炸，正正常常一間餐廳價錢又唔係平，香港點解會變成咁。…查看更多

之前食過覺得唔錯，所以今次特登約咗朋友再嚟試多次。本身諗住早啲去避開人潮，點知6:15到已經要排半個鐘以上，人氣依然好旺。今次照叫番上次好鍾意嘅醉貓炒河，但一上枱已經覺得份量細咗，味道亦淡咗，冇上次咁香濃惹味，啲粉仲變咗質感，一Pat pat 痴埋一齊，炒得唔夠均勻，好失望。另外仲叫咗海鮮冬蔭功湯，味道正常，酸辣度都ok，不過點餐時有啲小插曲。我哋三個人想要大份，店員一直勸話會飲唔晒，直接幫我哋落咗細份；之後我哋想改返大份又唔俾，要去到最後另一位職員先肯幫手轉。結果湯真係飲晒，入面菇多但海鮮唔多，整體中規中矩。反而最出色係泰式肉碎飯，調味香口又夠鑊氣；燒牛肉質素依然keep得好；燒魷魚就中規中矩。整體水準同上次有明顯落差，失望多過驚喜，老實講應該都唔會有下次。…查看更多

有驚喜嘅菜式，特別係嗰個燒魚都夠滑。預咗一定要叫飲品。感覺天氣再凍啲會再好食啲，食依間嘢令我諗起以前九龍城啲泰國餐都好出色㗎。所以如果而家唔敢去泰國嘅朋友就可以喺度食翻餐。…查看更多

食泰國菜唔一定要去九龍城既🤤呢間正宗泰國菜最近係社交平台大熱🔥我同朋友唔執輸去試，真係好正😍 即刻睇下有幾正啦❗️🥢醉貓炒河 ($88) 呢個名勁搞笑😂 相傳係有個廚師飲醉酒求其炒出嚟，所以咁改😂不過呢度既醉貓炒河一D都唔求其，米粉柔韌，配料豐富😙仲食到啖啖既鑊氣🔥好開胃好正😋必點‼️👍🏻🥢燒牛肉 ($148)呢個又係必點‼️👍🏻 牛肉切得厚實，但一D都唔鞋🤩味道濃郁，選用既醃料非常入味，唔洗蘸醬都好食🤤🥢燒豬頸肉 ($108)豬頸肉既油脂分佈均勻，食落香口，配上特製醬料，食唔停口🤭🥢蟹肉奄列 ($108)奄列勁漲卜卜勁足料😋 食到啖啖新鮮蟹肉，搭配上柔軟蛋皮，又係食唔停口🤣🤣🥢炒咖喱軟殼蟹 ($138)軟殼蟹外脆內嫩，咖喱超級香，BB辣，食唔到辣既人都食到🌶️食咖哩一定要配埋蒜蓉包 ($58)😛🧄蒜香四溢，外脆內軟，撈埋咖哩食係cls咁好食🤩🥢飛天炒椰菜苗 ($88)椰菜苗超級新鮮爽脆，炒到恰到好處，好惹味😍飲品我地就叫左:🥥椰青 ($48): 椰青清爽解渴，清甜好味😙🧋泰式奶茶 ($38): 固定甜度，有啲過甜，但係勝在茶底濃🫖🥥椰汁沙冰 ($48): 清涼消暑，椰汁嘅甜味恰到好處🤪🥭芒果糯米飯食泰國菜一定要食芒果糯米飯🤤 佢既飯暖笠笠，煙煙韌韌，唔會好硬😗芒果好清甜，但唔係浸糖水既甜，配埋椰汁同埋糯米飯嚟食，真係好滿足😜🍧甜品埋完單臨出門口之前，餐廳會一人一條手工雪條🤩有提子和芒果味，雪條口感細膩，水果味道鮮明，完美結尾🤭SOI.29 每一道菜都展現了泰國料理獨特既魅力，價錢又唔算好貴，性價比高，排隊大概半個鐘就食到😝灣仔分店仲有得book位，唔洗排隊🤣下次想食泰國菜唔洗去九龍城既，黎SOI.29啦😋…查看更多