Sky726

聽過好多朋友都介紹呢間餐廳 有咁好風景但係價錢又唔係好貴 性價比果然好高入座嘅時候只係6:30 嗰陣時天都未黑 但係放咗工望住個城市竟都真係覺得好寫意直到食完嘅時候大約7:30 在望出去夜景好靚講返食物 叫咗白酒煮青口配薯條 因為我實在太鍾意食青口 每次見到有都一定係必點 佢呢度個醬汁係用咗蕃茄同埋辣肉腸煮成 所以見到佢個汁係紅紅地色 青口肉質彈牙 即使係急凍貨色都唔會有雪味另外叫咗炸雞軟骨配黑松露醬 雞軟骨炸得好鬆脆 通常都只係配普通沙律醬 配黑松露醬個感覺都幾特別 多咗一種香味更加食到停唔到口主菜叫咗羊架 食得出佢表面有醃製過 所以外面有啲唔香粉嘅味 肉質外脆內軟 燒得啱啱好大概五成熟 另外要提薯蓉 好香牛奶味 好creamy其實間餐廳都幾有情調 下次可以happy hour

呢間法國餐廳最大嘅特點係你可以一邊望住個靚景 一邊享受燭光晚餐🕯🤍 而且食物質素都好唔錯 兩小口黎就最適合👫🏻✾ Iberico Pork Chop🐖 (hkd188)呢個主菜係必點！ 真係又好食cp值又高 黑毛豬鞍扒煮到好入味淋身 肉汁豐富又唔嚡 配埋黑醋汁同埋牛肝菌醬一齊食層次再多一點 令人回味☺️✾ Veg Strozzapreti🍝 (hkd168)手卷意粉嘅質感好煙韌 睇得出落咗心思 不過芝士略厭唔夠多🧀 被佢嘅醬汁同埋野菌味蓋過咗 以素菜黎講味道算幾唔錯👍🏻✾ Chocolate Fireball☄️ (hkd88)好浪漫嘅一款甜品♡ 有工作人員倒冧酒令個朱古力球著火 然後慢慢溶化 露出brownie同埋雲呢拿雪糕 賣相創意有 但個人感覺冧酒太重味 令到朱古力較苦澀～總括而言 食物質素幾高 亦睇得出有落過心思 係呢個地段可以食到一餐法國餐 又有靚景陪伴🌃 呢個反差做得好好 值得再黎試其他菜色👍🏻

《高空城市景西餐》係鬧市高層既呢間餐廳，可以都可以欣賞成個旺角啲城市景，想坐窗口位嘅話最好早少少book定～💛 慢煮黑毛豬鞍扒配意大利黑醋汁及牛肝菌醬（$188）因為係慢煮嘅關係，呢個豬鞍扒嘅等候時間可能會比較長，亦有可能會有啲粉粉地既感覺，不過我仍然覺得呢個性價比好高，除咗因為塊豬扒好厚切之外，同黑醋汁仲有牛肝菌醬都係一個好好嘅配搭💛意大利手捲意粉伴野菌及巴馬臣芝士（$168）第一次食手捲意粉嘅我覺得口感都幾得意，有啲似長通粉，但係又比較幼身同埋彈牙。呢個意粉因為係素食嘅關係所以菇比較多，但係芝士味就相對冇咁突出💛火焰朱古力球（$88）見到佢個名覺得好吸引好啱打卡就嗌咗，一嚟到嘅時候店員就會幫手點火，等外層嘅朱古力慢慢溶化之後就會見到裏面嘅雲呢拿雪糕同埋brownie，係一個比較考心思同埋特別嘅甜品。朱古力同brownie嘅味道偏苦，同埋一路食嘅時候都會食到啲點完火殘餘嘅酒味💰人均消費：約$250

今日同幾位好姊妹一齊去呢一間嘅餐廳，環境唔錯食物、質素呢都OK擺設都好靚我哋都打咗好多張卡，另外地點都好方便，喺旺角地鐵站只係五至10分鐘就到想幾個朋友仔放工傾吓計，值得推介俾大家一試

成日見到啲人影依間餐廳個景，一直都未有機會去，今次揀咗晏就時間去，希望可以欣賞下日景。個日天氣都吾錯，見到藍天白雲。見到lunch menu都有好多選擇，不過我地吾想食啲咁heavy既野，所以就揀咗小食同埋brunch set😋黑松露薯蓉一嚟到既時間就好聞到好濃既黑松露味。食落去既口感係好滑好creamy，而且真係啖啖都好多黑松露，仲食到牛油既香味。😋香煎蟹餅個蟹餅比我想像中大舊好多，而我好欣賞餐廳有提供檸檬夾汁器，因為我每次自己吱都吾想整污糟自己隻手。蟹餅外脆內軟，而且入面有滿滿既蟹肉。😋炸雞窩夫三文治個賣相真係好得意，係用咗兩塊窩夫做個三文治既包，入面再夾咗塊炸雞、生菜同埋黑松露醬。味道都幾特別，因為窩夫係甜既，但係個炸雞就係咸既。😋半熟流心芝士撻依個真係好值得推介，原本以為係平時係街食既芝士撻，但無諗過係餐廳自己整。而且，真係一切就流晒啲芝士岀嚟，個撻皮好好食。

Went to celebrate family’s birthday and the lunch menu tasted alright. However, we were greeted with an unwelcoming attitude by one staff in particular who was in charge of our table. We stayed from 1:40pm till around 3:15 which is when I assume their break begins. Staff were probably eager for the last customers to leave and we could feel that the displayed a long face and did not have great manners at the time. Overall, it was nice to try the food out but I wouldn’t come again.

小編聽過呢間餐廳好耐！睇到openrice book位早段晚市有75折優惠😍諗咩啊？即刻去試啦‼️📍 慢煮黑毛豬鞍扒配黑醋汁及牛肝菌醬 ($358)一塊： $188 二塊：$358有聽staff介紹呢道菜式用超過16小時去煮可以將肉汁鎖住 又唔會令肉變老就甘比佢吸引咗order嚟試🤤2塊豬鞍扒都好厚 表面有網紋👍🏻吹落去肉質軟淋 唔需要用過多既力去咬口腔feel到肉係好juicy 唔好乾到鞋sip sip🤣🤣墊底既雜菇份量唔少，味道不錯必叫既一道菜‼️📍 牛油白酒煮藍青口伴法式薯條($198)青口配白酒正啦～唔會輸既組合 睇到都流哂口水👅青口新鮮清甜 份量都多 連埋個汁食真係very good😎薯條黎講調味夠 普普通通📍 檸檬意大利軟芝士泡沫伴草莓雪芭($98)呢句半熟芝士撻好有驚喜💓入口芝士味好濃🧀 帶少少檸檬味🍋餅底又焗得好好 好脆仲微熱食哂又吾會好膩喎 草莓🍓雪芭唔係好甜 酸酸地 好開胃岩岩好可以解芝士撻既「膩」📍 是日餐湯($68)個日既餐湯係小編最愛既南瓜湯🎃好香南瓜味 甜甜地 好creamy仲飲到少少南瓜纖維再附上兩個微暖餐包 普普通通但點南瓜🎃湯真係一流😈——————————

為慶祝胖友的生日，小胖選擇了呢間可以睇到夜景的高層法日fusions 菜。呢間餐廳的地點都幾易揾，入到去整個環境都有浪漫的氣氛，好適合撐枱腳。小胖二人點意大利手卷意粉伴野菌，辣肉腸巴馬臣芝士，香煎安格斯肉眼扒，焦糖鵝肝和檸檬芝士泡沫伴草莓雪芭。小胖超愛手卷意粉，以往的餐廳都係只有天使麵，扁闊條麵等，小胖少見有手卷意粉，今次係小胖第一次食呢款意粉，佢俾普通意厚身小小，外形有點像扭扭粉，比常見的意粉更煙韌有咬口，餐廳煮到軟硬適中。鹹香辣的肉腸片加上芝士和清淡的野菌，辣味減弱了的同口感更豐富。佢的焦糖鵝肝亦十分新趣，脆甜焦糖片減輕了鵝肝的肥膩感，帶出鵝肝的新口感和味道。肉扒十分厚身，唔會煎過火，仍保有肉汁和濃濃的肉味，超大份，小胖二人差點吃不完。整體而言，環境還可，因為可能為了要合乎防疫要求，坐位沒有很闊落，不過食物有質素，服務態度亦可。

📍位於旺角鬧市中的法式餐廳Sky726坐喺窗邊可以觀賞旺角繁忙街道的風景☁️食物和環境不錯，但店員服務態度可提升➖➖📌 Benedict Egg 🍳 $128三文魚配以流心的Benedict egg加上蛋上面的荷蘭醬🤤👍🏻好正➖➖📌 慢煮澳洲西冷牛扒 🥩 $218西冷牛扒，配菜有外脆內軟、金黃的薯角和蘆筍，牛扒調味足夠，但是有點太熟➖➖📌 餐飽、是日餐湯、迷你沙律及飲品 +48加了$48升級做套餐沙律開胃，有柚子醋調味🥗餐包亦烘熱過，而且有濃烈的香草味餐湯是周打魚湯🐠➖➖📌 意大利軟芝士泡沫伴草莓雪芭🍓 $88下面有乾冰，打卡一流✨但味道一般，雪芭的味道有點像桑莓

今日老友生日，我就專登訂左呢間25樓既餐廳去興祝~， 我地訂左一點食午餐~， 餐廳面積唔算大 我地坐係窗口位~ 味道同風景都唔錯~ 價錢亦唔係太貴~ 上菜時間都快~ 下次有機會再試~

旺角素葷店估唔到環境唔錯，剛坐窗口位個view也很正，而且剛好初一餐廳有一個素食menu有成5個素主菜選擇亦有素湯,但有洋蔥，嚴格素食者最好問清楚食物質素唔差，而且幾大碟坐得又舒服，值得推介

呢晚同屋企人食晚飯，預訂了window seat, 夜景好靚，但被安排既位係最入最迫，但天花同牆都無，得檯面盞蠟燭，睇餐牌好暗睇得好辛苦。食物叫左好多，蟹餅藜麥幾好食；凱撒沙律菜都好新鮮；青口都好鮮味，配菜個薯條炸得好香脆；炸磨菇好juicy, 醬汁都好開胃。主菜叫左三個，燒春雞真係唔建議叫，好硬好鞋好乾，用刀我切唔開亦咬唔爛，好似食緊條毛巾甘，點咬都咬唔開，完全唔明白點解食落唔似雞肉；豬肋骨就好淋，輕輕一𠝹就已經起到肉，呢個要讚；仲有手卷意粉味道都唔錯，係有d 硬，煮淋多dd 會更好食。飲品方面叫左幾杯mocktail, paradise punch 好香熱情果味，略甜左少少；coco tail 屋企人話好飲。想講服務方面，現場好多客但人手不足，想叫侍應幫手影張相話唔得閒唔好意思🥲。舉手想要求換過d 骨碟殼碟都無咩人理，可能坐既位置真係太埋喇。

今日黎慶祝朋友生日Book左2030 好彩我地準時入座 因為原來2045 last order餐廳座位唔多 所以要book位！Menu有分肉食同素食揀 幾貼心 有好多前菜，小食，主食揀。份menu都好大本下有lunch set/dinner set 包湯、前菜、主食、甜品🍮同飲品。但set入面得主食俾幾款你揀，其他都沒得揀。基於價錢散叫差得唔遠咁我地就散叫~~🔸焦糖低温浸鵝肝 $168賣相好好👍🏻但比較細份。鵝肝個面係焦糖口感甜甜地，幾創新特別，有d小爆谷同士多啤梨醬🔸安格斯肉眼扒 $358最期待嘅一碟果然沒令我失望，12oz好大舊建議2-4人share🔸意大利手卷意粉🍝 $188因為唔知咩黎所以試下，大推！好有辣肉腸味好好食🔸檸檬意大利軟芝士泡沫伴草莓雪芭 $98呢日沒乾𣲙，所以賣相爭翻啲。泡沬度唔係好食到芝士味，但我第一次食啲咁嘅嘢，幾特別吓最後賣單都$800尾，少貴，但食物質素出色，完全對得住呢個價

今日同朋友去咗旺角頂樓25樓嘅sky726😍 呢度有落地玻璃，環境都唔錯，好多人都座咗喺落地玻璃位！ 海鮮雜錦意大利粉 $178 🍝海鮮意粉好有驚喜！ 因為海鮮嘅份量非常多，而且新鮮！ 有五隻大蝦， 青口，魷魚，帶子！ 番茄味剛剛好有好多菇🍄，沒有香草味！ 味道不會過濃，酸酸甜甜好開胃！ 而且意粉唔會太淋或者太硬, 烹調時間都啱啱好！朋友一直都稱讚這個意大利粉好好食！ 😋😍Sky delight $118 🧇Waffle (三件), 雪糕，朱古力醬，果仁🍫Waffle有四件，都很脆口， 賣相唔錯！ 我同朋友每人兩件，食埋甜品就啱啱好飽！有好多果仁，朱古力醬令waffle裝飾得靚靚， 雪糕唔會有太重牛奶味！ 👍🏻 員工好friendly，都有主動介紹餐牌上嘅食物！ 我見到佢哋嘅甜品賣相都好特別，下次一於要再食！

好多comment呢間餐廳都幾好，而且好似又好靚咁，所以我同朋友決定嚟呢度食brunch! 餐廳唔難搵, 喺大廈嘅最高層，而且都幾近旺角地鐵站！ 炸雞窩夫三文治$148 🥪沙律，蕃茄，生菜，黑松露醬我放三文治好特別而且賣相吸引， waffle好脆口而且甜甜地， 炸雞非常juicy香脆可口， 估唔到鹹鹹甜甜，同炸雞配搭！ 配黑松露醬所以非常香口😍😍😍唔會太過油膩，值得再食！  薯條已有調味， 非常鬆脆份量適中！😋 Sky delight $118 🥰Waffle仲暖, 令雪糕慢慢係Waffle面融， 雪糕唔會太甜，味道剛剛好👍🏻 有好多杏仁片係面， 好香嘅朱古力醬亦都增加咗甜味，亦都靚賣相更加吸引！ 😍 餐廳員工非常友善， 還時常主動添水， 上菜都幾快！