Sky726

今日準備去旺角行街，又想試吓啲高級野，所以就去咗呢一間sky726。佢喺座大廈嘅最高嗰一層，入面嘅裝修好有特色好靚，好好彩咁坐咗喺窗口位可以喺最高嘅位望晒成個旺角嘅景，完全感覺唔到旺角嗰一種擠迫感，坐低就好舒服。我哋叫咗一個黑松露薯蓉，係非常之creamy，口感好好，黑松露味亦都好夾，一啲都唔夠得滯。仲嗌左一個香煎蟹餅，佢同越南嗰隻蟹餅好唔同，外表好脆，入面啲料都好多好好味，好值得一試。見到有一個炸雞窩夫三文治，好特別出邊都冇得食，所以就一於試吓。你都之後冇人到我失望，首先個窩夫好脆，然後個炸雞炸到啱啱好，好滑好多汁，非常抵食食西餐梗係唔少得嗌甜品，好耐冇食流心芝士撻所以就帶咗一個嚟食，完全feel到係佢哋自家製嘅，係我食過咁多個芝士撻最好味嘅一個，真心要試下

位於旺角鬧市，商廈頂層的Sky726，係一間令人好感受到香港特色的Cafe。入到餐廳，左手邊一大排落地玻璃窗，做完各項量體溫、填紙手續後，侍應領我到餐桌前就坐，正面俯瞰眾多高樓大廈--屬於香港的都市風景。Lunch Set包湯、沙律、餐包、主食同嘢飲。是日餐湯係周打蜆湯，侍應好快就送上嚟。睇相都望得出，真係靚湯一碗：濃郁順滑，溫暖鮮甜，而且啲蜆都幾大隻。作為食肉獸嘅我，好少食菜，但呢碗沙律我食咗3分2。啲草係好新鮮，沙律dressing酸酸甜甜，溫和易入口。侍應收碟好快手，效率高，而且所有嘢食都按程序送上嚟~好耐冇食意式香草包，幾香，暖笠笠。主食嗌咗手打牛肉芝士漢堡，配黑松露薯條 。塊包唔係脆嗰種，但好鬆軟，我都鍾意，而且好多芝麻喺面，幾有口感。配菜放埋一邊，自己加返入去，又幾靈活~似我，唔鍾意太多生菜，就只係落咗一片~至於黑松露薯條，當然無得輸！黑松露已經加分，仲要佢都幾脆身~食完主茶，侍應又勁快手收哂啲嘢，送上靚靚嘅是日甜品。幾鍾意士多啤梨配士多啤梨醬，朱古力蛋糕都好香濃鬆軟，唔錯！最尾，嘆返杯breakfast tea ☕為呢頓美味嘅午餐畫上完美句號。（但真係好飽...

生日食飯好去處！話說朋友生日諗住同佢食好少少，所以今次揀咗旺角彌敦道嘅 sky726先講環境啦，我哋今次食下晝，Book咗枱，人流唔算多，空間亦算足夠，餐廳安排咗我哋坐窗邊位，佢個景都唔錯，又唔會特別熱。主食方面叫左意大利長通粉伴野菌及辣肉腸，另外一個慢煮紐西蘭牛柳。加埋套餐就有餐湯同餐包配送。餐包比較多香草，好香好好食湯亦都好creamy 同埋足料。但係個長通粉正正常常，稍嫌偏硬身。牛柳賣相唔錯，都算juicy。總括而言食物還可以，景觀夜晚嚟可能更加不錯👍🏻

好耐都冇去過啲睇到靚風景嘅西餐廳食飯好耐冇享受過今日嚟到旺角鬧市入邊嘅寧靜之都sky726，呢度環境好有格調而且望到出邊真係覺得好療癒。嗌啲嘢食先，我係一個菇怪嚟㗎，已經係別無他選啦，我梗係要叫黑松露野菌意大利飯。嚟到之後我覺得真係好豐富，佢嘅野菌係超多類別，滿足到我食唔同雜菌嘅慾望，佢質感好豐富而且黑松露味都幾香。如果意大利飯可以再有咬口啲咁我就覺得更完美。醬汁分量剛好，配合意大利飯一齊食滿足。之後再有另一個。扒波托貝洛蘑菇雜菜配香草意大利粉，今日應該都係菇菌類嘅世界😍呢個一上碟真係超級正呀！佢有一個勁大嘅蘑菇扒係意粉上邊，我真係超興奮呀睇到都。呢個蘑菇扒超有咬口而且非常入味，菇味香濃！配上應該有青醬煮嘅意粉我覺得幾清新，幾啱同素材配合尤其是係菇菌，因為大家都有種獨特嘅香味。其實幾啱素食者，就算唔係素食者都一定會比野菌吸引住！成為佢嘅超級粉絲，好似我咁。忙裏偷閑，喺旺角鬧市中都可以享受到一份恬靜感覺，高質嘅食物。希望大家都嚟到可以享受體驗生活。

一家人同我食餐生日飯，大佬Book咗呢間，食5:30 – 7:30時段，預訂6人檯嘅窗邊位置。其實我就唔太鍾意食餐晚飯要限時限刻，不過大佬Book檯時冇了解清楚，而且被要求之下又落咗Deposit，咁費事取消又再搵地方，就照原定計劃。當日我同大佬準時到達，餐廳唔太大，大概都有20多張檯，當時計埋我哋只有兩檯客人。安排入坐時發現分開2張檯，一張4人，另一張2人檯，檯質與之間離行離迾，仲有一張賿片相隔，一家人（當日只有5人出席）食得好疏離，而且因為大家share啲dish 嚟食嘅關係，下下都要離檯行嚟行去交換食物，成餐飯嘅過程都幾唔舒坦。嗰日旺角大塞車，家人兩位成員遲到，因為限時，所以唯有我發板叫咗以下食物:-1. 燒慢煮16小時辣豬助骨 – 豬助骨味道一貫，肉質有啲嚡。薯角配菜沙律普普通通。2. 意大利手卷意粉伴野菌、辣肉腸及巴馬臣芝士 - 手卷意粉一條條，紐紐哋，口感煙煙韌韌，成碟粉都係靠辣肉腸帶出味道，都幾香濃野味。3. 煎慢煮美國頂級安格斯牛柳 – 是晚餐廳食牛扒唯一選擇，Order Medium Rare，生熟度係完全達致要求。牛扒面煎出整齊格格，小小焦香，肉質有咬口得嚟都軟淋冇

夜晚富有情調嘅浪漫西餐💕餐廳可以坐擁曬成個旺角夜景🌃😌好chill而且餐廳內燈飾佈置幾靚，岩曬拍拖👫今次叫了set dinner 精緻小食係煙三文魚泡沫幾特別😗煙三文魚味幾重餐包 熱上加分，餐包加入西式香草🌿燒菠蘿雞肉沙律🥗🍍燒完嘅菠蘿十分甜，加入好多嘅芝士，沙律菜幾新鮮，加入乾麵包增加咬口三色蟹肉芝士寬條麵🦀超creamy 超多芝士超推薦🤤🤤而且份量亦好多，share食會更好，加入菇同洋蔥🧅中和冇咁濟🥰而且蟹肉份量都好多☺️每一淡都食到香濃蟹味超吸引😆不過真係好飽肚，仲埋超邪惡😂最後set仲包法式焦糖燉蛋😌十分滿足，薄薄一層焦糖係面，入面蛋依然好滑同咖啡☕️/茶🍵😁

SKY 726 就喺彌敦道726號樓上嘅25樓，高高在上，歎個晚餐，同時遠眺大角咀商厦及新樓，心曠神怡。Set Dinner 小吃喺三文魚味嘅mousse，造型精緻，mousse 幼滑，味道較咸接住有希臘沙律做前菜，水牛芝士配合新鮮爽脆沙律菜，好清新。 跟住有熱暖嘅鮮茄雜菜湯，材料豐富，湯煮得入味，令味道提升，濃郁好味。主菜點咗牛面珠粒菠菜牛肝菌意大利飯，色澤明亮，易引起食慾，牛面珠粒夠軟稔，入口一絲絲，易咬易碎；牛肝菌及其他菌類份量不少，每口都食到，汁醬豐盈，配合粒粒意大利飯，極為滋味。好期待甜品咖啡奶凍，絕對冇令人失望，首先賣相夠討好，有士多啤梨、藍莓及紅桑子裝飾，未食已聞到咖啡香味，奶凍香滑，咖啡味濃，好正！一杯少甜少冰檸檬茶，結束美味的一餐。

放工去咗旺角一間西餐廳食晚飯，呢間餐廳出名個景好靚，可以見到九龍區嘅景色，配上燈光有一種浪漫嘅感覺，而且地址好方便西餐都算多選擇，除咗有意大利飯、意粉、扒類等等，仲有set dinner ，我哋揀咗個焦糖比目魚柳配香草蕃茄希臘沙律感覺好清新，蔬菜好新鮮，配上水牛芝士同蕃茄仔，令餐前好fresh 仲有麵包配牛油，更加飽肚而餐湯就有蕃茄雜菜湯，用料豐富，酸酸地好開胃終於到主菜出場，係焦糖比目魚柳，賣相好精緻，比目魚煎得剛剛好，外層係一層焦糖味嘅魚皮，香脆得嚟帶點甜味，配上肉質新鮮嘅比目魚，味道唔錯而配菜仲有藜麥，加上少少蕃茄粒，清新得來配搭一流，係健康之選甜品係咖啡奶凍，聞起上嚟咖啡味已經好香，食落去更加香濃，而且好幼滑，值得一讚，加上生果粒酸酸甜甜，為晚餐畫上完美句號凍檸茶茶味香，自己加糖可以調節甜度精緻小食係三文魚味慕絲餐廳環境幾舒服，服務正常，望住出邊嘅景色食飯感覺更開心

朋友7月26號生日，所以簡左sky726，看到網上環境漂亮，打算系約朋友過黎下午茶打卡，下午拍照最宜人，但是這家餐吧沒做下午茶，有點失望，沒關係，他們家17：30營業，為了趕在黃昏前，我們提前一點17：15到了，在門口等了15分鐘。但是服務員覺得，我們15分鐘的等候是在催促他們工作。我們去得早，人很少，但是態度都很惡劣。上個甜品給我，沒了本來應該有的干冰，她也不解釋一聲，也不說一聲不好意思，要主動跟她溝通，她怎麼說的，服務員說：沒有就是沒有了，用完了就沒有了呀。甜品給我上一半，那我價格是不是給一半？？？還這樣一副理所當然的態度。這樣的態度真的是太過份了。網上有干冰那些都是騙人的。生蠔小個不說🦪主要是不新鮮還帶有沙子，還有一杯史上最難喝的mojito。喝了兩口bye bye👋🏻，門口很普通，25樓看下去的旺角環境一般，價格不算貴，男服務員態度很好，很熱情，但是那幾個女的態度卻很惡劣好像不想做生意一樣。價格不算貴，不怕睬雷就去試。

今日約左好耐無見既朋友出旺角見個面吹水，佢訂左呢間sky726, 果然係無介紹錯。餐廳環境氣氛唔錯，望住靚景食飯心情都開朗啲。我地2個人點左，加左錢轉set, 包湯、沙律同麵包。南瓜湯好濃厚，仲食到有南瓜肉。沙律份量都多，仲埋係用貴少少既菜麵包拎上手仲熱，唔會凍冰冰，讚到主菜，分別點左2款：慢煮牛柳配薯菜：因為係慢煮關係，唔洗自選熟度，牛柳肉質嫩滑多汁，咬落口仲保持到牛既香氣同味道雜菌雞柳意大利粉：雖然係雞胸肉但一啲都唔鞋口，青醬意粉好yummy, 夠晒濃味，每條意粉都索晒醬汁，唔會淡貿貿。

餐廳唔算好大, 大約有60個坐位, 有一半係窗口位,都幾開揚幾舒服仲有得睇繁華嘅鬧市街境🌃☺️食物質素都唔錯而且價錢合理🇫🇷平價法國菜😋🦑脆炸魷魚圈配他他汁及雞尾汁 𝐂𝐚𝐥𝐚𝐦𝐚𝐫𝐢 𝐅𝐫𝐢𝐭𝐭𝐞𝐬 𝐰𝐢𝐭𝐡 𝐂𝐨𝐜𝐤𝐭𝐚𝐢𝐥 & 𝐓𝐚𝐫𝐭𝐚𝐫 𝐒𝐚𝐮𝐜𝐞: ($118) 3/5前菜嗌咗炸魷魚圈, 擺盤擺得幾靚, 唔似平時其他餐廳會將魷魚圈放埋一堆🤏🏻只係嫌佢粉漿有少少偏厚, 令到魷魚圈唔夠脆唔夠香口, 但係味道係唔錯嘅😉🐙墨魚汁意粉伴茄海鮮及虎蝦🦐🍝𝐒𝐪𝐮𝐢𝐝 𝐈𝐧𝐤 𝐒𝐩𝐚𝐠𝐡𝐞𝐭𝐭𝐢 𝐰𝐢𝐭𝐡 𝐒𝐞𝐚𝐟𝐨𝐨𝐝 & 𝐓𝐢𝐠𝐞𝐫 𝐏𝐫𝐚𝐰𝐧𝐬: ($218) 4/5意粉中有好多各種各樣嘅海鮮, 有蜆肉青口魷魚同煎到好香嘅虎蝦,好足料🖤濃郁嘅墨魚汁, 加上彈牙嘅意粉同大量新鮮嘅海鮮🦞, 味道配搭得唔錯, 唔會太鹹只係食完個嘴會被墨汁染黑, 要食得小心啲😙🥩香煎美國頂級安格斯肉眼扒 𝐆𝐫𝐢𝐥𝐥𝐞𝐝 𝐔.𝐒. 𝐏𝐫𝐢𝐦𝐞 𝐀𝐧𝐠𝐮𝐬 𝐑𝐢𝐛 𝐄𝐲𝐞 12𝐨𝐳 / 340𝐠: ($358) 3.8/5牛扒牛味夠重, 充滿肉汁好juicy, 牛扒質素都唔錯唔會好韌, 嗌咗要七成熟, 但係煮得有少

星期六的上午嚟到旺角食brunch, 放空一下😊 呢度環境都唔錯，感覺都好舒適。我哋好好彩可以坐近窗邊位，欣賞到旺角城市風景。從上向下望，感覺到別有一番風味嘅旺角鬧市。我哋叫咗一份班尼狄蛋，一份甜品心太軟。流心的班尼狄蛋係我哋嘅喜愛之選😊 佢哋整得好靚，好吸引，好味！水煮蛋整得好完整，上邊應該加了充滿檸檬香味嘅荷蘭醬，正！下面熱熱嘅英式鬆餅外層香脆，也充滿麵粉嘅香味，加上鹹鹹香香嘅煙三文魚，味道更加豐富！朱古力心太軟上枱就聞到非常之香😊 切落去嘅時候，裏面嘅朱古力軟心慢慢地流出。朱古力流心味道濃郁，唔會太甜。一啖心太軟配一啖雲呢拿雪糕更加好味！旁邊伴碟的水果香甜清新，可以中和一下濃郁嘅感覺。滿足的一餐😊

行過旺角突然間好想食法國西餐，去到呢一間Sky726景觀一流就當然唔使講啦，餐廳氣氛仲非常好，見到餐牌上面嘅選擇唔算話好多但係全部都係一啲好想食嘅西式fusion食品。前菜方面我哋叫咗一個青口，青口配上薯條，感覺清新得來有胃口大增，青口嘅醬汁非常入味，配起新鮮嘅青口簡直是一流。薯條亦都是新鮮炸起非常有誠意。除此之外我哋仲叫咗一客舖頭最出名嘅炸雞軟骨，亦都係新鮮炸起熱辣辣，誠意爆燈。至於主菜方面我自己叫咗西冷牛扒五成熟，雖然比想像中熟咗少少但係肉味亦都非常鮮味，而且配上嘅薯蓉同埋蔬菜都非常好吃。有人就叫咗羊扒，味道都好像不錯！ 一定會再返嚟食多次

同朋友旺角行街行到累，想搵間食店坐吓，吹吓水。朋友介紹左間西餐廳，咪試吓囉。餐廳25樓，一上去電梯門一開，就見到個無敵樓景，居高臨下，超爽感覺。因為已經食過早餐啦，所以，只叫個窩夫和和牛漢堡，輕食淺嚐。Sky Delight $118出乎意料地好味！ 點“讚”🌟🌟🌟🌟🌟窩夫外面超脆口，再加上朱古力醬。好味。雪糕好滑，配上杏仁片，可以呀！Wagyu Beef Burger $168和牛漢堡，薯條炸得香脆，麵包有煎香。和牛美味配以芝士，也有蕃茄洋蔥伴碟。味道不錯。看到其他客人，點了魚同牛扒，份量非常充足，厚厚牛扒同大大的魚件，今次因為有點飽，沒有多點其他菜式，下次一下定要試多幾款先得。有美景相伴嘆住食，人生享受吓。

系openrice 訂位，weekday 午餐有7折，幾吸引咖，但12點15去到，比曬電話同名，個女waitress都話系個hard copy訂座紀錄都搵吾到，等我又打比朋友問，又要等人WhatsApp張confirmation,但佢都話無，最後一個男waiter過來才攞部手機去搵至搵到，吾掂嘍，尤其是間餐廳其實好細，但後面無訂位又不斷比位，差D就無位。至於好多食評讚個view,只可以話系開楊，吾會有乜romantic感覺嘍。另外座位間的距離夠吾夠，大家睇相比較下政府要求啦！Lunch menu 有7個餐可以選擇，另外仲有特別的素食餐，以一家咁細餐廳有咁多選擇已經非常好。美國豬扒配菠蘿燒汁（$169）4分- 塊趴都幾厚又帶肥邊，煎得剛剛好，一D都吾鞋，有咬口，菠蘿汁味道如果多D菠蘿味就好啦！配菜系無得選擇，只有炸薯條，炸得比較燶和鹹。慢煮澳洲西冷配紅酒（$189）1分- 落單已經問左可吾可以5成熟,但waiter話系熟成，無得改，最後來到熟曬，鞋到死，以一格系成個set lunch menu最貴的一個餐，質量非常失望。餐湯（周打蜆湯）2分- 應該系薯仔而不是用cream,吾夠滑，蜆就只