Shari Shari Kakigori House 氷屋

營業中

休息中

無論全夏秋冬，飯後時間嘅Shari Shari總係會見到人龍，不過大鄉里嘅我最近先第一次食🫣食完覺得排隊……係值得嘅！ 個menu有好多選擇，而且望落樣樣都好吸引🥹最後揀咗北海道牛奶草莓味🍓淡粉嘅外表充滿少女心，食落係令人心動嘅味道🥹刨冰質地超級綿密滑順，加埋個牛奶topping好香濃但完全唔膩，個士多啤梨味完全唔假！雖然價錢偏貴但好值得encore🍧

又嚟到世一日式刨冰店食冰🍧食極都唔厭，食幾多次都咁滿足開心，真係無誇張🥹平日7點幾嚟食，唔洗等位，爽上加爽～～✴️Strawberry Special✴️其實我覺得Strawberry special應該叫Strawberry yogurt 先啱，因為淋醬帶有士多啤梨乳酪嘅酸味，奶香味較重較厚🥛中間係奶凍，不過奶味反而較淡，質感好軟身，如果稍作凝固多少少🤏🏻🤏🏻口感上會更明顯～整體嚟講，依個口味都係好好食的，不過唔算係Top3🙈🙈

長期排長龍嘅人氣日式刨冰店Shari Shari新出期間限定嘅櫻花抹茶味🌸🍵忍唔住要去試一試佢🤪🍧櫻花抹茶味刨冰 $120🍡白玉（三粒）+$10造型十分之少女心💖頂頂有粒士多啤梨，旁邊圍住士多啤梨味嘅cream🍓粉粉綠綠嘅刨冰就係主角櫻花抹茶，入面仲有黃豆粉增加口感同埋味道😝食落抹茶味比較出，櫻花味稍為有啲失色🥲個人幾鍾意士多啤梨味嘅cream，口感fluffy之餘同刨冰嘅味道好夾🫶🏻

平日下晝時間嘅｛Shari Shari冰屋🍧｝唔洗等位，點可以唔狗衝嚟食🏃🏻‍♂️🏃🏻‍♀️每次食依度嘅冰都好滿足，絕對係我最鍾意嘅甜品店！💙✴️黃豆粉厥餅配熱抹茶✴️厥餅軟熟，煙韌度適中，一粒都頗大粒，幾襟食🙈熱抹茶濃厚甘苦，因為唔記得搞勻先飲，所以飲到最後非常苦，當堂醒哂👀✴️Mango & Coconut ✴️好fresh嘅配搭，充滿夏日感覺🌞百香果肉微酸，夾埋芒果冰就perfect! 不過椰子味就較失色，唔係好食到有椰子味嘅冰 / 配料～ 整體都係一個好食嘅冰，連最後啲冰水都清得乾乾淨淨👅

銅鑼灣Shari Shari位置唔算好就腳，經過開附近嘅朋友可以行多兩步搏walkin唔使等太耐，不過過咗dinner period要準備等下啦，仲冇得預約，必然硬掘要等吓。刨冰選擇好多，花多眼亂，每款都做得好有心思。食咗咁多年我都係從一而終，宇治金時味唔使考慮咁多，直頭係抹茶愛好者必試。清新解渴，甜得嚟有鼓後勁甘甘哋，十分盞鬼。食到半路竟然仲有紅豆涵藏喺中間，白玉有𡁻頭煙韌，成個體驗滿分。揀揸車去嘅朋友有福，泊車異常方便，但要留意舖頭座位唔多，rush hour企到你腳都軟，有幾張櫈仔叫做畀你坐下，但坐唔坐到就睇你好唔好彩。溫馨提示齊人入座。總括，Shari Shari價錢合理，刨冰出色，環境勉強接受，有時間多值得排隊試吓。

呢間刨冰真係好食到港九都有分店，多依然人氣不減，每日都排長龍，基本上每個月都一定要食，見到佢又出咗新嘅口味，就叫做檸檬芝士冰，一定要試一試一！🍴檸檬芝士味 $110 (7.5/10)沙冰用咗檸檬作底，食落去酸酸甜甜，好有檸檬嘅味道，沙冰都好細滑，芝士就係上層嘅奶蓋，食落去甜奶味比較出，唔係好覺有芝士味，不過加咗熱情果醬，更加Flesh！推薦指數 :7.5/10芝士控表示唔太滿足，不過細甜甜係幾開胃嘅，鍾意酸嘅朋友真係可以一試！

相信好多食過Shari Shari 嘅朋友都會認同，Shari Shari 嘅日式刨冰喺香港甜品界嚟講嘅世一！Shari Shari最出名嘅就係佢哋嘅雪花冰。佢哋嘅雪花冰係用特別嘅技術製作，呈現出精緻而且輕盈嘅質感。每一口都好滑順，而且唔會太甜，非常開胃。佢哋嘅冰沙口感細緻，真係入口即化，去冰做嘅棉花糖。而且，佢哋嘅雪花冰有好多款式可以揀選，例如芒果、草莓、抹茶等等，仲有seasonal口味，真係食幾多次都唔厭 😚無論你係喜歡清爽嘅冰品定係濃郁嘅抹茶甜點，Shari Shari絕對能夠滿足你嘅味蕾。如果你係一個甜品愛好者而未食過呢間，咁真係有啲可惜呀，因為Shari Shari絕對係不容錯過嘅冰屋！

:sʜᴀʀɪ sʜᴀʀɪ ᴋᴀᴋɪɢᴏʀɪ ʜᴏᴜsᴇ📍 ɢ/ғ, 𝟷𝟹 ᴄᴀʀᴏʟɪɴᴇ ʜɪʟʟ ʀᴏᴀᴅ, ᴄᴀᴜsᴇᴡᴀʏʙᴀʏ人氣長龍冰店，每次見到日式刨冰都會諗起小丸子😂呢間冰店係用純淨嘅日本水去做個冰底，加上每隔一排就會轉個期間限定口味，呢排聖誕節就係開心果，所以天氣就算凍冰冰都要趕去試吓佢！🍧開心果紅莓冰 $𝟷𝟹𝟶刨冰主要係開心果加紅莓醬係頂層有朱古力ᴄʀᴇᴀᴍ估唔到同個冰又幾夾用紅莓小小酸甜味去中和返開心果嘅膩食到入面仲有消化餅碎 增加返個冰嘅層次鍾意食冰又鍾意開心果嘅你快啲去試啦，錯過咗就唔知又要等幾耐🤭

自從搬咗去新舖就無再食過,因為次次經過都有好多人排隊😅今日經過見到唔使排隊,就入去食😍抹茶忌廉焦糖配白玉 $110刨冰份量好足🤩口感綿密,綠茶味香濃😍裏面有餅乾碎同焦糖冰,頂層3粒白玉. 焦糖粒同忌廉,白玉煙煙韌韌.撈埋一齊食,味道好夾,唔會好甜😋========================Shari Shari Kakigori House 氷屋銅鑼灣加路連山道13號地舖========================#hkig #sharisharikakigorihouse #銅鑼灣美食 #香港美食 #相機食先

雖然氣溫下降但我地無懼嚴寒走黎食冰冰朋友話平時要排好耐我地今次只係等咗15分鐘左右可能個個都怕凍我地叫咗期間限定嘅開心果味同抹茶1）開心果賣相好聖誕睇落都好開心味道都好濃入面有紅莓冰同餅乾成個感覺好夾2）抹茶味食一啖已經好味都震好幸福嘅感覺抹茶控一定要食太好味了味道係最濃下次一定再食

📍Shari Shari//銅鑼灣//▫開心果紅莓冰————————————▫開心果紅莓冰 $130面頭配料除左有紅莓同藍莓 仲有一個小小嘅薑餅人 好qq ₍ᐢ⑅•ᴗ•⑅ᐢ₎♡ 另外用咗朱古力忌廉 好順滑好軟綿綿～ 本身冇話特別鍾意食開心果 但都被驚艷 (˶‾᷄ ⁻̫ ‾᷅˵) 好清新嘅味道 而冰裡面都加咗消化餅 兩個配搭起嚟啱啱好 唔會話邊個過於突出 (▰˘◡˘▰) 不過呢個冰比平時嘅可能貴啲啲 但係都好推薦大家來試一試！評價：9/10————————————推薦排名：【1】抹茶忌廉【1】芒果椰子【1】開心果紅莓【1】草莓【2】伯爵茶【3】提拉米蘇【3】芒果熱情果【4】黑芝麻【4】南瓜【4】雲呢拿朱古力【4】黑白天使

夏天好熱既時候會想食刨冰🍧，呢間日式刨冰店的款式真係好吸引。宇治金時味配白玉（$110）個人是抹茶控，非點呢個宇治金時不可😍，佢既宇治金時夠曬濃味，非常好，白玉很Q彈，大大的一個刨冰十分滿足。

Shari Shari刨冰有幾出名就唔需要我多講啦🙈基本上每次去食都要排隊🤣今次我哋特登揀咗平日去，入咗去唔夠幾分鐘出邊就開始排隊，夠晒誇張🫢佢哋最低消費係每人$45 ，所以如果兩個人嚟可以叫一個刨冰大家分享～今次我哋就食咗佢嘅草莓乳酪味刨冰😋草莓味比較單調，感覺個冰去到下半部份比較好食，因為有啲餅乾碎同埋有乳酪，乳酪同士多啤梨加埋一齊嘅味道好突出😚😋對比我哋之前食過嘅草莓special味，我哋覺得special個款好食d，因為佢係士多啤梨牛奶味🫢呢個味道呢個價錢都係偏貴，但整體嚟講都算好食👍🏻

終於回復高水準喇，香甜0冰感日式刨冰，世一刨冰🍧！・・・・・・・・・・・・・・・・・・・・🍫 榛子朱古力奶茶味 HK$120・味道：三個味都好balance，一入口先食到榛子嘅甜而不膩，然後朱古力嘅可可純香滲出嚟，最後收埋係日式奶茶嘅濃甘茶味，三者難得地夾👍🏻。最欣賞係榛子同朱古力呢啲好霸道嘅食材，好易搶晒fo，但喺呢個冰三者好平衡。・口感：奶蓋夠cream同時幾輕身，果仁碎仲有咬口，餅乾碎好香牛油味，配埋打到0冰粒嘅冰，入口即融，掂！🥭 芒果椰子味 HK$110・味道：唔係呂宋芒嚟㗎喇，但呢款芒果汁都好香甜唔會好假。入面嘅椰子味好香濃，好夠椰奶香，係椰子味冰嘅份量有啲少，最外層嘅芒果冰同最入嘅椰子冰中間有層冇味嘅冰，係有啲唔知點解？但整體都好食嘅。・口感：同皮0冰粒冰底，不過呢款唔太襯餅碎。印象中以前有奶凍餡，呢款襯奶凍餡一定更好食！・・・・・・・・・・・・・・・・・・・・🤰性價比：高～🤰9衝度：9衝～🤰結論：對上次食已經係年頭嘅事，嗰陣仲因為shari shari掉咗落我嘅盲粉級大推甜品神壇而傷心🥲，今次食佢終於上返神壇回復水準，好滾動🥹！・・・・・・・・・・・・・・・・・・・・

📍ShariShari//銅鑼灣//▫ 抹茶忌廉焦糖————————————▫抹茶忌廉焦糖 $100 今日嚟到等咗10分鐘就可以入去 抹茶忌廉焦糖上面好濃 好好味 但食到下面抹茶味淡左啲 (๑• . •๑) 如果成個冰都可以一直咁濃味就好了 仲有今次木糠都唔係好足夠 (˶‾᷄ ⁻̫ ‾᷅˵) 如果多啲就好啦～不過其實都好好食嘅～