Shari Shari Kakigori House 氷屋

一間係社交平台見過無數次的刨冰店,終於有機會去試下。還好去得早,等10分鐘就有位,後面有4,5組人等,可見人氣十足。被安排坐窗邊位置,鋪位不大,還好座位都不算太逼,所以坐得算舒服。在外面排隊已經有職員幫手落單,點了一份雲呢拿朱古力味刨冰,入到去俾錢後約5-10分鐘就已經有得食。我第一眼見到既反應係"哇,好大一碗!"黑白相間既外觀都好吸引!!冰刨得好細,食落涼浸浸又軟綿綿,朱古力味食落感覺似阿華田味,係久違既味道。面頭與刨冰裡面都有Oero碎,令口感上有好幾層變化,唔會太快食膩。整體黎講係一碗好好味既刨冰,以刨冰黎講價格偏貴,但物超所值。鍾意食刨冰真係值得一試,而且有好多味道可以選擇,下次再試另一個味。雲呢拿朱古力味 $110…查看更多

➲ 銅鑼灣 Shari Shari Kakigori House 氷屋又到咗要食冰嘅季節～ 專登走咗去銅鑼灣呢間人氣氷屋，試咗個開心果味刨冰加「佐賀莓小姐」士多啤梨。➳ 𝘗𝘪𝘴𝘵𝘢𝘤𝘩𝘰 𝘒𝘢𝘬𝘪𝘨𝘰𝘳𝘪 𝘸𝘪𝘵𝘩 𝘚𝘈𝘎𝘈 𝘐𝘤𝘩𝘪𝘨𝘰𝘴𝘢𝘯 𝘚𝘵𝘳𝘢𝘸𝘣𝘦𝘳𝘳𝘺佢哋嘅刨冰真係冇得輸，刨得好幼細，一啲都冇冰渣感。外面淋滿咗濃郁嘅開心果醬，唔係得個甜字，係真係食到果仁嘅香氣，仲有啲碎碎增加口感。重點係入面勁多料！挖到中間，有原粒嘅「佐賀莓小姐」士多啤梨，酸酸甜甜，果肉厚身又多汁，正好平衡返開心果嘅濃厚感。仲有隱藏版嘅煙韌白玉同奶凍，成個配搭好有層次，由外到內都唔會悶。成日覺得食甜品最緊要係唔會膩，呢個就係咁，兩個人分享剛好，食到好飽好滿足。如果鍾意濃味同果香夾雜嘅感覺，呢個配搭真心推薦～⤵ @sharishari_hk銅鑼灣加路連山道13號地舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #刨冰 #開心果 #麻糬 #雪糕 #sharisharihk…查看更多

終於食到佢啦～🎉最近成日喺Threads都見到呢個南瓜紫薯冰洗版忍到星期五即刻衝去試！賣相真係幾靚㗎估唔到黃+紫撞出嚟咁搶眼✨整體我覺得偏甜少少可能因為有椰汁紫薯蓉同南瓜蓉雙重攻擊～如果怕甜嘅朋友可能要諗諗先表層黑色泡沫好多人以為係黑芝麻點估到係竹炭味😲有人話似朱古力我就唔太覺不過佢係全碗最唔甜嘅部分幾得意～面頭灑滿南瓜籽同少量Oreo碎呢個位我鍾意多啲脆脆口感特別正！挖到入面有驚喜～椰汁同消化餅碎層次好足不過都係偏甜夾返竹炭泡沫一食就平衡啲。再挖深啲竟然見到紅豆！瞬間變身童年回憶嘅椰汁紅豆雪條味啊～大家明唔明我講邊隻😂…查看更多

呢間冰屋真係排長龍，所有既冰都係好大個，好高的。今次叫咗一個士多啤梨冰，底部係士多啤梨醬，中間係白色既牛奶冰，上面係士多啤梨冰加埋啲cream。頂部係一粒士多啤梨。個冰食落有好香既士多啤梨味，香甜得嚟味道剛剛好。係夏天嚟講係好消暑的。…查看更多

一直都係我嘅愛店! 由日本老細仲喺舖頭的主理時期開始食一直都覺得好高質，加上用嘅係日本直送嘅水製冰。所以都特別放心！咁多年以來食過咁多口味，最鍾意一定係檸檬乳酪！酸酸甜甜好開胃真係超啱夏天食！會有追食嘅感覺！不過近呢幾年佢哋嘅份量相對上細咗同埋個味道上好似有時都會差少少但都冇礙繼續支持檸檬乳酪！石榴椰子冰都好fresh！但略嫌單調。期待以後出更多新口味…查看更多