▫慢煮西班牙豬肋骨 - 半份 ▫蟹膏蟹肉燉飯 ▫Candlelight Cocktail ▫花生香蕉奶昔 ▫浮雲島 ▫原味巴斯克 ———————————— ▫慢煮西班牙豬肋骨 - 半份 $228 就算係半份豬肋骨都好大份 一共有六舊 食落味道好似叉燒甜甜地好惹味 近骨嘅地方最好食 (｡◕∀◕｡) 如果除左外面嘅肉有調味 裡面都有就更好 同裡面嘅肉如果再濕潤啲就100分！除左有豬肋骨仲有焗薯同焗蒜 焗薯雖然調味唔重 但食落岩岩好中和重味道嘅豬肋骨 而焗蒜只係落左啲鹽作為調味 但都好好食！ 評價：8/10 ▫蟹膏蟹肉燉飯 $198 蟹膏蟹肉份量都好多好足 唔會碎濕濕 會見到一舊舊嘅蟹肉 (〃∀〃) 食落個日飯熱辣辣 特別好食！其實除左蟹膏蟹肉 仲加左蟹子令個飯口感再加強 個飯食落都幾creamy 評價：8/10 ▫Candlelight $92 依杯cocktail 有rum 同vodka 入口有清新嘅芒果味 後勁有較重嘅vodka 都唔錯 評價：8/10 ▫花生香蕉奶昔 $62 入口重花生味 香蕉味無咁濃 但口感都幾豐富 評價：7.5/10 ▫原味巴斯克 $42 除左原味巴斯克 當日仲有抹茶 依度嘅巴斯克係實心果一種 佢好重芝士味 食落好滿足 而且都幾大舊 評價：7.75/10 ▫浮雲島 $78 成餐飯最有驚喜嘅食物係依個 (✪ω✪) 外面係燒左啲嘅蛋白霜 食落空氣感滿滿 食到中間有一球伯爵茶味雪糕 將蛋白加伯爵茶味雪糕一齊食又有口感又有味道！食到底有塊硬焦糖 佢撈埋伯爵茶雪糕 又有另一個味道 好味！敲碎硬焦糖就會到最底層嘅吉士 將吉士撈埋敲碎嘅硬焦糖好好味！成個甜品多層次好喜歡！ 評價：9.5/10 ▪️呢度嘅嘢食，雖然價錢偏貴，但係食物質素都唔錯 而且裝修非常之特別 最啱黎呢度打卡仲有朋友慶祝或 如果預算比較少可以注重叫嘢食 (〃∀〃) ———————————— 地址：西環南里8號地舖 等侯時間：0分鐘（週末13:00） 味道：8/10 價錢：7.75/10 環境：9/10 推薦：8.5/10

📍星橋居酒屋//中環// ▫豆腐沙律 $78 依個沙律嘅份量都幾多 有粟米 蕃茄 生菜 同豆腐 成個沙律都幾清新～ ▫牛蒡片$45 份量都幾多 又脆身 口感好好 好岩喺居酒屋送住酒飲～ 推薦！ ▫雞頸肉 $35 第一次食雞頸肉 同一般嘅雞肉口感幾似～ ▫雞心 $35 ▫雞肝 $35 ▫雞腎 $35 依個雞內臟嘅組合裡面 最推薦係雞心 好爽口 而且唔重內臟味 平時唔食開內臟嘅人都可以試吓～ 雞肝冧冧地 雞腎都爽口 ▫雞軟骨 $35 雞軟骨比平時一般嘅多啲肉 好特別 第一次食 ▫帆立貝串 $52 依個帆立貝煎得脆脆地 就算煎完嘅帆立貝仲好大粒 所以食落好有口感 (〃∀〃) ▫油揚 $38 依個豆腐都幾有驚喜 香煎加啲醬油 外皮脆脆地 裡面軟冧冧 好味～ ▫唐揚雞 $68 一舊六舊 就算放耐左都熱 食落去啲雞肉都幾嫩 同juicy 不過如果可以再重味啲再點沙律醬就更正！ ▫牛油果炸蝦卷 $118 一共有4舊 成個卷有兩隻蝦 食到啲肉質都幾彈 炸蝦嘅皮就算放耐左都會脆脆地 不過如果小啲啲飯就更加食到成個卷嘅味道～ ▫豚腩 $48 有兩舊大嘅豚腩 食落彈牙同好juicy 推薦！ ▫白桃烏龍茶 涼浸浸嘅飲品 係茶嘅底部會有啲白桃肉令成個飲品更有口感 更清新！ ▪️店員好細心咁照顧客人嘅需要 餐廳環境都幾舒服～

📍Poking//上環// ▫三文魚 蟹子 牛油果 中華沙律 壽司飯 ▫三文魚 蔥花 紫洋蔥 蟹柳 蕎麥麵 ▫南瓜湯 ———————————— ▫三文魚 蟹子 牛油果 中華沙律 壽司飯 $123 蟹子同牛油果都要另外加錢 分別係$7同$18 啲三文魚細細粒送飯都幾岩 再加埋卜卜波波嘅蟹子 唔錯～ 評價：7.5/10 ▫三文魚 蔥花 紫洋蔥 蟹柳 蕎麥麵 $136 第一次見有蕎麥麵嘅配搭就試吓 不過就要加$3 一開始以為蟹柳係一條條切絲 但原來原來係一粒粒 紫洋蔥好生 配三文魚都幾夾～ 原本嘅份量係$98 因為我加多左一份 所以再加左$35！ 評價：7.5/10 ▫南瓜湯 $15 呢個南瓜湯係偏向似南瓜蓉 好健康 冇咩調味 啱晒健身減肥嘅人食 不過個人嚟講如果可以鹹少少就好～ 評價：7/10 ▪️因為呢間餐廳好啱健身人士食 除咗凍嘅poke 仲有啲熱食 有慢煮雞胸肉飯 同埋蛋白飲品好有趣～

📍金金日式燒肉店//銅鑼灣// ▫️VIP 2人盛 ———————————— ▫️VIP 2人盛 $538 【前菜】 → 櫻花龍蝦沙律豆腐 豆腐幾滑 除左加左芝麻醬 再加左龍蝦沙律令味道更豐富～ →金目鯛刺身沙律 平時都有機會食到嘅沙律 但依度特別嘅地方係加左5片金目鯛刺身 好鮮 好味 (=´∀｀) 【海之辛】 →極上松葉蟹腳 大大舊蟹腳 好鮮甜！ →究極香茅綱走大蝦 大蝦燒完之後仲好爽口 好大隻 (*＾ω＾*) →清酒黑松露帆立貝 帆立貝好大隻 最正就係加左啲牛油令整體再香啲！ 【肉盛】→ 佐賀產A4黑毛和牛 依個係最好食嘅一款肉 食落超幸福的 外面第一口食落脆身 之後感受到肉好厚身 調味又好入味 (๑˃̵ᴗ˂̵) 推薦！ → 蔥蒜牛舌薄燒卷 好彈又爽口嘅牛舌 再加埋啲蒜 好味！ → 鹽燒角切牛舌 一口牛舌 又大粒 又爽口 好正！ → 燒汁牛肋骨 牛肋骨又大塊 調味又足 仲好有肉味　(๑･̑◡･̑๑) → 梅子味噌黑豚腩　 依個又係超好味 燒出黎再加埋啲肉汁 甜甜嘅調味好滿足 如果有埋白飯就好喇！ →意大利香草雞腿肉 依個相對上冇其他咁印象深刻 但係都唔錯～ → 有機蔬菜盛合 蔬菜再加埋有蒜蓉嘅牛油超有心機 好好食 (๑˃̵ᴗ˂̵) 【碗物】 → 黑松露和牛炒飯 呢個炒飯粒粒分明 不過黑松露味就唔太重 同和牛粒如果可以再大粒啲就更加好 不過都好好食！ 【甜品】 → 自家制牛乳凍 最後有一個幾清新嘅甜品 啱晒食完咁多肉 評價：9/10 ▪️成日嚟銅鑼灣 但係都冇發現呢一間燒肉店 今日食過嘅嘢質素都好高 尤其是燒肉部份 每一款肉都好有驚喜 餐廳都好有心機 用咗唔同嘅調味 食落真係好滿足 而家仲做緊$48啤酒買三送一 同主餐牌有九折嘅優惠！推薦大家黎食下 (๑>◡<๑)

📍Exotica Gelatea//銅鑼灣 ▫Cauldron Burger Combo ▫Exotic Cheesy Burger Combo ———————————— ▫Cauldron Burger Combo $139 呢個係古堡漢堡 用咗青醬芝士～食落去覺得包皮厚身 但軟熟 青醬嘅味道好突出 有少少比肉味更加搶(ﾟωﾟ)而叫combo 就有埋薯條 薯條係偏幼身 熱辣辣食好食 凍咗都好食 唔會淋 硬得黎又脆口 唔點茄汁都好食 (๑>◡<๑) 評價：7/10 ▫Exotic Cheesy Burger Combo $149 個人比較鍾意呢個漢堡多啲 因為又可以食到芝士味同時都食到漢堡扒嘅肉味 所以認為依一個漢堡出色啲 ٩(๑❛ᴗ❛๑)۶ 評價：8/10 ▪依度除左有漢堡仲有gelato 食 裝修同環境都幾chill

📍咕嚕咕嚕//尖沙咀// ▫大蔥串 ▫雞皮 ▫翠玉瓜 ▫日本燒丸子 ▫雞軟骨 ▫羊肋串 ▫免治雞肉棒 ▫山賊牛肋串 ▫日本黑豚腩肉 ▫墨魚香腸 ▫香煎珍寶帶子意式青醫忌廉汁意粉 ———————————— 【$10一串】 →大蔥串（推薦٩(^‿^)۶） 爽口而且生熟程度啱啱好 唔會過辣！ 【$15一串】 →雞皮 調味同口感都唔錯 唔會太過膩～不過如果再脆啲就更加好 o(｀ω´ )o →翠玉瓜 翠玉瓜偏生 雖然生咗啲 但口感食落好爽～ →日本燒丸子 細細粒幾煙韌～裡面有啲袖子味 幾有趣 →雞軟骨（推薦٩(^‿^)۶） 又爽又有咬口 調味幾濃～好食(〃ω〃) 【$20一串】 →羊肋串 調味唔錯 不過比較起上嚟佢冇咁特別(〃ω〃) →免治雞肉棒（推薦٩(^‿^)۶） 口感幾彈牙 食落仲好似有啲蟹子粒粒～ 【$25一串】 →山賊牛肋串（推薦٩(^‿^)۶） 咁多串燒最鍾意係依款～調味岩岩好 而且肉質嫩得黎帶點肥 有驚喜！ →日本黑豚腩肉 不過不失正常發揮 但係同一個價錢嚟講會推薦山賊牛肋串(๑>◡<๑) →墨魚香腸（推薦٩(^‿^)۶） 幾有驚喜 幾特別 口感幾豐富→香煎珍寶帶子意式青醫忌廉汁意粉 整體可以 帶子幾牙彈 青醬可以再重味啲 不過記得一定要熟食 凍咗就差好遠 (TT) 評價：7.75/10 ▪️呢間雖然係酒吧 但啲串燒都唔錯 四點至點係Happy Hour 串燒價錢特別抵～ 地方都幾chill同舒服 (〃ω〃)

📍鰹烏冬//觀塘// ▫味噌焗鯖魚 鰹魚湯豆乳烏冬 ▫骨付鷄 月見烏冬 ———————————— ▫味噌焗鯖魚 鰹魚湯豆乳烏冬 $86 ▫骨付鷄 月見烏冬 $92 味噌焗鯖魚同骨付鷄都好出色 好好味 但個人黎講鍾意骨付鷄多啲 骨付鷄好大舊 出面脆脆地 裡面啲肉好嫩 味噌焗鯖魚食嘅時候雖然凍咗 但係都好嫩好好味 (๑>◡<๑) 不過最緊要小心啲骨～ 兩個烏冬黎講 我比較鍾意食鰹魚湯豆乳烏冬 湯底好濃郁 麵條又掛湯 好鍾意 飲完個湯都唔會成個口腔覺得好咸好多調味料 ٩(๑❛ᴗ❛๑)۶ 而月見烏冬稍為覺得味道唔係好夠 所以就自己加啲七味粉 另外仲會鍾意將隻蛋拎去另一個碗 烏冬撈蛋漿咁樣食 (о´∀`о）最後烏冬好煙韌好彈牙 好滿足～ 評價：8.5/10 ️ ▪兩個烏冬都好出色，有機會會再去食！仲見到佢有一個蕃茄凍湯烏冬同黑松露奶油烏冬好似都幾吸引(´∀｀)

📍 Shahrazad//中環// ▫Sambousek Spinach ▫Batata Harra ▫Saniyet Samak ▫Mashawy ▫Mahalabia ———————————— 今次去食嘅係餐廳嘅set lunch 每一個餐包左一個餐湯 小食 主菜同甜品～ 主菜叫Saniyet Samak （$228）同Mashawy（$278） ———————————— ▫ Soup of the Day 今日係南瓜湯 面頭加左啲香草 另外湯再加左忌廉 所以成日都好滑身 一啲渣都無 (๑•̀ㅂ•́)و✧ 評價：7.5/10 ▫ Sambousek Spinach 依個係中東菠菜餡餅 餅身睇落以為係脆卜卜 但其實係冧冧地 幾軟身 幾有趣～ 評價：7/10 ▫ Batata Harra 依個係炸馬鈴薯烤加左孜然、芫茜、大蒜 一食落去就感受到唔同嘅香料 係一個比較重口味嘅小食 馬鈴薯口感都係偏冧～ 評價：7.5/10 ▫ Saniyet Samak $228 依個係烤盲鰽魚配馬鈴薯 底味用左蕃茄 食盲鰽魚嘅時候又可以食到新鮮魚味 同魚肉一塊塊嘅質感 又食到濃濃嘅蕃茄汁 馬鈴薯切成小簿片 沾上蕃茄汁 好好味 (๑• . •๑) 評價：8/10 ▫ Mashawy $278 依個係阿拉伯式烤羊肉串及雞肉串 睇來只有三串 但其實食落份量一啲都唔少 羊肉串唔係話好羶 平時唔食羊嘅都可以試試 最有驚喜係雞肉串 以為會燒到啲肉比較硬或者老 但係食落好軟熟好嫩 最後食依啲燒烤都唔會覺得口腔好咸或者好口渴 (๑´ڡ`๑) 評價：8.5/10 ▫Mahalabia 呢個係土耳其牛奶布甸 用米同牛奶整 質感比較黏稠 滿滿奶香 口感滑身 又唔會話好甜 上面再加左啲開心果碎 好好味 ( ♥д♥) ▪️最鍾意係依間餐廳嘅細心 所有東西都好仔細 由門口嘅裝修去到廁所嘅擺設 每一樣嘢都落足心機 而且環境亦非常之舒服 餐廳每一個位置都係打卡嘅地方 亦不得不提員工非常熱心去照顧客人嘅需要 食去物質素都唔錯 推薦大家想試中東菜式 可以黎一試 (▰˘◡˘▰)

📍就是偏偏喜歡你//銅鑼灣// ▫ 招牌M2 慢煮10小時巨豬肋骨 ▫ 香辣南美海蝦意粉 ———————————— ▫ 招牌M2 慢煮10小時巨豬肋骨 $328 見到巨豬肋骨都真係好大舊 (〃∀〃) 食落豬肋骨都幾軟熟 幾易切 味道甜甜地 醬汁調味唔錯 (๑´ڡ`๑) 薯條正常發揮～ 可以一試！ 評價：8.25/10 ▫ 香辣南美海蝦意粉 $168 意粉主要用咗蕃茄醬 另外應該仲加咗啲忌廉 令到成個口感更加Creamy 唔錯 (๑•̀ㅂ•́)و✧ 而且海蝦亦都好彈牙 好食！ 評價：8/10 ▪️餐廳店員好親切 食物質素都唔錯 店裏嘅環境都好啱同閨蜜來打卡 而且餐廳有隻好可愛嘅賓利兔 佢亦都好熱情同客人玩 ₍ᐢ⑅•ᴗ•⑅ᐢ₎♡

📍The Old Book Store//銅鑼灣 // ▫芥禾籽忌廉汁油封鴨髀配自家製手打薯蓉 ▫日式豬軟骨配失傅已久自家製豬油炒飯 ▫朱古力海鹽蛋糕 ———————————— ▫芥禾籽忌廉汁油封鴨髀配自家製手打薯蓉 $118 油封鴨髀啲肉都唔少 外皮脆身 (๑´ڡ`๑)加埋自家製嘅芥禾籽忌廉汁令口感更加豐富 不過如果啲肉可以再更嫩就好 另外手打薯蓉都幾唔錯～ 評價：7.5/10 ▫日式豬軟骨配失傅已久自家製豬油炒飯 $128 豬油炒飯入味 而且都好邪惡 最好嘅就係佢熱辣辣食落暖粒粒 (๑•̀ㅂ•́)و✧豬骨嘅份量都幾多 不過就係凍盤 如果可以整熱埋佢我相信會更加好！ 評價：7.75/10 ▫朱古力海鹽蛋糕 $68 呢個係special menu 要問當日店員先知道甜品係咩 依個係一個朱古力brownie 上面有忌廉 下面有脆脆 都唔錯～ 評價：8/10 ▪️餐廳設計裝修好舒服 食物都好多選擇～