Season Plus

營業中

休息中

尋日喺尖沙咀食咗呢一間餐廳，如果唔係OpenRice介紹都完全唔會發現有呢個地方嘅存在。因為地點實在非常之偏門，要喺山林道行入去酒店後面。好似一個好秘密嘅地方咁 。但出奇地當晚雖然係星期日，全晚室內室外竟然full House。呢間餐廳觀塘都有分店，主打係食佢嘅生蠔。當晚發現餐牌竟然有個非常之抵玩嘅套餐，就係呢個＄200一打生蠔連一支白酒。先唔講生蠔個先，白酒竟然可以加錢轉飲Riesling呢個我最鍾意嘅白酒，已經覺得非常之開心，而且店員仲同我講當日做緊優惠，唔需要加錢就可以升級至更大隻既生蠔。好多時食生蠔人卻步嘅地方都係唔識食，但又何必為咗少少自己嘅驚同怯二唔去嘗試呢一樣咁好食嘅嘢食呢，呢個咁大玩嘅套餐就正為大家做到一個機會去試食生蠔啦。以前食都係外賣返屋企食，但原來係餐廳戶外一路飲白酒一路生蠔係一件非常之開心嘅事。當晚嘅生蠔正正非常之肥美。另外重視食咗佢其他唔同嘅嘢食，例如呢度海鮮拼盤，有齊龍蝦青口蝦小龍蝦螺肉多種唔同想食嘅海鮮。亦都試咗佢嘅慢煮牛肉，雖然略嫌少少生但係牛尾都好夠。

又就黎到聖誕節，同朋友都一齊爭論在哪裏吃聖誕大餐。而且又到年尾，出糧就當然想食好啲，食豪啲。所以我就帶朋友來食這一間season plus，位置都幾隱蔽，就在山林道的一角。不過前往的途中都看見有很多指示牌，所以不難找到。一進去就感覺是世外桃源，餐廳自己獨立佔了一塊地。旁邊更有很多植物包圍着，感覺像一個後花園。來得這裏，就當然和朋友坐外面位置，欣賞一下園林美景。講明要豪吃一餐，就當然要叫一打生蠔。生蠔超級便宜，＄148就有一打，連一支白酒都只是＄198。小食就點了凍加拿大翡翠螺和岩鹽蒜蓉焗大蝦。主食點了牛肝菌意大利飯和意大利肉醬千層麵，這樣的菜式想必一定很滿足。生蠔拼盤＄198這裏足足有12隻，計返每隻都只是10多元，再有白酒一支，真的很抵。生蠔很鮮甜，有淡淡的海水鮮味。它是屬於比較清爽的，入口很香滑。再加上些少檸檬汁，順口順滑。這個生蠔size不算大，但新鮮，性價比高！再細看餐牌，原來加＄48可以轉半打美國中碼生蠔。如果我們早知道，轉加了就更好。加拿大翡翠螺＄58這是冷盤來的，現在特價＄58，一客有六隻加拿大翡翠螺。果然翡翠螺很大隻，入口很鮮甜。翡翠螺很爽口彈牙，經過冷凍後更加清甜，更

行到山林道盡頭，仲要行上一條樓梯先見到間餐廳，都真係好隱蔽。環境唔錯，有分室外同室內。一黎就叫個198蚊就有一打生蠔同白酒既set，咁抵無理由唔叫啦。生蠔新鮮但開得唔乾淨有蠔殻，同唔夠肥厚。白酒易入口既。海膽多士，一d海膽味都無但就好夠芝士同多士夠脆。當係玩下拉絲都ok既。蒜蓉牛油焗翡翠螺，螺肉都好彈牙，有蒜蓉牛油香味。岩鹽蒜蓉焗大蝦，隻蝦一d都唔大，有被騙既感覺同d味係晒個殻到，食蝦時就只食到蝦既味。最後係焗千層麵，好食。邊皮焗到燶燶地好脆，中間既肉醬同芝士都調味控制得唔錯。係成晚最好食的。

位於尖沙咀山林道52號環海大廈一期地下的Season Plus, 主打足料海鮮及打國菜。當走到山林道的盡頭有一個小迴旋處，右手面有樓梯級，拾級而上便會到達環海大廈地下。用膳當天，餐廳的入座率約八成，有幾枱也是三五知己相聚吃海鮮，餐廳走黑色型格風格。這裡提供頗多款海鮮，見天氣冷冷的，便點了一客熱海鮮拼盤，這拼盤更有不同的汁醬可以選擇。和朋友想試試海鮮的原汁原味，所以選了岩鹽口味。約二十分鐘後 即點即煮的海鮮拼盤來到了，賣相真是十分豪華和豐富。當中包括龍蝦半隻、原隻智利石蟹、小龍蝦、加拿大藍青口、加拿大翡翠螺。餐廳所選用的海鮮都頗新鮮，所以肉質彈牙爽口。個人最喜愛龍蝦，肉質頗甜而且啖啖肉。拼盤內還有粟米、洋蔥和紅蘿蔔，配菜吸收了海鮮的精華，味道也頗不錯。點了一款小食，燒海膽多士，多士來到時還是熱騰騰的，而且海膽的份量夠多，入口微咸，頗惹味。這小食也是我第一次吃，感覺新奇。多士切成小件，吃得更方便也可與朋友分享。最後點了一客牛肝菌意大利飯。牛肝菌的份量比想像中多，而且飯的質感creamy, 令人想一口接一口地吃。點了一客Sangaria 提子梳打，味道不錯。餐廳也提供不少種類的紅白酒，愛酒之

有唔同嘅海鮮種類熟食既slow cook就麻麻難咬到都唔想食海鮮就好多篇海說鹹味重嘅蠔當然種類就比較少啦， 不過就真係好抵食嘅二百幾蚊一打有埋支白酒送螺呢就未解凍整體係普通嘅勝在傾計摸杯底有嘢咬下都幾好嘅。

前幾日收工同朋友約左係尖沙咀食飯佢話聽朋友講呢間season plus環境舒服、食物都幾好食，所以一於決定同我去試下！因為地點都幾隱袐，我地都花左一陣先揾到！一坐底就發現環境好舒服，然後我地就揀野食！我地嗌左個慢煮安格斯牛柳，送頭盤煙三文魚沙律🥗煙三文魚份量好夠，加埋好新鮮既菜，好開胃呀！我地另外嗌左兩個小食，係推介既火焰芝士蟹棒肉望到已經覺得好好食，熱辣辣配埋芝士，好快就俾我地ko左😆我地仲嗌左一份芝士牛油焗日本元貝(2隻)成層芝士舖係面，好滿足呀等多左一陣，主菜就黎啦～厚切牛配上士多啤梨醬，都幾特別既味道呢度環境舒服，仲有户外座位，下次等暖返少少同朋友再黎食先

即將與陰霾迷霧的2017年say goodbye，踏入充滿希望的2018年。 這夜，與四位摯友，穿插於尖沙咀山林道的大街小巷，尋找「大隱隱於市」的Seafood Plus。 在苦無頭緒，徬徨、迷茫之時，街角盡頭，漆黑中，看見這個指示牌，我們笑了﹗ Seafood Plus，處於一幢四周種滿植物的圍牆住宅內，綠意盎意。彷彿，就是一間隱世的「秘密花園」。這兒，饒富情調，一片的靜謐，教人身心舒暢，豁然開朗。 店內，放有不少聖誕節裝飾物，洋溢著濃濃的節日氣氛。 餐廳主打海鮮，有生熟海鮮，選擇繁多。 柚子蜜$28，清爽甜美，好飲﹗ 燒海膽多士$68，坊間不多見。香脆多士上，塗滿了鮮香細軟的海膽，滋味無法擋﹗ 炸物拼盤$298/任選7款，有唐揚手羽雞翼4隻、炸流心芝士4粒、炸美國薯條、黃金紫薯小丸子、炸日本廣島蠔4粒、日式酥炸元貝4粒和紐西蘭魚手指4條，配黑白松露醬和蕃茄醬，大堆頭之作，是佐酒好友﹗ 最好吃是黃金紫薯小丸子，外脆內甜且帶點煙韌。一口炸芝士外脆，內是軟綿的口感。唐揚手羽雞翼略嫌炸得有點兒油膩。 原本打算點凍食的海鮮拼盤，奈何，席中有友人不吃凍食，故轉來了烤焗海鮮。烤焗海鮮拼盤$298

之前食過觀塘season plus ，覺得幾唔錯，咁啱我朋友想食蠔，又行開觀塘，就search到呢間xd佢個位置都幾入，但就好寧靜，幾有feel。 我地嗌左精選生蠔12隻，個服務員有同我地講呢d係細蠔，d生蠔都無想像中咁細，而且d生蠔真係幾新鮮同甜xd，考慮埋價錢因素，都算係價性比高嘅選擇🤓 我朋友話好好中意呢個燒海膽多士 ，多士有好香濃嘅芝士味，作為小食非常吸引，不過海膽嘅香味有d被芝士味遮蓋左，但都係幾好味xd😙😙😙我地嗌左個酒煮青口&馬尼拉蜆。我同朋友都好中意呢個菜，因為佢個酒味非常香非常吸引，青口同蜆嘅size都正常，兩樣都好鮮甜啊。😋 最後嗌埋意大利辣肉腸薄餅，之前係觀塘個間食過，所以再嗌xd 呢個真心正，薄餅底軟硬適中，邊位鬆脆，加上微辣嘅肉腸，好正！

​今晚ot完特別又餓又攰，收工即刻和同事去搵好嘢食，慰勞下自己，呢間餐廳之前嚟過一次好回味，所以今晚再嚟幫襯，今日我哋食之前未食過嘅。慢煮美國安格斯牛柳送頭盤一款$348  （Special Offer）包埋意式巴馬火腿沙律睇個名已經好吸引，美國安格斯牛，不嬲都係優質食材，再配上大廚嘅手藝，令個牛柳更加突出好味，肉質軟軟琳琳，當你咬下去就感覺到豐盛肉汁，好像噴出來似的，牛味香濃，直撲在你的鼻蕾，配埋個意式巴馬火腿沙律，火腿嘅幽香，清新嘅沙律伴菜，整個頭盤濃淡相宜，有雙重口感好配合。炸物拼盤$198 @4類日本酥炸元貝四粒/炸日本廣島蠔四粒/黃金紫薯小丸子/炸流心芝士四粒跟住呢四款酥脆嘅炸物，非常出色，日本大大隻嘅元貝，炸得外脆內軟，鮮甜多汁。日本廣島蠔，炸漿將整隻肥大肉厚嘅生蠔把新鮮蠔嘅鮮味牢牢鎖住，只要你把它放落口中咬開後，蠔嘅鮮味才 慢慢滲滿著你口中，好有滿足感。另一個紫薯小丸子，外面卜卜脆，內裏甜到漏，日本嘅 紫薯真係名不虛傳。還有一個炸流心芝士丸，真係芝味無窮，內心軟綿綿， 濃濃嘅芝士軟心味香醇，皮薄丸子包得柔軟煙靭，製作認真，絕不馬虎。

男友喜歡吃蠔，身為女友要努力搜索一下好吃的蠔店給他這次聽朋友介紹這間店好味性價比又高，便特意來朝聖一下位置好隔涉，我們由佐敦站D出口出，轉入山林道，一直走到尾，上樓梯一會就會發現它在你左邊了餐牌有很多選擇，不止海鮮，其他意粉類小吃類也不少先來一盤生蠔，由於我不吃，所以男友只點了四隻男友由最淡的美國pacific jumbo ($39)開始吃起，海水味較淡但肉質很鮮甜；接著到yellow stone($18)，肉質厚實一些；Irish Rock($29)則蠔味很重，最後吃Gillardeau($39)，男友最喜歡這款，海水味很重，又大隻，男友吃得津津有味呢沙律不過不失，pama ham份量不少，配合新鮮的疏菜十分清爽，黑醋很多不會太乾多士十分推介芝士有拉絲效果，而且熱辣辣，加上烤得脆卜卜，好好吃😋不過略嫌海膽味甚少叫了一客帶子，偏細隻，可幸是沒有雪藏味，入口都頗新鮮男友是海膽fans，見到餐牌立刻要來一客，一來到真的嚇一跳，想不到海膽份量不少，性價比不錯。男友說味道也很鮮甜吃這樣多海鮮，我點了個熟食，想不到也有驚喜呢旁邊有鹽，若嫌只有甘薯沒有味道可點一點，配合熱辣辣的一口甘薯，十分可口，

朋友話要食生蠔，問我有乜好推介，我就諗起上次呢間平靚正！$148十二隻的生蠔拼盤令人如何抗拒？今次我哋亦都額外加錢，試咗一下其他較為高級的蠔款式。幾款生蠔整體的質感都好新鮮，開得好靚，蠔肉完整而且冇殼碎。今次我哋試咗其他幾款海鮮，海膽刺身令我哋好驚喜。冇諗過這價錢可以食到超高質的海膽。海膽鮮甜帶海水味，而且少少腥味都冇。芝士焗龍蝦開邊上，睇見都流晒口水。煎比目魚扒賣相就麻麻啦，可能大廚一時失手。但其實都幾好味，魚油甘香同香料好夾。點少得上次食過的煙三文魚沙律同芝士波波呢！主菜方面，朋友仔提議食原條蒲燒鰻魚，好少咁樣食鰻魚，口感好得意好軟滑。慢煮牛柳係店內的招牌菜，牛肉味都幾重，而且慢煮後的質感較軟。不過份量俾我哋想像中少咗DD，一至二人分享最好。意大利飯亦都幾有驚喜，飯粒剛剛好熟透，非常有咬口。而且醬汁好Creamy，口感勁Rich。平靚正的餐廳絕對有令人一去再去的衝動，呢間雖然食物比不上好高級的西餐廳，但水準亦唔錯。以性價比嚟計，確係無得輸！

之前食lunch ,行返去公司途中，經過一條隱密嘅捷徑，發現原來隱藏着好多餐廳，見到呢一間氣氛好似幾好，今晚約咗幾個朋友出去飲嘢之前就食來餐飯打定底先。蒲燒鰻魚燒汁幾甜，仲有大量嘅紫菜碎喺上面，更加惹味。煙三文魚沙律好大份喎，勁抵食，上面勁多片煙三文魚，四個人分都覺得好夠。睇見生蠔拼盤只係$298 有成12隻時令生蠔！仲要送支白酒，真係超抵嘅選擇。一係唔食，一食就食到盡！我哋仲點左四隻Irish Rock 同四隻Gillardeau。食生蠔又點可以唔食蠔王Gillardeau呢？正呀！可以食到加拿大海膽，海膽味超濃郁！而且仲大過隻匙羹。炸流心芝士熱氣是什麼？完全不重要！咬開脆的外層，裏面係軟軟嘅芝士心，難忘的味道！芝士焗原隻龍蝦好幸福！我最鍾意就係食龍蝦㗎啦！而且唔係間間西餐廳有得食，龍蝦肉十分之彈牙，上邊仲有香濃的芝士，一齊焗，令每啖龍蝦肉都滲着芝士的香味。

生蠔拼盤-拼盤入面有一打生蠔，仲連埋一支白酒做餐酒。生蠔肉質都幾好，唔算係極之肥美，但係鮮味都夠嘅。另外我仲加$48升級一半嘅生蠔，升級左嘅蠔會再大隻啲，食落啖啖肉。雖然我唔係幾識飲酒，但係揀左喱支白酒飲落味道都唔錯，配海鮮食係一流！意大利肉醬千層麵-呢間餐廳雖然主打食海鮮，但係西餐方面都有好多唔同嘅選擇，今次就試一試佢嘅千層麵。本身覺得期望都唔大㗎啦，但係嚟到賣相又幾好喎，聞落非常香噴噴，肉醬多到滿，味道又幾惹味喎，都幾濃郁㗎。黑松露牛肝菌pizza-食Pizza通常都係揀夏威夷海鮮，或者係嗰啲辣肉腸啊、芝士呀嗰啲。素食嘅pizza比較少食，今次試喱個係黑松露、牛肝菌pizza，本身仲以為會好淡，但係食落比感覺中濃味好多，黑松露味道好香，配埋面頭嘅芝士，好滿足😍。

公司在尖沙咀，我同事話睇食評不如book這裡聖誕開party，大家都未試過這裡，於是早一星期來試一試菜，頭盆$198食生蠔，的生蠔比較瘦支酒算啦送的吾好要求。主食點了$398烤焗海鮮拼盤及羊架，等左好耐海鮮拼盤上桌睇落ok，但食落個比目魚冇味同有的腥，的螺大大粒但入面的肉細過東風螺，個扇貝有陣陣雪藏味，留個蝦最後食睇見大大隻應該ok掛，但只食到蒜頭味個蝦頭入面黑黑地。跟著羊架上桌，我望見好乾,好乾食落如我所料好似羊肉乾一樣咬吾開。二人找數近$1000但食吾飽然後要落妺記食宵夜。好彩未到聖誕如果book呢度比老闆罵死. 本來我吾信食評. 這次比的食評陰到正－正所以真系要寫出來。

就到聖誕..就到聖誕...同男友為左慳錢，所以聖誕前席提早慶祝😆，男友知我鐘意食海鮮，所以搵左呢間平靚正既餐廳。餐廳門外係園林裝飾，餐廳內掛上聖誕吊飾，浪漫得黎又有節日氣氛。餐牌既海鮮好多選擇，諗左好耐，海鮮併盤好抵食，但個人唔好小龍蝦，所以決定單點自己愛既海鮮。美國蠔Yellow Stone ，平時比較少試這種，屬清甜類，蠔肉肥厚，口感爽甜，海水味唔會太濃。海膽刺身，質地較挺身，感覺似加拿大海膽，肉身肥厚，味道甘香，非常新鮮。翡翠螺，螺味重，肉質彈牙，隻隻重份量，肥美兼肉厚，極具口感。原隻波士頓龍蝦，龍蝦鮮嫩彈牙肉質甘甜、超Q彈，上菜前已預先將龍蝦切開，龍蝦非常大隻，紅膏鮮甜豐盛，不需任何調味就很鮮美、美味，加上雙鉗巨大，豐厚及飽滿的龍蝦肉，吃起來鮮嫩多汁，味道甜美。大推！芝士日本元貝，面層鋪滿芝士，焗至金黃，香氣撲鼻，內裡元貝焗過後依然juicy。👍🏻千層肉醬闊麵層次分明，肉醬千層麵的醬汁都很濃郁，千層麵 口感好軟綿綿，同平常焗到乾哂個d好唔同，同男友2人不消一會就ko 哂😋