Season Plus

營業中

休息中

開心星期五放左工同朋友去食餐好既! 去左尖沙咀比較隱世既餐廳。香檳生蠔拼盤 – 好抵食既一個套餐, 有18隻蠔加一枝香檳，另外仲加左兩隻被名為生蠔界既勞斯萊斯Gillardeau No.0。之後再點左個海鮮拼盤(冷)，份量驚人!兩個人真係食唔哂! 跟住點左幾款熱食, 白酒煮紐西蘭青口、芝士牛油焗日本元貝同香草焗比目魚，每款海鮮都好食，最鐘意係比目魚，因為佢有特製既醬，好佢本身既魚油好夾。總括而言, 個環境好舒服，好適合兩三個朋友去食飯傾計。

今日相約好姊妹一齊食呢間Season Plus, 好彩約左佢係地鐵站一齊去, 唔係一定搵勁耐。我地今日坐outdoor seating涼涼地好舒服。我地叫左一打愛爾蘭石蠔, 唔會太重金屬味, 好鮮甜, $9隻抵到呢! 再叫左個Ham Platter $128 有三款唔同口感味道既ham, 送酒一流! 因為以前食過加拿大海膽鐘意佢啖啖肉，就叫左兩份 $58 each，真係好濃好滑好好味! 作為一個海膽控一定要叫埋海膽芝士多士$68啦, 燒完既海膽變得更香加埋拉到絲既芝士, 一定要叫! Main course我地叫左一份熊本霜降西冷$198黎share, 一入口就比佢既油香吸引住, 肉質好嫩又多汁, 就連配菜薯角都熱辣辣嫁! 好開心搵到一間咁高質素既西餐廳啊!

今日黎到山林道食蠔同海鮮！不過間舖既位置有小小難搵，要行入一條小巷入面～不過亦都係因為，個環境幾靜幾舒服，好適合黎拍拖談心，可以慢慢傾下計👍呢啲蠔set超級抵！我地叫左198果set，有12隻蠔又有成支白酒～佢本身跟果支白酒唔係幾岩我地口味，所以我地加左45蚊升級做一支甜小小嘅🥂蠔都算大小適中，帶海水味，爽口，啖啖肉👍反而呢個加拿大海膽幾深得我心🤤海膽肥厚，海膽甜味唔夠日本海膽濃，但係一樣咁creamy口感似奶油💓198蚊就有海鮮拼盤！認真抵食🦐拼盤當中最值得提嘅就係花蛤，雖然唔大隻，但隻隻鮮甜爽口飽滿原隻波士頓龍蝦啖啖肉，肉質嫩滑細緻，清甜好味🙌🏻好貼心比埋手套我地食海鮮🧤始終主打食海鮮，熟食選擇唔算多叫左意大利肉醬千層麵，如果內層肉醬更多就會更好喇消費滿500就有50現金卷~一人300左右就可以飲飽食醉，都算抵食👍

【#supermama開心Share】 令海鮮迷好開心的餐廳最近食到一間令人驚喜的山林西餐話說呢間Season Plus 餐廳好特別，收在鬧市之中朋友去過話唔錯，今次幾個朋友再約就去呢道，原來Season Plus 真係好正專食紅酒和海鮮朋友中意酒，我就中意食吉列炸蝦唔錯係大菜只係餐前小食但都脆卜卜即製的味道特別香脆好食！好適合用來佐酒精選沙律拼盤有煙三文魚、巴馬火腿、沙律菜、凍熟蝦樣樣都好新鮮由於加入了意大利黑醋，微酸而顯得海鮮特別香甜份量好多，3-4個人一齊分就差唔多呢度係以海鮮出名我地每人都order左份加拿大海膽刺身好鮮甜，好好食，真係質素高的海膽食得好滋味黎呢度朝聖，識食一定食海鮮拼盤咁大碟，預左4個人分有好多凍的海鮮，包括主角波士頓龍蝦勁多蝦子！啖啖厚肉，新鮮！加拿大翡翠螺、紐西蘭青口都好夠肉地法式凍熟大蝦同足足一磅既韓國花蛤都好好味朋友點左紅酒，我就飲杯無酒精的聚在一起，一樣開心！

記得早前到過山林道一間隱世小店，名叫Season Plus。今晚和朋友再訪此地，因地點實在不太好找，先約朋友在佐敦地鐵等，然後一起走過去。今晚只有我們兩女生，朋友是個女劉伶，見生蠔拼盤送一支白酒，非常超值，立即叫了一個。之後再加一份燒海膽多士和義大利巴馬火腿。兩者都是下酒恩物。生蠔拼盤：生蠔每日從產地新鮮直送，吃進口海水味濃郁，蠔味香濃，配上白酒，無得彈。而巴馬火腿份量頗多，拼盤裏有三種不同火腿，每款都鹹香味鮮，不錯不錯。至於海膽多士，是用海膽＋牛油，塗在麵包上，再烤焗成香濃的海膽多士。海膽烤焗後，另有一種風味。第一次吃熱辣辣的海膽，而味道有種另人意外的驚喜，吃得實在過癮。飲飽食醉，但我們覺得好像還未足夠，於是再加多一個pizza，意大利辣肉腸薄餅，Pizza是長條型，吃罷大家都覺得很滿足。和朋友度過輕鬆愉快的一晚，吃吃好東西，談談天說說地，輕輕鬆鬆的過了一晚，實在快意。

晚上7點半去到，等30 分鐘上個生蠔，個生蠔同白酒都算ok, 但之後再等多30 分鐘都仲無野上，呆等⋯⋯環境嘈過茶樓，多內地人，嘈爆！之後，催佢快D上菜，等多十幾分鐘先上個千層麵，百幾蚊，個碟就大，但量好少，小得離譜，同個朋友每人食得果3 啖，5 分鐘已經食得完，但等咗45 分鐘。之後，又再等多30 分鐘先上2 個燒元貝（味道同大排擋差不多）。又再等多30 分鐘先上個慢煮黑毛豬，個侍應又話咩黑毛豬靚，結果食落同用白水煮熟無分別，無味！淡到完全無味！仲要吾熱既！結果，埋單546元，完全食吾飽，全程等到人都癲！我好少寫食評，但今次真係忍吾住，因為太差！無影相，因為等太耐先上菜，好肚餓，食完仲要落返去下面金巴利街食個韓國石鍋飯先飽😭😭好後悔去咗呢間食，餐廳位置又遠又難搵，環境又差（大陸人嘈爆），野食又差、量又少，仲要上菜慢到由7:30 等到9:40 ，足足等2個鐘，未見過甘差嘅餐廳！

好彩之前做定功課，去到山林道識得落樓梯再轉上去，好輕鬆就搵到隱世seasonplus喇! 閒日都坐滿約7成位呀! 男朋友係生蠔迷黎，至於我呢，因為唔太食得生冷野，主攻呢到既熟食! 一心想黎試下佢個霜降西冷牛排架! 男朋友叫左隻美國M size生蠔+一杯白酒套餐，佢話想試埋貴價d既蠔，再點左兩隻南非($29)，兩隻Irish ($39)，兩隻Gillardeau ($39)。冷盤仲叫左加拿大海膽刺身($58)，加拿大翡翠螺($48)。我就簡左霜降西冷牛排、芝士焗原隻龍蝦、牛油比目魚、肉醬千層面。 熊本霜降西冷牛排($198)，有埋薯菜架，牛排好有牛味，值得一提既係佢冇落汁，只係用左鹽去煎，岩曬我口味呀! 佢有提供到另上既燒汁，店員仲提醒我地唔好一次落曬，會太咸架!另外叫左芝士焗原隻龍蝦($128)，百幾蚊食到龍蝦真係好震撼呀! D肉質好爽口，一扯就離殼，好新鮮! 牛油比目魚扒，牛油味好香，未試過咁樣食比目魚，好正! 最後叫左個肉醬千層面，熱辣辣既芝士同肉醬添埋左，味道咸咸香香，好好味!食左咁多生蠔，刺身，龍蝦，牛排，埋單岩岩好一千蚊，仲有咁正既環境，我地一定會再黎!

女朋友知我鐘意食生蠔，話帶我去食一間隱世蠔BAR，去到山林道仲要經酒BAR左面既樓梯落去，再轉右上樓梯先會見到，真係夠曬隱世!入面有d草咁 世外桃園既feel~ 我地叫左一個$198既生蠔套餐，有6隻美國M size生蠔，同埋一杯精選白酒。另外再單點兩隻South Africa No.1 ($29)，兩隻Irish rocks No.00 ($39)，兩隻France Gillardeau No.0 ($39)。冷盤仲叫左加拿大海贍刺身($58)，加拿大翡翠螺($48)，仲有霜降西冷牛排、芝士焗原隻龍蝦、比目魚、千層面。 前菜:海膽刺身好鮮甜，夾埋青瓜，再點wasabi鼓油，正! 翡翠螺有6隻，size好大，食得好過癮呀! 生蠔:美國M size 6隻入面有2隻係比較肥美同埋有靚既裙邊，其他就較細隻，但味道都係好鮮甜唔會好似平時放題D任食生蠔咁。South Africa 好creamy，海水味唔算好重，裙邊亦都好整齊好靚，成隻蠔都好完美$29一隻黎講抵到爛。Irish Rocks 第一次食，size好巨型，蠔肉好肥美，裙邊爽口正到爆Gillardeau一向好出名，法國蠔品質有保證，果然

✿╮❤╭✿ ✿雜感女生 好味日記✿ ˚*•✰。Season Plus．藏身山林道的海鮮大餐。✰•*˚ ✿✿Dolce Vita @ 尖沙咀✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 飲酒唔一定去酒吧，食海鮮唔一定去酒家！ 今次同朋友happy friday 一於行入山林道，食個美妙海鮮餐！ Season Plus隱藏於環海大廈一期 要拾級而上，行到柳暗花明 就見Season Plus！ 店子自成一角藏山林之中，卻藏不住好吃的海鮮 未到7點，即見人頭湧湧 加拿大海膽刺身 68蚊2隻！非常鮮美，來自加州的海膽，入口即溶 無必要再點任何醬汁，已夠鮮！ 好想來多份！ 海鮮拼盤 非常抵食，200有找 份量十足：波士頓龍蝦、韓國花蛤足料一磅、法式凍熟大蝦4隻 加拿大翡翠螺2隻、紐西蘭青口4隻 波士頓龍蝦超多蝦子，而且肉質鮮甜 花蛤多到食極唔完，似足個海鮮山，2個人食，配杯COCKTAIL，成一樂事 日本璣煮鮑魚 餐廳以醬汁昆布慢火煮，濃郁湯汁令鮑魚入味彈牙，非常好吃！ 日本熊本霜降西冷 霜降西冷，肉質多麼的

今日同朋友去咗尖沙咀一間餐廳一入去就見到好多紅酒樽，酒架朋友立即酒意大發 咁我哋就要咗一個生蠔set，入面包咗一支香檳，淺嚐一下無妨香檳味道清清地，還好！邊食生蠔邊飲香檳，可以帶出鮮味生蠔有兩種 一種細隻肉質比較爽另一種比較大，肉質口肥美2種都唔錯另外叫左個沙律拼盤 上臺先發現其實係三隻不同嘅沙律 有煙三文魚沙律、大蝦沙律 、parma ham沙律… 上面嘅topping唔一樣沙律菜超fresh，topping好多其實都好抵食 主菜我點了日本熊本霜降西冷 熊本牛肉味比較重我要咗五成熟，好嫩易咬唔似普通西冷咁厚同硬身晚餐Relaxing下，清清地，淺嚐香檳傾下計，感覺都幾舒服。

之前同事介紹話呢度好抵食見有日早左收工即刻去試吓發覺個地址原來都幾偏僻要經過小巷先入到去但入到去地方好大好鬆動好幽靜好似世外桃源之後我哋嗌咗六隻南非no.1生蠔啖啖肉勁好食好creamy之後叫左個鵝肝醬脆片淡淡的餅乾配上濃濃嘅鵝肝醬超級夾再嚟個燒海膽芝士多士陣陣嘅海膽味好特別之前到都未試過然後再嚟一個日本一口和牛粒炒得好香好juicy主食就叫咗個黑松露牛肝菌pizza之前都未食過牛肝菌原來係同黑松露咁夾最後就叫咗個熊本霜降西冷好有牛味 薯角好香

今晚約左朋友6點幾係尖沙咀season plus食dinner，食完晚餐時間差不多就可以去睇演唱會。我喜歡season plus的其中一個原因是它的生蠔餐，所以每次來到都是我必點之選。 今次點了個12隻生蠔送1枝香檳的生蠔set，也只是298元。 生蠔有2個size，前6隻細size，肉質比較清甜爽脆; 後6隻比較中size，肉質肥美很creamy。 2種口感我都喜歡。朋友非常喜歡吃薯條黑松露醬做得不錯，味道夠濃郁。燒龍蝦非常正龍蝦肉爽口彈牙，而且有不少龍蝦膏，好香口原隻燒魷魚筒魷魚本身燒得不錯，很淋夠軟熟只是醬汁似乎太多，味道有點太濃。 另外主食點了個意大利辣肉腸薄餅熱吃餅底很軟暖，味道還是不錯。 吃完正餐還有一點時間，點了個果汁，聊下天，其實越夜氣氛越不錯。

緣份嘅嘢話嚟就嚟！個心話想食生蠔，轉頭就响fb見到$9生蠔嘅廣告，就係咁，嚟到山林道！不過呢度的確有啲難搵，因為佢係去到盡頭再响崛頭路行入去，完全係柳暗花明果隻fd,所以未搵到嘅朋友唔好放棄呀～記得打電話去問餐廳問路啦～除咗9蚊隻生蠔外，其實呢個餐都幾抵，不過我唔飲酒，所以都係齋叫半打食吓先~可愛嘅生蠔嚟喇~味道夠鮮甜之餘亦好有海水味~9蚊真係超抵呀～見到呢個$198嘅海鮮盤，好想好想試，不過因為有小朋友在場，費事食生嘢，唯有下次啦~但值得一提嘅係，佢真係超大份，有成1磅硯，我見枱枱都叫盤嚟食，個個食到咀lam lam,,,好激動呀～而我呢~為咗孩兒，只能叫熱食！呢個焗海鮮盤盛惠$298，但真心焗得唔錯，虎蝦爽甜、比目魚扒勁嫩滑無腥，帆立貝亦大大粒夠惹味，good choice!同埋佢嘅黑松露焗啡菇亦係香氣迫人，整個盤好合理!再嚟一客海膽多士，就連小朋友都鯨吞大半碟，就知幾咁香脆惹味~跟住最後嚟個芝士parks ham拼盤，Cream cheese ,blue cheese應有盡有，點飽都要留個位俾佢啦~如果响尖咀入嚟的話，就要响士丹福酒店對面行入嚟啦～山林道就麻煩去到盡再拐個彎，就見

朋友相約於尖沙咀食飯， 沒有任何意念，決定去食餐好嘅。再次光臨嘅原因， 係因為性價比較高， 當然今次首選都係食生蠔拼盤， 質素都唔錯，勝在唔貴， 仲有得好似跟餐咁有白酒配， 簡簡單單，食一餐真係唔錯。 除此之外仲見到有今期特價， 我哋就叫咗一個沙律， 同海膽多士 。沙律冇諗過，個沙律係咁大個用料十足， 兩個人都差啲食唔曬， 叫咗個沙律好似其他嘢都唔使食咁。至於海膽多士，個人認為係佢嘅皇牌， 因為用嘅海膽量十足充滿鮮味， 另外多士亦都焗到脆卜卜， 完全唔油膩。下次再嚟過一定要多啲人， 咁樣可以食更多嘅食物。

嚟呢到試既原因都係睇到網上廣告有優惠, 所以先吸引到嚟呢到試試, 原本諗住去觀塘分店, 但最後揀咗去尖沙咀呢間, 不過餐廳位置就有啲隱蔽, 尤其夜晚單獨行上長樓梯係有少少危檢既, 因為都比較靜同黑, 今晚其實都唔算多人, 我諗都係有5至6枱人左右, 我地叫咗幾款熱食同埋冷盤, 呢到最大賣點都係個海鮮拼盤, 而且生蠔拼盤會送白酒添, 真係幾抵海鮮拼盤 - 種類都算多, 每樣都好新鮮生蠔拼盤送白酒 - 生蠔好新鮮而且都算大隻, 白酒入口都好清好甜, 配食生蠔係不錯蘇格蘭煙三文魚 - 有4大塊, 新鮮味道唔差芝士黑松露焗大磨菇 - 磨菇面有厚厚既芝士溶, 好味炸物拼盤 - 餐牌任揀四款, 炸物每款都不差慢煮美國安格斯厚切牛柳 - 慢煮最少要等半小時, 味道我又唔覺得有咩特別總結 : 海鮮餐係幾抵食既, 如果鍾意食生蠔既可以嚟試下