Season Plus

營業中

休息中

因為第一次去, 確獷地點有點難找，按着街號一直走，都要一點點時間，最終找到了。店舖雖然有點偏僻，但環境一流，在繁忙的市區卻找到一間店內空間好大，亦有室外露台的西餐廳，實在有驚喜。前菜今天點了兩款生蠔，irish rock 生蠔， ＄9一隻，很抵食，這款生蠔很鮮甜，很肥美。第二個前菜是日本一口和牛粒，上菜速度夠快，熱騰騰，牛味濃郁，肉質鮮嫩，好有口感，好好味，抵嘅，係正嘅。接住落嚟就係主菜啦。今日主菜點左＄198一份的日本熊本霜降西冷，和＄168一份的秘製醬汁焗豬肋骨，真係好想食完再食，好食到停唔到手，哈哈！豬肋骨就不過不失，肉質尚算鬆軟，但覺得有點乾身，如果焗嘅時間控制得好少少，就完美了。因為份量比較少的關係，好似唔係好夠飽，所以多點兩個小吃和多叫一個飯。兩個小吃分別是芝士煙肉焗蘑菇和芝士焗帶子，本人10分喜歡吃芝士，所以這兩個我比95分。而最後吃的一樣是芝士肉醬千層麵，雖然很喜歡吃芝士但味道真的是很普通。飲品方面，我地點左葡萄梳打同埋手工啤（咸檸啤），葡萄梳打不太甜幾清新，啤酒第一次試手工啤味道很搞笑，很特別，一點也不難飲，但應該不會再試下一次。總括來說價錢環境85分，食物質素75分

日本一口和牛粒和牛粒有少少略un, 但醃料味道都十足, 過下口癮都唔錯, 最欣賞既係可以自己落調味粉, 自己調節味道, 咁就唔會出現味道過濃既情況黑松露牛菌肝pizza雖然睇落pizza 份量不算大, 但表面鋪滿了芝士同埋黑松露醬， 呢兩樣調味都比較濃d, 所以pizza好香口, 同埋餅底係脆餅底咬落脆脆地, 食落更加特別燒海膽芝士多士多士就食得多, 燒海膽加芝士真係第一次試, 配搭其實都幾新穎, 海膽鮮味十足, 唔會有苦澀味,再加埋惹味芝士, 多士也烤得脆脆整體來講味道不錯, 如減輕牛油份量會較佳香脆紫心香芋丸香芋丸咬落煙煙unun, 而且香芋味都幾真, 唔似溝粉溝出黎, 香芋味都幾濃郁, 作為小食都幾正唐揚手羽雞翼＄48唐揚手羽雞翼肉質鮮嫩, 外皮炸得香脆, 而唔會炸到成件都係粉,食落都唔會特別油膩menu:

之前係觀塘食過season plus，觀塘個間食物質素好好，有驚喜，放假行開尖沙嘴佐敦，見又有呢間，所以再捧下場。地點比較唔直接，但已經八點後都竟然咁多人黎近乎滿座。環境燈光，加上柔和嘅音樂，絕對適合朋友或情侶傾計同食嘢。生蠔叫左個超大隻，creamy，滴兩滴檸檬汁食，入口鮮甜又無腥味。日本鮑魚，彈牙有口感。牛扒煮得啱啱好熟，保持肉質幼嫩，入口軟林林，一d都唔韌，食嘅時候點少少黑椒更能帶出牛肉味。仲叫左個海鮮拼盤乜都有齊，豐富。

位於尖沙咀山林道最入的Season Plus，慢慢從鬧市中走到寧靜，轉入小巷才窺探到廬山真面目。（小貼示：從柯士甸巷行樓梯可能比較找到）環境清幽令胃口大開，本來還跟友人相討要烤焗的還是生的海鮮拼盤，但是看到原隻波士頓龍蝦，便立馬決定另叫大蘑菇便好。先讓你們看看海鮮拼盤和烤焗海鮮拼盤裡的配搭海鮮拼盤原隻波士頓龍蝦、韓國花蛤足料一磅、法式凍熟大蝦四隻、加拿大翡翠螺兩隻、紐西蘭青口四隻其實兩個拼盤都十分吸引，我和友人只叫了海鮮拼盤，原隻龍蝦應該有1.5磅左右，氣勢磅礴地放在盤中心，為求吸引你的眼，再綁架你的胃，鮮味十足，更滿口膏。大蝦肉質彈牙，青口新鮮，吃完還有點不過引，餐廳加上足足一磅花蛤是要讓你一次食個夠！實在是海鮮愛好者的福音。芝士黑松露焗大蘑菇那麼盛大的海鮮拼盤打頭陣，難免想吃點熱辣辣的。另點的大蘑菇完全勝任，因為大蘑菇一向是我的最愛，這裡的不負所望，黑松露融合芝士香味四溢，焗蘑菇更令肉汁緊緊鎖實，每口都是蘑菇肉。日式醬煮魷魚筒（原隻）至於原隻魷魚筒相當大份，已經切好一份份，吃起來十分方便，日式醬汁淋上魷魚上，再烤至入味，魷魚口感有𡁻頭。有個小提示：剛上枱的溫度是最好時間去品嚐。精選

牆上一句WHEN WINE GOES IN WISDOM COMES OUT。簡直係寫俾愛酒人仕既一首情詩，可惜既係自己唔嗜酒，只係對牛彈琴。店內氣氛好浪漫，稍暗嘅環境泛起一絲絲嘅燈光。日本一口和牛粒稍為有少少un，但作為一啖食落肚既小食不過不失，調味粉自己落，滿足到唔同嘅人。白酒煮馬尼拉蜆酒味唔重唔怕醉，食落冇沙，幾鮮甜。燒海膽芝士多士整得夠脆，配搭創身，但芝士稍重，而搶哂海膽既風頭，建議芝士落少D。黑松露牛肝菌pizza脆餅底pizza，唔似連鎖店既厚批咁食到咁濟，味道配搭得唔錯。秘醬醬汁焗豬肋骨呢餐飯既重點，估唔到佢係咁大塊，仲有得DIY點切都得，但整到比較乾身，本身已經好入味，可以就咁食，但有獨特醬料更佳。

某星期五男友相約我到Season plus 餐廳共進輕鬆的晚餐。 這餐廳地方寬敞,裝潢具有歐美風格,十分舒適。並可店戶外進食,方便吸煙人士。**男友拍板點了三款蠔 店員好細心提示先後次序食那款蠔*【南非生蠔NO.1】 $29/隻South Africa Nofresh oyster 南非蠔肉質飽滿,口感超creamy,不重海水味,但十分鮮甜爽口。*【美國中碼生蠔】 $18/隻USA M size Fresh OYSTER 入口爽身爽口,海水味濃厚,蠔味在口腔長久不散。*【精選生蠔】 $9 (半打起) 這蠔入口爽口肉質,帶有濃濃海水味。** 【挪威煙三文魚沙律】 $58 這個沙律顏色鮮艷,大大片煙三文魚上底有脆口新鮮沙律菜,並淋上黑醋調味,整體味道十分清新開胃。** 【威斯羊仔架】 $168 羊仔架十分厚身,焗香羊肉有少焦香, 肉汁鮮美,沒有羊的羶腥味,入口嫩嫩可口 可沾點薄荷辣醬,令味道更惹味。 在旁薯角十分香脆好味。**【慢煮美國安格斯牛柳】 $348 這慢煮厚切安格斯牛柳,切開有嫩紅感,入口軟嫩無比,當然肉味也好濃郁,可沾上香甜士多啤梨醬,令味道添更美味。

這餐廳的設計很大自然, 被一個小花園包圍著, 很青蔥!!! 炸日本流心芝士:體積小小的, 一口一粒, 讚!!! 外層鬆脆, 內層還有一點點的流心, 讚!!! 葡萄梳打+蘋果汁:沒有特別... 芝士黑松露焗大蘑菇:大蘑菇配上黑松露這組合, 是超級超級超級的香!!! 大蘑菇很厚身, 芝士份量也不少, 大蘑菇經過烤焗後一點也不乾巴巴的, 反而很juicy, 咬下去是啖啖香噴噴的蘑菇汁!!! 意大利辣肉腸pizza:薄餅皮太厚了, 上面的配料又不太足夠, 像在吃一個乾巴巴的巨型麵包一樣... 熊本霜降西冷@五成熟: 我明明點了五成熟的牛扒, 但這牛扒竟然可以是既難切開又難咬開的... 像在咬香口膠一樣, 完全非常的很失望!!! 意大利肉醬千層麵:朋友點的. 不予置評...

尖沙咀搵間環境好 價錢合理既餐廳真係唔係咁容易，不過 今次朋友極力推薦呢間餐廳 相信一定唔會輸 結果一去到餐廳門口已經覺得地方好大 似係一個環境好舒適的小角落 呢個小角落應該都相當有名 一到晚市 就已經好多客人 好彩地方夠大 唔洗等位 店員已經安排我地就坐menu上既食物想相當吸引 最令我注目既係新鮮既生蠔竟然只係$9隻 精選生蠔 半打起叫 咁我地就決定試下最普通個款生蠔 叫左半打果然無叫錯 就算係最普通個款生蠔 都好新鮮肥大相當清甜 抵食之選！！配上辣醬同檸檬汁 味道更可口 再黎我地就叫左個沙拉拼盤 ($128)睇圖就知呢碟沙拉份量有幾大 相信都夠三至四人份量一邊放滿煙三文魚 另一邊就係Parma Ham 中間就係鮮蝦沙拉菜都好新鮮 燒海膽芝士多士 ($68）呢個相當有驚喜 芝士原來同海膽都咁夾焗埋放上多士就更加惹口 難怪餐廳都話係推薦菜色 一定要試！熊本霜降西冷($198）都不失我地所望我地叫左五成熟 口感剛剛好唔會太硬 易入口 牛肉香撲鼻 重點係塊扒都好大塊連薯菜一點都唔馬虎 薯角都煮得好好食未黎過呢間餐廳既朋友 一定要帶朋友去試尖沙咀地區的小角落 竟然搵抵食 好味 環境又好既西

間中都會想同好朋友飲下野傾下計兩個女仔梗係想搵啲好環境嘅地方啦朋友今次帶我嚟係山林道嘅season plus位置有啲隱蔽，但環境幾好feel有户外同室內，個場仲有大酒櫃呢到幾出名食蠔，叫套餐夠哂抵288香檳生蠔拼盤呢個set有一支香檳同一個生蠔拼盤拼盤有半打精選生蠔同半打美國中size蠔係超級抵嘅價錢！蠔好新鮮，每隻都厚肉creamy!一種係海水味唔濃，味道偏清淡另一種就比較爽身，但味道會濃啲香檳岩哂女仔飲，夠易入口味道甜中帶小小酸，配生蠔一流！熊本霜降西冷我地叫咗五成熟，岩岩好扒好大件，脂肪比例好平均，入口有即溶感覺牛味同樣香濃，幾腍身配菜嘅薯角好有驚喜！好入味而且好香脆，勁好食！芝士牛油焗元貝超大隻嘅元貝新鮮焗起！非常厚肉，面頭有大量嘅芝士，超惹味焗都唔會乾身，勁juicy芝士香濃但唔會蓋過元貝嘅鮮甜！呢到環境清靜，岩哂飲下酒傾下計野食價錢性價比高，好抵食！

最近工作超級繁忙，決定慰勞自己慰勞老公一下。之前同老公試過觀塘分店的Season Plus, 至此老公就不能自拔，成為最愛的餐廳之一！今次就決定近近地帶老公去Season Plus尖沙咀分店。一到便看見花園形式的Season Plus。進店後店員十分有禮地帶我們到預訂的座位。Season Plus的生蠔種類繁多，今次同老公點選了一打精選生蠔，一個二人白酒生蠔套餐和兩隻法國Gillardeau生蠔。精選生蠔十分爽甜，配上自家製的醬料一流！($9/隻)白酒生蠔套餐好抵食！包括了美國中碼生蠔六隻和白酒一杯。美國生蠔十分肥美大隻而且口感creamy！($128/set)另外我地也點了兩隻法國Gillardeau生蠔一試。($38/隻)法國Gillaerdeau的size有一個拳頭咁大！一入口快塞不下，超級爽口鮮甜是的，絕對值得一試！食下生嘢也點了一個炸物香脆芝心香芋丸($48)香芋丸炸得非常出色，表面脆口，而裏面則是香甜的香芋流心。主食方面首先點了熊本霜降西冷($198)Season Plus的霜降西冷絕對是牛扒之王！每次也是入口即溶，配上自家製醬汁，絕對是完美！另一款主食則是意大利肉醬千層麵

Season Plus的位置頗為隱蔽，要從環海大廈二期左邊的小路，一直向前走才找到餐廳。餐廳設有室內外座位，感覺很放鬆。我們點了黑松露牛肝菌薄餅（$88）、日本熊本霜降西冷（$198）、意大利肉醬千層麵（$128）和日式黃金吉列炸蝦（$48）。黑松露牛肝菌薄餅餅底軟硬適中，黑松露的味道較為突出，上枱時還是熱辣辣熊本霜降西冷頗厚，肉汁夠多，略嫌肉質有點韌；薯角味道不錯，只是不夠熱而已。意大利肉醬千層麵焗得太焦，有點可惜。日本黃金吉列炸蝦即叫即炸，熱辣辣上枱，外皮炸得夠香脆。如果蝦肉再厚點口感會更佳。葡萄蘇打（$32）非常冰凍，冰粒打得細碎，不會過甜。

今晚同個閨密嚟個girl’s night，諗住搵間靜靜地嘅餐廳，飲下酒、吹下水、食下好西。呢間位於尖沙咀山林道嘅餐廳就岩曬啦。我地經過要一條暗巷，再上樓梯先到。因此雖然位於鬧市，但也有難得嘅寧靜。我地好肚餓，所以點咗好多野食。首先，點咗個二人白酒生蠔套餐。套餐有一杯白酒同六隻生蠔。白酒有果香味，幾易入口，兩個人share好易飲哂。朋友好鍾意食炸物，我地都點了香脆紫心香芋丸同唐揚手羽雞翼。香芋丸炸得十分脆，充滿芋頭味。而雞翼也非常出色。不但酥脆且調味濃郁，適合重口味人士。係menu見到有燒海膽芝士多士，覺得幾特別就順手點了。海膽濃而唔會蓋過芝士味，芝士味亦十分可口。相比之下，個人較喜歡一口和牛。一放入口，牛肉的味道隨即充斥口腔。牛肝菌意大利飯口感幾煙韌， creamy，牛肝菌味好濃，味道不錯!整體來說，幾滿意食物味道和種類選擇。環境也算浪漫，適合情侶/閨密談心，下次會再嚟！

成日心思思想大擦生蠔，但一般既蠔吧動輒都要$30/隻蠔，仲要$30先得細size既蠔，為左慳荷包都好少去蠔吧食。但呢晚朋友推介黎呢間蠔吧，佢話有超抵食的蠔set食，一心諗住去怒食生蠔，食返夠本！！第一次黎呢間餐廳，感覺有點隱世feel。餐廳內外都設有位置，餐廳外既坐位好似置身於小花園，而裏面就酒吧餐廳格局，播住柔情的歐美音樂，地方寬敞。 二人白酒生蠔套餐 ($128) 我同朋友一人各自叫左個白酒生蠔set，因為個套餐實在太抵食了！套餐有六隻美國中碼生蠔同一杯滿滿的白酒。平時飲一杯普通白酒都七八十蚊，呢個set包埋酒，而且啲蠔仲要每隻都大大隻，實在叫人忍唔到口。呢款美國蠔既大小有手掌咁大，厚肉，味道鮮甜，不咸。我地食既12隻蠔當中，有部分口感creamy，有部分係爽脆。精選白酒白酒夠淡口，唔酸，易入口。重點係咁大杯，夠哂飲成餐飯。法國吉拉多生蠔No.0 $39/隻我地一人自隊左六隻蠔都未夠喉，再加左兩隻零號既法國蠔。海水味較濃，但不會過咸，滑喉！紐西蘭炸魚手指 $48另外亦叫左啲熱食黎填飽肚。叫左個炸魚手指，配上了沙律醬，魚手指deep fried炸得好脆口，魚肉唔腥。意大利肉醬千層麵

朋友book咗呢間餐廳，睇完地圖以為都係山林道尾，行到街尾都搵唔到呢間餐廳，原來佢要再轉行入後巷，一轉角就見到好大間落地玻璃餐廳，有少少似世外桃源。可能地點比較唔起眼，所以唔太噪，一班朋友黎聚舊傾計好岩，又唔會限時要交枱。我地一黎叫左個oyster platter, $198 有一打，到送多枝白酒。蠔大細唔會太細冇肉，都幾鮮甜，海水尾亦都適中，唔會太咸。白酒亦都係易入口，清清地唔會好勁，配埋味道都幾夾。之黎就黎左小食，一口和牛粒好香，唔會overcooked,香口好味。沙律拼盤我覺得係必叫，勁大份沙律，又有三文魚，蝦同ham, 加埋黑醋，味道好refreshing 同好開胃，佢個黑醋汁好好味，好似特別甜同有少少果香，我鍾意👍🏻之後再叫左個芝士火腿拼盤，佢有三款芝士，provolone, brie 同permesan cheese,都係我鍾意食同好易入口嘅芝士種類。夾埋ham(parma ham,coppa 同salami食，勁正。後悔冇開番枝紅酒飲下。好少餐廳比咁多款你但係收呢個價錢，抵食。到main,就叫左個熊本霜降西冷，我地叫五成，真係岩岩好，佢脂肪會比普通西冷多，都做到入口即溶感

餐廳位於山林道的角落，如果冇地圖嘅話都有難搵，所以餐廳附近都比較寧靜，幾有氣氛。首先我哋叫咗個白酒生蠔拼盤，飲住酒再慢慢睇menu，個生蠔拼盤$198有12隻生蠔加一支白酒，蠔亦非常新鮮加啖啖肉，非常抵食。前菜方面,我哋叫咗沙律拼盤,日本一口和牛粒,枝豆,意大利芝士火腿拼盤。沙律非常大碟,有煙三文魚,蝦同火腿。而意大利芝士火腿拼盤,有三種芝士同三種火腿，火腿分別係parma ham, coppa 同 salami，而芝士就係Provolone, Brie 同Permesan。三種食物各有風味，食完之後飲一啖白酒非常絕配。日本一口和牛粒搭配上蒜鹽，非常香口，加上牛肉本身非常鮮嫩，食到停唔到手。主菜方面我哋咗熊本霜降西冷同秘製醬汁焗豬肋骨。西冷扒五成熟，中間仲係粉紅色，好香牛味，牛扒好嫩滑冇乜筋，好似唔洗咬就吞到。之於個豬肋骨亦煮到非常軟林林，切既時候唔使用力，肉亦都唔會黐住啲骨，醬汁酸酸甜甜，同豬肋骨好夾。之後我地仲未夠飽就叫左d飽肚既食物，意大利肉醬千層面，牛肝菌意大利飯同埋炸物拼盤，每樣野食都非常出色，性價比非常高。