Season Plus

營業中

休息中

快到聖誕節，holiday mood已甚濃，多上兩天班便能放大假，心情固然稍為輕鬆，今晚便與家人來個pre-christmas celebration。看到不少人於ig 洗版介紹這家餐廳的性價比頗高，便帶家人來這裡試一試。這家的位置不算好找，較為隱蔽，需走到山林道的盡頭再上幾級頗梯，才能發現這隱世桃園。餐廳自成一角，有室內和室外雅座；天氣冷，我們自然要坐室內取一取暖。是夜餐廳的佈置以聖誕裝飾為主題，甚有節日氣氛，環境寬敞，頗有空間感，很適合聚會聊天。食物款式都不算多，基本海鮮，肉類，小食和主食都有，我們每款都點一至兩款來試試。家人都愛吃生蠔，故生蠔拼盤 ($198)少不得，還有白酒一支呢!一盤生蠔12隻，十分抵吃。不過以這個價錢，不要期望生蠔是很肥美飽滿的，家人表示能止一止吃蠔癮，而且仍能吃到海水鹹味，也算不錯。酒我們也不懂品嚐，但能以酒送美食，與家人於優雅的環境裡乾一乾杯，也是樂事。蒲燒鰻魚($168)是為爸爸點上的。紫菜完全覆蓋了整隻鰻魚，不見了原身燒至金黃的鰻魚，賣相反倒失色。店方已尚算貼心，原隻鰻魚已切成小塊，讓我們更方便吃。鰻魚燒汁燒得香口入味，加上面層的紫菜和白芝麻，增加口

前幾日收工試下、去到附近找來找去見吾到間鋪、入到去坐低叫左$198生蠔加支酒、蠔都ok不過好细隻、然後叫慢煮牛柳及焗菇、個菇真系冇味入面的芝士好難食好多油、然後等了近一小時終於來了牛柳、這個所謂頂级牛柳真系一的牛肉味都冇、而且過熟 講真我屋企個賓妹整得仲好食、呢件野收近四百蚊、我諗我自已去超市買件自己整好過、唉.......找數二個人近八舊、真系不知所謂

SEASON PLUS 除左觀塘之外, 仲有一間係尖沙咀山林道, 搵餐廳既時候有一種柳暗花明又一村既感覺, 因為餐廳係要經由轉角後巷再上樓梯既一個隱密地方, 雖然隱密但又唔會太難搵, 反而私密度夠高, 地方夠大, 有自己一個花園仔, 仲有OUTDOOR SEAT俾吸煙人士, 加上地方夠神秘, 相信租金自然平D, 食物既價錢唔會一部分食左去租金度, 自然食客得益, 大件夾抵食! 睇MENU你就會知道MENU 設計得好靚, 圖文並茂, 搞到樣樣都想食, 一向出名平食生蠔既SEASON PLUS, 當然要叫佢既生蠔拼盤$198一打連白酒一支, 相當抵食! 今日亦都係特別日子, 所以叫左個慢煮美國安格斯牛柳$348 但送一款頭盤, 所以其實都係相當抵食, 最後再加左幾款小食!煙三文魚沙律 ($88)- 牛扒附送既頭盤我地選擇左依個沙律, 份量唔會因為係附送而減少, 好食醒胃!生蠔拼盤 $199 (12隻生蠔+白酒一支)- 真係相當之物超所值! 由於本身己經好抵, 所以我地將其中半打+$48轉做美國中碼生蠔, 再+$48將白酒升級為另一款, 生蠔新鮮, 入口CREAMY鮮甜! France Me

放工之後朋友帶咗我過嚟尖沙咀食好嘢估唔到遠處山林道再經過一條樓梯就會搵到呢間餐廳平時真係唔講唔覺原來呢度有一間餐廳一坐低之後朋友話呢度食海鮮非常之咁新鮮而且廚師嘅手勢都幾好所以一坐低佢就變咗一款熱式海鮮拼盤另外在叫左燒原條鰻魚首先上菜嘅係鰻魚估唔到真係真係用上了原條鰻魚上菜而且鰻魚中非常之咁好食因為個肉質小小爽口但係加上了汁在加紫菜條呢條鰻魚唔使上菜之後嘅10分鐘已經俾我哋兩個人清哂等左一陣今晚嘅主菜就已經上枱了就係覺海鮮拼盤而且餐廳用上了非常之咁靚嘅焗盆去serve個海鮮拼盤一打開個個盤之後香濃嘅牛油味都已經撲鼻而來而且入面仲有非常之咁多款嘅海鮮有龍蝦大蝦青口鮑魚鮑魚大大隻中吸收左牛油香草的味道通常青口都冇乜味道但係呢度嘅青口中非常之咁入味可能吸收晒香草牛油嘅味道令到青口嘅甜味可以引發晒出來當然不得不提這本霸道嘅龍蝦因為呢隻龍蝦已經爆曬差唔多成個焗盆半個嘅位置肉質仲係彈牙爽口完全唔係急凍貨嘅食下食下仲發覺有小龍蝦同埋翡翠螺小龍蝦鮮甜無比而且隻隻肉質飽滿翡翠螺香甜之餘仲不失螺肉的味道

落雨天同朋友一齊出外覓食，之前聽人講山林道有一間隱世餐廳，氣氛浪漫之餘啲嘢都唔錯。所以今日就過咗嚟啦，呢個地方都幾神秘，好似與世隔絕咁，另一個世界，而且地方好大，裝修佈局好似係田園感覺，仲種左好多植物，因為有瓦遮頭所以係落雨嘅情況下都有唔少人係戶外進食，一坐低我哋就嗌咗個熱嘅海鮮拼盤，味道都幾好食。再整咗三隻生蠔過下口癮，見到唔少人都在場食生蠔飲白酒。落雨天都咁多人，睇嚟下次真係要book定位先。

今日好開心同honey一家去食生日飯我哋去咗尖沙咀嘅蘇豪區餐廳Season Plus堅世外桃園Feel生蠔拼盤新鮮鮮甜配白酒簡直一流。海鮮拼盤有大大隻厚肉多汁龍蝦，鮮甜小龍蝦，大大隻爽口青口，鮮甜鮮蝦。唔好以為係一般嘅芝士多士,其實係好有驚喜嘅香脆超好味嘅海膽多士。海鮮拼盤真係好warm 又好味，海鮮材料多元化，有大蝦，青口，蟹，蜆肉。熱食海鮮拼盤嘅重點係有一個好好味嘅蒜蓉醬料，每一件海鮮放入口都充滿自家特製蒜蓉味。牛肝菌意大利飯，非常精緻，香草味清新配合牛肝菌，香味吸引，食落回味。燒海鮮拼盤大滿足有芝士燒帶子，芝士汁流出來配帶子，燒香草大蝦同鱈魚，仲有黑松露醬汁鮑魚，同燒清甜螺肉。法式鵝肝帶子配黑松露醬回味嘅鵝肝配鮮甜嘅帶子仲有濃烈嘅黑松露醬這個震撼嘅配搭。非常有分量嘅慢煮美國安格斯厚切牛柳，有足足12oz 肉質鮮嫩 鐘意食嘅我Medium rare，完全覺得烹調得肉量味道非常好，配搭蘋果同埋清新嘅醬汁配料意外驚喜。Season Plus 餐廳食物水準了得，餐廳服務人員有禮，服務細心。仲有outdoor 嘅用餐區真係好難得，可以滿足我honey 比較喜歡飲下洒吹下清風嘅回味感覺，好似

今日難得兩兄弟放假，約埋一齊出去食飯飲番杯，早前有同事介紹過呢一間餐廳食海鮮有白酒奉送，我哋當然唔會錯過。海鮮拼盤（冷盤）$298 （Special Offer）龍蝦半隻雖然係半隻，份量唔係野少，啖啖肉，夠曬鮮味，肉質爽甜。磯煮鮑魚大大隻鮮甜爽滑，煮製時間拿捏得非常準確，不溫不火，另原本已經係上等食材，顯得更出色。小龍蝦四隻嬌滴滴嘅龍蝦仔，同樣鮮甜無比，不會給別的比下去。大蝦四隻king size嘅大鮮蝦，賣相已經冇得輸，肉質爽口彈牙，汁液又豐盛，鮮味無窮。加拿大藍青口六隻優質嘅青口，一樣鮮味無窮，當你放落口中汁液滿載你的口腔。加拿大翡翠螺四隻雖然係特別優惠，但絕無欺場，整個海鮮拼盤，令客人 感覺物超所值，待客真誠。生蠔拼盤連白酒一支＄198  （Special Offer）每天產地空運直送生蠔12隻，頂級新鮮，未食已經聞到有海洋嘅氣息，食落還有海水嘅味道，貨真價實，配有意大利白酒1支，係高質素嚟㗎，兩兄弟真係把酒歌， 盡訴兄弟情，仲可以加＄48升級其中半打轉為美國中碼生蠔，更加肥大肉厚，極級享受。美國中碼生蠔普通生蠔法國Melle Moelleux Blanc2015 +$48芬芳怡

與朋友相聚，想食下Oyster和飲野，就喺openrice揀左位于山林道呢間係旺中帶靜的地段。店外有很多植物，感覺不錯。店內有很多品種的酒。Special offer 就最吸引我地食。Oyster set 包Argentina 白酒一支，好抵飲。白酒味道和oyster很配。生蠔拼盤($198/set 連白酒1支)Oyster platter有12隻 Irish rock (單隻$29)，海水味不會太重，唔會好鹹，肉質清甜，大滿足！Oyster每日產地直送喔！海鮮拼盤（冷）($398 原價 $298 特價)龍蝦半隻、磯煮鮑魚、小龍蝦4隻、大蝦4隻、加拿大藍青口吧6隻、加拿大翡翠4隻Cold seafood platter的龍蝦好大隻，隻鉗好厚肉，龍蝦肉鮮甜美味，又多羔,。翡翠螺size也不少，肉質爽彈。Abalone 磯煮過，很鮮甜又有嚼勁。香草焗比目魚扒 ($98)Halibut 魚肉滑嫩， 略嫌Herbs不夠，可以再香些。

人生有幾多個10年，同老友相識左10個年頭喇！佢就黎結婚很戥佢高興呢！今晚就黎左宜間西餐廳食飯，享受一下佢剩餘不多的單身既日子。這間餐廳位於小巷內，靜中帶旺，好適合同朋友飲酒食飯傾計！先來一點冷盤，有生蠔及鮑魚。生蠔鮮甜，蠔味濃，超愛吃呀！日本磯煮鮑魚入口非常爽，鮮味齒頰留香！火焰芝士蟹捧啖啖蟹肉又唔洗剝殻我至like!蟹捧加上芝士再燒，入口焦香。這個意大利肉醬闊條麵真係不得了！麵條邊邊位有小小燶，芝士焗至焦香，入口芝士味突出，非常好食呢！

臨近聖誕，又係時候相約閨中密友食飯慶祝，友人提議去山林道嘅「Season Plus」。其實早喺幾個月前就已經聽朋友介紹過呢間餐廳嘅尖沙咀分店，據說店子位置雖然比較隱蔽，但環境唔錯，地方寬敞，佔地超過 4000 呎，而且設有露天座位，非常適合一大班朋友或者一家大細去開 Party 搞活動，所以一直想找天來尋幽探秘。原來餐廳有兩個入口，可以由諾士佛臺入，亦可以由山林道入，幸好嚟之前做足功課，睇過網頁嘅簡易版地圖，所以都好容易搵到。餐廳地方果然唔錯，環境清幽，旁邊種有不少盆栽植物，綠意盎然，結合門前的一大片空地，猶如走進城市中的秘密花園，讓人有遠離塵世喧囂之感。由於我和友人兩個是最早到達，餐廳入面還沒有其他食客，所以可以趁機拍下照，好好欣賞一下店內裝潢。拿起店員送上嘅餐牌，除了有主打嘅生蠔同冷熱海鮮之外，選項仲包括有前菜、小食、主菜，另外亦有一系列拼盤供應。飲品方面，以酒精類為主，當然也有汽水、梳打和果汁等。筆者愛喝凍飲，點了凍柚子蜜 ($28)，啜一口，冰涼清爽，帶柚子的微酸，味道天然清新，能打開胃口。正所謂人多好辦事，食物方面，就一於每人負責點一兩樣，再大家 Share 來吃。先來的燒海

臨近聖誕，很多餐廳都相繼出現聖誕佈置，今年聖誕決定和小女友去旅行，有見及此，一於預早過聖誕！環海大廈一期位置雖然不太顯眼，但細心留意，會發現在小樓梯上有一個水牌，沿着水牌方向在上幾層樓梯便可到達。到達後，餐廳的招牌大大地呈現在整面前，而且有很大的空地，很有置身於庭園中！開餐！一看餐牌發現這裏的生蠔真的很抵食。生蠔拼盤連白酒一支也分別是一打生蠔＄198和兩打生蠔＄298 。還記得早前吃過法國蠔後，我倆都難以忘懷！所以當聽到朋友介紹season plus的生蠔非常優質抵食後，我倆都非常興奮，今晚我哋決定聚焦法國蠔后 - Gillardeau！生蠔 - Gillardeau $39 each法國生蠔就是傑出，肥美鮮甜，還充滿海水所帶來的鹹鮮味，＄39能吃到如此優質的品種，真是非常令人陶醉。生蠔 - USA Pacific Jumbo $39 each雖然美國生蠔不是今晚的目標，但看見旁邊的食客所選的美國珍寶蠔如此壯觀，我倆也忍不住來了兩隻。美國珍寶蠔真是名副其實非常珍寶，體積有如一隻手掌如此長，海水味雖然較淡，但蠔肉同樣肥美，亦夠爽滑，很新鮮！威爾斯羊仔架 4 件＄268威爾斯羊仔架肉質鮮

今天放假同姐姐到尖沙咀行街買嘢,今日心情靚靚買咗好多衫，跟住去搵嘢食，尖沙咀頗多食肆，有好多選擇，行經見到呢一間餐廳，裝潢 不錯，我們都喜歡食西餐，於是就選擇咗呢一間食晚餐。白酒煮馬尼拉蜆10隻＄99  （Special Offer） 白酒嘅香配上蜆肉炮製，令原本已經鮮甜蜆肉，更加提鮮到更高層次。海膽刺身兩片＄58呢兩片優質細緻嘅海膽刺身，濃甜蜜味又軟綿綿，海膽芳香撲鼻。意大利辣肉腸薄餅＄128 正宗嘅意大利薄餅非同凡響，薄餅散發著幽幽的麥香，粉質煙韌有咬口，外脆內軟，辣肉腸又惹味，混合多種食材配合得恰到好處。牛肝菌意大利飯＄128 牛肝菌芳香怡人，爽滑清甜，意大利米粒顆顆渾圓晶瑩，用上獨特配方調味料，簡直係絕配。蘋果汁＄38一杯 飽腹過後，飲一杯新鮮香甜蘋果汁，幫助消化，簡直係最高享受。

老友找我食海鮮，又唔識去，我一看地址原來是以前去吃過午餐。這個地點有點難找，是—個柳喑花明又—村。這裡主打海鮮有熱食也有凍食。頭盤，小吃也有。事不宜遲，一打愛爾蘭生蠔價錢也只是$148/1打，中型size，抵食👍，海水味濃厚，味道鮮甜。拼盤有龍蝦半隻、磯煮鮑魚2隻、小龍蝦4隻、蝦4隻、青口6隻同翡翠螺4隻。半隻龍蝦，但龍蝦肉都唔少，肉質爽口結實，蝦膏多。小龍蝦相對就細隻好多，肉質尚算鮮甜。磯煮鮑魚肉質彈牙，味濃。至於翡翠螺軟諗鮮甜。嘆完冷盤就要食熱，芝士牛油焗日本元貝。芝士牛油更加吊出元貝鮮甜味😋。主菜要了牛肝菌意大利飯，上枱時已經有嗅到好香牛肝菌味，加埋忌廉汁真是好好味呀！

今晚同舊同事聚聚舊兼提早慶祝聖誕節，兩個人食咩都無所謂,費時諗就決定食西餐。上網搵下搵下就俾我發現有間喺尖沙咀評價都唔錯嘅餐廳,唔諗嘢,就打去訂位先。兩個人一入到去，睇下menu,款式都幾多,頭盤就揀左生蠔，分别係$148 12 隻 及$198 12隻 嘅愛爾蘭生蠔。最抵嘅係$198仲連埋一支白酒,抵到爆!賣相非常新鮮,有輕微海水味 ,非常鮮甜,再配埋白酒，成個人醒哂！主菜就揀左慢煮美國安格斯厚切牛柳兼送意式parmaham沙律 。牛柳肉質鮮味，濃濃嘅肉汁再加上彈牙爽口嘅肉質,都幾享受下。另外再加埋份量十足嘅parmaham沙律,兩個人都吃到飽飽,之後仲飲下白酒傾下計，都算幾滿意嘅一餐,相當唔錯!

又去尖沙咀覓食！今次做好晒資料搜集，知道呢間既生蠔做緊優惠，白酒都有優惠!當然要黎會一會佢啦主角之一既生蠔！$198一打蠔再加白酒，抵到爆！將半打加多$30變大蠔，同樣鮮甜，建議可以一戰薯條拼盤亦都好抵食，亦冇諗過咁大份，可以當餐前小食咁食見到餐牌推薦海膽多士，當然要試試。海膽份量及格，而且上枱時熱辣辣手，即叫即整。海膽味同芝士配合得天衣無縫羊架不過不失，肉汁夠多，但份量較細，兩啖就食晒最後點少得海鮮拼盤！鮑魚、青口、蝦同龍蝦等等都十分新鮮，坐係出面食海鮮、摸下酒杯底，感覺好正！值得再戰