Season Plus

營業中

休息中

上網睇到意間鋪頭做生蠔套餐優惠，價錢十分優惠，二話不說就book咗意間餐廳，心態是試一試無妨啦。＄198生蠔套餐是包括有12隻生蠔有六款不同生蠔的，送一支意大利白酒，星期一至日都可以有提供。實在坊間少。餐廳空間大，環境有情調氣氛，有室外室內選擇。主菜就是意個生蠔套餐啦^_^12隻生蠔，六款不同種類各二隻，店員先介紹後，由淡至濃開始食。生蠔新鮮，質地肉厚，尺寸大隻。十分有驚喜！海鮮配白酒一絕的配搭。其實除左生蠔餐仲有其他不同優惠，價錢都相當抵食。^_^海鮮外，還有不同熟食提供。食完生蠔，就牛肝菌意大利飯同焗芝士大磨茹。味道香濃，飯粒有咬口。整體來說，十分推介！價錢抵食物質素相當高，一定會再去^_^

記得之前和舊同學聚會，去過一間位於山林道的Season Plus，食過生蠔和海鮮，同學異口同聲說好新鮮又好味，所以今天就帶老公來試下！炸物拼盤(四拼)：有美國粗薯條、紫薯丸子、吉列廣島蠔4粒、手羽雞翼4隻。薯條脆口，紫薯丸子和吉列蠔酥脆，手羽雞翼好入味，皮脆肉嫩，這些香口小食配啤酒紅酒，美味可口！海鮮拼盤(冷)：有龍蝦半隻、小龍蝦4隻、大蝦4隻、加拿大翡翠螺4隻、加拿大藍青口6隻、磯煮鮑魚2隻。望落顏色鮮豔奪目，食落鮮甜爽口彈牙，美味無窮！龍蝦鮮味彈牙，老公讚不絕口！磯煮鮑魚鮮甜，爽口彈牙！龍蝦仔頭部還有膏，鮮甜美味！精選生蠔12隻：生蠔新鮮，味鮮帶海水味，蠔有大有細，不同口感，十分美味！

Season Plus憑住性價比高既西式海鮮菜式吸引左唔少人既眼球，包括我在內，最具人氣一定系$198/12隻生蠔及白酒一支，仲要系尖沙咀區，可算是全區最抵 (correct me if wrong) 以海鮮為主，仲有火腿/芝士拼盤，小食，意大利飯，薄餅及牛扒等等，食物選擇多樣化，價錢適中。生蠔拼盤 配 白酒一支 ($198): 眼見每檯必點既生蠔一打+白酒一支，只售$198，性價比贏盡全城，平時飲一glass都講緊$68啦。生蠔由餐廳精選，屬細尺寸，但夠新鮮，仲用冰盤保溫。味道偏light，不太rich，有淡海水味，蠔味唔會太爆，唔會太膩，幾抵食。另外配白酒都幾夾。火焰刺身拼盤 ($128): 珍寶帶子兩粒，芝士赤蝦兩隻，岩鹽海膽兩片 - 帶子不算珍寶，但幼嫩香滑，絕不單調; 赤蝦大大隻，加少少芝士黎燒變得仲香口; 而海膽更系鮮甜不腥，一個拼盤，三款口味!意大利肉醬千層麵 ($128): 用左相當份量既芝士同肉醬連埋千層麵黎焗製，口味蠻濃郁，芝味豐富，雖說千層，但其實餅皮只有兩層，不黏亦不粉，幾好食。

今晚友人帶路去了山林道一間專門食海鮮的餐廳，位置隱敝，去到簡直別有洞天，內裡裝潢寛大，還設有室外坐位，燈光昏沉有氣氛。翻看餐牌，主打的海鮮有熱食也有凍食。副線食物如頭盤，小吃也有。事不宜遲，先來一打生蠔熱身。價錢只$148/1打，計起上來大約十元一隻，好抵食。清一色來自愛爾蘭，中型size，入口仿佛海洋一下子湧入口腔，那海水味濃厚，味道有些甘甜，一隻接一隻停不了。跟著來的海鮮拼盤幾吸引，有龍蝦，鮑魚，青口，蝦和翡翠螺。當中我最鐘意鮑魚和翡翠螺。鮑魚事先用醬油醃製過，帶出鮮味。翡翠螺肉質軟腍有嚼囗。食完冷盤食熱盤，芝士牛油焗曰本元貝。又芝士又牛油，調味剛好不覺膩，元貝熟透程度效果好，滋味！曰本一口和牛也不錯，七成熟左右，軟腍有牛脂香。整體食物水準，價錢，環境和服務達到期侍，值得再來。

早前曾經到過Season Plus觀塘新店，這天朋友來電要求encore，但地點不同了，改到尖沙咀開餐。 個人來說非常喜歡尖沙咀這間分店，門外是園林境色，而餐廳內全都用上落地玻璃，感覺開揚，加上12月聖誕節，店內亦掛上多款聖誕吊飾。 蘋果汁一直都是我的最愛，不喝酒的話，大概我也會選擇這款飲品。 生蠔拼盤連白酒一支 與觀塘分店一樣，拼盤都是可以加錢將蠔及白酒升級，由於上次已經吃過了，覺得就算維持不升級，生蠔的味道都非常鮮甜，所以就放棄了。 這裏的生蠔是每天由產地空運直送，拼盤內共有12隻，跟配意大利白酒一支，生蠔體型扁平細小，口感爽甜味甘，濕潤細膩，蠔味不重，海水味濃郁，但就沒有礦物質味道，餘韻悠長。 波士頓龍蝦 龍蝦是原隻以冰鎮形式送上，廚師已預先將龍蝦切開，所以只要輕力的把龍蝦肉撕下就可以享用，而龍蝦非常大隻，內裏的龍蝦膏蠻多，入口甘香，加上蝦肉Ｑ彈爽脆，鮮味十足。意大利辣肉腸薄餅薄餅做得非常不錯，餅底雖然不算很薄，但口感香脆，而內層則是超級鬆軟，加上微辣的辣肉腸，以及半融化的芝士，令香味大大提升，非常惹味。法式鵝肝帶子配黑松露醬這個菜式雖然有點貴，但吃過後便會覺得物超所值，

出年特別多嫁娶, 尋日又係出左去同好姐妹傾吓做姊妹既事項本身想揾間cafe 坐低, 但朋友又話想食海鮮, 又想坐得耐坐得舒服突然想起上星期食既Season Plus好啦, 今次就帶佢來尖沙咀店來食番個好味海鮮餐吧! 尖沙咀店環境係無敵闊落, 出面有花園, 仲有幾個位可以比吸煙人仕坐低 不過始終呢幾日都幾涷, 所以我地都係坐番係cozy既室內了~ Season Plus 主打平靚正海鮮, 咁要配靚海鮮當然要飲wine 吧~ 呢度有好多酒類以供選擇 咁就無論食steak同食海鮮都有唔同既wine 配合了! 餐牌每間都一樣, 冇厚此薄彼, 由於上次食左熱海鮮盤, 所以今次都會散叫海鮮, 再叫啲熱食pizza 沙律來試吓~ 首先點左一客帶子刺身- 好新鮮好鮮甜既刺身, 雖然計起近hkd10 一粒,但真係值既, 帶子肉身圓潤又夠厚度, 食落去好甜好新鮮, 滿口鮮味既感覺係咀度徘徊 加少少wasabi 甜豉油食仲好味! 煙三文魚沙律- 賣相滿份!!! 連隔離食客都話好靚要叫番碟! 無論味道, 質素我都比滿分, 沙律菜好脆, 落左少少醋但唔太酸, 食落好開胃, 而煙三文無敵多, 比

相識廿載朋友已移民美國好多年了，難得返咗嚟半個月。明天要走了。之後要等3，5，7年才會再返港。所以今日專登請半日假傾計。到咁上下就去佢屋企樓下有間Season Plus食晚餐。當然係我請客啦！點解會揀呢間！係因為我剛才見到生蠔只要$198就有12隻。仲有白酒送超抵。我一去到佢屋企就話晚餐去呢度食。我地6：30去到。當時未有太多客。只有我地及另外一枱。坐低二話不說先叫嘢食。生蠔一定叫。落order之後好快到了。今日係愛爾蘭Trish Rock。一碟12隻只售$198。仲要有白酒送。（白酒冇飲到，仲可以攞走）生蠔Size適中。海水味濃。夠新鮮。唔需要加檸檬汁及蕃茄醬都已經好好味。再叫咗一個焗海鮮拚盤。原本想等海鮮拚盤嚟到嘅時候再決定要唔要加食物。點知。。。。海鮮拚盤要等好耐才有得食。終於到了。其實海鮮拚盤質素幾好的。尤其是蒜蓉焗有頭大蝦2隻。真係好大隻。而且蝦肉夠爽夠新鮮。我至愛嘅蒜蓉牛油焗翡翠螺6隻。蒜蓉味香濃，翡翠螺肉好大粒。巴馬臣芝士焗扇貝2隻。扇貝肉比較細。但配襯巴馬臣芝士非常野味。比目魚扒1件。比目魚扒配上牛油。魚肉滑。芝士黑松露焗大蘑菇1隻。蘑菇好似手掌咁大。香濃黑松露味，蘑菇

今日同朋友一齊去尖沙咀shopping,行到攰想揾間餐廳坐底傾下計，朋友話之前係Facebook見過人推薦season plus，於是就向目標出發。餐廳位置雖然唔近地鐵站，但勝在地方清靜，好啱靜靜地好放鬆咁食餐飯！我地叫左最強人氣嘅生蠔拼盤，成打生蠔隻隻都好肥美，食落帶有海水味、鹹鹹地，非常新鮮！仲送一枝白酒，一啖生蠔再嚟一啖白酒，非常正！紐西蘭青口，凍食非常鮮味，隻隻都好大隻嫩口！意大利肉醬千層麵，焗到啱啱好，唔會好窿，一層疊一層，層層都有肉醬，好惹味！日式酥炸元貝，新鮮炸起熱辣辣，一啲都唔油膩，完全保留到元貝嘅鮮味，元貝炸完都仲好大隻，完全冇縮水，好juicy!燒海膽多士，多士烘到金黃香脆，鮮甜海膽配埋芝士非常滋味，好有驚喜！

在愛情之前，加上美食令感情升溫；在生蠔之後，新鮮美味，能使人心情更愉悅。我必須說，這家餐廳特別適合跟心儀對象或情侶光顧，為什麼？佐敦地鐵站一出，直行轉彎，大約10分鐘路程，一邊走一邊聊天，肩併著肩，是否令你心跳加速呢？餐廳就在華麗酒店旁邊。看見餐廳的指示牌後，有一個後巷，直上就到。隱世餐廳，就像男女一開始那曖昧的關係，未到表白的最後一刻，對方的心思仍然隱藏著。之後看見就看到餐廳了，轉左從正門入。餐廳面積大，使用沈穩的灰黑色的典雅裝潢，擺設著不少酒瓶，播放輕快的音樂，是一間有情調的餐廳。餐廳外設露天茶座，餐廳內盡是桌椅，可容納的顧客真不少呢！但空間感十足，讓人舒適。還有一處小區域，適合開迷你派對呢！來之前已有朋友叮囑我一定要點生蠔和海鮮，因為是餐廳的特色菜。煙三文魚沙律沙律菜顏色鮮嫩，點綴幾粒車厘茄，再佈上十多片三文魚，毫不手軟！橙橙綠綠，賣相滿分！💯沙律菜配上黑醋，清甜爽口。我最喜歡這份煙三文魚，魚肉柔軟，鹹味不會過重。海膽刺身（一片）海膽呈橙黃色，每瓣都是黏黏糊糊的，有形於無形，但味道甘香不澀，鮮甜滑膩，吃完齒頰留甘，我有點後悔點太少了！精選生蠔12隻現在正是吃生蠔的絕佳季節，加上$

星期五嘅夜晚黎到天文臺道再入嘅山林道～～地方係一個小巷入面同最愛食蠔嘅媽媽一齊嘆白酒食生蠔真係好開心順便慶祝最近工作上有好事發生💓全場爆滿 好在有book定位.生蠔拼盤+白酒 ($198)吃貨當然係食前會做功課所以已經知佢地有呢個12隻生蠔+1支白酒嘅promotion 原價298 依家減左成100蚊 呢個已經係必嗌🤣生蠔體積唔算話好大好肥美 但勝在真係即叫即開 食落鮮甜 都幾重海水味 係媽媽鍾意食嘅口味☺️白酒都唔係參差嘅貨質 帶甜甜嘅酒香 好易入口👍.白酒煮馬尼拉蜆 ($99)蜆吸收哂白酒嘅精華☺️非常香甜而且完全無沙 洗得好乾淨 鮮甜好味啊～～～.燒海膽多士 ($68)四塊都切成細細件 呢款finger food用黎佐酒真係一流海膽無腥好鮮甜 唯獨好似有少少比芝士蓋過味道但芝士香濃可口 食落真係好惹味🤤.黑松露牛肝菌pizza ($128)用左Focaccia嘅方式去做呢個pizza係驚喜批底唔會太厚/太薄 係剛好嘅厚度 外層帶微脆口感☺️中間帶點濕潤 唔會乾掙掙很好😍上面黑松露香氣撲鼻～～.牛油蒜蓉焗大虎蝦 ($128)果然好香蒜味同牛油香 蝦肉夠爽彈 但鮮甜度有欠缺😢但128蚊只係

對於吃貨黎講，最好的生日禮物當然是吃好東西喇！餐廳有好多走生蠔和海鮮，真係讓人有選擇困難症啊！所以同朋友最後決定叫左個烤焗海鮮拼盤。海鮮拼盤有中蝦、芝士焗扇貝、芝士黑松露大啡菇、 翡翠螺及比目魚扒！芝士焗扇貝金黃焦香，入口芝士味濃郁，真係好食麵不得了！而且扇貝size適中，入口鮮味及富有口感！大啡菇又大又厚，咬落十分juicy。面層再加左芝士及黑松露，美味程度立即升級呀！黑松露份露一點麵不吝嗇，入口黑松味十分濃！慢煮美國安格斯牛柳真係慢慢慢煮，落單時店員告訴我們需要45分鐘的烹調時間。慢工出細貨，的確好好味，值得等的！牛柳外熟內生，肉質滑嫩，切出來又唔會有血水。入口吃到燒烤既味道，肉味十分濃！牛柳仲送頭盤一款，同朋友揀左parma ham salad。這個Parma ham salad份量都幾大，沙律菜十分多。唯一覺得黑醋汁唔夠多，多啲汁就更好吃到！

我知觀塘有間 Season Plus，但一直都無機會去。啱啱先知原來尖沙咀都有分店，對我嚟講更就腳，今晩就梗係帶女友嚟浪漫下喇～生蠔拼盤 ($198)呢個生蠔拼盤 ($198) 真係掋到爛，有十二隻生蠔不特止，仲送成支白酒俾你！哇，平時岀去食餐飯開支酒都差唔多價錢，所以你話點可以唔嗌呢？白酒都唔錯，拎個冰桶裝住夠晒 fancy 又可以 keep 住凍。味道易入口，鹹鹹甜甜咁，同生蠔好夾。本身我哋唔算係 Big drinker，所以我哋兩條友要清晒支酒有啲難度，最後都係 wing 下 wing 下咁走。講返生蠔先，雖然價錢平但一啲都唔 cheap 喎！隻蠔鮮甜又唔腥，都幾肥美呀，擠啲檸檬汁小小酸夠晒開胃，每人六隻不知不知幾滋味。魷魚桶拼蒲燒鰻魚 ($168)估唔到西式酒吧都有日式食物提供，夠多元化。呢個又有魷魚又有鰻魚，可以一次過滿足晒你兩個願望。魷魚煙韌爽口，鰻魚加上蒲燒汁又好惹味，真係送酒一流呀！可惜份量有啲小，唔太夠喉。白酒煮馬尼拉蜆 ($99)蜆肉有十隻，size 唔算大隻但勝在好鮮甜，口感彈牙。酒味都幾濃郁，一咬落去啲白酒汁就係口內散發。日本帶子刺身($58)有白酒飲就唔好晒，

Too good it's Friday! Feel like treating myself a decent seafood feast. Colleague recommended this hidden restaurant in Hill Wood Road. It was a bit tricky to locate the stairs but the effort is well spent as the decoration is spacious and comfortable. It was a bit cool so we dine inside, which staff are working hard to open fresh oysters upon request. As starter, we order the garden salad which the balsamic vinegar is mildly sour and recall the deep desire for a big meal.It's a steal to upgrade

聽朋友推介尖沙咀有間隱世花園，食西餐唔錯，尤其食蠔男朋友好鍾意食蠔，趁放假一於去試下~第一樣緊係叫返個精選生蠔啦~12隻唔同品種，都幾肥美，食落鮮甜，無腥味~正啊~第2樣叫左個蘇格蘭煙3文魚~ 比我地想像中大份D三文魚好厚身~ 又大塊，2個人食絕對夠食有突~我就鍾意食D，不停食唔停第3樣係叫男朋友想點既日本一口和牛粒~一碟都幾多WOR~ 粒粒牛入口岩岩好~易咬開~如果鹽味重少少就仲好食~之後叫左芝士牛油焗日本元貝呢個真係極度推介!好大粒~一上菜就已經聞到好香芝士味食落有牛油既奶香味，元貝好厚好大粒!大家一定要食!最後主菜叫左意大利肉醬千層麵!肉醬汁好實在! 肉粒好多多，食落好有口感~千層麵層層分明! 食落似自家制~好味!!

由觀塘開到尖沙嘴的 Season Plus 最近的推廣實在太吸引眼球。所以嚷著要寶寶帶我來。位於山林道的末端，餐廳在花園裡，有自成一各的感覺，適合公司或聚會包場。首先，二話不説便點了最強人氣的12隻生蠔拼盤 ($198)，還送整支白酒！簡直是掋到爛唷！生蠔不算大隻，但勝在鮮甜肥美，沒有腥味。沾上的檸檬汁和惹味的 cocktail sauce 更滋味。白酒來自意大利，清甜得來帶果香味，伴生蠔吃是絕配。白酒更用冰桶盛著，讓客人可以慢慢品嚐冰冷的美酒，真係喝得很爽唷！連燒海膽多士 ($68) 也在做推廣，原價是 $88 呢！本來以為是原塊海膽放在多士上，但原來是海膽混在芝士裡，鋪在麵包上烘脆到微焦。芝士份量超多，味道也非常香濃，所以把海膽味也蓋過了，但芝士控必定喜歡。慢煮美國安格斯厚切牛柳 + 小食 ($348) 超掋食！因為用上慢煮的烹調方法，令厚切的牛柳還能煮得腍而入味，牛脂味濃郁，還更有效保留牛肉的營養。旁邊的竟然是士多啤梨汁，清新的果甜味能減去牛柳的膩感，味道特别，讓人越吃越開胃。另外的蘇格蘭煙三文魚，原價也要 $98 但現在也免費。雖然是送，但份量也毫不馬虎。煙三文魚本身也好吃，餐