Rico Rico

營業中

休息中

When we ordered at this restaurant, the staff initially told us that the main course was buy-one-get-one-free. However, when we went to pay, the manager came over and said we could only get the pizza and pasta free. The manager was particularly arrogant and emphasized that he was the manager, so he had the authority to decide how the discount would be applied. This was a very unpleasant dining experience. I strongly advise everyone not to eat here and to avoid this restaurant.

今日同同事去圓方食farewell lunch 呢間西餐環境好好 好靜又舒適 大家都叫咗個set lunch前菜係包餐湯 (南瓜湯) 同埋沙律再加小食 因為我地多人 可以叫晒四款 分別有 西班牙青椒 蕃茄多士 西班牙茄汁肉丸 同埋意大利飯球 值得一試係西班牙飯球 一來出面好少有 二來味道口感都好特別 咬落似薯仔波波 主菜方面 每人叫咗幾款share黎食西班牙海鮮燴飯 $168好creamy 好滑 真係要share食 如果一個人食晒會好濟好飽 不過海鮮切得有啲細 冇乜口感香烤厚切豬鞍扒 $178好大份 好厚亦好juicy 唔會太硬 加埋剁椒醬食 辣辣地 成個扒又有口感又有層次 好夾 而且薯蓉好滑好好食😋美國安格斯西冷牛扒 $178叫咗5成熟 味道口感岩岩好 塊西冷扒好厚切 不過舊肥膏都好厚 切完塊扒少左三分一 不過都食得好飽 佢個薯條係粗薯條 正常嘢 亦都配咗少少薯菜 整體上都好食😋餐茶包檸茶 檸水 咖啡 奶茶 正常嘢總結: 今餐喺圓方食lunch黎講算正常價位 而且食物質素唔錯 環境舒適 值得一試

早前到內地工作了幾天，非常掛念西餐，一下高鐵，便到圓方找多國菜的餐廳吃晚餐。在溜冰場附近見到有間西班牙餐廳，最近在做semi buffet，價錢二、三百已包任食沙律及前菜的buffet bar，一份tapa，一份甜品和一杯餐飲。同時又能滿足我吃西餐的要求，便決定入去一試。🍄沙律吧🍄火腿及芝士🧀🍄熱盤，墨西哥玉米片好吃😋🍄南瓜餐湯，也是buffet bar提供的Tapa到了🍄無花果多士🍄西班牙茄汁肉丸🍄豬手🍄蟹肉扁意粉🍄特色班戟，但⋯⋯口感偏硬身，用叉吃實在無從下手，上面的醬味道也是一言難盡😅😅🍄餐飲叫了檸檬茶，茶底不錯在圓方的晚餐來說，性價比算高吧。

約咗班舊同事喺圓方食飯，見到呢一間環境都幾好同埋貪佢可以網上訂座，所以就book左。見到OpenRice咁多劣評都有啲驚驚地，實際唔差！嘢食份量都OK而且都幾好味，上菜速度都快，啲侍應都會keep住幫我哋加水同換碟，最尾影相嘅時候好有心咁樣幫我哋影。呢間野係Habitu旗下原來，所以食物質素都唔會差得去邊。唔好既係餐廳係正溜冰場旁邊有少少嘈，不過都可以接受。總括而言，我覺得都唔錯，可以再黎😇😇😇

上一次同個friend嚟慶祝生日，我同個friend都覺得CP值很高，嘢食款式多又好食跟住事隔10日再同另外一個friend嚟，今次我哋比較遲入座，八點先入座，叫返同一樣嘅嘢食嗌咗塊五成熟rib eye , 塊扒薄過大家樂嗰塊，點樣可以值$378? 😰😰😰同我上次慶祝生日嗰塊差好遠。半自助餐款式少, 熱熏有八樣, 四樣冇晒，等咗好耐先肯refill, 就算refill咗，所有啲食物款式來說，都比上一次少同差咗好多我哋7:45 Walk in , 明明有一張長枱12個位，又話俾人book咗, 要等下一張枱有人埋單就可以入跟住我哋等到八點，再問另外一個侍應，佢即刻比到另外一張枱我哋，但係根本冇人埋過單出嚟, 同埋我哋食到最後將12個位嘅長枱都冇人坐過囉質素控制咁參差，以後都唔會再來了，點知你邊次得邊次唔得？

**食評：呢間餐廳真係開嚟攞嚟搞笑嘅？** 入嚟食飯，竟然同我講要一個鐘內食完，OK，我都唔係好介意，覺得可能係人多緊張啲時間啫。但重點係，成個鐘頭有大半個鐘啲嘢都未上！咁樣叫我點食完先？？叫嘢食時候已經覺得唔妥，啲服務員懶洋洋，完全冇心機，問佢幾時上菜，淨係識喺度講「唔夠人手」，講完又閃咗去唔見人。 你收餐廳價錢，但係做緊快餐廳嘅服務質素，啲菜上嚟仲係一啲都唔精緻，味道平平無奇，完全對唔住你張Menu上嗰啲價錢。經理仲要好似茶餐廳經理咁，喺度大嗌大叫，好似成間餐廳亂晒籠，完全冇一間「餐廳」應有嘅氣氛同管理。 咁樣嘅經營方式，真係想問老闆開間餐廳係咪為咗搞笑？做到咁樣，不如唔好浪費大家時間，執咗佢算數啦，至少唔會害到啲客人又嬲又失望。奉勸大家，千祈唔好去，呢間鋪頭真係伏到痴線！

今次搵到間高質西班牙餐廳餐廳嘅裝潢好有西班牙🇪🇸風情燈光同音樂都好柔和營造出舒適嘅用餐環境依家晚市嘅semi buffet相當抵食只需$228起就可以食到加$78更可享用原隻熟麵包蟹🦀Semi Buffet呢度嘅semi buffet包咗一款前菜、一款煮食、一款甜品以及餐茶，仲可以任食出面嘅沙律同埋熟食，價錢就根據所選擇嘅主食而定。🔸香烤脆乳豬手 豬手嘅外皮烤到金黃香脆，烤完之後肉質依然保持到嫩滑，非常高質。伴菜有烤薯條同烤雜菜，可以解一解油膩感。🔸加拿大天然豬斧頭扒 斧頭扒選用加拿大天然豬，肉質鮮嫩細膩，油脂分布非常完美。斧頭扒外層燒到好焦香，食落口感好juicy，肉質嫩滑。伴菜有薯條同烤雜菜，平衡得唔錯。🔸焗吞拿魚釀茄子呢款前菜非常特別，茄子上釀上吞拿魚同芝士，焗完之後非常之香，茄子同吞拿魚嘅口感好夾。🔸白毛豬火腿脆煙肉蛋餅蛋餅嘅蛋味香濃，口感嫩滑，配埋喺面嘅白毛豬火腿同埋脆煙肉粒，口感好有層次。🔸西班牙炸油條西班牙餐廳嘅招牌甜品，油條完之後好香脆，但食落唔會好油膩，甜度啱啱好，麻醬汁食就更一流。🔸巴斯克芝士蛋糕蛋糕口感非常軟綿，芝士味香濃，好味到兩三下就食晒。

自從有左屯馬線後去圓方都方便左好多圓方其實有好多唔同類型嘅餐廳我就推薦呢間Rico Rico嘅Semi buffet dinner一個dinner set有semi buffet。tapas。Main。Dessert。Coffee/tea 相當唔錯SEMI BUFFET出面嘅Semi buffet bar有齊沙律。熱盤。cold cut。芝士最有驚喜係salad bar 款式都幾多仲有平時較少見嘅烤蔬菜白毛豬火腿脆煙肉蛋餅蛋餅好鬆軟而且濕潤中間帶住薯粒令味道更香配上火腿同煙肉更鹹香惹味橄欖油蒜紅蝦手心咁大隻嘅紅蝦蝦肉甘甜 充滿鮮味入口綿得黎又不失彈性以法包沾上充滿紅蝦精華嘅橄欖油好滿足墨魚汁墨魚燴飯墨魚汁鮮味滿分!燴飯質感唔會過軟爛 入口保持飽滿富彈性燴飯中仲有鮮嫩帶子 令鮮味更濃厚加拿大天然豬斧頭扒超級巨型豬斧頭扒外層烤得金黃而且以滿肉汁感切開豬扒內裏相當粉嫩而且每切一下就溢出大量肉汁入口充滿橡果香氣 不帶羶味精選甜品當日精選甜品係Churros 入口香脆又充滿玉桂香

𓍕 𓍕 𓍕再訪位於ELEMENTS的Rico Rico。上次非常滿意他們的西班牙炒飯和tapas。這一次到訪發現他們更新了Menu，一款自選主菜的價錢已經可以任食 semi buffet table，另加一款 tapa、一道甜品和一杯咖啡/茶，可算是非常吸引。𓂁 Semi Buffet Table款式都算多元化，包括熱湯、cold cuts、芝士、麵包、薯條和多款熱盤。𓂁 西班牙茄汁肉丸𓂁 吞拿魚釀茄子兩款tapas都非常高水準！西班牙茄汁肉丸酸甜開胃，肉丸大大五顆還配上柔滑的香草薯蓉，飽足感滿分。吞拿魚釀茄子真的是半顆原隻茄子！加上吞拿魚也是非常惹味。𓂁 墨魚汁墨魚燴飯 $248會吃到滿咀黑漆漆的墨魚燴飯好鮮味，墨魚份量也不少呢。𓂁 美國安格斯肉眼扒 $368必點推薦！肉眼扒厚實但軟腍，牛味香濃，配上香草汁味道層次更豐富。𓂁 甜品是日甜品是雜果香橙班戟，香甜可口，作為飯後甜品一流。一個價錢已包括Tapa、主菜、甜品、咖啡和無限refill的semi buffet，而且用餐環境舒適寬敞，絕對是性價比高的選擇。𓍕 𓍕 𓍕

有個朋友住凱旋門，今日佢帶咗我去樓下ELEMENTS 嘅一間西班牙餐廳食 Semi Buffet🥰，價錢由$228 ~ $368 有自助沙律吧，有Tapa 有Main有Dessrt，價錢又唔算太貴😆。店舖裝潢簡約時尚，座落舒適，感覺十分chill🥰。🌟Salad & Appetizer Table有是日餐湯及軟熟意大利包沙律吧有新鮮沙律菜、紅菜頭、粟米、紅腰、西瓜及提子乾等🥰。冷盤有風乾火腿、莎樂美腸、火腿、火雞片及煙燻肉片，仲有2️⃣款芝士，種類齊全又好味😋。炸物有十分香脆炸薯條及雞塊。熱葷有爽滑蝦仁配三色椒及洋蔥，西班牙肉丸及炒蜆，味道濃郁香口😍。🌟Tapa 可以係Menu度任叫一款，不過蒜油蝦和蛋餅就另加$28，今次揀咗蒜油蝦(+$28)和釀茄子。蒜油蝦🦐有3️⃣隻大紅蝦，煮得十分入味，滿滿嘅蒜香味，加上微微嘅香辣味，醒胃又惹味😍。吞拿魚釀茄子面層芝士🧀、蕃茄🍅及吞拿魚醬味道香濃，加上軟滑多汁嘅茄子肉，簡單配搭又好食。🌟Main香酵脆乳豬手 $358原隻豬手🐖份量十足，外皮油光金黃，烤得十分香口，肉質依然軟腍，輕輕鬆鬆就可以切開，皮層下一層薄薄嘅油脂🥰，非常軟滑唔油膩，油香味十足，再點

穿黑衫黑衭店長大叔、帶位高瘦男人態度十分之差，尤其是大叔…其實得幾台食客，根本就無事忙，明明已經望住，都扮望唔到，又漏單，又唔識say sorry , 扮冇事，又突然高聱呼喝小朋友，唔怪之得冇乜人去，it’s a trash n black lists forever

西九圓方ELEMENTS商場格局以金木水火土區分，商場面積十分之大，其實每次我去到呢個商場嘅時候好多時都會蕩失路，今次同好朋友來到圓方火區的西班牙餐廳Rico Rico 來個chill night dinner，餐廳位置相當容易記得,就係位於喺圓方溜冰場樓上，所以今次我一出九龍站就好快搵到路去到餐廳啦 餐廳以磚紅色和森林綠來做主調，再加上金金地的開放式酒吧，環境高貴典雅，那種紅紅綠綠也貫徹西班牙熱情洋溢的感覺氣氛，餐廳有室內和室外的位置可供選擇，不過無論室內或者室外都好，座位間隔都相當寬敞，坐得自在舒服，而且私隱度高，和朋友傾偈都唔會擔心嘈到隔籬 🔮西班牙白毛豬，火腿配鮮蕃茄醬多士食西班牙菜又點少得黑毛豬呢，以自家製的酸種麵包配上手工蕃茄醬，上面再舖上西班牙入口的白毛豬火腿片，軟熟鹹香的火腿片在配上脆後的sourdough toast ，口感很有層次，酸甜帶咸香，十分開胃 🔮焗吞拿魚釀茄子這個菜可以話係西班牙經典Tapas其中之一，將吞拿魚西班牙辣肉腸粒，芝士和蛋，釀入原條嘅茄子入面，上面鋪上一層手工蕃茄醬再焗，上枱時以香味十足，切開一小片拎起仲有拉絲嘅效果啊，而辣肉腸和吞拿魚加起來，

其中一個男的服務員態度超級差，故意很重的放盤子，裏關門還有1.5個鐘就催埋單，全程擺臭臉。食物質量正常，但份量很少。環境還算可以，位置比較大，但整體體驗太差了，超級不推薦！

今日喺九龍見客，早咗放工，就順便喺圓方食埋飯先走～見到呢間餐廳幾闊落，就入去試下啦😝🛎 $598 Dinner for two 🛎 西班牙火腿芝士拼盤Parma ham經過風乾之後，油香撲鼻，脂肪分布平均，食落去唔會太鹹，夾埋香脆嘅麵包同埋番茄蓉一齊食，口感同味道豐富又清新🥖😋芝士奶香十足，質地非常軟滑，搽落麵包度真係好味到忍唔住不停食，仲差啲想嗌多份麵包添！🤣🛎 香草大蝦扁意粉一上菜嗰陣已經聞到好香嘅香草味，即刻急不及待襯熱食！😝意粉質地煮得硬度適中，唔會太腍或者太硬，完全啱晒我對於意粉韌度嘅追求🤌🏻而且蝦好有鮮味，蝦肉亦都好彈牙，令到啲意粉充滿大蝦嘅鮮甜味！🦐🛎 美國安格斯西冷牛扒今次叫咗五成熟嘅西冷牛扒，廚師將火候控制得啱啱好，上枱嘅時候牛扒唔會過熟，肉質軟嫩多汁🥩切一口牛扒，蘸一下青醬，兩者嘅配搭非常完美，令到牛扒完全唔膩～🛎 意式雪糕唔同一般嘅意式雪糕，呢度嘅雪糕勁真材實料，係有雲呢拿籽架！！！🤩🤩🤩超級香滑😋嚟多球呀唔該！🤣🛎 +$48 巴斯克芝士蛋糕奶香濃郁，乳酪嘅酸甜完美平衡～口感濕潤綿密，甜而不膩👍🏻呢個價錢就食到咁高質嘅巴斯克芝士蛋糕真係好難得！✨用佢嚟作為呢餐嘅結

前幾日朋友生日，諗住揀間靜得黎又有氣氛嘅餐廳，但價錢又唔好太貴。於是就搵咗圓方入面嘅一間西餐廳。呢度嘅座位好寬敞，而且裝修好高級，節日慶祝就最適合不過👍🏼 食物款式選擇都多，而且仲有free flow drink可選擇。最後我地order咗個二人餐，$598兩位就有頭盤、餐湯、主菜、甜品同飲品啦！餐廳係南瓜湯，香濃幼滑。頭盤係西班牙火腿配芝士拼盤，頭盤份量比想像中多，平時食一個cheese platter都要二，三百蚊。主菜揀咗大蝦意粉同埋西冷牛扒，意粉香濃，多汁又惹味，非常開胃。牛扒生熟度剛好，肉質鮮嫩。甜品嘅雪糕亦唔差，夠晒香滑。埋單連埋加一都係六百幾蚊，請埋朋友食都唔心痛，最適合節日慶祝或者同朋友聚餐。