Rico Rico (已結業)

今次搵到間高質西班牙餐廳餐廳嘅裝潢好有西班牙🇪🇸風情燈光同音樂都好柔和營造出舒適嘅用餐環境依家晚市嘅semi buffet相當抵食只需$228起就可以食到加$78更可享用原隻熟麵包蟹🦀Semi Buffet呢度嘅semi buffet包咗一款前菜、一款煮食、一款甜品以及餐茶，仲可以任食出面嘅沙律同埋熟食，價錢就根據所選擇嘅主食而定。🔸香烤脆乳豬手 豬手嘅外皮烤到金黃香脆，烤完之後肉質依然保持到嫩滑，非常高質。伴菜有烤薯條同烤雜菜，可以解一解油膩感。🔸加拿大天然豬斧頭扒 斧頭扒選用加拿大天然豬，肉質鮮嫩細膩，油脂分布非常完美。斧頭扒外層燒到好焦香，食落口感好juicy，肉質嫩滑。伴菜有薯條同烤雜菜，平衡得唔錯。🔸焗吞拿魚釀茄子呢款前菜非常特別，茄子上釀上吞拿魚同芝士，焗完之後非常之香，茄子同吞拿魚嘅口感好夾。🔸白毛豬火腿脆煙肉蛋餅蛋餅嘅蛋味香濃，口感嫩滑，配埋喺面嘅白毛豬火腿同埋脆煙肉粒，口感好有層次。🔸西班牙炸油條西班牙餐廳嘅招牌甜品，油條完之後好香脆，但食落唔會好油膩，甜度啱啱好，麻醬汁食就更一流。🔸巴斯克芝士蛋糕蛋糕口感非常軟綿，芝士味香濃，好味到兩三下就食晒。