33
1
3
| 餐廳: | Rico Rico |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
34602787
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | Rico Rico |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
𓍕 𓍕 𓍕再訪位於ELEMENTS的Rico Rico。上次非常滿意他們的西班牙炒飯和tapas。這一次到訪發現他們更新了Menu，一款自選主菜的價錢已經可以任食 semi buffet table，另加一款 tapa、一道甜品和一杯咖啡/茶，可算是非常吸引。𓂁 Semi Buffet Table款式都算多元化，包括熱湯、cold cuts、芝士、麵包、薯條和多款熱盤。𓂁 西班牙茄汁肉丸𓂁 吞拿魚釀茄子兩款tapas都非常高水準！西班牙茄汁肉丸酸甜開胃，肉丸大大五顆還配上柔滑的香草薯蓉，飽足感滿分。吞拿魚釀茄子真的是半顆原隻茄子！加上吞拿魚也是非常惹味。𓂁 墨魚汁墨魚燴飯 $248會吃到滿咀黑漆漆的墨魚燴飯好鮮味，墨魚份量也不少呢。𓂁 美國安格斯肉眼扒 $368必點推薦！肉眼扒厚實但軟腍，牛味香濃，配上香草汁味道層次更豐富。𓂁 甜品是日甜品是雜果香橙班戟，香甜可口，作為飯後甜品一流。一個價錢已包括Tapa、主菜、甜品、咖啡和無限refill的semi buffet，而且用餐環境舒適寬敞，絕對是性價比高的選擇。𓍕 𓍕 𓍕
繼續閱讀
有個朋友住凱旋門，今日佢帶咗我去樓下ELEMENTS 嘅一間西班牙餐廳食 Semi Buffet🥰，價錢由$228 ~ $368 有自助沙律吧，有Tapa 有Main有Dessrt，價錢又唔算太貴😆。店舖裝潢簡約時尚，座落舒適，感覺十分chill🥰。🌟Salad & Appetizer Table有是日餐湯及軟熟意大利包沙律吧有新鮮沙律菜、紅菜頭、粟米、紅腰、西瓜及提子乾等🥰。冷盤有風乾火腿、莎樂美腸、火腿、火雞片及煙燻肉片，仲有2️⃣款芝士，種類齊全又好味😋。炸物有十分香脆炸薯條及雞塊。熱葷有爽滑蝦仁配三色椒及洋蔥，西班牙肉丸及炒蜆，味道濃郁香口😍。🌟Tapa 可以係Menu度任叫一款，不過蒜油蝦和蛋餅就另加$28，今次揀咗蒜油蝦(+$28)和釀茄子。蒜油蝦🦐有3️⃣隻大紅蝦，煮得十分入味，滿滿嘅蒜香味，加上微微嘅香辣味，醒胃又惹味😍。吞拿魚釀茄子面層芝士🧀、蕃茄🍅及吞拿魚醬味道香濃，加上軟滑多汁嘅茄子肉，簡單配搭又好食。🌟Main香酵脆乳豬手 $358原隻豬手🐖份量十足，外皮油光金黃，烤得十分香口，肉質依然軟腍，輕輕鬆鬆就可以切開，皮層下一層薄薄嘅油脂🥰，非常軟滑唔油膩，油香味十足，再點埋番茄醬、秘製醬汁或蒜泥蛋黃醬，就更加好味😋。美國安格斯肉眼扒 $368肉眼扒🥩烤至表面焦香，5️⃣成熟成度啱啱好，肉質軟腍無筋，邊位部份帶陣陣油脂香，再配點海鹽及微酸的芥末醬，令肉味更加提升🥰。🌟Dessert西班牙油條配朱古力醬脆條炸得非常香口，口感香脆，軟腍柔韌，點埋朱古力醬更加好味。巴斯克芝士蛋糕芝士🧀蛋糕質感幼滑，芝士味🧀香濃。
繼續閱讀
穿黑衫黑衭店長大叔、帶位高瘦男人態度十分之差，尤其是大叔…其實得幾台食客，根本就無事忙，明明已經望住，都扮望唔到，又漏單，又唔識say sorry , 扮冇事，又突然高聱呼喝小朋友，唔怪之得冇乜人去，it’s a trash n black lists forever
繼續閱讀
西九圓方ELEMENTS商場格局以金木水火土區分，商場面積十分之大，其實每次我去到呢個商場嘅時候好多時都會蕩失路，今次同好朋友來到圓方火區的西班牙餐廳Rico Rico 來個chill night dinner，餐廳位置相當容易記得,就係位於喺圓方溜冰場樓上，所以今次我一出九龍站就好快搵到路去到餐廳啦 餐廳以磚紅色和森林綠來做主調，再加上金金地的開放式酒吧，環境高貴典雅，那種紅紅綠綠也貫徹西班牙熱情洋溢的感覺氣氛，餐廳有室內和室外的位置可供選擇，不過無論室內或者室外都好，座位間隔都相當寬敞，坐得自在舒服，而且私隱度高，和朋友傾偈都唔會擔心嘈到隔籬 🔮西班牙白毛豬，火腿配鮮蕃茄醬多士食西班牙菜又點少得黑毛豬呢，以自家製的酸種麵包配上手工蕃茄醬，上面再舖上西班牙入口的白毛豬火腿片，軟熟鹹香的火腿片在配上脆後的sourdough toast ，口感很有層次，酸甜帶咸香，十分開胃 🔮焗吞拿魚釀茄子這個菜可以話係西班牙經典Tapas其中之一，將吞拿魚西班牙辣肉腸粒，芝士和蛋，釀入原條嘅茄子入面，上面鋪上一層手工蕃茄醬再焗，上枱時以香味十足，切開一小片拎起仲有拉絲嘅效果啊，而辣肉腸和吞拿魚加起來，鮮香微辣惹味十足，非常香口🔮西班牙腸炒惹菌先炒香西班牙腸，令腸入面嘅油脂炒出來，再倒入野菌來炒，等野菌都吸收了辣肉腸的油香，將兩者放上多士片上面來食，一啖入口超級惹味啊 🔮白毛豬肉西班牙Pizza這是西班牙獨有的Coca薄餅, cheddar cheese, mozzarella cheese 來做個醬底，double cheese香氣撲鼻，上面鋪上18個風乾的熟成白毛豬火腿，油香豐溢，火腿的鹹鮮味和濃郁的芝士味，入口味道無比香濃，簡單配上一些火箭菜，中和一下，加點清新的感覺，真係食多兩件都唔覺得會好膩呀～ 🔮西班牙大蝦，牛柳Paella燉飯這個可以話係西班牙海鮮飯的加強版啊，大大隻嘅西班牙新鮮大蝦，仲長過我隻手板，開邊後先煎再焗，上枱時蝦香十足，蝦肉大大隻又彈牙爽嫩，蝦味濃郁，整隻蝦也只是略加一點鹽來燒，連蝦殼也香脆惹味，蝦頭位多膏又香濃，真係好正呀！除此之外，還有以牛油炒香的藍青口，每隻都新鮮飽滿，入口非常鮮甜；最特別嘅係這個西班牙炒飯係會跟一大塊牛柳扒，牛柳扒煎致五成熟，平均切片之後鋪在頓飯之上，清楚看見中間的牛肉是粉嫩粉嫩的，很有視覺享受啊，上面淋上牛肉Jus，入口超級軟嫩，牛香十足，而且肉汁豐富，而飯底就用咗海鮮湯來會燉的，所以成個飯可以話係鮮味無比，飽肚又滿足呀，大推👍 🔮招牌香烤脆乳豬這道燒乳豬脾，的確令我眼前一亮，冇諗過真係會以原隻燒乳豬髀來端上的，表面油光十足，淨係睇個樣都覺得佢好香脆！慢煮二十四小時嘅燒乳豬髀，上菜前會放入焗爐再烤至表皮金黃色，入口肉質非常軟嫩，油脂在口中慢慢滲出，加上脆香嘅猪皮口感，味道相當豐富，配上大量即炸的薯條和各種不同的配搭醬汁，蕃茄醬，秘製燒烤醬和aioli,薯條吸收了豬油的味道，更加香口惹味，而且份量比我想像中多，足足夠兩三個人食呵～ 🔮Sangria 西班牙傳統嘅Cocktail Sangria每次都係我食西班牙菜一定會叫點的紅酒Cocktail飲品，果香豐富，酸甜清爽，無論餐前或者餐後嘅飲品都好適合㗎 🔮Manzana agria 不想飲酒的朋友亦都推介這一個以蘋果汁，rosemary,蘋果醋,檸檬,Passion Fruit ，薄荷葉造成的Mocktail 飲品，充滿清新的果香，酸酸甜甜清新開胃又減膩
繼續閱讀
其中一個男的服務員態度超級差，故意很重的放盤子，裏關門還有1.5個鐘就催埋單，全程擺臭臉。食物質量正常，但份量很少。環境還算可以，位置比較大，但整體體驗太差了，超級不推薦！
繼續閱讀