RBTea

營業中

休息中

呢間餐廳我其實幾鍾意，記得食過佢一個脆餅，到現在還回味，咁岩是晚跟朋友經開，又未到食飯時間，但又餓餓地，就黎食少少野，環境依舊好舒服到處都有綠悠悠感覺，因為餐廳主色係淡淡的綠色今次點了這個小食餐及兩杯主打黑糖飲品兩杯都用上香醇黑糖鮮牛奶左面係凍黑糖布甸鮮牛奶HKD38，入口啖啖滑滑布甸加上黑糖的香甜而右手邊係呢杯黑糖珍珠鮮牛奶有冷熱選擇，都是同價HKD38如要加一球OREO朱古力雪糕HKD47我朋友鍾意食雪糕所以加了一球雪糕面還灑上粒粒黑糖顆粒，雪糕球不錯牛奶跟黑糖及珍珠一同飲下，口感滑中帶煙韌而惠顧呢個系列飲品，就可以用優惠價HKD46加原價HKD66的鹽酥雞拼盤一次過食到四款小食，正好醫肚又唔怕過飽吃唔到晚飯蝦片香脆腸仔唔會鹹，味道香味都不錯地瓜條外脆內軟又甜甜的，好喜歡鹽酥雞好香脆好食整體還是好好味，不枉我多年至愛！

食完後急不及待就打食評 哈哈今次去左食黑糖勢力+一個c餐 鬆餅魚柳一入到去裝潢好靚好舒服 好有style影相一流（不過人太多冇影到）員工好nice好好人 語氣好溫柔！上碟既速度都幾快下 一叫完 等左陣就到首先黎既係兩杯黑糖飲品 一杯係雞蛋布丁係底一杯係珍珠+oreo雪糕球（唔係我飲 但個樣似係oreo）呢兩杯既黑糖都唔會太甜 又唔會奶太多所以冇味 我有輕輕試過兩杯 覺得有雪糕果個好飲啲因為雪糕球溶左落去杯黑糖 帶返少少甜味落去 十分夾 賣相唔洗講啦 好靚不過鬆餅原本以為係甜品個隻 原來係呢隻入面個餡都同樣出色而拼盤個碟係番薯條 個人本身都唔太好就不評論了 但個鹽酥雞係不錯 炸粉薄肉嫩咬落仲有少少肉汁！食完後飽到爆炸 發現原來兩個人食一個黑糖拼盤原來都差唔多（仲以為好少添哈哈）總結黎講係幾好食 但價錢稍貴

去太子想飲台式，找到始創，可以坐低慢慢飲。裝修走文青路線。店面很大，有好多位。有搖搖椅坐，仲有景睇，都幾舒服。黑糖勢力係新menu，見到黑糖已經好吸引。黑糖珍珠鮮牛奶 ($38)加1球OREO朱古力雪球$47珍珠很Q，黑糖很甜，喝完口中都是黑糖的香味，用上鮮牛奶沖泡很順口，味道不錯。加了雪糕，令人更滿足。鹽酥雞拼盤 (order黑糖勢力系列飲品只須$46)有鹽酥雞、地瓜條、香腸，地瓜炸得很酥，質地很軟，味道甜甜的。腸仔香草味道濃郁多汁。雞肉很香，醃得很入味。蝦片脆卜卜，蝦味很重。黑糖布甸鮮牛奶 ($38)將黑糖布甸和飲品結合，一次過享受，很有飽足感。

近太子商場始創中心這間餐廳環境的確雅緻美觀我在這裏甜品、小食、飲料擁有多款選擇，富有多個打咭位置這間平日不限時咖啡廳打造出明亮時髦空間襯托,主打新出招牌，讓門市洋溢着更有台日混血味道風情！而且價格合宜非常抵飲踏入店內足夠座位邊給消費者閒聊舒暢進膳和稍作休息空間，對一眾OL上班羣或到商場逛逛的街坊們，而言寫意的享受的確消暑佳品來一口,口感軟身珍珠份量慷慨而且大大粒分明令人重涎三尺，茶香沁心以個人經驗觀感及口味突出，即叫即打茶底甜度適中亦有趙勁可按照心水少糖、半糖或微糖非常貼心，而我朋友喝的黑糖布甸，一分錢一分貨奶茶香醇厚度頗高伴以香芒水果布甸中和奶精感，喝罷陣陣布甸一口軟一脆很有趣，而黑糖更有效提升整體加奶順滑度，喜歡帶少少清新味道不太甜人士.

近期勁興黑糖珍珠鮮奶，今次我試咗RBtea呢間，賣點係可以坐，慢慢嘆，唔駛喺街排到出哂汗，而且仲有小食同主菜食，食完再hea下，同frd傾下計....以前都久唔久都會過嚟食下嘢，一向覺得佢啲嘢食有水準，今次都冇令我失望！我同個frd一人點咗一杯黑糖珍珠鮮牛奶各加一球oreo 雪糕，再叫多個鹽酥雞拼盤做今日嘅下午茶！黑糖珍珠鮮牛奶，黑糖味重，珍珠有咬口，唔會太淋/太硬，鮮奶味好濃，而且賣相好靚，我個frd少飲鮮奶都讚不絕口！飲到咁上下，oreo雪糕溶起啲牛奶度，啲味幾夾！至於個鹽酥雞拼盤，即炸即上枱，鹽酥雞夠熱，夠脆，啲雞都幾入味，另外，台灣腸就相對細啲，但都幾好味，而炸蕃薯條係我至愛，好好味，唔似食薯條咁油膩，仲有幾塊蝦片拌碟，唔錯！如果想試黑糖珍珠鮮奶其實都唔一定喺街排咁耐，呢間都做到同樣味道！

RBTea最近推出黑糖theme飲品，作為珍奶迷，當然立即去試下!這次的黑糖勢力主打兩款飲品，分別是黑糖珍珠鮮牛奶(可選凍或熱)及黑糖布甸鮮牛奶(凍)。這個珍珠鮮牛奶加上黑糖，甜度剛剛好，而且兩者味道很配合，珍珠有口感，加上oreo朱古力雪糕，味道更豐富。另外一杯加上布甸亦不錯，滑得黎有啖啖蛋香，不至於過甜，又豐富口感。除了飲品，還試了鹽酥雞拼盤，個人覺得有驚喜! 拼盤包含四款小食，有鹽酥雞，地瓜條，香腸及蝦片。(可惜當時地瓜條已售罄，換成炸薯角。)幾款小食都ok，當中最推薦鹽酥雞，熱騰騰，香口酥脆，不會太油膩，味道適中，值得一試。❤ 整體覺得這個黑糖系列不錯，如果是珍奶迷，又如果想來個台式下午茶，可以來一試哦。

這天選擇到花園街買衫，但逛不到一半，就開始後悔，因為天氣實在太熱，加上人又多，最後決定到始創RBTea飲嘢。 餐廳門外雖然有少人龍，但舖面大，而且座位舒適，不到5分鐘就已經有位了。 新餐牌「黑糖勢力」賣相吸引，而且大部分食客亦點這一款，所以我們也不多想，直接點了餐牌上2款飲品及再以優惠價HK$46換了鹽酥雞拼盤來試試。 鹽酥雞拼盤 這天有點可惜，因為地瓜條已經售罄，換上了薯角，拼盤內有蝦片、鹽酥雞、薯角及香腸，店員還貼心送上茄汁，非常細心。 鹽酥雞細細粒，外脆內嫩，軟硬適中，口感酥脆，一啖一口，超惹味。 香腸雖然感覺有點格格不入，但在這個拼盤內又起了新奇作用，因為吃太多炸物，總會有點膩，在這個時候吃香腸，就能中和炸物的膩滯感。 黑糖布甸鮮牛奶 用上鮮牛奶泡製，所以奶香味極濃，但又不失黑糖甜香，布甸口感細滑，口感豐富。 黑糖珍珠鮮牛奶 這個基調與黑糖布甸鮮牛奶是一模一樣，但就將布甸換上珍珠，而我亦加了點錢，加上oreo雪糕，半融化的雪糕令整杯飲品的口感變得更細滑，脂香味濃，配上珍珠口感煙韌，大滿足。 RBTea 太子彌敦道750號始創中心2樓232號舖

Good place for All Day Breakfast. They have several options like Parma Ham salad, fish fillet, sausages or salmon with caesar salad all paired with waffles. I had Waffles with scrambled egg, potato wedges, grilled tomato, beans, and sausages. The portion was big enough and it was delicious., though the waffles were a bit too crispy and dry. Overall it is a nice place for a casual meeting with friends. 

旺角太子區係有好多唔同嘅餐廳，但係中唔中伏有時都係睇彩數⋯⋯好似今日天氣悶熱，鼠咗入商場搵地方食Brunch，可能熱到個人太攰，無乜心機閒逛，肚打鼓之際就衝咗入一間都好似幾多人吓的多士窩夫店。以為好好彩，因為點幾鐘入去啱啱有位唔駛等。入到去侍應就話要自己記住枱號出去買野食，都okay，但排隊排咗我15分鐘，但其實前面只係得兩個人，而原因就係佢收銀機壞咗，出唔到單...所以當前面有人要求要收據，佢又要搞張手寫單，我身後面就慢慢咁形成咗一條人龍⋯⋯我都試過為咗食好嘢去等，但呢一度就唔係好值嘞⋯⋯所謂嘅岩鹽奶茶一啲奶茶味都冇，亦都冇岩鹽或者小小鹹味⋯⋯我覺得似加咗冰好普通嘅奶多啲...呢個魚柳窩夫all day breakfast更加同menu張相差天共地....唔吸引不特止，窩夫淋 pat pat,個什果浸住嘅糖水成陣藥水味，魚柳係脆嘅，不過真係好細舊囉⋯⋯成分野食完，我呢個成日俾人話細食ge女仔，都冇六成飽，我覺得好唔抵囉⋯⋯呢個忌廉汁肉醬螺絲粉，除咗面頭有芝士就乜味都無，我只好狂落芝士粉自己加味⋯⋯食完呢餐，我居然要去麥當勞再買魚柳包食，係唔難食，但你話我仲會唔會嚟呢

我已多次光顧這間餐廳，食物水準不錯，環境舒適，與朋友聚會又一好去處。我最喜歡其中一個主食是海鮮意粉，材料豐富鮮味，意粉爽口，甜品綠茶紅豆窩夫更是我至愛，味道鬆軟可口，甜味適中。

朋友極力推介黎呢間餐廳，竟然平日的下午茶時間都會咁多食客。 朋友點左香草忌廉三文魚意粉配熱檸茶。朋友推介我點正價飲品，再以優惠價點下午茶。結果我就揀左玫瑰荔枝椰果紅茶配香腸西蘭花芝士薄脆。香腸西蘭花芝士薄脆:熱辣辣香脆可口嘅薄脆有六片，脆到好似食緊薯片咁，真係夠晒薄而脆。薄脆面放左好多芝士，芝士味濃，食落似食pizza 咁，啖啖芝士，份量恰到好處，唔會食到好漏咁。薄脆餡有西蘭花，平時西蘭花好少出現係pizza ，都幾新奇，西蘭花味較淡。蕃茄醬落得比較少，所以茄汁味唔濃，薄脆就更乾身了。香腸唔會好鹹，因茄汁唔多，咸味就剛剛好，而每片薄脆都有一片仔嘅香腸。香草忌廉三文魚意粉:意粉煮得剛剛好夠彈牙，忌廉汁都幾creamy，大大片煙三文魚係面，配埋香草，令成個意粉好有色彩。煙三文魚都OK，少少咸。啲香草就似火箭菜，食落好香口。玫瑰荔枝椰果紅茶:茶成壼上，大大壼，同朋友係度傾計可以慢慢飲。下午茶就係悠閒，最啱飲玫瑰花，夠晒 relax。荔枝味都幾濃，配埋幾粒椰果，不過椰果就食唔到味了。呢間餐廳算係旺區嘅綠洲，最啱傾計、休息。

之前行經過始創中心幾次見到呢間悠閒小cafe都想入去試下 但係次次都係匆匆忙忙 到今日先有機會係度食個晚餐晚市套餐附送既餐湯同埋沙津意式香草野菌意粉 ($78)香草味真係好濃烈 唔係個個都頂得順 而我就係其中一個 菇既份量都幾多 但係全部都係同一種菇 好單調 加上個汁又麻麻地 真係唔係幾想食 如果用雜菌應該會好d黑珍珠奶茶 (+$9)D珍珠太大粒又偏硬 好多時都卡住左係條飲管到唔上唔落 奶茶味道就ok又唔會太甜炸魚柳脆香鬆餅全日餐 ($89)塊炸魚柳比想像中細好多 而且食落乾爭爭 中間個碟水果粒又唔夠新鮮 鬆餅完全唔脆香 雖然個賣相似係唔差 唯一可取既係個滑蛋 加埋胡椒粉調味係唔錯嘅 蕃茄都夠新鮮Tiramisu 焦糖牛奶咖啡 (熱) +$15男朋友係咁話好好飲 不過我就無試到呢度既食物質素真係麻麻地 但係環境好好 氣氛好放鬆 座位都舒服

今日同朋友high tea,行到黎太子,已經無力再行番去moko睇下有咩食,見到呢間小白兔就諗住同朋友一齊試試啦,見佢d梳化好似坐得好舒服嘛😇,同朋友一齊揀左野食先,一見到呢個strawberry waffle,唔洗諗,就揀呢個啦😘小妹一向鍾意士多啤梨,所以一直好期待佢出餐,賣相好靚😍一層疊一層疊到好高🙈食落去都真係外脆內軟既waffle,唔似其他餐廳咁虛有其表,個waffle係林晒既,果d小妹唔ok,士多啤梨唔酸有甜味,食得出唔係糖水浸過既,仲有個雪糕球係入面☺️呢間餐廳都幾好,同朋友坐左好耐都無比人催我地走,下次想試下佢地d花茶☺️

珍珠奶茶班戟 ($48)珍珠奶茶你就飲得多，Pancake 你有無試過珍珠奶茶味？🤣 今次黎到太子依間 #RBTea Cafe 試下，其實專登為佢呢個pancake 而黎。Cafe 既座位比較密密麻麻，坐都唔算好舒服。pancake 質感厚實，唔係疏乎厘空氣感，蛋香亦欠奉，麻麻地。不過珍珠奶茶味既醬就幾好味既，加埋一粒粒珍珠，幾得意🤣 對pancake 要求唔高可以試下過下口癮既。不過我都係鍾意疏乎厘口感既pancake 多啲。

之前係附近返工，所以其實都已經食過好幾次。之前食過佢哋嘅pizza，肉醬螺螄粉覺得都唔錯，而且份量唔會好大，對女仔來講啱啱好。今日同朋友喺附近買野，行到攰決定再次食下呢間餐廳。今次點左吉列豬排窩夫，賣相都算唔錯，雖然炸粉略嫌太厚，但係個豬扒肉質都OK唔會好乾，夾埋waffle一齊食口感都幾得意！以呢個下午茶嘅價錢同食物質素，算係幾唔錯。