QUE (新城市廣場一期)

營業中

休息中

沙田呢間西日Fusion Cafe, 除咗以木系裝修富有簡約美感,老闆肯定係愛貓之人,成間cafe 都滿佈仿真貓裝飾😍, 好似天花板上嘅燈飾都有仿真貓「爬」左上去, 得意又帶有家嘅舒適感,貓奴見到一定比佢俘虜☺️🤭菜式除咗cafe常見嘅all day breakfast,risotto 等,仲有唔同魚生丼飯可以選擇,滿足一眾鍾意西式又鍾意日式菜嘅人,飲品亦選擇眾多,有水果茶🍇🍈🍊🍉,咖啡☕️,抹茶,水果梳打等🌸煙三文魚班尼迪蛋配蕃茄莎莎,柚子荷蘭汁及牛角包 $118呢個我自己超級鍾意❤️通常Egg Benedict 係配英式鬆餅,呢度改左配牛角包,估唔到原來同Egg Benedict 咁夾!😳 班尼迪蛋以刀一切就溢滿蛋汁,搭配脆脆地嘅牛角包口感更好,加埋柚子荷蘭汁酸酸地好開胃😋🌸靜岡有機抹茶鮮奶咖啡 $58呢個幾有特色,係自己落抹茶粉倒落鮮奶,可以跟隨自己喜愛調較抹茶濃淡度, 再以茶筅刷抹茶,再倒落咖啡到,成個手沖過程都幾特別,飲落除咗抹茶微苦味亦可以飲到濃郁咖啡香🌸香蔥拖羅蓉牛油果醬塔可 $68佢嘅塔可睇menu我覺得幾吸引,有鰻魚玉子,海膽,帆立貝,三文魚等幾款揀,咁多樣就揀咗拖羅蓉試吓

係沙田狂街，行行下見到一間新開的餐廳，就入去試下。餐廳以貓為主題，有好多貓嘅裝飾。今次叫左一個set, 包羅萬有。芝士炸蠔都新鮮，食落知道唔係低價貨，但芝士唔夠味吞拿魚刺身飯正常，同一般外面食差不多，無乜大驚喜。燒三文魚沙律三文魚燒到焦焦地，幾香口，外熟內生，外香內軟，算唔錯焦糖布甸食到有咖啡味，有D怪，因為menu 無寫係咖啡味，焦煻都算脆口，中規中矩。環境唔錯，食物份量唔算好多，Like 貓嘅女仕可以試，但對我黎講未到好吸引。

第一次食QUE，位於沙田沙田正街18號新城市廣場一期1樓126號舖。餐廳是一間日式和西式融合的cafe，店內休閒舒適， 晚市二人套餐$588， 升級特色飲品另加$38杯， 石榴泡泡綠茶和香桃富士梳打。 🔸脆炸單骨雞翼配辛子明太子醬 ～ 單骨雞翼得方便，炸得幾脆口。🔸三色魚生丼 ～ 有三文魚、油甘魚和赤蝦， 我喜歡赤蝦好大隻又鮮甜。 🔸軟殼蟹意粉配蟹肉蕃茄忌廉汁 ～ 蕃茄忌廉汁酸甜度適中， 但意粉質感偏軟。 🔸北海道帆立貝羽衣金蘭沙律配牛油果、蕃茄、合桃、中東米及乳酪柚子汁 ～ 食材非常豐富，口感清爽。🔸靜岡縣紅茶芭菲( 日本甜蕃薯和紅茶醬) ～ 味道一般，偏甜。 🔸石榴泡泡綠茶 ～ 有陣陣清香的石榴味， 配上綠茶味道好夾。 🔸香桃富士梳打 ～ 香甜的味道，又清爽。 整體不錯，可以一試。 🏷️溫馨提示～ 整個用餐體驗均屬個人分享意見， 只作參考😊。

平時好少過嚟沙田呢一邊，行行吓商場見到呢一間餐廳啲嘢食好似好吸引，係日式x西式fusion菜，仲座無虛席，排咗好耐隊都要試吓😆餐廳嘅環境好舒適，木系日式裝修又別有一番風味，野食都好好味，值得下次再黎幫襯🤤🌕 汁燒鰻魚迷你丼餐呢份迷你丼餐真係好豐富，包左汁燒鰻魚丼、巴瑪火腿野菜沙律、火灸帆立貝梅子冷麵、七味炸雞軟骨粒、壽司简同蛋糕仔甜品，樣樣都好精緻好好食！最鍾意係佢個鰻魚丼同埋冷面，配料好新鮮調味亦都啱啱好，一次過滿足幾個滋味願望😂👍🏻🌕 松葉蟹肉甲羅燒意大利飯呢個大利飯就咁聽個名就已經流晒口水，松葉蟹肉好鮮甜，同啲海膽醬一齊撈入啲飯入面令成道餸味道更加香濃，食得出師傅嘅用心👍🏻🌕 香蔥拖羅蓉牛油果醬壽司塔可呢個壽司塔可好精緻啊，第一次食呢種似手卷又似西式Taco嘅野食，牛油果醬同埋香蔥拖羅蓉比炸到超脆嘅紫菜天婦羅夾住，令味道同口感都多咗幾個層次🥰好想試晒佢咁多款壽司Taco👍🏻📍 QUE沙田沙田正街18號新城市廣場一期1樓126號舖🧧人均消費$260@hea4_food

經過好多次，但好多人。今日食過早晚餐唔使等所以入咗嚟。叫了2人晚餐，頭盤脆炸單骨雞翼配明太子醬，有八件，日本嘅炸嘢真係冇得輸，個炸醬非常脆，配明太子醬好夾。仲有羽衣甘藍沙律，配乳酪柚子汁，果汁真係好驚喜，調得好好，爭啲我自己食晒成個沙律。主菜我叫了香蔥拖羅溫泉蛋丼，拖羅好新鮮。朋友叫了汁燒鰻魚意大利飯丼，朋友話醬汁太多令到啲飯唔好食冇食到，淨係食晒條鰻魚，朋友追加軟殼蟹壽司塔，都係啦日本人炸野有冇得輸所以朋友食晒。整體感覺服務態度好，環境舒服，應該會再幫襯。

呢間沙田新開 日式同西式融合的餐廳🔖軟彀蟹意粉HKD198🌕🌕🌕🌕🌗有一大舊軟彀蟹 我同朋友share一人一半都夠食最驚蕃茄意粉會酸 但呢間整嘅蕃茄意粉個汁調得剛好 唔會太酸🔖煙三文魚班尼迪蛋 HKD118🌕🌕🌕🌕🌘唔好以為淨係朝早先可以食到早餐啊依家啲餐牌有All day breakfasts想幾時叫做食早餐都得啊🤣佢個荷蘭卻醬調得好濃滑 夠晒Creamy蛋黃流心粘稠度都啱啱好配搭fresh fresh嘅沙律菜 加柚子汁非常之開胃！

行行吓新城市發現新開咗間日本餐廳，見到門口放住一個甜品櫃，已經吸引到愛食甜品嘅我想入去試吓🥰即刻叫咗個京都宇治抹茶蛋糕😋 好可愛呀仲連埋個mini抹茶雪糕加cone 上😍入面有紅豆、柚子麻糬，抹茶味夠香，口感豐富，食落唔會太甜，非常高質👍🏻另外亦叫咗京都宇治抹茶芭菲😆（係呀，我真係抹茶嘅fans🤤）最鍾意佢嘅抹茶醬，倒落白朱古力上面，睇住啲朱古力慢慢溶化，好打卡able🤣 整體口感都豐富，但略為甜咗少少另外叫咗個甲羅燒意大利飯😝係一個好新鮮嘅配搭☺️ 無諗過個飯嘅分量咁足料，仲要每一粒飯都沾滿咗海膽忌廉汁🤤 甲羅燒同個risotto 好夾🫶🏻 仲加咗一小碟嘅魚仔同埋核桃，甜甜地，令個配搭又豐富咗😚另一個令我驚豔嘅就係依個辣味帆立貝壽司塔可！天婦羅紫菜好鬆脆，中間夾住新鮮嘅沙律菜，再加炙燒帆立貝係面😋 成件事好fresh🥰下次一定會同朋友再試吓其他菜式😚

今日同朋友經開沙田市廣場難得一見新開既日式餐廳即係入去試試佢先 由於本人岩岩病好 而朋友又有三高問題 我地就冇叫到set dinner, 而係單點叫菜 不過佢地個set dinner 為起都唔使$600, 真係好抵食🥹🥹我地叫左一個前菜係火炙吞拿魚沙律（$128）味道認真唔錯👍🏻之後上左兩個卷物，分別係四色三文魚卷（$108）同芝士忌廉鰻魚卷（$92）冇估到，平時都食得唔少好嘢既我，竟然俾佢呢個鰻魚卷俘虜咗😆😆我真係有種感覺返咗去日本呀🇯🇵最後上埋個月見燒牛肉意大利飯丼（$168）整晚都係味蕾滿足的一晚呢😝😝大推呢間比大家呀🙌🏻🙌🏻

👩🏻‍💻辛勞工作咗一日😮‍💨放工梗係要食好啲啦🥳今晚揀咗呢間餐廳唔單止環境舒服👍食物賣相仲好靚又好食添📷💯👫佢哋個menu勁多野揀😍我哋呢樣又想食🤤嗰樣又想食🤤所以最後我哋就係揀咗個豐富嘅二人套餐嚕🥳🍴Dinner Set for Two 晚市二人套餐 ▫️小食：🍟炸薯條配煙肉、京葱絲、木魚絲及日式芥末醬🌈賣相已經好靚💯薯條炸🉐️超脆卜卜🔥上面仲鋪滿京葱絲同埋木魚絲好惹味🤤配埋芥未醬好夾🥳▫️沙律：🦪北海道帆立貝羽衣甘藍沙律🌈呢個沙律入面🈶️好多帆立貝😍裡面仲有牛油果🥑番茄🍅合桃🌰中東米🥢配咗乳酪柚子汁🍯好醒胃🥳▫️主菜🍣三色魚生丼🌈呢個三色魚生丼超新鮮又豐富💯🈶️三文魚🍣油甘魚🐟同埋赤蝦🦐油甘魚肥美又厚身🤤我勁鍾意❤️🐟汁燒鰻魚意大利飯丼🌈肥美嘅汁燒鰻魚下面原來係creamy嘅意大利飯😍未試過食鰻魚飯啲飯係意大利飯😍配埋肥美嘅鰻魚🐟呢個超有驚喜❤️真係夠晒特別呀🥳▫️甜品🍮靜岡縣紅茶芭菲🌈呢個甜品賣相超靚😍除咗啱曬打卡之外📷仲要係好味道添👍芭菲杯會另外比你一杯熱紅茶汁茶☕️食之前將佢倒入白朱古力殼裡面🔥熱溶之後紅茶溉汁會慢慢流入杯入面😍咁就可以連杯裡面嘅蜜餞豆、麻糬同埋雪糕一齊食💯正呀喂🥳🥳▫️追加：軟殼

係沙田行街 行到肚餓 見到呢間裝修幾靚 又貓貓擺設嘅嘢都幾得意 於是乎就決定去試下呢間餐廳嗌咗個 松葉蟹肉意大利飯 嘩！完全感受到個種誠意係到呀意大利飯嘅汁好濃郁 一啲都唔烯可以食到有啲似係日本食甲羅燒既個種味道😋完全係可以encore!!🥳🥳

舊年12月先進軍新城市廣場既que由tirpse既日籍得獎餅廚rin horiuchi主理，主打特色壽司塔可、日式丼飯、甜品。店內走日式園林風格，並以植物裝飾作點綴，閨蜜仲俾隻像真度太高既貓貓嚇親。𖦹 三文魚迷你親子丼餐 $238﹆ 三文魚親子丼 ﹆ 松葉蟹肉蟹籽沙律﹆ 火炙帆立貝梅子冷麵﹆ 炸咖哩三文魚皮﹆ 甜蝦蓉黑松露壽司筒 ﹆ 精選甜品：蜜瓜卷蛋眼睛被呢個可愛、顏值爆表嘅set吸引到就決定試下了。丼飯嘅魚籽、刺身皆新鮮肥美；梅子冷麵嘅紫蘇葉味突出，格外清新；成個雪糕咁嘅壽司筒望落靚但食落麻麻，雪糕筒已經腍曬；最驚喜係炸咖哩三文魚皮，極脆而毫不油膩。𖦹 松葉蟹肉甲羅燒意大利飯 配 蟹籽及海膽忌廉汁 ＄198飯粒呈金黃色、 入口富嚼勁，帶有濃郁海膽醬味。蟹蓋裝住蟹膏、松葉蟹肉、蟹籽，食落口簡直有萬蟹奔騰嘅感覺。𖦹 香蔥拖羅蓉牛油果醬壽司塔可 $68呢件外型獨特嘅壽司外有香脆嘅天婦羅海苔，內有香蔥拖羅蓉、牛油果醬、日本珍珠醋飯，糅合了日本壽司與墨西哥taco既元素，創意無限。𖦹 時令白身魚薄切配青蘋果芥末汁 $158白身魚肉質清爽，以青蘋果芥末汁提味更顯魚味鮮甜。𖦹 香桃富士梳打 $5

去文化博物館睇哥哥展之前，同朋友去咗沙田新城市廣場食QUE😋叫咗🦀松葉蟹甲羅燒Risotto 配蟹子及海膽忌廉汁，同埋 🍳軟殼蟹Benedict✨🦀松葉蟹甲羅燒Risotto：松葉蟹蟹肉加上殼內蟹膏 味道鮮甜 混合海膽忌廉汁risotto 一齊食 味道很有層次 但味道上海膽味道較濃厚但不膩口🍳 軟殼蟹Benedict✨：軟殼蟹及水波蛋分布有趣，兩塊軟殼蟹於同一塊切片牛角包上面，而水波蛋則自己一隻放置於另一塊切片牛角包上面，兩者都有蕃茄莎莎及柚子荷蘭汁做夾心醬。軟殼蟹脆口鮮味，配上夾心醬及旁邊嘅沙律菜味道開胃👍🏻

小編今日來到沙田一間咖啡店「QUE CAFÉ」，人氣日式洋食屋主打西式fusion菜式，魚生丼飯、沙律🥗、意大利粉🍝和招牌盒子甜品等🍵 餐廳環境採用天然木材色調和柔和的燈光，放置自然綠色植物🪴 同時有不少貓咪的擺設🐱令客人有如置身於日式庭園的感覺，感覺舒適悠閑，趁週末或假期來這裡chill下😊招牌「京都宇治抹茶蛋糕」外型超治療🍵💮可愛的正方形蛋糕打卡一流📸 ，一切開是海綿蛋糕和紅豆抹茶麻糬蓉🫘🍵 而且滲出柚子清新香氣又解膩，拌上香濃抹茶粉和小甜筒🍦抹茶控一家要來試試💚「朱古力甜筒」倒轉的朱古力甜筒帶有另一番藝術美學🤎 朱古力雪糕拌上焦糖脆片、餅乾🍪，和方塊朱古力蛋糕，口感層次豐富，倒上朱古力汁味道更加香甜🍫 「松葉蟹肉甲羅燒意大利飯」🦀 蟹蓋上舖滿松葉蟹肉和蟹籽，金黃色的海膽忌廉汁沾在粒粒米飯上🧡 意大利飯夠煙韌，拌上甲羅燒更香濃，一啖米飯配蟹肉、蟹籽和蟹膏醬，鮮肉鮮味在口中大爆發😍🍽 ：京都宇治抹茶蛋糕；朱古力甜筒；松葉蟹肉甲羅燒意大利飯👅好味指數：7.75/10；7.75/10；7.75/10💰消費：HK$68；HK$78；HK$198📍 地址：QUE (新城市廣場) (沙田)沙田

走日系風，有日西式菜。未夠七點，已經見到開始有人流排隊等位。坐吧枱，望住師傅切剌身都係另一種風味。兩個人食，因為本身唔係太肚餓嘅關係，叫了一個海膽卡邦尼意粉$188 ，賣相唔錯，海膽味道挺新鮮。意粉份量適中，而且味道好creamy，軟硬適中。唯獨海膽比較少，只有兩小舊。唔多抵食。壽司塔可，天婦羅紫菜裏面包着飯和餡料。名稱很特別。食落很有趣，賣相一流。但唯獨拎起上手食嘅時候，因不是全個包裹着飯，吃的時候有點論盡。軟殼蟹壽司塔可$72，醬汁是甜酸，並有少少辣的感覺。味道很豐富。香蔥拖羅蓉牛油果醬壽司塔可$68，拖羅整成茸，但依家係好新鮮。感覺不錯。

年初三去到沙田就一定冇乜位食飯啦 周圍都係人都不外乎呢間 望左下餐牌有意粉同日式丼飯好似都ok咁 等左20幾分鐘就入到去🫢但係叫店員嘅話就等勁耐…雖然都體諒好多客佢哋好忙 不過全程就係見到D經理好忙咁騰來騰去 但係其他人就聚埋一齊傾計😅講返餐牌 可惜個日冇lunch set 但係由前菜到甜品都算多選擇 見佢壽司塔可好似幾正咁不過唔知點分好 我地就嗌左幾個主食同甜品🍣香蔥拖羅蓉溫泉蛋丼💰148係鰻魚意大利飯同呢個中間猶疑左好耐 最尾都係屈服於托羅蓉 吞拿魚蓉應該係最好味之一嘅魚生蓉😌碗唔大 面頭打左隻未熟嘅溫泉蛋 有pat蝦油cream同好大舊嘅wasabi 我就好唔小心咁連埋wasabi一齊撈 最後就係辣死嘅🫠當然D吞拿魚蓉都唔錯 滑滑地嘅口感加埋溫泉蛋好易入口 撈勻左好似一pat野咁🤣但係整體冇特別出色🍰加賀培茶蛋糕（培茶慕斯、日本梨啫喱）💰68呢間餐廳叫QUE 呢度嘅Qube蛋糕都相當受歡迎 我地係出面雪櫃展櫃就見到有唔同嘅cube型蛋糕 想清新D嘅我地就揀左培茶味 培茶方塊隔離有一舊雪糕cone 下面嘅雪糕唔單止有雲呢拿味 仲有更濃厚嘅牛奶味 呢個雪糕真係唔錯✌🏻入面成分就係培茶