QUE (新城市廣場一期)

營業中

休息中

沙田新開主打創新啲新日式西餐，約朋友一起過來體驗！獨一無二新塔可，Q-ube主打蛋糕，是這間餐廳特色，食物創新，特色食物加一流材料，味覺同視覺享受！黑松露野菌貓耳朵粉好值得推薦，黑松露搭配野菌芝士，味道一流！食咗辣味帆立贝塔可味道真系好惊艳，第一次吃用炸过嘅紫菜包寿司，帆立贝好新鲜值得一试，甜品举荐濃郁朱古力沙冰唔甜表面創新，適合拍照！總結用餐體驗，食物材料新鮮，味道一流有創意，有營造出一種異國風味的完全融合！

平時好少去沙田行街，到食飯時間經過呢間QUE俾佢個名同裝修吸引左就入去試下，一坐低梗係叫杯野飲下啦，佢哋有好多特色嘅飲品最後揀咗 石榴泡泡綠茶同粟國鹽焦糖鮮奶咖啡， 一句講曬有外形有內涵，之後揀野食， 先黎叫左鹽燒吞魚牛油果醬Taco同鹽燒帆立貝Taco，味道好食塊紫菜炸得非常脆，一口咬落去口感豐富有層次(必試)，再叫左個炸薯條同酥炸廣島蠔，個薯條居然係加左煙肉，木魚，紫菜重有D日式燒汁同wasabi沙律醬，完全估唔倒係咁好食，炸蠔個粉漿唔厚入面非常juicy 有蠔味，主菜叫左松葉蟹肉甲羅燒意大利飯，蟹膏蟹肉同意大利飯一齊食鮮味十足(推介)，最後叫左2款甜品， 靜岡縣紅茶芭菲同京都宇冶抹茶蛋糕，芭菲個紅茶醬味道濃沃，用白朱古力更能帶出紅茶味道， 抹茶蛋糕裏面一層層夾心，有梨蓉，蛋糕同抹茶mousse非常有特色，兩款甜品都唔會太甜值得一讚，整體食物質素非常好，員工嘅態度都非常nice亦會主動介紹食物同飲品，令我食左一餐愉快嘅晚餐。

星期日放假帶仔仔去新城市廣場Kiztopia 玩，發現原來沙田都開左之前係東涌食過既QUE，玩完之後就入左去食少少野 hea 下。沙田店對比東涌店較細，座位無東涌咁舒適。食物方面水準同東涌一樣，我地點左份炸雞軟骨同埋軟殼蟹 Benedict，隻蛋熟度做得剛剛好，配埋牛角包幾好食 本身食完諗住試埋甜品，見隔離枱甜品賣相幾靚，唔知味道如何，但因為仔仔扭計，所以唯有下次再試不過依度係無 bb 椅，帶小朋友黎就需留意啦

今天約了朋友在沙田午餐，原來先前在東涌食過的 Que Cafe 在新城市都開了，先前食過有信心，所以朋友都沒問題。自己先前在東涌食過的甲羅燒配意大利飯好好食，所以介紹了給朋友，朋友食過都好滿意，總算冇介紹錯，我就點了明太子意粉，鹹鹹香香的明太子，調味剛好，意粉充分吸收了醬汁和明太子鮮甜的味道，融和感十足，令人食指大動，另外叫了小食北海道蟹肉薯仔球，酥脆鬆化的炸皮，包裏著軟綿綿的薯蓉，好好味，我和朋友都話要 encore 再來多份，滿足飽飽的午餐。

新年都就完🦭肥豹係時候要開下人地年🧧新城市呢間新開cafe性價比低都算😊啲服務真係超級有問題🤯🦭直接一句：「如果大家睇過麥兜既話，佢就係個啲要乜無乜既餐廳」。今次肥豹試左🦭1. 軟殼蟹班尼迪蛋​本來仲諗住係兩塊包上面，各自都有蛋同蟹啦😅點知佢係蛋跟一塊包、軟殼蟹另一塊包😫先唔講味道，隻水波蛋上黎既時候已經穿左🤯蟹就唔使講自然係乾身，塊包都係涷既。咁樣就要$128👏🏻少少誠意都無，講黎曬氣🔥2. 黑松露貓耳朵粉你無睇錯呀，呢個係貓耳朵粉呀😂直話直說，其實味道上個粉還可以，幾creamy🦭不過點解會係咁長既長通粉呢❓事源肥豹本身落單就落貓耳朵粉既，然後一上菜既時候變左長過手指既長通粉。於是肥豹走去問侍應係咪上錯❓跟住佢先答我無曬貓耳朵粉🔥❗❓火都黎，你唔識一開始講架咩❓跟住話轉餐啦，問佢有冇全日早餐又話冇，明太子意粉又話賣曬🔥🔥🔥QUE我想問你係咪做生意架❓焗個客食唔想食既野，仲要收我加一服務費❓邊到有服務❓豹言豹語:​好耐都冇食過比人禁住黎搶既餐廳🔥食到成肚火🤯

香港➰沙田睇戲前係新城市搵野食 見到呢間新開既餐廳 就試試佢裝修都偏向日本風 🙈 裏面都有幾隻貓貓作為裝飾🐱食物質素方面都覺得試一次就夠了🙈 壽司塔可岩曬打卡用 但食落就有d狼狽🤣 咬一啖之後d料就會係後面吱出黎🤣 係有新鮮感 但味道一般🙈 另外甲羅燒意大利飯 食落比較膩 MY食左2-3啖就放棄了😮‍💨🙋🏻‍♀️🙋🏼‍♀️睇下我地今日點左咩食🍽️＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊▶️ 辣味帆立貝壽司塔可 💸$82▶️ 辣味三文魚壽司塔可 💸$72▶️ 加洲卷 💸$68▶️ 松葉蟹肉甲羅燒意大利飯 💸$198＊﹉◇﹊◆﹉＊﹊◇﹊◆﹉＊＊﹉◆﹊◇◇﹉＊————————————————————————JMY.FOOD大家可以去比個like同follow埋我地嫁🥰————————————————————————J MY FOOD指數♥️🌤 環境:4/5🤵🏻 服務: 3.8/5🍼 味道: 3.5/5👣 推薦: 🙆🏻‍♀️🙆🏻‍♀️🙆🏻‍♀️/5

通常唔好食嘅吉列蠔🦪面個層炸粉會又硬又乾, 但係呢個外層好鬆脆😋同埋係好juicy, 肉質夠鮮甜, 一咬落去d汁噴左出黎仲焫親條脷Tim🤣賣相: ⭐️⭐️⭐️味道: ⭐️⭐️⭐️⭐️⭐️價錢: ⭐️⭐️⭐️⭐️所謂嘅Taco 就係墨西哥脆餅做, 但用壽司做taco我係第一次食嘅~而佢塊紫菜天婦羅咗. 相機食完都仲係好脆, 唔會林咗靭咗, 不過食個時就好狼狽, 一路食一路跌哂出黎, 份量都較為細賣相: ⭐️⭐️⭐️味道: ⭐️⭐️⭐️⭐️價錢: ⭐️⭐️蟹膏甲羅蟹海膽汁意大利飯蟹蓋內有蟹膏, 蟹籽, 蟹柳同蟹肉全部都係蟹🦀撈埋飯一齊食都食到好鮮甜嘅蟹味👍🏻海膽汁個味唔算突出, 飯嘅軟硬度適中賣相: ⭐️⭐️⭐️⭐️味道: ⭐️⭐️⭐️⭐️價錢: ⭐️⭐️⭐️整體黎講都係唔差嘅~價錢會偏貴d💰最值得推介就係個吉列蠔👍🏻真心要俾讚

等位時 見好多人排隊 又見新餐廳 ，所以試下叫了意粉同軟殼蟹牛角包🥐。意粉🍝都好快到。但難食。軟殼蟹等左25分鐘炸到好乾，牛角包又林無口感。又貴。不值一試，除非你想浪費時間。

見到新城市又新開間新嘅西日fusion cafe，身為foodie嘅我當然義不容辭要去試吓啦～👎👎👎吉列黑豚漢堡 $128好耐都未食過一啲咬完一啖就想放棄嘅食物，首先個漢堡本身冇汁，而個吉列黑豚更係又乾又hi，M記都真係好食啲；唯一安慰係佢$128係送薯條，但薯條本身都未炸到好出色明太子意粉配北海道三文魚籽及紫菜 $138E個味道係好嘅，夠creamy，但份量係用叉捲四次就會食完❤️軟殼蟹班尼迪蛋配蕃茄莎莎牛角包$138唯一覺得又靚又好食嘅菜式，軟殼蟹炸得夠脆有兩舊，牛角包佢係壓扁咗方便上面鋪滿番茄莎莎粒，醬汁超開胃，加埋流心溫泉蛋，做得都唔錯炸薯條配煙肉、京蔥絲、木魚絲及日式芥末醬 $68你問我點解一餐有咁多薯條，係因為冇預計漢堡送薯條😂但講真呢份小食都唔平，質素都係正常薯條，只係加咗其他嘢調味會好食過就咁點蕃茄醬總結：除咗軟殼蟹牛角包做得比較好之外，漢堡真係留下左心理陰影，可能話叫牛肉會好啲，但可惜母親大人唔食得牛肉🙈其他野只可話正常發揮冇乜特別，日本菜個邊嘅刺身望隔籬枱都幾靚，如果大家想試強烈建議都係食日本菜，而我因為今次體驗都未必會再去地址：沙田正街18號新城市廣場一期1樓126

最近發現新城市廣場新開了一間日/西式fusion Café，木系柔和色調嘅裝潢好吸晴，門口仲有可愛貓兒向我招手😻🐾🔶️松葉蟹肉甲羅燒意大利飯🦀賣相超吸引嘅signature菜式，蟹蓋上盛滿松葉蟹肉和蟹籽，加上滿滿奶油香海膽忌廉汁，一併拌落飯食好creamy好鮮甜，和朋友share就不會怕膩啦😋🔶️Sushi Taco🍙賣相好有創意，紫菜先用炸粉去炸所以超級香脆，再包住飯同配料，一口咬落去外脆內軟好有層次感; 另以一個紙托盛住食，包裝得體又方便貼心，必食之選🤩🔹️香蔥拖羅蓉牛油果醬壽司taco🔹️辣味帆立貝壽司taco🔶️擋不住的Dessert🍮🔹️Q-san京都宇治抹茶蛋糕~日本紅豆、柚子麻糬🔹️Q-dream雲呢拿蛋糕~草莓啫喱、白朱古力慕絲一個正立方體蛋糕造型超可愛，2款口味也不太甜，中間各夾雜其他配料，食落好有層次感，超美味💋

𠵱嚿海膽塔可🍣好貴，幾啖嘢$158，但不得不服，海膽好大嚿，好厚肉，新鮮軟滑，配合微酸青瓜🥒片同沙律菜 竟然有啲西洋風味。天婦羅紫菜畫龍點睛🐉，香脆可口，聖誕🎄食好啲啦，right? 嗌多個炸廣島蠔，肥美多汁，外脆內軟，香口得嚟唔油膩，熱🔥辣辣（$108/4件），美中不足係個檸檬蛋黃醬有啲太酸，成個人醒晒 。最後嗌返個加州卷頂肚😂（$68）又幾好食喎，飯團揑得夠實唔會一夾就散，材料都俾得足，填滿個壽司卷，夠飽。聖誕🧑‍🎄食新餐廳🍴，估唔到有小驚喜🥰