QUE (新城市廣場一期)

今次係QUE食左個lunch set好驚喜。叫咗個松葉蟹肉蟹膏忌廉汁意大利飯，真係超好食。一上枱就feel到好足料，入面蟹肉蟹膏三文魚子堆到滿瀉，仲有黃色菊花瓣點綴，好靚好有和風feel。米煮到creamy但粒粒仍然彈牙，忌廉汁下得啱啱好，唔會太濃太杰，仲滲咗蟹湯鮮味。蟹肉厚身又甜，蟹膏濃郁順滑，三文魚子一咬爆開即刻加分，一啖飯撈埋蟹肉蟹膏食，真心滿足。套餐仲包埋沙律同飲品，咁樣一set真係好夠食唔膩。環境光猛寬敞，坐得舒服，服務員好有禮貌又快手。食完好飽足又滿足，下次會想試埋其他野食…查看更多

沙田新城市有好多餐廳，今日同朋友嚟到地下呢一間西日fusion菜嘅Cafe，其實佢開咗好多分店，同埋開咗好耐，但係今次係我第一次試。晚市二人餐($498)前菜-粟米湯正常普通粟米湯，好多粟米粒前菜-軟殼蟹壽司塔可，辣味三文魚壽司塔可+$38有兩件，塔可係呢一間餐廳其中嘅主打，佢哋最外面嘅紫菜天婦羅好脆，軟殼蟹同辣味三文魚嘅份量超級多，配搭埋佢哋獨有嘅醬汁，同埋入面嘅青瓜同蕃茄，成件事好fresh同埋好好食，推薦！主菜-US牛小排壽喜燒手打烏冬都幾大碗，壽喜燒湯底唔會太鹹，啱啱好，手打烏冬係偏幼身嘅，咬落去都幾彈牙，牛小排份量都幾多主菜-蒜香柚子胡椒蜆肉意粉柚子胡椒味好突出，蜆肉份量都好多，意粉唔會太乾身，有啲類似蒜油意粉，幾好食甜品-朱古力甜筒/雲呢拿甜筒唔好睇佢哋只係普通嘅雪糕，佢哋配搭嘅醬汁加埋雪糕係超好食，而且佢哋個cone 都同出邊唔一樣，好脆，仲有少少奶味，好正呢個二人套餐超多嘢食，超豐富，五百蚊左右真係幾抵，仲要每人有一杯餐茶，食到好飽，整體上都味道唔錯。…查看更多

去沙田新城市廣場吃午餐，本來想吃正宗西餐，路經QUE時店長很禮貌的向客人推介是日午餐，我見到都幾吸引，但係都係想多行兩間。位於元朗YOHO的QUE我都光顧過幾次，因為朋友會帶他的寵物出來，一間動物友善餐廳。最後都係選了QUE，店長推介的「烤法國鴿腿辣肉腸十勝粟米意大利飯」 （$168）鴿腿小巧放於意大利飯上，看上去好精緻，味道果然不錯，肉質鹹香滑滑的很不錯又有辣肉腸添味，十勝粟米一貫的軟糯香甜配上茄汁意大利飯整個出品不錯，下次可以再吃。「燒帆立貝明太子寬扁面配墨魚忌廉汁」 （$148）顏色非常吸引，烏卒卒的寬扁面口感不錯，軟硬適中，吸收咗墨魚忌廉汁非常好味，燒帆立貝質感味道都非常好，加上惹味的明太子，顏色配搭對視覺有點衝擊😂。日式西餐總吸引一點衝擊一點溫柔的感覺。…查看更多

環境唔錯✨價位合適💕重點係餐品好睇又好味！！🦐海鹽炸北海道甜蝦蓮藕脆片好鐘意食蝦同藕片搭配口感脆卜卜，好惹味！🌮長腳蟹棒牛油果蟹籽壽司塔可呢道日式漢堡好有創意，海苔夠脆唔會淋餡料仲有魚子醬，口感豐富👍🍛牛骨髓西班牙辣肉腸意大利飯創意菜好驚艷，牛骨髓香濃軟糯搭配酸辣米飯，真係食到停唔到口✨🍰蓮霧藍莓拿破崙蛋糕拿破崙酥脆可口，配埋新鮮生果清爽又好食～🍍菠蘿青瓜迷迭香氣泡飲飲品好睇又好飲！清清爽爽🍃…查看更多

Que(沙田)星期五晚上同朋友食飯，5點Book7點半都仲有枱，只留5分鐘，入到去坐全場最後一張剩下的大門口三人枱。點了二人晚餐包括：香蔥拖羅蓉牛油果醬壽司塔可、鰻魚玉子壽司塔可、黑松露野菌貓耳朵粉（推介）、意大利飯，甜品選了QUE抹茶提拉米蘇盒子、拿破崙蛋糕、菠蘿特調。限時75分鐘，最後坐左2個鐘，埋單$630，算係甘啦。…查看更多

28/5/2025📍QUE呢間餐廳又有日式又有西式嘅野食 幾啱成班朋友嚟gathering 實有啱食嘅野☺️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨長腳蟹棒牛油果蟹籽壽司taco（$72）將壽司紫菜炸過 整成taco嘅形狀 入面塞滿壽司飯、牛油果、蟹棒、玉子、蟹籽其實就係手卷嘅變奏版😂不過食起上嚟就會好論盡 因為啲餡好易跌味道係可以想像嘅好食 甜甜哋咁不過會激死日本人同墨西哥人🤣✨辣味三文魚壽司taco（$68）都係想像到嘅辣味三文魚嘅味 幾好食😋不過分量少咗啲 幾啖就食完✨日式南蠻蟹肉忌廉薯餅（$68）有三嚿薯餅 新鮮炸起熱辣辣 外脆內軟食得出蟹肉嘅鮮味 加埋忌廉就夠曬鮮甜配南蠻醬好好食😋✨北海道牛油帶子意粉配海苔忌廉汁（$158）先講佢個汁 第一次食到加咗紫菜煮嘅忌廉汁 原來紫菜同牛油嘅味係咁夾😍個汁都幾杰身 所以勁掛汁 每啖意粉都食到濃濃嘅紫菜味🤩帶子幾大粒 索晒啲牛油味 面頭有啲芝士碎🧀融融哋仲會拉絲添⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$363（連加一）幾樣野食都幾好食😋不過好似有啲貴咁解啫推薦指數🌟：4/5📍沙田沙田正街18-19號新城市廣場一期1樓126號舖…查看更多

今天隨便到沙田第一城逛逛，第一次進了洋和料理，意外的是服務比想像中體貼，會自動替我們添加暖水。套餐選擇多，食物美味，擺盤亦有心思，服務有禮貌，送餐亦用心，值得抽空寫這篇食評，以之鼓勵！…查看更多

店員服務超棒！在OpenRice訂位時有備註是生日，結果到現場沒特別提醒，但甜點送上來時，盤子上寫了「Happy Birthday」還有蠟燭，超有心的！食物跟甜點都好好吃，真的很滿意這次用餐體驗！…查看更多

聽聞新城市廣場一期開咗間將日料同西餐玩出新花樣嘅餐廳「QUE」即刻約埋朋友去試新野🔥成間餐廳裝修走簡約摩登風，打卡位唔少📸總體感覺味道唔錯，屬於食完唔會後悔但又未必會心心念念想再嚟嘅類型..🤔【日式香鬆炸薯條 x 黑松露蛋黃醬🍟】薯條熱辣辣出爐，咬落去卜卜脆！灑上日式香鬆已經好惹味~但靈魂位一定係個黑松露蛋黃醬🥰將薯條蘸多兩啖濃郁黑松露，口感即刻昇華一陣間就清碟💕【🦀長腳蟹棒牛油果蟹籽Taco🌮】紫菜包住綿滑牛油果泥🥑鮮甜長腳蟹棒，仲有爆開嘅蟹籽日式壽司飯粒粒分明🍣鹹香鮮味一齊衝上味蕾 幾過癮✨【🦀軟殼蟹壽司Taco🌮】第一次食天婦羅軟殼蟹🍤口感好新奇外層炸到金黃酥脆，咬落去軟殼蟹肉鮮嫩多汁夾埋清甜洋蔥🧅食落去唔會油膩，反而好清新，fusion 得幾有心思👍【北海道牛油帶子寬扁麵 x 海膽忌廉汁🐚】寬扁面掛滿濃稠海膽忌廉汁，每啖都充滿濃郁嘅鮮香🌊北海道帶子煎到外層微焦中心軟嫩得好似溏心蛋咁，鮮味爆發😋【抹茶雪糕黑豆乳奶凍🍵 x 紅豆糯米糰🍡】抹茶雪糕苦中帶甘、黑豆乳奶凍豆香濃郁口感滑捋捋、紅豆糯米團煙韌甜糯🍡三種味道搭埋一齊好有層次感~🌟…查看更多

好少可出沙田今日做完嘢係商場行左好耐諗食咩 最後喺門口睇Menu揀中左呢間點知就係咁中左伏 月見燒牛肉意大利飯：俾個menu fake哂 完全係圖片只供參考黎到啲牛比較厚 又太熟了 好靱 完全唔好食🥲飯底正常發揮 無特別 抹茶豆腐沙冰：佢寫到明係沙冰 沙冰喎🥲🥲我飲落 全部都係碎冰粒味道係正常 但每一啖都係碎冰難飲🥲呢個價錢 呢個質素 不了員工態度不錯的 斯斯文文同埋環境不錯 坐得幾舒服但今次叫兩樣嘢 兩樣嘢都唔好食唔會有信心再黎試下次 …查看更多

星期四2：30去新城市找寵物友善餐廳， 見話Que 是寵物餐廳， 便去問下入唔入得。個門口男侍應話可以， 叫我們等陣， 因寵物坐位剛被人坐了， 要等。其後居然話狗隻要放餐廳外圍白色部份， 主人坐入面， 是否有問題？！ 。。咁叫友善寵物餐廳。狗要放出面， 仲要遠一遠。個男經理侍應話間間餐廳都係咁啦。態度非常有問題。即走， 唔會幫襯，咁叫友善寵物餐廳。 傻的嗎？…查看更多

今日嚟再食佢個下午茶🫖叫咗三個tea set 餐，叫咗一個沙律🥗，吉列豚肉三文治同埋一件鰻魚壽司塔😋個套餐已經包咗咖啡或茶，如果要一啲特別嘅飲品可以再加錢。個沙律係正常發揮，而我覺得個吉列豚肉三文治都幾好食，但係一定要趁熱食，因為如果凍咗就比較油膩。另外最值得欣賞嘅就一定係佢嗰個鰻魚壽司塔，其實佢仲有幾款揀嘅，但係我哋揀咗鰻魚，個紫菜係脆嘅，夾埋落去嗰個鰻魚度同埋啲壽司飯好惹味，亦都好清新， 10分推介。😋下午茶餐我覺得幾抵食，人均加埋每人大約$100到，已經第二次嚟，特別一提，佢安排咗一個比較可以傾偈嘅位俾我哋，比較靜嘅位，我哋可以慢慢慢傾，亦都冇時間限制，整體環境舒適，坐得舒服☺️…查看更多

超級難食又貴，三條友食咗差唔多$900。我呢個價錢去食放題唔好？個意粉係可以完全冇味，好似滾水淥出嚟咁。個魚生飯多水到以為啲魚仲喺海入面游緊，超級無敵軟爛啲魚肉😅😅 $300嘅豬肉得四片，係咪鑲金🙏🏻個抹茶飲落去，成個青瓜汁咁嘅味道，剩係得個甜字一啲抹茶味都冇。服務又係明明聽到都唔理你。已經Blacklist咗，有緣人見到可以慳返啲錢唔使試。下次試新餐廳之前都會睇吓OpenRice啲評論。所以點解寫夠200字先至可以俾呢間餐廳一個負評。…查看更多

年初七人日約咗朋友喺沙田新城市廣場，行下經過見到一間門口幾特別嘅日式餐廳，睇到有午市套餐咁就入去試下，午市時段都坐滿七至八成，感覺氣氛好好！見到週圍都有好多貓貓嘅擺設都幾特別餐廳裏面有個open kitchen嘅壽司吧，感覺好開揚，食物方面嗌咗個午市套餐1: 南瓜忌廉湯飲落好細滑重南瓜味2：角切魚生丼飯 $148有好多唔同切成細粒嘅魚生放面成個擺設好吸引，食落去魚生新鮮，唯獨是沒有炸天婦羅order，如果唔係就配搭一絕3：雞扒海苔意大利飯 $158另一個係午市套餐嘅雞扒海苔意大利飯！雞扒都幾大塊意大利飯都好煙煙靭勒，煎焗得好香，加上有海苔汁嘅配襯味道好有新鮮感！如果可以加煎蛋又或者做到蛋包飯嘅效果就無敵！純熟個人建議餐飲叫咗杯凍檸檬茶，最初以為係普普通通嘅一杯檸檬茶原來有點驚喜，起初覺得味道怪怪哋同平時西餐廳嘅檸檬茶有點而不同，再飲落去越飲越好味最尾忍唔住問員工呢樣係咩嘅檸檬茶，員工友善地答返我係話紅茶加咗（xx茶）而製成，難怪會有一陣陣清香茶味輕微帶出總括嚟講今次嘅用餐體驗感覺好好，員工服務週到有禮殷勤，會有機會再約朋友過嚟一齊食飯！…查看更多

假期食飯時段 成個新城市都好多人等位食飯見到依間餐廳外觀幾靚又唔使等位入座所以就決定食佢啦日本裝修 都好精緻座椅都坐得舒服地方寬敞由於唔太肚餓，所以就每樣都食少少咁蒜香柚子胡椒蜆肉意粉一上菜個外觀已經唔吸引只係見到底部啲汁係一啲好稀嘅水食落口已經非常之淡味有少少的胡椒味蜆肉數量普通都唔會有沙嘅櫻花城 外表好靚呀打卡一流迷你吞拿魚丼 火炙三文魚明太子沙律份量正常食物一般魚生冇特別有鮮甜的味道沙律菜正常八爪魚冷烏冬個冷烏冬，雖然係有顏色但其實係冇味㗎 同白烚烏冬一樣黑松露吉列芝士蠔係最正常的但其實都炸得偏燶黑松露蟹籽壽司筒係幾特別嘅有個雪糕同包住啲飯但冇話特別好食 淡淡的黑松露味配埋個雪糕同少少甜味有啲唔係好夾紅茶焦糖燉蛋冇咩紅茶味 有啲似朱古力味而且好甜甜到唔太想食整體嚟講好難食，千祈唔好俾外表吸引到終於明白點解每間餐廳都咁多人食，唯獨依家唔使等…查看更多