PURADAK CHICKEN (將軍澳中心)

營業中

休息中

勁難食 極度失望雞係返炸既。乾柴烈火咁。仲要完全無味 食緊over cock 既擦子膠咁年糕又係煮定翻熱既。鞋過阿婆塊面。又硬又鞋。哇難食到極點。完全唔明白點解可以整得咁難食直頭一生人不能承受的難食M記K記女僕炸雞茶記炸髀都好食過佢10倍極不推薦從來冇食過炸雞 食到咁嬲岩岩開張堂食外賣都食過幾次。評分都唔錯完全估唔到，今次會中晒直升機伏伏伏伏伏伏伏伏伏伏伏伏伏伏伏伏伏伏伏x 10,000,000次除非你想考驗自己同家人既EQ如果唔係真係唔好叫依間

第一次去，的確炸雞係好食，服務也ok. 但最近倆個月去過倆次，服務大不如前，成日黑口黑面，問多句，好似成個世界欠左佢！ 身為前線，專業D啦！客人一向消費都希望係物有所值，食物，服務，環境衛生等！ 炸雞是公司命脈，都可以差過KFC, 點搞呀！？ 收錢嗰位反為是最有禮貌的一個。

道地韓國炸雞，道地口味，有超過八個口味可以選擇。餐廳座位寬敞、環境乾淨、地理位置也方便！適合一家大小來吃，也附有手套濕紙巾等必備用品，是一間值得再訪的韓式料理！Puradak 有超過10款炸雞口味，必試新出的魔蒜地獄炸雞，炸雞超過10款口味選擇，包括招牌烤粟米芝士炸雞、秘製黑蒜炸雞、青陽辣椒炸雞等，推介香港店首度登場的魔蒜地獄炸雞，加入地獄級韓式辣醬、韓國炸蒜，辣勁十足又惹味，每款口味均可選有骨或無骨炸雞。

今次食韓式飯卷，好味。之前食過韓式牛肉拌飯、泡菜鍋等等，都好好食。仲有韓式炸雞也好好味！環境乾淨光猛坐得舒服！工作人員有禮貌同細心，之後試過唔小心跌咗筷子落哋下，我仲未開口問，職員留意留即刻換返新筷子俾我。

以這個價錢可以有這個味道已經非常之好！有飯，湯，前菜。雞比起其他都比較好食。我這次只點了原味，味道比較淡，雞翼是蒜蓉味，雞翼味道好香蒜味。後來都要原味加上蒜香味剛剛好

將軍澳新開嘅韓國炸雞店，價錢都幾貴，好似樣樣野都叫唔落手🥲🍗半半炸雞Corn so amazing 炸雞加瘋狂蒜香炸雞，雞比較細隻，所以冇得啖啖肉，味道都ok，粟米雞有粟米又幾好，有啲蔬菜食下🍲魚糕湯份量好多，但冇乜味，好淡，魚蛋魚糕腸仔獅子狗都係同一個味😢失望

同朋友去左食飯..午市有好多唔同嘅定食套餐..但黎到就緊係要試吓聞名既炸雞我地叫左個2樣野食corn-so amazing 炸雞- 外脆內軟 - 香濃粟米味 有啲似粟一燒加左個黑芝波波- 都係脆既 但味道一般

話說將康城都係極沙漠，商場唔多掂，餐廳極少，Supermarket 又食水深咁岩記得之前見到個Post，講將軍澳開左間炸雞界Prada，超巴閉！今日終於經過撞到呢間”名店” PURADAK CHICKEN咁就試試佢個陣8點尾水，想入去坐底食，佢地唔多有禮貌咁講930關門，我都知，阻人收工，天理不容但印象分都冇咩不過某D服務員都有好人，加番少少分不過所有野都係次要，餐廳黎講，食物先係皇道，憑食物素質說話然後就真係講不出聲，失望透首先，叫左個$128既蛋捲，圖片很美，現實就啪啪打臉$123黎講雞蛋份量唔少，本身都幾驚喜如果很好食的話！整體感覺偏淡，雖然中間有少量疑似芝士吊味，但整體普通，後悔點左再者，叫左個炒年糕-甜呢個反而有驚有喜食開韓式年糕，多數是甜中帶辣，但呢個炒年糕一係揀辣，一係揀甜問服務員甜口味會唔會帶辣，佢完全冇反應，算朋友唔可以食太辣，安全起見，只好叫甜然後，很甜不過年炒年糕的表面是脆脆的，令口感上升然而，其他野我都當係陪襯，重點是炸雞吧叫左個半半炸雞，甜辣味+蒜香味，但2個味唔會好大分別，唔會話好 surprise中規中矩韓式炸雞黎講，我都係食番李姓家族好過而呢間，試過便

最近到過首爾望遠市場附近見過PURADAK外賣店，回來後行過將軍澳中心巧遇上香港嘅分店，所以喜出望外，想試吓！今次叫了個蒜香原味有骨嘅炸雞，很滿足，蒜香味濃，雞肉及肶肉及翼也多汁不乾、因為是外賣，包裝嘅紙盒十分型格，而且環保；另外叫了韓牛紫菜包飯和炸芝士，全部味道也都合心意，剛剛雪櫃有啤酒，這個是煲韓劇的黃金配搭哩⋯⋯😊

CORN -SO AMAZING 炸雞(無骨版）炸雞表面沾滿了粟米濃湯粉香香甜甜的十分好吃表面的調味粉很幼滑，不會有結塊卡喉嚨無骨版的炸雞吃起來就是爽至於經典的原味炸雞很鮮嫩多汁，表皮香脆配搭免費的酸蘿蔔，中和了炸雞的油膩芝士雞蛋捲份量超大，表面淋上了蕃茄醬和沙律醬中間夾滿了芝士🧀️，趁熱食時可以拉𢇁

星期五嘅晚上去到將軍澳中心 Puradak Chicken 七點幾嘅時間已經好多人喺度等位💓今晚突然間好想食炸雞，所以就算要等一陣都會等平時行過已經好想食今日終於試到啦😇入到餐廳見到都有好多唔同款式嘅嘢食。但由於真係實在太想食炸雞啦！所以我哋叫咗一大碟炸雞，兩款唔同嘅口味，嚟到嘅時候仲係熱辣辣。啲皮非常脆口！一食就已經食唔停，雖然都有啲熱氣但餐廳有提供檸檬水！飲咗都即刻覺得舒服啲！原來食晒成碟炸雞已經非常飽～其他定食要下次先再試到啦🥰🥰

 員工的服務態度懶懶閑，愛理不理😑叫佢比杯水，兩個客人，但比一杯二人枱的空間太細，若想叫多幾樣食品同時進食，有難道。食物口感，肉質，服務態度和本地很多快餐店跟本冇分別，整體感覺麻麻，試過就算--經典炸雞(有骨)-- $188目測整體份量不小，但最终發現連雞胸位炸完都骨多過肉，真心服了。外皮炸到超乾，微脆，肉質口感更乾，炸到過了火。但有一驚喜位係有炸蝦片藏底😅廣告介紹炸雞一大特色係「先焗後炸」，先以210°C高溫烤焗，一嚟逼出多餘油分，二嚟可以鎖住肉汁。然後再油炸至金黃酥脆，達至皮脆肉嫩，又影容為炸雞界的Prada,個人感覺影容為係炸雞界嘅Baleno比較貼切😉*****Lunch set*****--韓式烤牛肉定食--$88三款韓式前菜，醃製蓮藕，小魚仔，泡菜。紫菜湯，牛肉調味偏甜，拌以洋葱，紅蘿蔔絲，營養均衡，感覺不錯。

韓國過江龍炸雞店，喺韓國係五大必食炸雞店之一，仲因為店名Puradak讀音似Prada，被譽為炸雞界Prada😂▪️秘製黑炸雞▪️韓式甜醬炸雞炸雞份量十足，件件都大大件。表皮就算沾滿醬汁，仍然保持脆身，入面就好嫩滑juicy，而且揀咗無骨，食落啖啖肉。醬汁就揀咗秘製黑醬同韓式甜醬，秘製黑醬係蒜香醬油味，好濃郁但唔會過咸，面頭嘅炸蒜片令蒜味更突出，好惹味。韓式甜醬算係經典炸雞口味，甜甜哋，小小辣，加埋面頭嘅花生碎，好香▪️炒年糕 (甜)炒年糕又係份量好多，年糕外面炒到少少脆，咬落就煙煙韌韌，好有口感，而且沾滿晒醬汁，甜甜哋停唔到口當日因為太夜去到，有啲味已經冇晒，下次會想試CORN-SO-AMAZINGPuradak Chicken📍將軍澳唐德街9號將軍澳中心1樓167-169號舖📍尖沙咀金巴利街7號地下📍大角咀海泓道1號奧海城三期UG樓UG68,UG71-73號舖

韓國過江龍炸雞叫做 ’Puradak Chicken’，今晚咁啱有時間，所以就嚟食晚餐。叫咗一份半半炸雞、一客蝦蝦蝦蝦蝦、一客黑芝芝波同埋梅子梳打。半半炸雞 - 揀咗兩個口味，一個係秘製黑炸雞，味道就好似黑醬油，上面仲加咗一啲炸蒜片，都幾好食，而另一個就係瘋狂蒜香炸雞，味道似蜂蜜炸雞，而蒜味一啲都唔瘋狂，如果想食蒜味濃嘅就會好失望。蝦蝦蝦蝦蝦 - 顧名思義就係有五條炸蝦，醬料就選擇咗秘製黑醬，就係炸雞嗰個味，旁邊仲伴咗炸薯角炸薯條而上面就灑上芝士粟米味粉。黑芝芝波 - 揀咗爆粟口味，即係芝士粟米味粉，外面炸到好脆，裏面包着芝士，中間嘅有少少甜味，不過我唔知咩嚟，呢個我幾好鍾意食，不過好似有少少貴。梅子梳打 - 少少酸少少甜，因為真係少少，我覺得唔夠味。我都係鍾意食Goobne Chicken 多啲。(果味醬油蒜香烤雞）

首先將軍澳開第一間分店嘅時候，已經有好多媒體報道，即管試吓係咪真係咁好食。叫咗佢最出名嘅粟米湯炸雞。嘩一嚟到不得了，啲粟米湯粉完全冚晒個炸雞。食完幾啖之後覺得係食緊粉唔係食緊雞。粟米湯味好濃，亦都好鹹好甜⋯⋯好食嘅炸雞係應該係口味之上，保留返雞嘅味道，呢個係多粉到黐牙。另外叫咗個韓國青辣椒炸雞，好食少少冇想像中咁辣，食得出都落咗好多糖去中和。整體嚟講價錢就真係好Hermes啦，普通嘅其他炸雞其實可能仲好食。