Promenade 西餐廳

營業中

休息中

Promenade榴槤任吃的日子不再。雖然去年的榴槤肉味道不濃郁，部分爽口，不算好吃，始終榴槤甜品杯中有大塊榴槤肉，配料款式多，我吃得過癮，所以今年6月帶家人來。令人失望的是，此款甜品已悄然消失；昔日的位置，只見普通的麵包布甸、味如嚼蠟的黑糯米等等。即點即製的榴槤班戟還在。不過，不知道是否心理作用，榴槤肉仿佛少了。其他有榴槤肉的甜品均出貨很慢，變相限量供應。榴槤脆酥依舊，酥皮一樣不新鮮，一點也不脆，軟腍軟腍的。榴蓮pizza新鮮出爐時，餅皮倒是鬆脆好吃。這餐廳的代表作--榴槤立體蛋糕也依舊，cream和蛋糕均鬆軟、滑，榴槤味香，但味道不濃郁，估計只含榴槤香精。此蛋糕一出，不消幾分鐘便被寥寥數人分光了。下午茶時段為三時半至五時半，而四時半至五時半之間，立體蛋糕只出過一次，卻添了多次沒有榴槤肉只有榴槤忌廉的甜品，如榴槤天使蛋糕、果仁撻。其餘沒有榴槤肉的榴槤甜品，如榴槤甘露和榴槤梳乎厘，均依舊沒有榴槤味。榴槤撻也依舊，只有餅皮好吃，夠鬆化、脆。榴槤流心布甸也還在，但是去年餡料中濃郁的榴槤味卻不在了。自助餐的甜品款式很多，不斷輪流推出，連少見的Opera蛋糕、紅酒燴梨、canelé都有。可惜甜

端午節一家人去食自助餐，平時都係去開尼間食lunch buffet，但發現今次質素比不上以往！以前通常都係一啲燉雞湯，但今次係芫茜魚肉皮蛋湯。主食上多咗好多炒粉麵，如炒牛河。以住都係得炒飯，今次少咗好多特色小菜，好似焗蠔等。而中式點心方面，燒賣好粉，蝦餃就好厚皮。最失望真係粥品無咗蟹膏揀，之前每次嚟食都最鍾意食個蟹膏粥，今次真係扣咗唔少分。而煮麵個到無曬丸類嗰啲餸揀，佢得一煲紅燒牛肉再加一款麵同菜揀。甜品同凍海鮮都正常。但今次整體食物質素轉變咗好多，希望下次會有改善！

現在又來到榴槤當造的季節了，適逢最近都會海逸酒店推出了榴槤下午茶自助餐，只需 $250便可以一次過品嚐多種榴槤甜品，所以今天我便帶我男友來這裡品嚐一下了既然是下午茶自助餐，大家便不要期望有什麼「昂貴」的食物了，當中凍海鮮就只有青口和凍蝦而已，而且亦沒有任何牛扒，羊架，燒春雞等肉類所以我便轉攻今次的「主題」~ 榴槤甜品，而今次「榴槤盛宴」總共有六款榴槤甜品，現在我便遂一向大家介紹一下No.1【榴槤流心撻】廚師派發這款甜品是六款榴槤甜品之中，味道最為出色的一份，我和男友都特別喜歡，所以覺得最值得推薦給大家由於是即叫即焗，所以撻皮十分酥脆鬆軟，軟綿香糯，一刀切下去的時候，內裡的流心榴槤岩漿便立即傾巢而出，我們滿口都充滿著淡淡的榴槤氣息，讓人口舌生香，吮指回味No.2【榴槤流心布甸】廚師派發在榴槤撻的旁邊，便是這份榴槤流心布甸，雖然它同樣都是即叫即製，但是味道卻比剛才的榴槤撻遜色得多了雖然酒店稱它為布甸，但是無論是它的賣相抑或是味道都更像酒樓的馬拉糕，口感軟綿綿的，可惜內裡的流心榴槤岩漿卻是敗筆之作，質感相當水稀稀之餘，亦欠缺榴槤的香氣，給人一種淡而無味的感覺No.3【榴槤班戟】廚師派發除了榴

端午節放假，又係一家大細出動搵好嘢食嘅時候。好彩疫情期間，已經一早不甘寂寞預約了自助餐，聽講而家呢間酒店的tea buffet要預約到八月先有位。記住上佢社交平台嘅網頁print張八折coupon出黎。先行一個圈，發現食物的種類十分豐富，魚生有三文魚、吞拿魚等，而且每次俾成6-8片厚切的，真係食魚生都飽！其他冷盤有青口、大蝦等！熱食方面，都絕不欺場，有中式點心、日本天婦羅、關東煮，又有串燒牛肉、炸雞，印度咖喱等！我最鍾意食他的印尼蝦片，簡直是小朋友的至愛！甜品方面，兩個雪櫃放滿Häagen-Dazs的雪糕及雪條，食多幾round都值回票價。仲有我最愛的疏乎厘，無間斷供應，我也一連食了三個。另外，最特別的，莫過於他的榴槤主題，有一個千層酥真心推介，上面鋪滿香甜的榴槤肉，食了五個才感滿足。總括來說，無論餐廳環境、食物種類及食物質素都無與倫比，比較我上星期在旺角帝京酒店食的午餐自助餐好得多，食物是不斷refill,不用久等。大人折實$277，小朋友折實$169,抵食！我要快快book八月的buffet再encore了！

食唔到Hotel Icon榴槤下午茶，見到都會海逸有就試下，上網eshop預付有7折，折左$250一個人，但都唔值😐睇個靚景補償番一開始當然係試左主角榴槤甜品先榴槤蛋糕👌🏻最多人排隊拎，排第4都好彩分到一件，因為前面個大叔一切就切左大半個蛋糕🙊表面榴槤肉嘅味唔太濃，反而忌廉嘅斑蘭味重，蛋糕都鬆軟，整體不過不失，留意refill幾次，後面雪櫃無就唔會再出榴槤酥😁我覺得係相對好食，酥皮保持到脆身，上面榴槤蓉都好重手，味道夠濃，有encore.榴槤芝士撻👌🏻曲奇餅邊一定無死，入面係流心榴槤餡都可以.榴槤流心布甸 / 榴槤天便蛋糕😥兩款都係完全食唔出榴槤味，得個甜字.榴槤班戟😋即叫即整，可以自己揀加咩餡料，啖啖榴槤蓉，味道夠濃郁.梳乎厘🤯話係招牌，但完全唔達標，額外加嘅榴槤汁都好麻麻，又係得個甜字.其餘熟食甜品一般，除左個有幾款比較好🍗泰式烤雞，雞肉嫩滑，仲配埋泰式醬汁🍤天婦羅新鮮，粉漿夠薄，食多幾件都得🍦Häagen-Dazs雪糕，有新味哈密瓜🍈

為了預祝父親節，便一家大細來了位於紅磡的promenade 食中午自助餐。由於週末加上父親節的關係人數也很多，不過自助餐的食品種類選擇更多！😃開始便先試試生蠔。生蠔新鮮好味，不過每次只限攞2隻。令外冷盤方面，長腳蟹非常新鮮好味。試了龍蝦湯，味道一般，但材料充足。熟食有生滾粥，可以自己選擇加料：魚片帶子 等等甜品是精彩位：芒果拿破崙：香脆，芒果味足Pancake: 可以選班蘭味和普通味，再加自己喜歡的水果。雪糕: 有haagen dazs 雪糕和雪條，種類有十種之多。另外有飲品station, 大吃之餘 也可大喝檸茶，咖啡。整體來說 非常好，值得推介👍

忍唔住，第一次寫食評希望酒店睇到會作出改善食過好多年dinner buffet都好滿意,見到有榴連tea buffet 咪黎試下。唉，點知非常失望差左好多，榴連甜品同the market 爭太遠1. 原來tea buffet海鮮凍盤得熟蝦 同青口2. 以前dinner buffet係有鮑魚粥，tea係白粥3. 致命傷，係要搶！！的榴連甜品長期排隊，個cake一出就成班人搶，因為係自己切，前面的人切到鬼禁大件，我排第五個都拎唔到。仲有出左幾次蛋糕之後就停一輪先再出，榴連pan cake 仲係一個鐘頭就話冇。我同老公2個人排左n次只拎到禁多（已經坐正係cake附近）4. 味道大不如前，一般放題都過佢5. 重味精，食完飲左成晚水6. 唔乾淨，我同老公食完都即肚痾（懷疑係芝麻八爪魚出事） 7. 全個buffet最好味係支雪條整體質素下降得非常嚴重，有的懷疑轉左廚房月尾book左餐dinner buffet 已俾訂金，希望會有改善

限聚令放寬，即刻約埋班friend去食自助餐釋放一下先其實呢個自助餐都食過好幾次，主打國際美食，有生蠔，長腳蟹，麵包蟹，翡翠螺，蝦，青口，仲有蟹鉗生蠔每次只可以拎兩隻，一開始係勁多人排隊，所以留到中尾段先食，生蠔唔算好肥啱我心意紙火鍋，個湯幾好味但係食材一般鵝肝多士，又係好多人排隊好味仲有生滾粥，蟹肉帶子瑤柱粥甜品有梳乎厘，杏汁蛋白燉燕窩，當然有最出名嘅芒果拿破崙，仲有好多其他甜品蛋糕，最重要係有好多榴槤甜品，而我最鍾意嘅係榴槤pancakeHäagen-Dazs雪糕批雪糕杯而飲品，咖啡，凍/熱，檸茶/檸水都係自助式

第一次去以後都唔會再去。為慶祝母親節訂咗自助晚餐，我與媽咪排隊攞生蠔時，因媽咪行路唔太方便，落樓梯需要用手扶住，我原本諗住幫媽咪拎住個碟，於是要求將兩份生蠔放在一個碟，但負責開蠔的工作人員堅持唔肯，話係公司規矩，最後都係俾咗兩碟我，我喺佢面前將兩碟歸為一碟，佢仲話你哋自己倒埋一齊就冇問題，我哋唔可以咁做。是什麼公司規矩？永久不會再去

在這個敏感時刻，仍然有外出用餐，網上見到eshop 有75折，一個月內去吃了兩次自助餐。而家每當有人進入酒店都有量體溫的檢查，也有消毒洗手液供應。不知道之前服務是如何，待應很快洗埋桌上已做完的碟子，坐在窗邊的我有少許曬，餐廳更有人自動落了窗簾了，感覺都不錯，有回頭再食的感覺。餐廳環境坐得非常舒適，而且向海邊，是有海景的吃了兩次都是自助午餐，食物普遍都還可以，長腳排都唔錯，但係生蠔就唔算好鮮味，魚生類別都唔算新鮮感覺。

突然想食自助餐，6點幾打去問都仲有位，訂左8點鐘。一入到去見到人山人海，排生蠔候隊好長，所以先拎凍海鮮類。龍蝦有膏又大隻，蟹腳比其他酒店大隻，麵包蟹我唔識欣賞😅😅。中式湯（蓮藕湯）比要搶既燉花膠湯還要好飲。其他熱食都比另外幾間同集團既好。刺身中規中矩。特別鍾意佢個沙律吧，好多唔同既菜選擇，有我喜歡既牛油生菜同火箭菜。今晚得一款美國蠔質素還可以，每人限取兩隻，但我較喜歡法國蠔，其實收呢個價錢應該俾好少少既蠔。今晚最愛既係鵝肝多士，多士整到好脆，可惜我太晏先去，想再食但佢已經無再refill。甜品有我最鍾意既榴槤酥😋😋，仲有燕窩。但因為8點先去到，唔夠時間食，仲有好多野未試，如果下次再去，真係要6:30準時去到，好多食物都要排隊，有啲限量的食物一拎出黎就被秒殺。食得太急，無影到相🤦🏻‍♀️可加$120任飲紅白啤酒汽水，侍應見到我差不多飲完便會幫我refill，之前去另外幾間都要叫人加先會加，呢點值得加分。

已經好幾年沒有來過這間自助餐，想不到，這次竟然有人請食飯來這邊。但是下午茶的緣故，好像食品選擇沒有以往那麼多雖然食品選擇也是不少，但絕對找不到太多矜貴的食品。至少沒有見到什麼海鮮，門口仍有那些菜葉的沙律；其餘，有些咖喱、有些中式熟食。即使看到有一大盤竹炭漢堡包，但是漢堡包，就是兩塊竹炭麵包皮，中間只有一小塊豬柳，其實都挺飽肚而又不會特別矜貴。下午茶時段，都仍然會有刺身，但看上來食水不是太好，亦都沒有人大排長龍。亦都因為看到甜品那邊的成本不是太過吸引，結果我都拿了一碗撈麵，就兒可以選擇撈拉麵或是烏冬，亦都可以放湯，然之後加點蔥、蒜、蝦米粒等等調味。飲品選擇都不太多，雖然有冷熱咖啡，但是自己調校，咖啡不算太濃，因此味道普通；另外就有些特色飲料，但又不是果汁，食水看上來不算太差，但味道似乎相當淡味。甜品那一邊，亦都有各式榴槤食品，例如小型榴槤撻、榴槤心太軟等等。

儘管交通不便，今天晚上也來到了。為的是慶祝一下特別的日子。11月份主題是海鮮。比平常多了熟食龍蝦翡翠螺不錯生蠔不大，但新鮮刺身方面劍魚腩，帶子，赤貝，象拔蚌幾好。虎蝦ok。吞拿魚，三文魚麻麻，可以不吃鴨肝多士必吃，師傅用心煎煮，火喉剛剛好這裡才吃到蟹黃粥。今天蟹黃少了點。個人喜歡加蟹肉同燕窩。配料方面油炸鬼太硬，加豬肉鬆咸咸哋，可以提味。近年減少了甜食，貴精不貴多。梳乎里是必吃的。一拿了就要快步回坐，以免塌了甜品師傅推介鮮榴槤斑蘭班戟。儘管榴槤味濃，還嘗到淡淡斑蘭味。可惜榴槤太生，如果熟一點會更好。這裡菜式很多，從沒有一次可以全都吃。下次再來嚐嚐其他

對唔食蠔同紅肉嘅我黎講，如果去到一間食物選擇超級多嘅buffet，已經覺得係回本嫁喇。一來選擇多嘅有啱我食嘅款式都會多啲啦，二來就係可以每次拎完食物返埋位時同朋友講「原來果邊仲有嫁」，都總比好過講「撒莉亞仲多嘢揀啦」😎所以見到好多食評話呢間選擇好多，我就趁生日時試下🙃但可能之前見識過普慶示範咩叫多款式(仲係lunch buffet)，去到呢間真係有啲失望😅感覺朗豪酒店The Place或佐敦品坊都比較多。凍食嘅有：刺身，約6款：三文魚、帶子、希靈魚、吞拿魚、八爪魚、赤貝。試左三文魚，新鮮肥厚😋朋友試左帶子，問佢好唔好味，佢話豉油好鹹😀可能要問佢豉油鹹唔鹹先會知道帶子好唔好味👍🏻壽司：約4款，一盤盤疊高放喺拎刺身個counter，仲有玉子、蟹籽、蟹柳放喺度。壽司冇試到，試左隔離兜薑片，幾好味。海鮮：凍蝦、雪場蟹、龍蝦、青口、螺。試左凍蝦，有啲痴殼。回本蠔就有獨立專區同兩個職員幫手開殼沖水，經常見到人排隊，但我冇試唔知味道點🙃沙律：有唔少菜類同配料、醬俾人自己撈，亦有啲撈好其他：有火腿片、鷹嘴豆泥、蝦片、墨西哥玉米片、麵包等熱葷方面，餐廳冇特別將食物按地方咁放，好似中東烤雞果度會有炸天婦羅

雖然紅磡「都會海逸酒店」裡面的自助餐餐廳「Promenade 西餐廳」，午餐出現了一些例如「蝦餃」、「燒賣」、「叉燒包」等等，有點像自助早餐的中式點心，供享用自助餐的食客選擇。後來我跟其他網絡朋友，在網絡裡面閒談過之後，發現原來現在香港很多酒店裡面的自助餐餐廳，都會在自助午餐，甚至在自助晚餐的中式食品裡面，加入蝦餃、燒賣、叉燒包等等中式點心食品。我在看到網友的解釋過後，終於都發現到原來香港的酒店自助餐中式食品部裡面，經常都會提供像「蝦餃」、「燒賣」、「叉燒包」等等的中式點心食品，不是什麼天方夜譚的事。或許真的是我始終未能，未能完全累積足夠享用酒店自助餐的經驗，所以一直以為酒店自助午餐或者晚餐裡面，按道理應該是沒有可能會食到中式點心食品。我始終覺得，在「Promenade 西餐廳」裡面享用午餐或者晚餐自助餐，首選的「Promenade 西餐廳」熟食食品，非燒烤類的食品莫屬，相反地儘量不會去取例如「蝦餃」、「燒賣」的中式點心。位於「Promenade 西餐廳」裡面的燒烤食品餐區裡面，除了有很多酒店自助餐餐廳必備的「燒牛肉肉眼」之外，還有燒雞全翼跟燒鯖魚，「Promenade 西餐廳」總有一