Promenade 西餐廳

營業中

休息中

我哋四金花約咗好耐，終於可以約到時間食自助午餐，姊妹網上訂位所以我哋可以有八折嘅優惠，Promenade西餐廳我都係第一次來食，感覺非常好呀！酒店環境好寬敞，窗外陽光充足，地方大，侍應生細心，笑容又好喎！美食琳瑯種種真係感覺香港真係美食天堂，食物款式非常多啊！首選食海鮮類~~有長腳蟹，凍蝦，青口，凍螺仲有生蠔呀！生蠔係美國同法國，而且仲係即開即食添，每次排隊每人只係可以攞兩隻，我總共排咗三次，不過都非常之滿足，因為生蠔其實我都分唔清楚美國定法國，只係覺得好鮮甜肥美，開始愛上食生蠔啦！人流雖然多，但係廚師和佢嘅助手非常之合作，我哋唔會覺得有種有排等嘅感覺！👍👍跟住就係長腳蟹，長腳蟹好新鮮大大隻，而且不停保級，唔會覺得好似食淨咁，今次大滿足啦！食咗好多隻長腳蟹呀。甜品~~如果你鍾意食榴槤，真係好似食緊榴槤自助餐咁，我首選就係榴槤pancake嘅！pancake鋪滿厚厚嘅榴槤，淨係好似食咗成兩楷榴槤落口咁，大滿足呀。其實仲有好多熟食嘅食物，刺身，又有中式不過我嗰肚裝唔到咁多！姊妹們最後食埋Haagen雪糕同雪條添，飽到呢～

咁啱得閒出開紅磡，就嚟食個自助午餐，因為喺度食午餐好抵，匯豐信用卡有八折，1個都係300頭，食物款式又多選擇，中式美食有燒鴨，叉燒，燒肉，點心，粥品，粉麵，炒飯等等，西式食物有意粉，牛肉，羊肉，豬肋骨，pizza等等，凍盤有蝦，長腳蟹，生蠔，青口，小龍蝦等等，甜品區最吸引係有榴槤撻,榴槤pancake,仲有 Haagen dazs雪糕,雪條，每次都食4，5支雪條，值回票價，真係超級抵食，已經食過7，8次

屋企人生日今年決定到都會海逸酒店慶祝， 第一次在這裏吃自助餐， 食物款式非常多， 冷盤，日式刺身，壽司， 沙律， 巴馬火腿。海鮮有長腳蟹，麵包蟹，凍蝦， 龍蝦 ，螺， 青口， 生蠔。熟食和熱葷有薄餅， 天婦羅， 叉燒，燒鴨，牛扒， 煎鴨肝，滷水食物， 中式菜， 即煮生滾粥。甜品有西式蛋糕， 梳乎厘， pancake， Haagen dazs雪糕和雪條。因為款式種類多元化，冇辦法一次可以試曬所有食物， 咁多款食物入面我比較欣賞有幾款食物：長腳蟹， 啖啖肉又冇雪味，肉質非常新鮮。麵包蟹， 非常多蟹膏， 入口甘香無比。龍蝦， 肉質爽嫩， 口感鮮甜。生蠔 ， 每次排隊可以每人拎兩隻（美國＆ 法國各一款）， 即開即食， 好新鮮又肥美。煎鴨肝， 雖然唔夠鵝肝咁甘香， 但是一樣肥美煎得又香又 juicy。牛扒， 粉嫩肉色，牛味濃郁。生滾粥， 我點了瑤柱和龍脷柳粥， 平時食自助餐好少食粥， 但呢度配料選擇很多， 煮得又綿又入味。甜品方面， 如果喜歡食榴槤一定好開心， 這裏除了有榴槤蛋糕之外，還可以叫師父即整榴槤pancake。今次一行九人食得好開心又滿足， 因為是屋企人訂枱的關係，我大約知道好似每位六

又係家庭午餐聚餐嘅日子，紅磡都會海逸promenade 必選，價錢同食物質素亦成正比，今日係假期，如果預先係網上落訂，可以有85折優惠。呢度食物區域選擇多，生蠔即開，魚生即切，海鮮區有長腳蟹，青口，蝦，青口等等，沙律🥗區，沙律菜好新鮮，配搭好豐富。熱食區，每次種類都唔同，牛扒、炸物等等，各式各樣都好好味。呢度仲有即滾燕窩蟹肉粥，同自選粉麵。甜品區就出名係芒果拿破倫同埋榴槤批，每次都食半打先夠皮🤣最後雪糕區域全部都係Haagen-Dazs,有杯裝同雪糕批。以四百鬆d價錢食倒咁高質食物，個人認為呢度冇得輸🤨

還記得，一年前，得到公關V小姐的幫助，在這裡搞左個公司gathering，那一刻，大約是近年工作較順暢的一段時間，當時我選這餐廳，也因為想大部人吃得高興，選一間人所共知的餐廳，一定無錯。不過上次經驗有點失望，可能期望太高，這個號稱全港最多選擇的自助餐，好像有點落差。一年前和我一起來的同事說這裡自助餐更來了點改革，主題係西班牙美食，因喜歡西班牙的Tapas，的確令我蠢蠢欲動再試一次。當然，一年後，工作有變，心境也變，今次來，不是來搞什麼活動，可以吃得安樂。是工作的關係令我覺一年前後的改變嗎？大約是真正餐廳的進步吧。一來看看有什麼吃，看看今晚Tapas主題。色彩豔麗多姿多彩的Tapas係主題的重點，先看看有乜好食，西班牙凍湯、羊奶芝士雜菜、八爪魚配紅新薯，蒜味蝦仁配多士等等都非常適合夏日炎炎的口味，特別係凍湯，外面的自助餐，比較少見。西班牙海鮮燴飯不錯是必然的，海鮮精華集中，蕃菇汁更添上其他西班牙臘腸和雞肉的助攻，每啖都吃到西班牙的風情，不時你以為海鮮飯搶鏡？西班牙雞肉田螺燴飯加入田螺、雞肉，相信新鮮感更多，砵酒蜜糖燴豬面頰亦是美味的西班牙主菜之一，豬面頰煎得勁香，又腍又入味，香料味道重，

對Promenade 西餐廳的印象是... 挺想吃的，原因是上次出現都會海逸酒店就是要為婚宴擔當在旁邊的大草地上擔任cocktail reception司儀，最重要的是活動順利和賓客吃得好，有機會再吃便好，誰知人生就是這樣，開心的機會便到了，還是在一個星期五的晚上。全場爆滿，很熱鬧的一個晚上，目測是以家庭為主，在此推薦自助餐中的必吃項目吧！避風塘龍蝦鉗 沒記錯它在自助餐中的熱盤項目，一盤滿滿的龍蝦鉗就在眼前，還是已經剝掉了半殼的，用叉子便可以拆出啖啖龍蝦肉了，很夠爽口。 香煎鴨肝配葡萄香醋 由師傅即煎的鴨肝，煎時已經香氣四溢，入口更是金香，吃過一件後會想馬上enchore，墊底的是小多士，正正有吸收鴨肝多出油分的作用。 西班牙乳豬 剛巧遇上以西班牙菜作主題的自助餐，隆重推薦西班牙乳豬，就在鴨肝的旁邊，擺盤是原隻連豬頭的姿態，肉腍而皮是走脆韌的路線，好吃！同場也有很多西班牙的美食，例如是炒餅、薯仔餅和火腿，等等。 粥 曾有聽說過吃自助餐最好減少澱粉類食物，然而為什麼會推薦粥呢？原因是這不是一般的粥，除了是即製外，配料是大亮點，有蟹黃、瑤柱、蟹肉、皮蛋～ 配料豐富外，粥底也做得不錯。

以前經常來吃自助餐，一個月最少來 3 次，不過最近因遇意外需要戒口，大約 4 個月沒去。是日訂了位，交通不繁忙，早到了。入座後，先到熱醺區取食物，結果令我瞠目結舌。已經是第一輪的時間取食物，好像是牛尾，裡面的紅蘿蔔是凍的、炸蝦球是早早炸定的，放到涼了。我還嘗試了即煎牛扒、煎鵝肝，甚麼來的，牛扒煎到過了時間，很韌，寧願是以前的燒牛肉，最少不會浪費食材；煎鵝肝，根本是炸鵝肝，用叉輕壓，馬上流出大量油，吃一口，滿嘴都是油，一點鵝肝味都沒有。處處都要排隊，現在廚師跟本不夠，廚師無心機煮菜，對比以前，天與地，連大快活的水平也沒有。在後段時間，刺生區沒人排隊了，取了帶子、油甘魚和象拔蚌刺生，帶子正常有鮮味，油甘魚刺生，在解凍時出錯，油甘魚肉質霉了，象拔蚌刺生肉質如象皮糖，既不爽脆，亦無鮮味。懷念以前的燒牛肉、燉湯。以四星餐廳來說，以前值 85 分，現在只值 30 分，比旺角一些不入流的餐廳的自助餐，還不如。廚師 hea 做，浪費食材，人手不足，所有即場煮食、需要即場處理的位，例如生蠔、煮麵、刺生和煎牛扒位，都要排長龍，取凍海鮮和取燉燕窩，都要排隊，令到狹窄的通道塞滿人。以前都是要排隊，但處理的速度

Promenade 的 Buffet一向受歡迎，就算市道有幾差，對餐廳食物質素，卻是絲毫無損，而且佔盡地利，旁邊是演唱會聖殿，客人大可吃過滿足，先去欣賞演唱會，所以每晚都是座無虛席，連遠離食物區的門口位都是客人，看來真是名不虛傳。生蠔餐廳每晚提供兩款生蠔，今晚都不例外，分別是蠔味較濃，而肉質爽口的法國Argent與及近年成了自助餐寵兒的美國Pacific Oyster。刺身刺身是少見的精彩，種類既多，質素又好。帶子肥大肉厚、赤貝爽口彈牙、劍魚腩柔韌可口、海老鮮甜味美、象拔蚌原條即切，都是吃得出的新鮮，加上三文魚、希靈魚及玉子，切了一碟四人份，結果都給消滅了。海鮮 波士頓龍蝦 是必然回本位，龍蝦質素好，refill亦快，仲可以食多幾隻。麵包蟹超多膏，真係好邪惡。長腳蟹爪比一般Buffet見既大隻及粗壯，肉質甜美，必食位之一。另外，有翡翠螺、藍貝同凍蝦，如果仲食得落既可以試下。粥檔是晚好多野推介，粥檔係其中之一，除了粥底係廣東開花粥，軟綿綿的相當對辦，配料更不得了，有燕窩、蟹黃、瑤柱、蟹肉、龍脷柳、皮蛋及瘦肉，今次貪心一點，除了皮蛋及瘦肉，一股腦兒都取了，結果，配料比粥底還要多

等左兩個星期 終於都黎喇一行6人加1B我地太耐無見當中5個係榴蓮愛好者 所以先簡啲間 tea buffet 食完又可以行一行 揸車去仲有free parking 3小時5點半食 嘩 已經好多人排隊 準時入去先食熱野 因為真係有留肚去 所以都食到多野既炸物平 不過好食啦沙拉 不同種類 要食多啲菜菜既即叫即煮面當然仲有魚生果啲飲品有橙汁 咖啡 茶榴蓮有榴蓮汁 蛋糕 布丁 梳乎厘雪糕 又多種類 有雪條 哈根大師同場有兩位朋友生日 特別order 細蛋糕仔要加$44滿足哂 好耐無食過咁多野時間仲早 可以行下街添

今日8月24日，約左朋友食lunch buffet, 我揀咗呢間西餐廳，我之前都未食過，但聽聞口碑幾好， 所以想嚟試下。呢度lunch buffet係由十二點食到兩點半, 我十一點十就喺門口攞枱,然後等入場,啲服務心服務都好好,態度都唔錯。 黎到第一件事梗係影返啲美食相先啦，為大家介紹一下,呢度都有好多種類唔同美食，真係好多選擇。有多款點心，粉麵飯，有生滾粥，有湯粉麵，亦都有日式的， 有豬腳薑 有多款飲品咖啡檸檬茶等，冷盤有魚生，有生蠔，有長腳蟹，有青口，有蝦， 熱葷都有叉燒，燒肉，有兩款pizza，有燒豬骨，有咖哩羊肉， 燒雞，咖哩角，薯餅，蔬菜...等等。有中湯，有西湯:洋蔥湯 ,粟米雪耳羹, 甜品都有楊枝甘露,豆腐花, 仲有榴槤蛋糕 ,亦都有其他多款甜品蛋糕, 有多款生果,亦有朱古力噴泉,仲有pancake waffles, 總之好多美食。我食咗兩個半鐘 飽到頂點，仲要好多嘢都冇試到, 已埋單$410一位（某信用卡有85折後），真係好值食， 真心算係唔錯 但甜品就麻麻地， 我推介就係長腳蟹，豬腳薑，生滾粥， 燒肉，炸雲吞， 其他都是一般還可以， 生蠔我冇試過，不過好多人排隊去拎，

自問去過唔少地方食自助餐，論食物選擇豐富，必要數到紅磡都會海逸的Promenade，即使不是冠軍，至少也在三甲之列。建議，來之前三天不吃東西，以保留食力，哈哈！誠然，筆者以往較少光顧，皆因呢度長期高朋滿座，一位難求。        Well，都係講番嘢食，太多選擇，應該從邊度講起？不如先睇凍海鮮，開邊波士頓龍蝦隻隻多羔，蟹腳是粗身多肉的好東西，仲有坊間不多見的麵包蟹，翡翠螺、凍蝦、青口等基本嘢，肯肯定有供應。兩款產地的即開生蠔，分別係美國和法國。每樣拿一打回來，五條友分甘同味，我好耐無試過咁搏命了。刺身既水準，絕對優質，尤以鮮甜的帶子，最吸引我。今期主題係西班牙風情，所以風乾火腿的款式寧舍多，仲有西班牙凍腸、八爪魚配新薯，以及重口味的蒜味蝦仁配多士，懶理之後「呵氣如蘭」。熱葷方面，亦有一系列的西班牙美食。最經典的當然是西班牙海鮮燴飯，顏色鮮艷，海鮮多元化，還混入雞肉及西班牙腊腸。西班牙雞肉田螺燴飯亦美味，不讓海鮮飯專美。另外，我素來喜歡的烤乳豬做得脆卜卜、Tortilla是傳統的味道，還有重點推介的砵酒蜜糖燴豬面頰，嫩腍入味。西班牙主題特色美食外，即煎澳洲M5和牛肉眼也是食肉獸的必然

西班牙從來是車媽媽愛吃之菜，不過去西班牙餐廳食選擇又唔太多，所以一知道都會海逸酒店的Promenade正推出西班牙風情自助晚餐，雙生兒姊妹花相約我同來大嘆熱情如火的一夜我當然即刻應允。 西班牙風情自助晚餐收費星期一至四成人＄618/位、小童＄388/位、星期五至日成人＄658/位、小童＄418/位，在酒店eShop預訂可享高達75折優惠喔！又或者跟我一樣是8月壽星也可以自助餐派對形式來慶祝生辰，6 位成人或以上惠顧自助晚餐即可享高達75 折優惠，並可無限添飲指定餐酒、啤酒、汽水及冰凍橙汁，酒店更會送上1磅芒果拿破崙生日蛋糕乙個 (價值＄280)優惠按此！ 從來喜歡餐廳有落地玻璃，室外是綠意盎然的户外酒吧加上醉人景緻很是迷人。 好了回來自助餐先看看甜品區！依舊有超多款Häagen-Dazs的雪糕和雪糕批，當中不乏夏季的新口味呢 而另我必要來吃的便是榴槤甜品，這個唯妙唯肖的榴槤其實是斑蘭榴槤蛋糕來的，有真榴槤肉在內呢！ 另外還有滑溜美味的榴槤天使蛋糕、榴槤脆酥、斑蘭榴槤班戟，也是榴槤迷必吃項目啊~ 接著有酒店名物芒果拿破崙、白酒啫喱、70%朱古力松露蛋糕、迷你甘娜蕾、紫薯朱古

在紅磡工作，基本上好多野食。不過最接近工作地點的自助餐反而無食過，就係呢間都會海逸酒店。PROMENADE西餐廳出名就係人得知，但對我來說反而聽過多次未食過晚餐，吃過午餐自助餐都幾滿意，成日同同事講要食但係都無食到，終於今晚吃到。原來這裡做緊個西班牙之夜，立刻令我好懷念之前在西班牙吃過的美食。最深刻的是這個西班牙海鮮燴飯，風味以為已經夠出色，點知有個西班牙雞肉田螺燴飯仲特別，係西班牙都無見過。 另外，又有其他如紅酒燴牛尾、西班牙馬鈴薯奄列、西班牙玉桂蜜糖多士等等，都幾多好味又有特色嘅菜式。仲有個西班牙脆皮豬，又係不可錯過。不過呢個主題不是重點，重點反而係係其他西班牙以外菜式。好多冰鎮海鮮，當中最好嘅係冰鎮龍蝦同麵包蟹，又有青口，蝦和蟹腳， 不多款式但係令人滿意的質素。最開心係有即開生蠔，兩種來自不同地方的新蠔，有的都是鮮味。另外芝士款式好多，仲有其他凍肉沙律等等。不可以錯過還有熱葷菜，最吸引係個蟹皇粥，有石班有燕窩有蟹肉，食足兩碗。仲有燒味同好多類似宴會嘅菜式，當中我喜歡的有炸花枝球，其他如龍蝦拑，鐵板薄燒金蒜香葱和牛卷等好合心意。另外即煎肉眼，一樣好得。魚生刺身好多種，最喜歡嘅係帶子