影片
港鐵上環站 A2 出口, 步行約6分鐘
繼續閱讀
電話號碼
67374607
開飯介紹
香港少有的孟加拉餐廳，為顧客帶來正宗的孟加拉美食和文化，餐點以高品質、健康且價格實惠著稱，供應小吃、咖喱、烤餅等食品。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
廚師👨🏻🍳係埃及人🇪🇬，鍾意煮印度🇮🇳同孟加拉菜🇧🇩，所以調配出特別啲既孟加拉菜🇧🇩，味道一樣濃郁醇厚，但相對上無咁油膩都唔錯，味道容易接受，唔會有羶味同草青味🌱 幾有新鮮感～(5 😍 係滿分，🤩係半分）招牌小食拼盤 - $148 (好味指數：😍😍😍😍🤩)招牌孟加拉素脆球配乳酪醬🇧🇩🟡：呢個炸脆球🟡相信大家都唔陌生，主要係一個皮薄既脆波🟡，裡面包住綿密既薯蓉🥔、鷹嘴豆蓉🫘同清爽既青瓜絲🥒，點埋燒汁🔥一齊食幾開胃🤤孟加拉特色扁豆及洋蔥炸餅🇧🇩🫘🧅🔥🫓：呢個有啲似炸蔬菜餅🔥🥬🫓，味道清香，有清甜既洋蔥味🧅但唔會辛辣，感覺幾清新鷹嘴豆脆漿炸茄子🫘🍆：呢個茄子🍆幾出色，炸到香口，裡面既茄子🍆唔會淋到爛，質感軟腍多汁，點埋個紅椒醬有啲煙燻香味～雞蛋薯仔炸餅🥚🥔🫓：呢個有啲彈牙既蛋粒🥚，有綿密香口既薯蓉🥔，調味係香濃醇厚既咖哩味🍛，表皮夠香脆，都幾飽肚炸薯仔三角餡餅🥙：同上面個炸餅幾似樣，點埋個乳酪醬酸酸地就清新啲6小時慢烤卡拉牛肉 🔥🐮 - $158 (好味指數：😍😍😍😍🤩)雖然賣相黑黑咁麻麻地，估唔到又幾好食😋 果然係慢煮，啲牛肉🐮超級軟腍，牛味香濃，香口惹味，油香同骨膠原幾出，而且索晒個汁既精華，唔會羶同油膩～ 用嚟配餅🫓或者飯🍚食都好煎鮮蝦配香料椰奶 🦐🥥 - $158 (好味指數：😍😍😍🤩)個汁比較稀，有啲似湯咁，有淡淡既咖哩🍛香料味同清香既椰奶味🥥🥛，如果可以好似咖哩🍛咁就更加惹味～ 啲🦐既份量幾多，爽口彈牙，味道幾鮮甜，如果再煎香啲就更加鮮味，仲有啲清新既蔬菜粒全麥烤餅 🌾🫓 - $15 (好味指數：😍😍😍😍)呢款烤餅🌾🫓比較薄，口感軟熟香口，如果再濕潤啲就更加好～ 宜家用嚟點唔同既醬汁或者連肉食都唔錯～好味指數：😍😍😍😍推介指數：😍😍😍😍
繼續閱讀
有時想食啲重口味嘢，會留意下印度菜甚至尼泊爾菜呢啲東南亞菜式，原來係中環仲有全港唯一一間孟加拉菜🇧🇩好有特色👏🏻孟加拉菜嘅菜系同印度菜有啲相似，都係會食咖喱、烤餅，炸物等，但係口味相對清新啲，香料味無咁重，都幾適合香港人口味👍🏻👍🏻呢日lunch去到都有唔少外國人專程嚟試。🥠招牌孟加拉素脆球配乳酪醬有啲似印度嘅pani puri，脆球卜卜脆，內裡有青瓜粒等配料，食嘅時候可以落酸汁以及乳酪醬，酸酸甜甜幾開胃😙😙💚香草炒秋葵蔬菜類有唔少選擇，有番茄蓉、茄子蓉，亦有香草炒各類蔬菜。呢款秋葵幾好食😋爽脆嘅秋葵加上洋蔥、番茄等煮成嘅醬汁，唔會太heavy，但係送飯一流😆🍛羊肉配乳酪腰果洋蔥醬汁羊肉炆得好軟腍，羊肉幾乎一絲絲化開😍醬汁有不少煮到溶嘅洋蔥碎，好香甜，配帶輕微臊味嘅羊肉好夾👍🏻🍛家鄉牛肉番茄咖喱牛肉都唔錯，口感較羊肉實淨一啲，同樣好入味。番茄咖喱醬汁酸酸咪咪😛😛🫓全麥烤餅、蒜蓉烤餅食咖喱緊係要配烤餅，呢度有全麥烤餅、原味以及蒜蓉焗爐烤餅，帶有麵粉香👏🏻🍹Lemonade人均消費：$250推介指數（10分為滿分）：8分
繼續閱讀
孟加拉🇧🇩菜，孟加拉我只會聯想到孟加拉老虎🐯，但國家有咩特式，食物，相信好多香港人一無所知🧐Street food combo招牌小食拼盤孟加拉素脆球配乳酪醬孟加拉特色扁豆及洋蔥炸餅鷹嘴豆脆漿炸茄子🍆雞蛋薯仔炸餅炸薯仔三角餡餅 拼盤可以試曬咁多樣，一上菜就有三款醬汁而我個人最鐘意素脆球配乳酪醬，脆球好脆之餘，入面仲有薯蓉再配乳酪醬，味道少少酸酸地好清新鷹嘴豆脆漿炸茄子🍆 扁豆及洋蔥炸餅，做法有點似日式天婦羅，都係有層又薄又鬆脆炸粉，食起來不油膩BEGUN 茄子蓉Grilled eggplants, mashed and stir-fried with mustard oil, spices & herbs味道似芥辣味道，而一點都不辣的對我黎講好創新味道，從未接觸過茄子🍆可以配類似芥辣口味KORMA 羊肉配乳酪腰果洋蔥醬汁Mutton in a creamy gravy of yogurt, cashew nut and onion pastes羊肉炆得好淋，6小時低温慢煮，係有少少酥，但我完全接受得到😋個汁好適🈴️沾烤餅/淋飯，味道唔係太濃烈咖哩，主要加入左乳酪另到個汁流動性同creamy，好岩香港人口味白飯，當地米呈扁身修長形，佢煮得粒粒分明，唔會過乾身/太淋，配埋羊肉🐏/茄子🍆絕對一流RUTI 全麥烤餅Handmade plain' flatbread炭烤味好香，薄薄質感，個烤餅唔算太大塊，岩曬我地食👍🏻LEBOR SHORBOT檸檬薄荷特飲LEMON, LEMON ZEST MINT, WATER估唔到檸檬薄荷特飲梳打水，同岀面非一般店家好有心，搗打檸檬🍋薄荷葉為一體，所以你會見到混和曬一杯，食完咁多野好解渴，個味道接近小麥汁，好正😍拉西乳酪特飲ORIGINAL SWEET，MANGO 芒果乳酪係佢哋嘅特色飲品，乳酪香滑，順喉，入口會有啖啖🥭芒果味
繼續閱讀
喺香港真係好幸福，咩國家嘅菜式都食到，今次去呢間喺香港唯一嘅稀有孟加拉菜，意外地幾好食，而且有部份係素食，醬料亦係乳酪調配而成，所以好健康！味道方面適中，唔係重口味或者重辛香料嗰種異國菜，幾啱香港人口味，而且佢份量都幾多，啱晒一大班朋友share！如果咩都想試嘅話推介呢個招牌小食拼盤，有齊孟加拉特色嘅小食，例如素脆球、扁豆及洋蔥炸餅等等，配三款醬料，個人最喜歡係乳酪醬，中間嗰款係酸甜汁，而最後嗰款係辣嘅乳酪醬～另外都推薦花心機嘅菜式係6小時慢烤卡拉牛肉，口感幾軟腍，加入紅蔥及香料，味道不錯！可以配Naan一齊食！乳酪飲品亦係佢哋特色之一，只有微微嘅甜味，口感亦唔會太杰身，非常清甜～推薦俾食素菜或喜歡食異國菜嘅你！( ´▽` )ﾉ
繼續閱讀
-🍴🍽🍴🍽🍴🍽🧇🥘🧇🥘🧇🍴🍽🍴🍽🍴🍽-🥢 招牌小食拼盤 $148 🆙孟加拉招牌小食拼盤口味多樣，從香脆嘅薯餅到濃郁嘅豆餡餅，每一口都充滿驚喜。配上特製醬料，風味更添層次🤤。🥢 香草稀汁煮扁豆雜 $72 🆗香草稀汁煮扁豆雜菜色香味俱全，扁豆軟嫩，雜菜新鮮，湯汁清爽，融合咗香草嘅淡雅風味，健康又美味，適合素食者同追求清淡飲食嘅人士😋。🥢招牌燒雞髀配稠乳酪腰果洋蔥醬汁 $128 🆗燒雞髀肉質鮮嫩多汁，配上稠乳酪腰果洋蔥醬，醬料滑順且濃郁，帶來豐富嘅風味層次，將整道菜提升至新高度🤤。🥢全麥烤餅 $15 🆗全麥烤餅散發著天然嘅穀物香氣，健康又美味，適合搭配各種醬料😋。🥢油炸脆餅 $22 🆗油脆炸餅外酥內軟，香氣四溢，咬落去嘅脆感令人驚喜，搭配醬料更添風味，可惜略為油膩。🥢拉西乳酪特飲Lassi $38🆗Lassi口感滑順，香濃乳香同微甜嘅味道完美融合，清爽解渴，特別適合炎熱嘅夏天👍🏻。🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 7.510環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 8/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 7.75/10-🍴🍽🍴🍽🍴🍽🧇🥘🧇🥘🧇🍴🍽🍴🍽🍴🍽-🗺 PRIYO SHAAD (中環)中環鴨巴甸街29號地舖-#bakdiu 中環 #bakdiu孟加拉菜#bakdiu 咖喱 #bakdiu中西區
繼續閱讀