Porterhouse

營業中

休息中

今次嚟試佢哋個 lunch buffet，個人嚟講我覺得好滿足，因為佢差唔多有齊晒我食buffet最鍾意食嘅嘢，包括海鮮冷盤有龍蝦、青口、翡翠螺、蜆、長腳蟹同埋蝦，樣樣都好新鮮，鮮甜👍🏻。我就真係主攻海鮮，就冇乜食佢啲熟食，反而朋友就有嘗試佢哋嘅肉，其中一個仲受到高度讚賞，因為個皮好脆，肉又嫩。我哋亦都有朋友叫咗佢哋嘅廚師特登煮咗個意粉，不過個味就偏淡，但係個意粉嘅口感係好嘅。甜品都有好多款嘅蛋糕，同埋雪糕，任君選擇。當中有朋友生日，佢哋都特登上咗個甜品拼盤再加Happy birthday🎂

由7樓搬到24樓！俯瞰一整片中環石屎森森更開闊嘅景觀當然係加分位Lunch set 同記憶中嘅一樣前菜選擇豐富包括生蠔、沙律仲有招牌嘅龍蝦Bisque！另外兩款他他都係亮點我當日就係「全牛宴」Starter 1+韓牛和牛他他配竹炭toast 擺盤係牛骨髓韓牛本身偏瘦同清淡松露醬+魚子醬嘅調味就濃度剛好主菜澳洲M7 Wagyu牛臀肉 牛味好出肉質軟腍有少少筯但唔太影響口感配紅酒食得舒服又稱心如果多人食強烈建議要top up 個出晒名嘅芝士車輪意粉即叫即整有貓耳、粗管、手捲同扁意粉

今日晏晝又去蘭桂坊食lunch！揀咗加州大廈24樓Porterhouse，電梯一開——哇！落地玻璃望盡中環鋼筋森林，枱枱凳凳都充滿時尚設計感，型到似拍《珠光寶氣》續集咁！講到最癲係...我第二次喺度撞到「蘭桂坊之父」盛智文！呢位大佬仲精靈過後生仔，今次仲主動走過嚟同我哋selfie，抵我專登嚟朝聖🤓🔥頭盤：龍蝦濃湯 x 韓牛他他- 龍蝦濃湯：一啖飲落去... 龍蝦魂爆出嚟！紅蝦膏熬到起沙，溝埋法式奶油滑到溜喉，飲完成個嘴黐住層蝦膏，仲耐過初戀回憶！ - 韓牛和牛他他：呢個邪惡到震！生牛肉撈松露魚子醬，仲要插住成條燒到焦香嘅牛骨髓！一啖啜落去——牛油香、魚子鹹鮮、松露霸氣三重夾擊，食到眼都凸！ 🦐主菜：避風塘炒蝦 x 火焰龍蝦伊麵- 避風塘炒蝦：估唔到西餐廳炒港式辣蝦咁正宗！蒜茸炸到金黃脆口，辣味係「陰濕嗰種」——初頭甜甜哋，尾段先衝上頭！蝦肉爽到彈牙，送啤酒一流！ - 香烤波士頓龍蝦（半隻）：龍蝦鉗大過我拳頭！芝士焗到焦燶邊，肉質實淨唔霉。底層嘅芝麻伊麵先係神來之筆，索晒香菇豉油同龍蝦汁，掛汁力十級風球！ 🧀高潮位：火焰車輪芝士意粉扁意粉兜兩兜就黐滿半溶芝士，鹹香濃到黐線，食完

今日星期日天氣好好，心情都靚啲🥰🤩去咗中環蘭桂坊Porterhouse Seafood and Steak歎🦐🦀🦞海鮮早午自助餐。餐廳逢周末同公眾假期有自助brunch💕源源不絕供應多款海鮮，烤肉、 即煮意大利麵、熱溶芝士及精選沙律、凍肉拼盤等。成人每位$468，另可加錢free flow飲酒。🍶🦪凍海鮮有生蠔，蟹腳，龍蝦，翡翠螺，凍蝦，青口及龍蝦包等。🥗沙律款式多，還有很多凍肉🥓。🔥🥩烤肉有豬腩肉，和牛，羊架，最中意和牛，肉質軟霖。最後，甜品都好豐富，有麪包布甸，仲有紅蘿蔔蛋糕，芝士蛋糕，黑芝麻馬卡龍，同兩款味道嘅雪糕，奶茶味同雲呢拿🍧🍨。大滿足🥰💯

在中環吃飯，配上高樓林立的風景，好Chill 的感覺(≧▽≦) 服務都好好，唔同飲食配唔同餐具🍴set lunch 加上環境， 性價比幾高～～頭盤：- 時令生蠔（2隻）很意外這個時間能吃到。味道也新鮮的。配上木犀草醬、檸檬🍋～ 蠻不錯！- 三文魚他他 配料有柚子、酸豆、蘿蔔～ 拌勻食好味😋主食：- 香烤波士頓龍蝦（半隻）伊麵真的很香，因為配了芝麻和香菇醬油。龍蝦🦞熟度剛剛好～ 價格很有性價比～- 乾式熟成牛肉漢堡 漢堡是配了30日乾式熟成牛肉，可以選熟度。建議大家選5成熟～😁 牛味濃郁～煙燻烤熔芝士🧀真的邊吃邊在掉汁兒～吃起來蠻香的！飲品點了latte，咖啡香很好喝奶茶就英式的。甜品是抹茶芝士蛋糕，配汁幾好味，