Pizza Piazza (已結業)

今日去行街買衫，所以先醫飽個肚，儲足力量才去血拼一番。所以揀呢間食pizza。首先地點好方便，荔枝角地鐵站D1 出口，向大街方向行約5分鐘就到。呢度可以吃lunch set，包湯，一個大pizza同一杯飲嘢都只係$88，論價錢都好抵食。款式有好多，好地道，睇個餐牌好似去咗意大利咁。有黑松露，有雙重芝士，有食肉獸，仲有四款素食pizza，照顧同行不同口味嘅朋友。我揀咗lunch set 風乾火腿Pizza $136 （$88+$48）洋蔥湯用料十足，落咗很多洋蔥🧅。洋蔥味道超濃郁，加埋爽口的冬菇，增加口感，仲有黑椒，整個湯互相配合，好味呀！風乾火腿Pizza呢個係薄批，但係唔係博到紙一般的。我個人喜愛薄批，因為厚批批較溜，薄批可以食多舊。簿批好鬆軟好香口，有舊乾身。上面有風乾火腿，有水牛芝士，蕃茄醬底，還有我最鍾意嘅款火箭菜。食物配搭得好好，好和諧，好好味😋。Americano 加埋一杯香濃的黑咖啡，咖啡味好香濃，係一個完美嘅句號。

之前行過見到億利工業大廈地，下有個唔起眼嘅餐廳。門口細細，係食pizza嘅。今日約friend食tea，咦，原來佢嘅lunch set去到四點。一個lunch嘅價錢，包咗餐湯+主食+飲品，好抵呀。肉醬千層麵（$78）其中一個主食叫咗千層麵。一上碟個賣相討好。size比想像中大，千層麵入面塊數都多，夾雜住好多番茄醬同碎牛肉。食落蕃茄醬味道偏濃，酸味較出。食落口感紮實，亦唔會好肥膩，面層都有啲燒焦咗嘅芝士。餐湯：洋蔥湯黑椒味好濃，舀上黎有洋蔥碎同蘑菇。蘑菇會令個湯再香啲。因為tea time唔想食pizza, 所以另一個叫咗蟹肉蘑菇意大利飯（+$38）上碟分量剛剛好，伴碟嗰條酥條凍咗，比較硬身。飯粒嘅質感偏硬，有咬口。食落有淡淡嘅忌廉味，黑椒味好濃。整體都ok，如果加38，下次可能試其他。餐飲（+$18）花生醬香蕉奶昔因為朋友唔食花生，所以走咗花生醬。香蕉同奶昔幾夾，打得幾smooth的，唔會有種好生嘅感覺，入口順滑，唔錯。

今日同朋友去完荔枝角D2 place，行完就去附近見到呢間賣Pizza的餐廳。係門前已經聞到pizza香味，所以就同朋友決定去食。餐廳除了pizza外，還有沙律，意粉，排餐，幾多選擇。最後我選了 Hawaiian 夏威夷風情 pizza 🍕 $138 (pizza材料有 Italian ham,pineapple, bell pepper, 非常豐富）。佢個pizza成12寸，非常夠份量，我同朋友2個人食真係夠哂飽肚。Italian ham 咸咸地，然後pineapple 酸酸甜甜，非常開胃，加埋一齊味道好夾，真係唔錯。然後佢個批係比較薄，又好脆口，唔係厚批，好岩我口味。我個人都係鐘意食薄批多個厚批，因為有時食厚批可能比較溜。埋單加一都係$152，2個人食到飽，都幾抵食。

禁晚市堂食前去左呢度食2人晚餐，包2個餐湯/1個小食/2個主菜/2杯飲品，清清地既洋蔥湯，唔會太飽肚#'堅'水牛城雞翼 🐥❣️水牛城雞翼醬汁偏酸似tabasco味，配埋芝士醬又係另一返風味，上枱雞翼好熱辣辣又夠juicy，有8件好happy🤩之前食過佢個蒜香芝士雞翼都好好食架#雙層芝士煙肉牛肉拼辣肉醬至尊薄餅 🍕❣️半半pizza唔洗加錢🤗批底厚薄適中夠脆都帶點煙韌👍🏻係小妹鐘意既批底！辣肉醬個邊係微辣，都係似tabasco味，味道有啲單一。雙層芝士煙肉牛肉加左mayonnaise 醬好難唔好食，芝士唔算多，唔知係點樣雙重，不過味道幾好，小妹鐘意呢款😋pizza size好大，每人分到4塊，因為好食所以2人都食得晒#肉醬千層麵 🍝份量唔算大，蕃茄醬汁偏酸既，大概3-4層，正正常常唔算特別出色，配既garlic finger唔熱同埋都有啲太韌#Tiramisu 套餐加錢試左佢個Homestyle Tiramisu， 似Tiramisu tart，有個餅底，質感唔係傳統Tiramisu ，唔會太甜但唔算特別HKD298 + 28 加一服務費Pizza Piazza長沙灣

雖然食澱粉質真係好肥，但係Pizza真係令人好難忍到口，前排有個friend推介我去荔枝角食呢間Pizza，估唔到小店又幾有驚喜👍🏻我哋七點幾去到個場幾乎已經爆曬，好彩一早book咗位。朋友推介呢度嘅晚餐set好抵，唔使$300就可以食到餐湯、頭盤、兩款主菜同埋兩杯嘢飲，呢個價錢喺外面應該食到一個pizza加飲品就完。我哋頭盤叫咗水牛城雞翼，估唔到有八隻咁多，佢個味好濃，唔算好辣，而且仲有芝士醬可以點，中和返味道。至於主菜我哋就叫咗忌廉煙肉超粗意粉，Pizza就係兩個味道雙拼，包括吞拿魚神話、招牌至尊，雙拼仲要係免費🎉意粉味道不過不失，pizza好有驚喜，特別係吞拿魚神話，好足料之外仲要配埋美乃滋，簡直係絕配，食到唔想停。而且Pizza個底比較薄，唔會覺得太飽👌🏻總括嚟講呢間舖頭性價比超高，如果下次再去荔枝角會再試其他味嘅Pizza💃🏼

Lunch set （餐湯+主食+飲品）$78 香菇洋蔥湯(餐湯)好香香菇味，應該係用左新鮮嘅香菇味。飲落去飲得出香菇同埋洋蔥是都係用咗牛油炒咗之後先再整湯，所以多咗一份奶油嘅香味。佢呢款湯仲加咗黑椒做點綴，飲落去少少辣但係又有好濃郁嘅湯味。慢煮西班牙黑毛豬肋骨 (+68）超林！一切落去就到到低啦，果然係慢煮嘅豬肋骨。個汁食落去vinegar 味出，which is 我鐘意嘅style 呀！同埋因為係黑毛豬嘅關係，肉嘅豬味好出，好嫩。伴碟有一啲沙律菜，佢嘅沙律汁係用咗蜜糖芥末，都幾特別。佢啲薯條唔係普通嘅salt and pepper 味。食嘅時候食得出有燒烤味，又炸得好脆。自家造意大利芝士蛋糕（+28）依個芝士蛋糕中間嘅手指餅整得好好。佢塑滿左expresso, 所以食落去咖啡味好出。而且佢用左餅底好足料，有足足~3cm 到。成個口感好豐富，Tiramisu又有軟林林嘅層次又有黎自餅底硬嘅層次。

話說有FOLLOW局長既人都知 局長兩三年前係荔之友成日去荔枝角搵食 而PIZZA PIAZZA亦都係當年局長成日食既餐廳之一無他既 一個字 好食同埋價錢相誼囉 事隔多年局長亦都唔再係荔之友 所以都好耐無再幫襯啦但今日亦都係因為荔之友人既邀請 話要係荔搵食咁局長就提議不如食返我以前成日食既PIZZA PIAZZA啦結果就係咁 隔左幾年再去幫襯啦由於早到既關係 未算多人 但坐左唔夠半個鐘就滿坐所以建議都係上OPENRICE訂左位先 如果唔係就要排隊架啦基本上我每次黎都係叫哩個DINNER SPECIAL因為係CP值最高 不論二人餐定四人餐都係好抵食可以揀2個PIZZA/MAIN 1個頭盤 包餐包餐湯同埋飲品 298抵玩啦PIZZA總類繁多 但由於局長係常客都食得8899 所以今次就揀個之前無食過定其實之前無出(?) 既吞拿魚PIZZA另外揀左一款MAIN 係手工麵 印象中之前都唔太覺有可能換左MENU 或者我唔記得左 ANYWAY 叫左先算首先上左餐湯先 基本上次次都係唔同既湯今次係黎左局長數一數二喜歡既洋蔥湯飲到好香甜既洋蔥味 而家洋蔥亦都唔辣然後就上左局長最愛既水牛城雞翼配藍芝士醬賣

一時興起想食Pizza，於是去咗返工附近食。結果又成為孤獨嘅美食家🥺好飽！！！但好滿足啊～呢間Pizza 店選購都幾多，又有Lunch Set可以簡。呢個價錢又有湯又有嘢飲仲要有一盒Pizza或者Main，認真抵食店面好有美式風格～有種美國街頭會見到嘅Pizza店Feel店內裝修雅緻，枱與枱之間唔會太逼嗰陣餓到爆嘅我，當然要叫Set啦😌😌洋蔥磨菇湯不過不失典型餐前湯，黑椒味濃水牛城雞翼辣度適中，煎炸好嘅雞翼外脆內軟，肉汁絲毫無流失到～嫩滑Juicy！火腿日本香菇Pizza🥺雖然唔係舖頭推薦，但係都有水準最鍾意就係佢嘅薄脆底，而且火腿片同菇好夾，有口感得來唔會太膩啱啱焗起熱辣辣士多啤梨smoothie係粒粒士多啤梨肉啊😍又將口感提升到另一層次

今日黎到荔枝角既Pizza Piazza Restaurant, 餐廳好近地鐵站,行唔洗5分鐘就已經到達餐廳.我地叫左個Dinner Set 二人晚餐 $298.二人晚餐可以選一款頭盤, 兩款主菜或Pizza及兩款飲品.首先到既係餐湯,磨菇湯好濃味同好Creamy. 幾好飲.-卡津薯條配藍芝士醬薯條好好食! 炸到好脆又唔油, 本身有少少辣辣地去粉係上面, 在點埋藍芝士醬真係好好食!-忌廉煙肉粗意粉好重忌廉味 唔會冇汁同好乾身, 煙肉比較厚身 會食到好有油脂既感覺.-招牌至尊呢到所有pizza都係即叫即整既手工pizza, pizza邊都好脆口, pizza散發出濃濃既芝士味 正!!! 不過12吋既pizza 2個人食會食到好飽 3個人食既話就岩岩好.-格雷伯爵茶估唔到咁有荼香味 飲落清香解油膩 舒服哂

喺荔枝角地鐵站一出行一至2分鐘就到，十分之方便😘好容易就搵到佢㗎啦！！入到去6點左右已經有人係度食緊啦！入面裝修簡單而舒服，啱晒一班朋友傾偈！！而且做足安全措施，食都食得安心！！見佢餐牌主打Pizza意粉小食甜品得2款，不過又幾特別！價錢來講又唔算貴日式火腿蘑菇12吋pizza $138性價比高！4人食都得而且因為佢新鮮上同整好，超好食！Pizza餅底煙煙韌韌，唔係薄脆，而且唔會好厚。用料方面，亦都特別，佢用好似西式煙肉嘅火腿，少少咸咸香香，菇味亦都好夠！！卡邦尼粗意 $98同一般Cafe食到嘅好唔同，意粉明顯係自製！好有咬口，而且入面吸哂啲汁，好正！！煙肉係有厚切添呀！！！強烈推薦！！香蕉花生醬奶昔 $38相對有少少失望🙈香蕉味好足，都有強花生將味，反而係唔夠奶昔嘅味道🙈🙈唔夠奶，放到最後好似食緊沙冰咁！不過鍾意香蕉味嘅人就要試啦！！！香蕉拖肥批 $48原來係自家製！唔算好甜而且幾特別！喺出面唔算成日會食到，所以推薦大家試吓！！不過佢咸嘢食會比較出色！建議食多啲主菜🤣🤣🤣🤣

今日去荔枝角探朋友，探完朋友就喺附近搵嘢食， 平時食開的茶餐廳都食到厭，經過一段時間揾餐廳，意大利餐廳都唔錯，就決定在這裏搵東西進餐，這間意大利餐廳感覺環境一流，這裏的裝修別有一格，證明這裏的老闆很有風格，餐廳地方簡潔乾淨，適合三五知己來聚一聚，而且店員也10分有禮貌，你看餐牌，餐牌上的美食很多，每一樣我都很想食。這個西冷牛扒，一食入口，牛扒肉質非常嫩，而且牛肉味濃，口感豐富，肉質厚實，肉味較一般牛隻部分濃郁，味道香濃，肉色呈現一種櫻桃般的色澤，聞起來，已經肉香撲鼻，完美脂肪比例，牛味香濃。正！而且薯條剛剛炸起，表面炸到金黃色而帶微焦，食一口薯條表面卜卜脆，內裏軟淋淋，口感一流豬鞍也不錯，燒烤到剛剛好，肉質細嫩，有水準，

今日早放lunch諗住去試新野，12點鐘去到坐低咗，侍應簡單介紹返餐廳既菜式，我就叫咗個慢煮西班牙黑毛豬肋骨再配hot cappuccino，諗住食得豐富啲。黑椒洋蔥蘑菇湯初時侍應一擺低碗湯，我仲估係中式嘅餐湯，點知一飲落去我先發現原來係日式嘅洋蔥湯，熱辣辣既湯再加上黑椒既辣味，飲落個人都暖啲。慢煮西班牙黑毛豬肋骨豬肋骨又軟又淋，食得出係慢煮既烹調方法，配合埋BBQ醬真係好正，薯條亦都好脆，廚師有夾到兩個食材既烹調時間，唔會因為慢煮豬肋骨既時間比較長而令到薯條變淋。Hot cappuccino食完ribs飲返杯cappuccino，就可以繼續返工。

今日去荔枝角返工,成日都經過一間舖頭好想試下今日終於有機會因為平時openrice都有留意,見到啲食評同埋食物都幾吸引 Pizza Piazza 呢間餐廳主要食意大利嘢,Pizza,牛扒入到舖頭見到裝修得好整潔而且座位都好闊落,坐得比較舒適Aussie Ribeye Steak 肉眼扒餐$78+68今日餐湯係洋蔥湯,洋蔥湯味道好香,將洋蔥嘅甜味釋放曬出嚟加埋其他嘅調味,洋蔥味道更加濃郁亦都好有層次,飲完好開胃。主菜嚟到,肉眼扒份量好大,而且煎到好香,旁邊有啲薯條沙律菜,因為牛扒我要七成熟,牛肉嘅質感特別嫩滑,口感軟腍,完全唔會有筋,肉質結實得嚟又有少少油脂,令到牛肉嘅味道更加香,估唔到百零蚊可以食到咁靚嘅牛扒薯條都炸到金黃色好香脆,剛剛炸起，食落真係唔同啲比起大型連鎖店嗰啲仲好食BBQ Ribs 燒豬肋骨$78+68豬肋骨醃到好入味,肋骨已經同肉分離,肉質非常軟嫩外焦內嫩, 見到都覺得好開胃,而且仲係好多肉汁,加上bbq醬調教得好好,令到味道好豐富,醬汁加埋啲飯一齊食真係食到停唔到口仲有杯餐飲，夠晒凍冰冰😍飲落都特別舒服😌呢間餐廳我非常滿意我一定會再返嚟幫襯

今日去咗荔枝角見工，見完工就行咗陣D2 place, 之後就去搵嘢食，行過億利工業大廈見到有間pizza店就試吓所有外賣有七折 餐廳裏面有啲畫，增添藝術氣息Lunch時間有lunch set同Pizza set ，有飯有意粉有pizza仲有扒，任君選擇，Pizza好多口味好吸引，不過我驚一個人食唔晒，最後就叫咗個蟹肉鮮菇意大利飯，跟餐有埋湯同埋嘢飲，仲可以加錢叫小食呢個係洋蔥湯，好少係出面飲到，不過幾重洋蔥味，又幾好飲蟹肉鮮菇意大利飯，配搭麵包條，仲有芝士碎、菇同蟹肉撈埋一齊，好creamy, 唔錯加錢叫咗個蒜香芝士雞翼，有四隻，蒜香味十足，仲有芝士碎，加埋又幾夾，雞翼熱辣辣要趁熱食，好香脆嘢飲方面就叫咗伯爵茶，冇咩特別買單百五蚊，驚訝自己又食得晒，食得好飽

就係D2 Place附近 行完街行過去都好方便估唔到細細地嘅店舖有咁出色嘅西餐入面成個感覺都好舒服 唔會好似其他西餐廳咁好侷促餐湯味道好濃郁 唔會好重味精 裏面有好多蘑菇洋蔥 十分開胃忌廉煙肉粗意粉忌廉味道好濃郁 粗意粉口感上比較彈牙啲煙肉同平時食到嘅好唔同 佢係比較厚身 覺得有少少似食緊叉燒或者臘腸🤣油脂味好岀 同啲意粉一齊食好香口 比起平時好簿嗰啲煙肉食起上嚟更加有滿足感薯條配藍芝士醬極度推介薯條 做得好脆好驚啲好粗入面好粉既薯條 呢個完全唔會 薄切 有啲入面直頭係空心咬落去好爽 薯條本身嘅調味已經好好鹹鹹地有啲海鹽味 加埋醬汁又係另一回事個芝士醬比較水 但唔影響味道 好濃郁而且薯條份量好多 出面呢個價錢應該得一半檸檬茶 見到個檸檬擺位 心情都好啲 冇乜特別 茶底偏向似紅茶唔會好苦澀環境好舒適 臨近聖誕開始有啲擺設氣氛唔錯 適合情侶或者一大班朋友敘舊👍🏻