Pizza Piazza

營業中

休息中

今日去荔枝角逛街，然後當然在附近吃個午餐。穿過億利工業中心竟然比我發現有間pizza餐廳，正正近日十分想吃pizza，而且看到Lunch set 都只是$78-$88， 包湯、主菜、餐茶/咖啡/汽水，感覺都抵食。趁時間還早未到中午旺場時間，一於試試。一心想吃pizza當然點$88 pizza lunch set，多款pizza中我點了「最不受意大利人歡迎的」夏威夷薄餅 xd 先來《洋蔥湯》，味道都幾清甜。《夏威夷風情薄餅》有9吋大，足足夠兩個人食。餅底薄身不膩，餅邊煙韌有包感，夠熱度所以芝士都有拉絲效果。餅面舖上了火腿，所以入口除了有芝士蕃茄香，亦有火腿咸香。飲品+$18 點了《Iced Strawberry Latte 凍士多啤梨鮮奶》，士多啤梨蓉加上鮮奶，味道酸酸甜甜不覺膩。+$28 可高加小食或甜品，我選擇了《自家製香蕉拖肥批》。餅底香口，中間有香蕉和肥批。看似甜膩，但實際入口並沒有太甜，所以膩感不重。感覺是家庭式經營，職員十分忙碌但仍親切有禮。

今日出到荔枝角做野，唔太熟路，就係地鐵站附近搵食，誤打誤撞入咗呢間pizza店，點知原來咁高汁Lunch hour $88就食到pizza，仲包湯包野飲，好抵今日湯係洋蔥湯，好重洋蔥味，入面仲有一絲絲煲到勁淋既洋蔥係到吞拿魚神話pizza，即叫即製，上枱熱辣辣，勁多吞拿魚係面，加埋啲蕃茄仔，足料色水又靚朋友減肥就食燒大蝦沙律，呢到無落沙律醬，取而代之用芝士撒面，風味十足蒜蓉雞翼，烤得岩岩好，多汁又重蒜薯條更加無得彈，亦係即炸，勁脆身，配藍芝士醬，好香、有另一番風味。野飲方面，朋友叫左伯爵茶，估唔到係成壺上，仲有粒檸檬，可以無限添加伯爵檸檬茶我就叫左熱咖啡，奶糖自己落，不過不失岩岩坐低既時候無乜人，點知食到一半勁多人入黎買外賣，而家走既時候出面排晒隊！

係長沙灣D2 place行到攰想搵間坐得舒服又抵食Pizza，比我發現間Pizza Piazza，價錢合理又抵食。Pizza set+soup+drink $88，好抵食😋***溫馨提示各位部份Pizza需要額外加錢的。Lunch set (soup+main+drink) $78***溫馨提示各位要留意套餐是否需要另收額外費用，部份套餐需要額外加錢的。餐湯為洋蔥湯，小編覺得味道上有點像吉野家牛肉飯的牛肉汁😂Lunch set: 炸意大利辣肉腸鮮車里茄凱撒沙律 $78份量多，沙律菜夠新鮮，辣肉腸帶少少鹹味，加上芝士粉令整個配搭更加昇華。Lunch set: 肉醬千層麵 $78賣相吸睛打卡一流，也非常香濃美味。濃郁的醬汁，能夠品嘗到番茄和洋蔥甘甜的味道，配上千層麵的組合簡直是絕配。追加精選美食: 卡津味薯條配藍芝士醬 $28份量多，薯條炸得香脆可口。Pizza set: 夏威夷風情 $889吋Pizza，好足料，有煙肉，菠蘿、黃椒和紅椒。凍檬茶+伯爵茶

和美魔女同事難得到深水埗行街，喜歡吃意大利菜的她，帶我到這家位於荔枝角性價比高的意大利菜，小店價錢，優質享受😜從中令我學識如何品嚐意大利菜。是日餐湯是洋蔥湯，普遍餐廳的都是羅宋湯或忌廉蘑菇湯等等，而新鮮洋蔥湯製作需時。要先炒香洋蔥，再加入高湯，而品嚐整碗洋蔥湯後，見到湯底有粒粒即磨新鮮黑椒，更顯誠意。（太心急飲。沒有拍照）炸辣肉腸凱撒沙律凱撒沙律的生菜新鮮爽口，配上芝士粉後，可口。炸辣肉腸更是我意料之外，為節省成本，很少小店會選用辣肉腸粒🤭但這裏除了用辣肉腸粒外，份量確實很足夠二人分享。再加上香草🌿芝士條，大愛。手工即烤薄餅（全肉樂園）薄餅外型薄脆，邊皮有咬口材料豐富，有意大利火腿、免治牛肉、意大利煙肉、黑椒辣肉腸、洋蔥，相信下次來還是會點這薄餅😁😁。以提拉米蘇為今天的意大利美食之旅畫上圓滿句號總括來說，正宗又抵吃😌

今天在荔枝角的D2商場行街，人流開始多，所以便選擇了去荔枝角地鐵站附近尋找美食，在地鐵站附近有一間地舖，主要是食西餐和薄餅的，中午的價錢不太貴，所以便決定試一試。我看見餐廳的大部份人也是選擇中午的lunch set。我選了夏威夷風情薄餅、炸意大利辣肉腸鮮車里茄凱撒沙律、肉醬千層麵。每個餐都會有一杯飲品和一碗洋蔥湯，另外可以加$28追加精選美食，今次我選了卡津味薯條配芝士醬。首先來到的是夏威夷風情薄餅，個pizza足9寸，非常夠份量，同朋友2個人食都夠食。火腿咸咸地，配搭酸酸甜甜的菠蘿，再加埋黃椒、辣椒同番茄醬，夾！批係比較薄，脆口又唔會太厚身，食到薄餅上的醬汁和濃厚的芝士味。沙律的份量很多，沙律菜很清新，10分適合配搭辣肉腸和惹味的芝士條肉醬千層麵的配料充足，基本上每一啖都會食到肉碎，麵身又唔會太乾，值得推介。薯條香口惹味，加上本身有少少辣味，點埋芝士醬黎食真係好正！

荔枝角呢個咁繁忙嘅地區, 要搵個舒適嘅地方的確係唔係容易嘅事！正係我等車期間諗住去第二區食嘢, 轉身見到呢間Pizza餐廳🍕(利申：Pizza lover❤️)就緊係食埋先走啦😁Pizza Set(Soup + Drink) $881/ 辣肉醬至尊🍕 +28本身已經好鍾意食辣肉腸, 佢地有個加強版連埋辣肉醬😍(呢個係佢哋嘅hot item之一😁)味道立即提升, 而pizza底做得香脆, 一個人食咁大件Pizza真係好滿足😋2/ 自家造意大利芝士蛋糕🍰 $28件芝士蛋糕雖然唔係話好大件, 但就足以滿足你嘅味蕾! 完全佢地自家製既芝士蛋糕, 佢嘅餅底偏硬身, 而蛋糕面有層好厚既, 食落非常Creamy👍🏾**另外想讚一下店員, 佢地觀察入微, 我只係抬頭1秒佢哋會立即留意客人有咩需要, 即使自己喺度沖緊咖啡👍🏾

➡️食盡荔枝角之意大利菜 — Pizza Piazza—————————————————WFH左成個星期，又係時候出街放下風食下好野啦😆星期六黎到荔枝角行D2 place，行完見肚餓就見到附近有間Pizza鋪，Weekend都一樣有lunch set仲去到四點，咁就呢間啦！😋🔸 9吋 蟹肉大蝦Pizza $78+48一落完單唔夠2分鐘，湯就已經上枱🤗今日既湯係牛肉湯，落左好多黑椒調味而且有一啲香菇，唔錯！到主菜Pizza，其實9吋都幾大，我今次係2個人食，下午茶真係一人三塊都夠飽🤣，呢個pizza特登加咗48蚊，食到有啖啖蟹肉🦀，加埋千島醬同大爽口既大蝦🦐，正呀😍😋食pizza跟凍可樂就基本野😌見佢跟餐有得優惠價$28跟自家製Tiramisu，就試試佢啦🤔Tiramisu個造型幾可愛，係三個切上面再加左pat好似海豚咁既Tiramisu cream🤣食落味道岩岩好唔會太甜，而且比較特別係佢底層有個似cheese cake既餅底🤗，叫黎過下甜品癮都唔錯嫁！💭 Overall commentizza Piazza位置方便，係荔枝角MTR 2分鐘就行到，lunch set都幾抵食，可以一試！呀

今次試依間pizza都幾好食。位置都算易搵，附近都有好幾間餐廳，門口當眼位放左佢地嘅lunch 同pizza set menu。 我同朋友都係黑松露fans，所以叫左個黑松露誘惑試試。9”pizza 幾大個，我覺得一個人係唔會食得曬，同朋友share會好啲。pizza餅底係薄脆，上枱個刻好香嘅黑松露味散發出嚟，食落唔會太鹹，我幾中意。 另外叫左千層面嘅午餐set,兩個餐各自加28蚊都可以配小食或者甜品。我地叫左水牛城雞翼同tiramisu。千層面比起其他餐廳嘅份量黎講都算大份，蕃茄肉醬唔會乾身，芝士亦都幾香，唔會死鹹。水牛城雞翼都脆身，味道都唔錯，可惜醬汁食落有啲唔夠喉。 tiramisu賣相吸引，餅底幾濕潤，有少少咖啡香，芝士層比較流質，上下分層比較明顯嘅感覺，適合鐘意有明顯層次感嘅食客。飲品方面我叫嘅伯爵茶係套餐包左，係茶壺同茶杯分開上，係茶包茶嘅關係中規中矩，店員有提示泡多一陣先再飲我覺得都幾貼心。一開始倒出嚟係比較淺，坐耐左食曬其他野再飲嘅時候就飲到茶味，茶色望落都幾濃。 小店黎講都坐得舒服，係個可以同朋友靜靜地傾下計嘅餐廳。

呢日去左位於荔枝角嘅Pizza Piazza同朋友一齊食lunch。lunch set都好多野揀，仲幾抵食，配餐湯同飲品！我同朋友兩個人一人叫左一個set加小食share嚟食，一個叫左肉醬千層麵，另一個就叫左黑松露誘惑素食pizza,分別加配水牛城雞翼(4隻)同tiramisu。飲品我叫左iced latte, 賣相相當吸引，黑白兩層分明，咖啡香濃，飲落都幼滑。餐湯係洋蔥湯，材料仲有菇，望落都幾深色以為會好濃味，但飲落幾舒服清新，有淡啖嘅胡椒香味。肉醬千層麵份量正常，肉醬都幾濃旭，有肉碎保持咬口，千層麵麵質啱啱好，唔會食落太粉或者太厚，整體唔錯。黑松露誘惑素食pizza, 黑松露味都幾重好香，一上枱就聞到好香，係薄脆嘅餅底，咬落夠脆，就算擺耐左少少，都唔會變得好韌，好食！lunch set嘅價錢呢個足夠兩人份食嘅pizza真係抵食又好味~加配嘅水牛城雞翼(4隻)水牛城醬食落微辣惹味，仲有d沙律菜可以解下膩。而Tiramisu三角造型，通常會係餅底浸咖啡，呢間鋪頭嘅有少少唔同，中間有層餅充滿咖啡，底層係普通餅底，食落感覺更有層次感~整體餐廳環境，食物質素都唔錯，價錢亦都親民，可以一試~

今日放工，去到荔枝角食個中午飯，呢間餐廳好近地鐵站，非常之方便！價錢都好抵食，一個價錢就有一個午市套餐，包湯，包主食，包嘢飲，非常抵食！Pizza有好多款俾你揀，真係種類好多！呢個Pizza套餐真係好抵食， pizza又好大份，又可以追加小食，價錢都唔係好貴。餐湯係黑椒蘑菇湯，好香濃嘅黑椒味，又有洋蔥，又有冬菇，非常之好飲！我叫咗佢嘅日本茶，味道好清新，好易入口。好好飲。我加咗$28 ，追加左四隻雞翼，非常之好味，好香濃嘅芝士味，外脆內軟，好友驚喜！我叫咗呢個Pizza餐，夏威夷風情，好多菠蘿，材料豐富！ pizza好鬆脆，熱辣辣，新鮮出爐係特別好食嘅！好值得推介嘅一間Cafe ！

今日午餐我揀了pizza, 由於成日食pizza hut, 今次改下食這間手工pizza 🍕叫了一個套餐F(4-6人份量)「四重奏 -水牛芝士，塔勒奥芝士，藍芝士，巴馬臣芝士」外貌不太好看， 不過厚厚不同芝士，味道濃厚，可惜餅底淋哂了，如果熱辣辣又脆一定好好味🤭🤭「辣肉醬至尊-辣肉醬，意大利辣肉腸，洋蔥，黑橄欖」十分野味🥰 辣辣肉，喜愛辣的就是不二之選😆「蒜香巴馬臣芝士雞翼 8pcs」有點蒜香味😉 份量充足！不錯不錯👍🏻「 厚切煙肉意粉」粗意大利粉，有點過硬😅 麻麻地「意式肉醬千層麵」我只可以講不合我心意😣 千層皮硬，味道no good 😩備註：🔺堂食應該好一點😅 因為送到來已經凍哂了

喺荔枝角地鐵站勁方便，5分鐘都唔使就到啦！！門口有個好搶眼嘅點名霓虹燈，好友韓國小店嘅感覺🤩都幾有趣！！入到去都好舒服🥰人同人之間都有啲距離，感覺上可以傾偈都唔怕俾人偷聽🤣🤣🤣參考見到佢哋都比較簡單，專攻pizzza!!亦都有意粉甜品飲品小食揀！！火腿蘑菇pizza(12inch) $138價錢來講唔算貴！火腿唔係平時喺茶餐廳食嘅火腿，而係好似煙肉咁！！有咬口，而且鹹鹹地，加埋蘑菇一齊食好豐富，佢仲有啲basil係面，成個Pizza好有風味😍另外叫咗個忌廉煙肉粗意 $98一啲都唔貴而且好好味！！！係手工意粉，寫明係自己整嘅😍果然比出面買嘅比較有咬口好食！條條都點晒汁！！！就算過咗一排都仲會諗起🤩真係推介俾大家試！！花生香蕉奶昔 $38比想像中冇咁濃味！！花生味比較出☺️不過都幾有特色！！喺外面小見！！最後仲叫咗個蛋糕 $48香蕉拖肥蛋糕😍係佢地店嘅signature!!!!

(●°u°●)​ 」Pizza Piazza(●°u°●)​ 」喺荔枝角地鐵站行大概1分鐘左右D2 Place隔離 舖頭雖然細細間但位置 裝修 食物 有水準—————————————————————————餐廳主打係Pizza 咁我就試吓非主打🙈如果其他食物都好食 咁主打嘅嘢一定唔會差得去邊我叫咗個肉眼牛扒配薯條 🍴飲Coke Zero👀肉眼牛扒幾好食 唔多肥膏 但油香非常足夠個人比較鍾意熟少少所以叫咗七成熟薯條係比M記嘅細條少少 炸得好脆抱住一試嘅心態 冇食pizza食牛扒比我想像中好環境方面 四四方方 企理乾淨下面係餐牌🔽下次再食Pizza同埋意粉🍝

黑松露蘑菇薄餅好好食亦都夠曬鬆脆。最好食嘅一定係呢個。Cajun fries 炸薯條亦都炸得非常鬆脆上面嘅調味料亦都好夠曬辣。素食pizza薄餅就一般般。上面嘅茄子分量太多。反而番茄份量就差少少。海鮮意粉用咗好多哈海蝦。蒜味亦都夠濃厚。總括嚟講食物分量係夠曬幾個人食。但係記住pizza係較為薄身。味道都ok。薄餅嚟講喺九龍區嚟講算係中上。飯意粉同埋炸薯條高品質畀薄餅仲好食。非常推介個炸薯條。價錢方面都較為平民。

上星期六經過就係望到呢個Pizza set個大大個招牌好吸引，所以就諗住整返個食下啦。點知佢話要落場，所以冇緣一試。今次我醒目喇，星期六準時放工嗱嗱聲坐車出去食。首先呢間係一間小店，大約有八張枱。服務生係兩個比較肥胖嘅女人，最重要係佢哋兩個塊面都黑黑地，統稱黑面，完全冇笑容。所以唔好諗住一舉手就有人睬你，冇㗎，唔好亂諗。Pizza Set$88就只有五款選擇，有最基本嘅意大利瑪嘉麗塔、夏威夷風情、素食主義、紅魔鬼、火腿日本香菇。只要另駕$28或者$48就有好多正款選擇啦，例如藍芝士牛肉、芝士四重奏、風乾火腿、辣肉腸至尊、黑松露煙肉等等。由於第一次試食，我個心好糾結。我又好想食基本嘅『瑪嘉麗塔』，但係我又好想食『比安卡』、『Parma風乾火腿』。『比安卡薄餅』係有意式煙肉、芝士、洋蔥，齋睇圖見到上面嗰幾塊香葉，就已經好吸引。 『Parma風乾火腿薄餅』，擺到明係因為我想食Ham。但係最後我放棄晒所有，我揀咗『全肉樂園』，因為佢都有意大利風乾火腿，所以平平哋加$28就轉左呢個。首先我要講呢度嘅湯係唔好飲，我