Pizza Piazza

營業中

休息中

見佢lunch set唔係叫貴，$78-$88有個main/pizza食，一於就入左去試下！⭐Lunch Set ($78+18要大蝦沙律)贈送： 洋蔥湯和飲品洋蔥湯偏悕身，不過就重菇同黑椒味⭐燒大蝦凱撒沙律大蝦件數都多，有少少燒香味，食落去惹味🤤香草芝士條好煙韌，要同埋沙律菜一齊食特別夾沙律菜爽口同新鮮，配埋芝士粉及沙律醬就非常開胃⭐Parma 風乾火腿Pizza ($88+28)特選pizza 係要加錢的啊～Pizza size 好大呀，不過好力佢皮薄，所以就算切開八塊，我同朋友2個人食都覺得好滿足！🤤Basil 同Parma ham 味好夾，食落好有層次，亦都冇油膩感。咬落pizza 仲要係脆口~⭐香蕉拖肥批 (set menu +$28)甜品之選 <3 餅乾底，香蕉味好重，上面一層厚厚的Cream 配埋拖肥簡直係令我興奮左成個下就 😚

朋友介紹嘅餐廳，餐廳環境舒適，適合同朋友食個飯傾下計～嗌咗2個lunch set $78 勁抵，再加咗個pizza同甜品！約350左右黑松露煙肉Pizza❤️🍕 ($178)一上菜黑松露的香氣就撲面，賣相亦相當吸引。餅底很脆，上菜溫度亦很好，熱辣辣的。材料相當足，啖啖都食到有蘑菇，煙肉亦都蓋滿成份pizza。黑松露控一定要試下！蟹肉鮮菇意大利飯🍛🍛 ($78)望落好似好齋咁，但食落好香蟹香，有啲似食長腳蟹果陣味😍 蟹肉都比得幾多，飯粒分明，都唔會太硬或太軟😊 個人覺得食到最後有少少滯，但都幾滿意的，同朋友share就啱啱好肉醬千層麵 ($78)香濃芝士味嘅千層麵，有時出面食嘅千層麵會溶溶爛爛咁，但呢度嘅千層麵層層分明，幾有口感自家製香蕉拖肥批必食!超有驚喜！跟餐加28蚊就有嘅甜品！香蕉味極濃，加上拖肥呢個絕佳嘅配搭！非常深刻嘅甜品！推介！

今日到荔枝角買手工材料，喜歡意大利菜的我，看到OpenRice的這間小店評語不錯，加上午市套餐價錢合理，便試試看。見到也有外籍人士在這裏光顧，相信質素有點保證吧😜我們都點了一午市套餐，贈送洋蔥湯和飲品🎈洋蔥湯味道香濃，炒香後的洋蔥更出味，配上黑椒及高湯，令到整碗湯的味道更有層次。來到意大利店，必點薄餅吧！薄餅的份量剛剛好足夠二人分享，共有六件👍🏼👍🏼手工即烤薄餅全肉Pizza !!!!! 這薄餅夠薄，邊皮煙韌，材料有意大利火腿、免治牛肉、意大利煙肉、黑椒辣肉腸、洋蔥😁😁。大家都吃得超滿足😋炸辣肉腸凱撒沙律炸辣肉腸有咬口，肉腸有香草味道😚沙律菜新鮮爽口，配上芝士粉和沙律汁，更開胃。值得一提的是，香草芝士條絕對是點睛，煙煙韌韌有咬口😇點了一杯expresso ,額外加多一小杯奶後，就真的滿足了。

好熱啊～係荔枝角條大馬路行行吓真係頂唔順，見呢間野外面隻藍色咁特別，就吸引咗我🤩見佢lunch set都唔算貴，$88有pizza食，正啊入到去坐位唔算多，幾寬躺，唔會背脊貼背脊叫咗個lunch set,有個黑椒香菇洋蔥湯。偏悕身，水啲但好重菇同黑椒味，唔錯👍🏻👍🏻👍🏻出面熱到咁緊係要飲凍飲啦，叫咗杯士多啤梨鮮奶，酸酸地好開胃，又解渴👍🏻個樣仲幾靚添🤣主食叫咗個意大利飯，本身想叫Pizza，但一個人食諗諗吓怕食唔晒，做人最緊要惜食🍴呢個係蟹肉鮮菇意大利飯，蟹肉味唔算出，但就好香菇味我好中意🤩👍🏻👍🏻👍🏻個飯嘅質地啱啱好加咗個薯條，比一般偏幼，佢個醬真心好味👍🏻👍🏻一個人清哂🍴👍🏻

有朋友喺荔枝角返工，推介食呢間Pizza小店。店面比較細，打開門入去坐低，我感覺居然好似去咗外國嘅小店咁，幾好feel~比較過單點menu之後，決定叫一個二人套餐。$298（包括一個頭盤，餐湯，一個主菜，一個手工pizza同埋餐飲）餐湯就好快到咗，對於我來講就唔太啱胃口，可能洋蔥湯味道太濃。😥新鮮即炸薯條配埋藍芝士醬，係一個新嘗試，加埋芝士醬就顯得好食🥰🥰，食落去仲有啲微辣，值得推介👍🏻蟹肉鮮菇意大利飯🤤新鮮整好嘅白汁意大利飯，加埋蟹肉同埋少少蘑菇👍🏻，食咗一啖之後會再想食第二下，食到有蟹肉，係值得推介嘅意大利飯👍🏻藍芝士牛肉pizza🤭整個Pizza係薄皮，所以就算有八塊，兩個人食都唔會太多。但係藍芝士味就非常突出，但整體感覺又顯得比較淡。食開重口味嘅朋友可能未必啱。整體環境10分舒服，三五知己聚埋一齊傾偈食飯，係一個好好嘅選擇。一杯伯爵茶，一杯凍檸茶，一餐悠閒嘅晚飯🥳

雖然餐廳坐位唔算太多, 不過幾張掛畫都帶有少少playful意大利風，都幾舒服。Lunch set 方面都好簡單,分別有pizza類同pasta salad 類, 我地就 選擇咗一個pizza(火腿日式香菇) 同一個意粉(黑松露大蝦意粉)。套餐除咗主食之外仲有湯同飲品, 當日嘅湯就係洋蔥湯, 裏面有滿滿嘅洋蔥同有啲菇，唔錯。pizza 切開都有成6片，一個人就未必食得哂。上面鋪滿咗滿滿嘅香菇同火腿片, 仲有唔少嘅芝士畀大家去拉絲tim 😍, 餅底方面係薄薄的正宗pizza薄皮, 食得出嘅麥香, 最啱鍾意食香脆嘅朋友仔！意粉方面, 除咗香濃撲鼻黑松露味以外, 當中仲有好橄欖油香同蒜香味, 有多重層次嘅感覺, 仲有幾隻好爽口嘅超級大蝦, 扁意粉好有嚼勁, 我同朋友都好surprise好好味。最後我哋仲加多咗個tiramisu, 呢個度既tiramisu 同坊間唔同, 口感有少少似蛋糕, 比較硬身, 而蛋糕上仲有一堆好smooth 既cream 做點綴, 值得一試。

長沙灣 D2 place 附近愈黎愈多野食Lunch time 想食pizza 見到有手工pizza 當然不可以錯過 Lunch 有set 除左pizza 仲可以揀意粉、牛排 、 ribs 叫左Hawaiian 夏威夷風情 見到Pizza黎到出晒煙已經好興奮 切開批邊脆卜卜 唔太厚岩晒唔想食咁多澱粉既朋友Hawaiian 夏威夷風情係番茄醬底 配料有 甜椒 芝士 菠蘿 火腿 食落好清新 一d都唔會膩跟洋蔥湯 除左洋蔥仲有香菇 所以個湯好甜 餐飲揀左Ice Americano 食完咁多肥仔野解膩一流再加左自家造香蕉拖肥批 見到好多人推薦 留肚都要試下一啖食落去 首先係食到香蕉蓉 然後好surprise 拖肥真係比出面黎講唔甜 最後就食埋仲脆既餅底Lunch set 其實假日都有 又多個自家製既pizza 選擇嚕

荔枝角真係工廈隱藏咗好多小店😋呢間餐廳主打手工pizza，仲有唔少意粉同意大利飯可以揀👍❣️夏威夷風情Pizza 有足9吋咁大，兩個人食都好夠🤩🤩🤩個餅底雖然比較薄身，但係勝在烤得好脆口，火候平均😋😋 Topping 有菠蘿、火腿同黃紅椒，火腿嘅咸味同菠蘿嘅甜味互相配搭，味道豐富🍕🍕👍👍❣️黑松露大蝦Manchini 超粗意粉大蝦真係好大隻🍤🍤粗意粉好掛汁，略嫌個sauce 有d油同黑松露味唔夠濃郁🤏整體推薦度🌕🌕🌕🌗🌑

今日嚟到荔枝角食Pizza。見到呢間Pizza有好多款式，十分吸引，而且價錢相宜，所以嚟到食午餐。同朋友叫了一個午餐set加一個小食share。❤️Pizza set lunch (包餐湯、9寸薄餅、飲品）HKD 88 - 餐湯是洋蔥湯，偏油。薄餅選了瑪嘉麗塔(Margarita)，沒有肉，配上蕃茄醬，mozzarella 芝士同埋basil，味道有層次感，不單調，吃下去也不會有很油膩嘅感覺，薄餅外層也覺得很鬆脆，邊邊位也很好吃😙❤️水牛城雞翼 四隻 (跟餐+ HKD28) - 雞翼偏大隻，啖啖肉，配上醬汁很惹味，有一點辣嘅味道。❤️青檸荔枝梳打(跟餐+ HKD18) - 清新的味道，正常發揮。餐廳座位舒服，服務好，期待下次再光顧，試一下其他薄餅，或者手工意粉和沙律❤️

朋友早已推介過呢間位於荔枝角嘅小店pizza做得出色，今日終於有機會一試。我地叫左2人晚餐 ($298)，本來擔心份量會太多，但套餐實在太抵食所以我地就決定要挑戰下！大蝦Caesar Salad 配洋蔥湯大蝦沙律比想像中大盤好多，蝦亦都夠每人幾隻，沙津菜材料新鮮，食落爽脆忌廉煙肉超粗意粉一向都鍾意粗意粉特別有咬口，加上忌廉汁濃郁creamy, 緊緊掛係每條意粉上，煙肉嘅份量亦十足，加埋邪惡嘅芝士更加香口藍芝士牛肉拼夏威夷pizza嚟到呢度嘅主打pizza, 餐廳提供自選雙拼，絕對係對我呢類選擇困難人士嘅福音！我揀左平時最鍾意嘅夏威夷pizza, 同埋比較特別嘅藍芝士牛肉，傳統嘅夏威夷味當然有水準，藍芝士牛肉更加係令我喜出望外，blue cheese嘅味道突出，襯pizza相當不錯！

同朋友喺附近工廈做yoga, 經過見小店有位, 就入去試下。叫咗個二人餐 $298 share, 非常豐富☺️頭盤 - 大蝦凱撒沙律: 大蝦肉質爽口彈牙, 沙律調味唔錯😋是日餐湯 - 洋蔥湯: 一個要用心機時間烹調嘅湯, 所以好少餐廳會供應, 加分!主菜方面可選擇兩個主菜或薄餅忌廉煙肉超粗意粉 - 意粉Al dente, 而且粗身有口感, 食到停唔到口🤣12’’手工薄餅 - 套餐一共提供13款口味, 我哋就叫咗Half Half Pizza, 即兩款口味每款一半。餐廳呢個flexible arrangement絕對係另一個加分位👍🏻 夏威夷風情嘅同藍芝士牛肉配料足, 而且餅底薄, 好食! 整體來講, 餐廳嘅食物質素高, 而且座位幾闊落, 會再光顧!

同同事約埋一齊食lunch，去咗食意大利餐。呢間服務雖然唔錯，唯獨係份量都基本偏細，如果自己嚟食叫一個餐可能都食唔飽。雙芝士煙肉牛肉薄餅配蒜香巴馬臣雞翼 $144感覺薄餅肉量偏少，番茄醬同他他醬就好多，餅底 好韌好難咬，少啲牙力都唔得，味道就係啲醬料味同芝士味，整體嚟講一般般，唔難食亦都冇話特別好食。雞翼上面放上芝士，都幾新穎。雞肉軟淋，但係雞翼同芝士真係冇話特別夾😂意大利煙肉條意粉加薯條配藍芝士醬 $106煙肉條幾好咬口，意粉似係蕃茄意粉，番茄味道幾好，酸酸地幾好食。幼薯條金黃色熱烘烘，仲係脆嘅，配搭芝士醬又幾好食。黑松露大蝦意粉 $116意粉比較乾身，配搭少量黑松露嘅香氣，蝦肉彈牙，而且幾大隻，份量可以再多啲。澳洲草飼肉眼扒 $146肉眼扒自帶牛肉汁，肉汁香濃，入口唔夠軟，有啲難咬，比較細塊。配菜既薯條就畀好多，薯條真係幾好食。

而家真係多左好多匿左喺工廈/工廠區嘅美食小店，今日嚟到荔枝角，就俾我搵到一間pizza餐廳。 餐廳雖然主打薄餅作招來，但今日天氣太焗唔想食pizza咁亁身嘅食品，好彩意大利粉/意大利飯都有提供。餐廳裝修走美式簡約咖啡店風，望落坐落都好舒服，簡簡單單。叫左個蟹肉鮮菇意大利飯，午餐優惠價加多$28就可以再加一個蒜香巴馬臣芝士雞翼｡食物上台速度都算幾快。試下個🥘意大利飯先，煮得非常好，飯粒軟稔中帶點咬口，粒粒分明嘅飯粒，俾好似奶油咁滑、質地濃稠嘅湯汁包裹住，同時飯粒亦都完全索晒汁。雖然可能撞色關係，唔係好睇倒有蟹肉，不過食落都真係有小小蟹肉嘅鮮味，仲有雜菌嘅香味，令呢個飯嘅味道更有層次，的確係一個唔錯嘅意大利燴飯。 🍗芝士雞翼炸得非常金黃香脆，有少少芝士粒灑喺面，令雞翼更香，除咗雞翼之外，仲有少少沙律菜伴碟，呢個一定要讚，沙律菜用左芥末蜜糖醬，少少甜酸、味很香，大大增加了食慾。 餐廳裝修雖簡單，但坐得舒服；食物用心製作，烹調技巧出色，難得在工廠區找到這個水準的小店，下次嚟開都一定會再幫襯｡

今日嚟到荔枝角D2 Place附近，位於大馬路巴士站旁邊嘅工廈地面有唔少食店，我今次就嚟咗呢間Pizza Piazza。佢嘅木系裝修由餐廳外延展到餐廳內，走嘅路線係較為美國風。🇺🇸望望餐牌，由要分咗pizza同pasta兩大類，雖然我都心郁郁想食pizza，但今次一個人食就驚食唔晒，等下次再來吧，所以我就點了一份肉醬千層麵，再一杯香蕉花生醬奶昔（美國風就係要呢啲對吧！）。千層麵算係基本菜式，當然係用嚟一試餐廳身手嘅一絕之選。佢嘅醬汁用咗好多蕃茄托起味道，蕃茄嘅口感都好明顯，亦樂見牛肉嘅味道仍然佔一席位，證明醬汁絕非凡品。而一重與一重麵嘅中間嘅醬汁份量恰到好處，唔會令結構鬆散或者唔夠味，整體來說真係不錯。奶昔見餐牌寫住係用新鮮香蕉即製，而飲落都好重香蕉質感味道，所言不非，至於花生醬味，個人而言如果再重手啲就更好了（我是花生醬忠粉🥜）（溫提花生敏感人士望清楚先好叫，有另一款士多啤梨朱古力奶昔啱晒你地試！）。肉醬千層麵賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️香蕉花生醬奶昔賣相：⭐️⭐️⭐️⭐️味道：⭐️⭐️⭐️價錢：⭐️⭐️⭐️

很少會去荔枝角那邊，今日因為公事路經長沙灣廣場，處理好事務後發覺已經是下午2點，就順便在附近找間餐廳吃個late lunch吧。長沙灣附近都是工商大廈，2點已經過了正常午餐時間，反而較易找位置多選擇，會去Pizza Piazza想必是比它的室內裝潢吸引，因為它使用的是我最喜愛的木傢具。今次點了一個Margarita Pizza 然後再加了水牛城雞翼及香蕉拖肥批做甜品。食物到了後發覺份量多了點😄。還好Pizza 是正宗意大利薄餅，不是那些又厚又油的，吃完整個也不會太飽。水牛城雞翼很脆香，但不是太辣。香蕉拖肥批是自家製的，上面還加上忌廉和朱古力醬，一定要試。碰巧當日有十幾個學生家長在聚餐，非常之熱鬧😁 真是不論那個世代的小朋友都愛吃Pizza。