Pizza Piazza (已結業)

朋友早已推介過呢間位於荔枝角嘅小店pizza做得出色，今日終於有機會一試。我地叫左2人晚餐 ($298)，本來擔心份量會太多，但套餐實在太抵食所以我地就決定要挑戰下！大蝦Caesar Salad 配洋蔥湯大蝦沙律比想像中大盤好多，蝦亦都夠每人幾隻，沙津菜材料新鮮，食落爽脆忌廉煙肉超粗意粉一向都鍾意粗意粉特別有咬口，加上忌廉汁濃郁creamy, 緊緊掛係每條意粉上，煙肉嘅份量亦十足，加埋邪惡嘅芝士更加香口藍芝士牛肉拼夏威夷pizza嚟到呢度嘅主打pizza, 餐廳提供自選雙拼，絕對係對我呢類選擇困難人士嘅福音！我揀左平時最鍾意嘅夏威夷pizza, 同埋比較特別嘅藍芝士牛肉，傳統嘅夏威夷味當然有水準，藍芝士牛肉更加係令我喜出望外，blue cheese嘅味道突出，襯pizza相當不錯！