Pizza Piazza

營業中

休息中

上次去個friend度攞嘢，搭巴士🚍經過荔枝角時，見到一間pizza🍕店，門口寫住$88 pizza餐，有湯有嘢飲，今日就特登去咗荔枝角一轉，試下佢個set🤭。今日睇真啲，原來餐廳門面係用咗淺藍色，幾吸睛下🥰。餐廳裝修簡約，枱與枱之間有一定隔離，所以坐得好舒服😊。今日嚟我主要係想食pizza，但醒唔起今日係星期六🫣，好彩仲有pizza set 同 lunch set叫😅。我當然係揀pizza set 啦。Pizza set 有1️⃣7️⃣款pizza 可以揀，有啲款要加錢，有5️⃣款要+$48，有7️⃣款要+$28，今日我揀咗佢地嘅其中一個Favourite款式，+$28嘅藍芝士牛肉。洋蔥湯 (跟餐)味道濃郁，有很多洋蔥🧅和少量菇🍄，帶有輕微黑胡椒味，非常好飲😋。藍芝士牛肉Pizza $116芝士🧀味濃郁，配料有牛肉🐂、蘑菇🍄及蒜片🧄。每一口都充滿芝士、牛肉和蘑菇嘅香濃味道，蒜片更有助提升味蕾👅嘅衝擊，令整個組合更加出色😍，十分好食💯。自家造香蕉拖肥批 +$28不愧為餐廳Signature甜品🍰，切開後唔計上面層cream，入面共分為3️⃣層，就同甜品個名一樣，第1️⃣層係香蕉蓉，有好重嘅香蕉🍌味。第2️⃣層

荔枝角西餐丨工廠「叢林」中嘅一間Pizza小店 🍕丨抵食之選😋今次我地去左間位於荔枝角嘅西餐廳, 餐廳位於長沙灣道大街, 所以都唔難搵我地今次叫左個4人套餐，套餐包左餐湯，兩個前菜，三個主菜或Pizza同埋4個飲品 ($558)😚同款價錢嘅pizza可以配2種味道,所以今次我哋就分別試咗四款味😏，以下pizza嘅價錢都係單個全個批計，以及其他小食同主菜都係單點價錢，畀大家參考下🤗🍟卡津薯條配藍芝士醬 ($68)薯條新鮮炸嘅好香脆，但主要特色係個藍芝士醬，藍芝士味重好有特色，重口味人士之選🐔蒜香斑馬臣芝士雞翼($78)大大隻脆皮雞翼新鮮出爐，咬落去肉汁都出曬嚟，配搭鹹香巴馬臣芝士，相當惹味🦀蟹肉鮮菇意大利飯($128)意大利飯整體偏硬，香濃有咬口 ，意大利飯充分吸收曬白酒湯汁，飯裏面仲有一梳梳嘅蟹肉🍕雙芝士煙肉牛肉($158)佢用咗水牛芝士鋪底再喺表面淋上車打芝士醬，勁濃芝士味，再加上牛肉份量好多，每啖咬落去都好滿足，再加埋佢用咗意大利煙肉pancetta，鹹香味十足，十分推薦🍕芝士四重奏($158)餡料有4種芝士，有水牛芝士，巴馬臣芝士等等，4種芝士各自發揮自己嘅香味， pizza整體

係荔枝角返工嘅朋友，放lunch 甚至放工約人食飯都好多選擇😙今晚約左個朋友食飯，佢係荔枝角返工話帶我去食好西😆今晚食Pizza Piazza，顧名思義呢到主打pizza呀😆望望menu 價錢大眾化 唔太貴揀左$178 12吋嘅黑松露煙肉pizza 😙 切開有8件🍕一上枱就聞到好香嘅黑松露味，批皮唔厚，令上手厚度啱啱好批邊脆得黎唔會鞋口 做得唔錯架Pizza鋪滿黑松露，煙肉，蘑菇同芝士呢個配搭好夾冇得輸👍小食方面叫左$78嘅蒜香巴馬臣芝士雞翼呢個雞翼非常惹味！即叫即整 炸到金黃香口卜卜脆濃濃嘅蒜蓉加上份量十足嘅芝士無可抗拒嘅美味呢碟雞翼值得encore 😋😋😋食完咸野叫返樣甜品先夠完美$48 自家造意大利芝士蛋糕以一層餅碎做餅底嘅Tiramisu 係第一次食可能想做出好似食跟件芝士蛋糕嘅效果食落唔漏幾滑兩個人⼀個pizza 一款小食加個甜品都夠食😙😙得閒經過下次再黎😙

PIZZA PIAZZA今日黎到呢間食lunch，餐單都好多選擇 有主食同pizza餐，仲可以追加小食。🥳首先有蘑菇洋蔥湯，有少少黑松露味再帶點咸香。🥳小食嗌左水牛城雞翼同薯條。雞翼係先炸好後加水牛城醬汁，醬汁偏酸唔夠出色，但雞翼係脆口既。薯條好味，外脆內軟，唔點芝士醬都食唔停口。🥳主食有肉醬千層麵，肉醬濃郁，層次分明。同枱兩三下已經食晒。🥳主角Pizza 嗌左藍芝士牛肉、芝士四重奏、全肉樂園。藍芝士牛肉好出色，滿滿既芝士無論係嗅覺味覺都好滿足，牛肉同蘑菇豐富左口感。最驚喜係加左蒜片，令到整個pizza昇華。🥳芝士四重奏超級邪惡，四重芝士鋪滿係pizza上面，濃而不膩，令人想食多幾塊。🥳全肉樂園最普通，以為會啖啖肉，但配料唔夠多，醬汁較清淡，可選擇其他款式。🥳飲品有伯爵茶，茶味夠濃，唔錯。

今日行過荔枝角買嘢，順便諗住睇吓附近有咩好食。見到呢間係食Pizza嘅舖頭，佢晏晝都有Pizza set嗌。好吸引到我，所以我就入去了😂。我去到嗰陣可能好早，所以都仲未係好多人。佢Menu上邊大部份嘅Pizza都係個set已經包嘅，有部份就要加錢先有得upgrade。佢啲Pizza都成八九吋，所以$88呢個聲都真係幾抵。下邊仲有好多小食可以叫添。先嚟嘅係今日嘅是日餐湯，今日嘅餐湯係洋蔥湯。音樂好甜，飲得出係用好多洋蔥煮出嚟嘅。絕對係食正餐前提起食慾嘅好選擇。你睇吓入邊仲有好多洋蔥絲添。我另外仲加咗佢下邊寫住推介嘅水牛城雞翼，食得辣嘅朋友絕對要試一試，完全嗰種辛辣嘅刺激同Tabasco醬料嘅味道都好濃郁。雞翼亦唔會炸到好乾身，咬落入邊仲好有肉汁。Pizza嚟到了，個Pizza大大份。我今次叫嘅係相芝士牛肉煙肉薄餅，你望吓面頭上有勁多嘅芝士。佢唔係你出邊食好厚嗰啲薄餅皮，係好正式意大利薄餅嗰隻薄皮，質感非常之好。牛肉同煙肉嘅份量亦都好多，Pizza嘅size夠晒大食完成個Pizza我個人都好飽了。最後我都叫咗杯凍咖啡，作為呢個餐飲。凍咖啡嘅味道絕對唔係用普通咖啡粉沖出嚟嘅，我冇加奶嘅關係，

九吋Pizza Set包湯同飲品，$88起。Pizza共有1️⃣7️⃣味！其中五款唔需要價錢，其他就加 $28 / $48 👀洋蔥湯🥣雖然賣相麻麻，但洋蔥味濃郁🧅夏威夷風情 ($88) ●●●○○整體偏淡味，用料一般 有Italian ham、pineapple、bell pepper不過批底我覺得整得唔錯🍕薄得嚟托得起所有食材，食嘅過程都好安心haha 而且就算放得耐咗都冇腍到批邊脆得嚟唔硬/嚡，有啲煙韌卡津味薯條配藍芝士醬 (+$28) ●●◐○○鹹！！藍芝士味都重，不過可以見到個醬好似有啲油分離噉一定要同人share 覺得薯條可以粗啲🍟飲品：Coke Zero🥤✍🏻 食完有啲失望，雖然佢係平價pizza餐，絕對夠食🧐但係事前見到ig都有唔少人推薦嘅pizza，實際食又普普通通 可能真係要試加錢嘅口味📍Pizza Piazza💰: ●●●●○環境、服務: ●●●●○

平時搭車經過荔枝角見到有一間好鮮藍色嘅西餐廳 一直都好想試吓今日星期六就特登出去食啦我餐廳大概有10幾張枱枱上面都跟左一set調味料同水主要係食pizza意粉同埋扒類最抵食嘅就係有set 會跟餐湯同埋飲品最平唔使$100就食到九吋嘅Pizza啦而我就俾佢嘅粗意粉所吸引喇我叫咗黑松露大蝦超粗意粉配上洋蔥湯同熱嘅美式咖啡 另外加錢要左甜品自家製香蕉拖肥批洋蔥湯足料：有好多洋蔥同有少量嘅菇味道就好濃厚嘅，唔會話好稀咁而且一啲都唔會膩 好啱之後食pizza/pasta黑松露大蝦超粗意粉意粉跟咗塊蒜蓉薄餅 可以過一過食pizza嘅口癮，餅底薄，有少少煙韌嘅感覺，食落淡淡蒜蓉味意粉有四隻大蝦，大蝦夠新鮮爽口黑松露醬連埋意粉一齊炒 唔會話食到漿住過口而每一啖意粉都掛晒黑松露汁我比較鍾意食呢類型嘅炒意粉多個俾啲醬汁漿住熱美式咖啡跟嘅係奶泡，非常用心咖啡豆都好香好濃一上枱連相都未影就俾我偷飲左香蕉拖肥批 香蕉係鋪起批面嘅面，面層再有忌廉冚住，初時以為會好甜好膩但食落又唔係喎，忌廉同個批好夾香蕉味亦都好濃郁估唔到荔枝角都有咁高質性價比高嘅西餐廳一個full course 嘅西餐可以為一日叉足電

今日出開附近嘅party Room玩，就睇睇附近有咩西餐廳，搵到呢一間喺香港工業中心對面工廈嘅小店。小店裝修簡約，座位與座位之間有一定空位，都坐得幾舒服。我見星期六下晝都有啲情侶同埋一家大細嚟幫襯。餐廳假日都有套餐， $78就有湯、主菜、飲品，仲可以加$28追加小食添。我叫咗千層麵餐、追加左蒜香芝士雞翼，同叫咗杯熱Cappucino。首先嚟咗一杯跟餐熱湯，係洋蔥黑椒湯，凍冰冰飲呢碗湯都幾暖胃。跟住就嚟咗雞翼，雞翼好香芝士味，表面炸得香脆，就算擺左陣，個皮都係脆✨千層麵亦都比我想像中好，面質地係滑，肉醬夠味，加埋伴碟嘅蕃茄醬，唔會太乾。咖啡就中規中矩。我覺得呢間小店非常之適合行完D2 Place/ 香工，過嚟Hea下✨假日黎食 性價表更高！

成日經過巴士站都見到呢間Pizza店啲野食好吸引，今日lunch 想同朋友放鬆一下，食下好西，作為大家辛苦工作左一個星期嘅獎勵🥰佢哋有Lunch Sets, Pizza Sets 同 A le Carte menus~其實好想試Pizza, 但我哋兩個女仔平時都唔係太食得多，佢個Pizza係9寸size，我哋驚食唔晒，所以今次就冇叫到，下次搵多個fd嚟一定要試下我哋order左蟹肉鮮菇意大利飯同慢煮西班牙黑毛豬肋骨兩個sets🐷🦀😋餐湯係洋蔥磨菇湯～好香嘅牛油，洋蔥同磨菇味🧈🧅🍄🥣蟹肉鮮菇意大利飯~好香嘅白汁味，意大利飯煮到軟硬適中，每粒飯粒都比白汁包圍住，每一啖都食到好香嘅磨菇片同一絲絲好鮮甜蟹肉🦀😋😋好足料🥰🥰慢煮西班牙黑毛豬肋骨🐖配上沙律菜同薯條🥗🍟沙律菜個dressing 係honey mustard 味，好少見但又好夾好開胃😋薯條係幼長嗰隻，炸到好脆，攤耐左食都仲係好脆😋😋主菜豬肋骨慢煮到連黏住骨嗰塊膜都好易食到，豬肉好稔，配上燒烤醬，酸酸哋，微微辣，都幾開胃，唔會覺得膩😋 飲品order左格雷伯爵茶同日本靜岡烤姜焙茶～Earl Grey好香，焙茶薑茶飲落香好薑味，好暖胃，焙

之前已經嚟過呢間餐廳食過幾次，但係今次好似又再好食咗😆🔖黑松露煙肉薄餅💰178呢個Pizza係12吋，一共有8塊🍕一上枱已經聞到香噴噴嘅黑松露味🤤而呢種Pizza係屬於比較薄脆嗰一種，所以就算食晒都唔會覺得話好飽或者好滯😌除咗有黑松露之外，仲有脆脆嘅煙肉🥓同菇🍄味道相當唔錯啊😣💫推薦指數: 8/10🔖蒜香巴馬臣芝士雞翼💰78雞翼一共有8隻，以一個小食嘅份量嚟講真係幾多，夠晒抵食🤩鍾意食雞翼嘅你一定要嗌，因為佢哋嘅雞翼係即叫即炸，上枱嘅時候熱辣辣，脆卜卜💯蒜香味好重，再加上芝士🧀好食到停唔到啊！💫推薦指數: 9/10🔖自家造意大利芝士蛋糕💰48呢到嘅Tiramisu同出邊食到嘅有啲唔同，因為底層會有層餅碎，好似平時食到嘅芝士蛋糕咁樣㗎！整體來講質感都算軟滑，而且唔會好甜🤗💫推薦指數: 7.5/10

去開荔枝角D2 Two行街，梗係去隔離嘅億利搵吓有冇好嘢食啦，之前搭巴士嘅時候都見到佢哋有好多唔同嘅餐廳，見到有間Pizza店，見價錢唔貴於是就入去食啦！環境上係舒服嘅而且都係好乾淨，燈光係好充足嘅，座位都係坐得舒服，一入座店員就會比一大樽水，店員都十分友善。食物方面就真係見佢哋都係專注做Pizza同埋一啲意粉類嘅嘢食，見隔離枱除咗嗌Pizza之外，都有嗌佢哋嘅手工意粉，得一個人食嘅我都諗咗一陣應該揀Pizza定係食意粉好。不過嚟得Pizza店點都應該食Pizza啦，所以就喺度揀應該食乜嘢味道。月頭出糧一於對自己好啲就係最貴嘅Pizza食，不過有兩款味都好想食，見到佢可以半個批半個批都唔同味道所以就揀咗蟹肉大蝦同埋黑松露煙肉。餐具方面店員一知道你係食Pizza之後，就會拎相應嘅餐具俾你，把刀十分之鋒利，係絕對切得開Pizza的。 大概等咗15分鐘之後就上枱啦，見到個批嘅不規則形狀就知道真係人手搓出嚟。一上枱嗰種Pizza嘅香味就撲入個鼻入邊！見黑松露都係比較重口味嘅食物所以就食咗蟹肉大蝦嗰個先，見到有蟹有蝦之外，都有洋蔥，芝士仲識得拉絲。蟹肉相對上就冇咁食得出，但都係有蟹肉嘅質感，蝦就

西式小店💜 餐廳係荔枝角站附近，5分鐘之內就可以行到過去Lunch set 價錢好親民，around $100內有找!小店座位舒適，而且有唔少位，岩曬同朋友gathering 一齊過黎食～我叫左個pizza lunch set會有一個湯+ main + drink~呢個pizza 口味特別d，所以價錢就相對貴少少， ($88+28)Parma 風乾火腿Pizza🍕支持一下小店， Pizza份量其實都算大，兩個人食啱啱好😉皮都叫薄，切開左八塊之後2個人食都覺得好夠岩岩好！🤤佢塊皮有D 脆口，加埋Param Ham 、Basil 食好有層次，口味岩岩好。冇油膩感

餐廳鄰近荔枝角站，行過去都係5分鐘之內。🚶🏻‍♀️🚶🏻‍♀️價格都比較親民，多數$100內有找～主要都係食Pizza同埋意粉。🍕🍕🍝座位都唔會太迫～環境ok~今日得我自己一個食，我就唔叫咁多喇😛黑松露大蝦MANCIN超粗意粉🍝🍝🦐🦐可能好多人會都怕黑松露既味，但呢間嘅黑松露味道會比起出面淡少少，唔會食到大家怕既「氣油」味😂。啲蝦都幾彈牙爽口，唔錯唔錯☺️青檸荔枝梳打🍋🍋味道正正常常

The prices are reasonable, quantity is good. Food quality is okay. not the best western food, but definitely better and value for money as compared to those chainstores. Service is great! The staffs are courteous, responsive, knowledgeable and friendly.The place is clean, decor-wise nothing to shout about.For the prices we were paying, I think the owner is doing a great job.

雖然知荔枝角工廈都有唔少美食，不過喺懶得搵嘅情況咁啱見到大馬路側邊有間西式餐廳，而且餐牌都有唔少選擇，吸引左我幫襯。估唔到嘅係假日嚟到都仲有lunch set提供，飯意粉同pizza都有，而且覺得西餐嚟講價錢都唔算貴，包埋餐湯大概$7-80。部分餐點可能要再額外加錢，今次我揀左個食意粉-意大利煙肉條Mancini超粗意粉($78)。餐湯係洋蔥湯，味道正常而且食到一絲絲嘅洋蔥。主菜意粉嚟到嘅時候聞到芝士嘅味道好香，隔離仲附有麵包條，成個意粉睇落觀感唔錯。佢嘅煙肉係粗條形，加上意粉有返咁上下粗度，食落口感十足，個人幾中意依個texture。而有啲出乎意料嘅係佢番茄醬屬於偏酸，食落覺得幾fresh同埋酸酸地又幾開胃，同平時食開嗰啲唔太一樣，但覺得都幾好食。另外值得一讚嘅係佢啲蒜蓉麵包條，食落蒜香味十足，會令人食上癮，如果有多啲人一齊食嘅話應該會直頭加錢叫依款小食。飲品方面揀左伯爵茶，估唔到係成壺上，可以自己慢慢倒，而且分量唔少仲可以倒到2-3杯。整體嚟講，覺得幾抵食而且食物質素都好好，下次有機會都想一班人嚟試埋佢個pizza。