影片
更多
2022-10-07
480 瀏覽
去開荔枝角D2 Two行街，梗係去隔離嘅億利搵吓有冇好嘢食啦，之前搭巴士嘅時候都見到佢哋有好多唔同嘅餐廳，見到有間Pizza店，見價錢唔貴於是就入去食啦！環境上係舒服嘅而且都係好乾淨，燈光係好充足嘅，座位都係坐得舒服，一入座店員就會比一大樽水，店員都十分友善。食物方面就真係見佢哋都係專注做Pizza同埋一啲意粉類嘅嘢食，見隔離枱除咗嗌Pizza之外，都有嗌佢哋嘅手工意粉，得一個人食嘅我都諗咗一陣應該揀Pizza定係食意粉好。不過嚟得Pizza店點都應該食Pizza啦，所以就喺度揀應該食乜嘢味道。月頭出糧一於對自己好啲就係最貴嘅Pizza食，不過有兩款味都好想食，見到佢可以半個批半個批都唔同味道所以就揀咗蟹肉大蝦同埋黑松露煙肉。餐具方面店員一知道你係食Pizza之後，就會拎相應嘅餐具俾你，把刀十分之鋒利，係絕對切得開Pizza的。 大概等咗15分鐘之後就上枱啦，見到個批嘅不規則形狀就知道真係人手搓出嚟。一上枱嗰種Pizza嘅香味就撲入個鼻入邊！見黑松露都係比較重口味嘅食物所以就食咗蟹肉大蝦嗰個先，見到有蟹有蝦之外，都有洋蔥，芝士仲識得拉絲。蟹肉相對上就冇咁食得出，但都係有蟹肉嘅質感，蝦就
環境上係舒服嘅而且都係好乾淨，燈光係好充足嘅，座位都係坐得舒服，一入座店員就會比一大樽水，店員都十分友善。
食物方面就真係見佢哋都係專注做Pizza同埋一啲意粉類嘅嘢食，見隔離枱除咗嗌Pizza之外，都有嗌佢哋嘅手工意粉，得一個人食嘅我都諗咗一陣應該揀Pizza定係食意粉好。不過嚟得Pizza店點都應該食Pizza啦，所以就喺度揀應該食乜嘢味道。
月頭出糧一於對自己好啲就係最貴嘅Pizza食，不過有兩款味都好想食，見到佢可以半個批半個批都唔同味道所以就揀咗蟹肉大蝦同埋黑松露煙肉。餐具方面店員一知道你係食Pizza之後，就會拎相應嘅餐具俾你，把刀十分之鋒利，係絕對切得開Pizza的。
大概等咗15分鐘之後就上枱啦，見到個批嘅不規則形狀就知道真係人手搓出嚟。一上枱嗰種Pizza嘅香味就撲入個鼻入邊！見黑松露都係比較重口味嘅食物所以就食咗蟹肉大蝦嗰個先，見到有蟹有蝦之外，都有洋蔥，芝士仲識得拉絲。蟹肉相對上就冇咁食得出，但都係有蟹肉嘅質感，蝦就真係好驚喜，除咗好大隻之外，仲十分之爽口，同Pizza十分之夾，再加埋Pizza上面嘅千島醬，就啱啱好可以中和返洋蔥同芝士嘅油膩感。跟住就到黑松露煙肉見佢除咗黑松露，煙肉之外仲有菇。喺食嘅時候已經聞到陣陣黑松露嘅香味，見到佢哋落黑松露都落得好重手，正！食落口嘅時候黑松露同埋菇嗰種香味，再加埋煙肉嘅鹹香係恰到好處。
我比較大食，一個人食完12吋Pizza都覺得好夠飽。而佢Pizza嘅批底係比較薄，所以就唔會越食越口乾。食到最尾嘅時候，見差唔多所有枱都有客人，所以都應該有咁上下口碑，下次就可以試吓食佢嘅意粉啦。
張貼
