Pizza Piazza (已結業)

今日去咗荔枝角見工，見完工就行咗陣D2 place, 之後就去搵嘢食，行過億利工業大廈見到有間pizza店就試吓所有外賣有七折 餐廳裏面有啲畫，增添藝術氣息Lunch時間有lunch set同Pizza set ，有飯有意粉有pizza仲有扒，任君選擇，Pizza好多口味好吸引，不過我驚一個人食唔晒，最後就叫咗個蟹肉鮮菇意大利飯，跟餐有埋湯同埋嘢飲，仲可以加錢叫小食呢個係洋蔥湯，好少係出面飲到，不過幾重洋蔥味，又幾好飲蟹肉鮮菇意大利飯，配搭麵包條，仲有芝士碎、菇同蟹肉撈埋一齊，好creamy, 唔錯加錢叫咗個蒜香芝士雞翼，有四隻，蒜香味十足，仲有芝士碎，加埋又幾夾，雞翼熱辣辣要趁熱食，好香脆嘢飲方面就叫咗伯爵茶，冇咩特別買單百五蚊，驚訝自己又食得晒，食得好飽