PHI Coffee & Pancake (太古城道)

營業中

休息中

梳乎厘pancake控一直都想試PHI，趁今日有MeTime, 第一餐就嚟呢度食甜品。叫咗Lotus Biscoff Caramel Soufflé, 期待變失望😞話要用20分鐘整，都預咗，滿心期待嘅梳乎厘pancake嚟喇! 賣相可以，但cream大舊過雪糕，如果唔係食忌廉食到有雲呢嗱雪糕，唔會知道有雪糕的😅 講吓主角先，件pancake水到呢，一切即散，先唔好講有冇空氣感，但實在似糊仔。蛋味欠奉，但要$108三件，真係好唔抵。我覺得幸福同flippers 好食好多。遺憾呢間pancake 入唔到我喜愛pancake個list~其實餐廳環境又唔算好打卡咋喎，食物質素又欠奉，呢個定價太高了！

🔸巴馬火腿吐司巴馬火腿配上French toast~ 鹹鹹甜甜，toast 非常香軟，啖啖蛋香，牛奶香，加埋巴馬火腿一齊食，口感成對比。🔹明太子醬三文魚籽意粉醃製過嘅鱈魚子，本身香醇鹹香，加上忌廉，非常香滑。 意粉煮得剛剛好，煙韌又有口感。🔸經典英式伯爵茶疏乎厘配有馬德蓮蛋糕，Q彈黑糖麻糬。三件蛋香味豐富嘅疏乎厘pancake，一放低已經好香蛋味，另外影完相仲好挺身，冇回縮，入口即化，有空氣感。Side有伯爵茶味雪糕及忌廉，鍾意伯爵茶香味嘅一定唔可以錯過。🔹纏綿咖啡棉花糖配鮮奶咖啡☕️，topping 有toasted 過哪南瓜籽，黑芝麻，配合咖啡，令入口份外香口。🔸Godiva朱古力酒咖啡聯成Godiva朱古力，加上香滑咖啡酒嘅cocktails。

放假遠征專程嚟到太古，有幸被安排到卡位，坐得舒服同自在😌午餐時段嚟到，已經全院滿座，遲少少嚟都要排隊🙈🌟 Lotus海鹽焦糖梳乎厘 $108🌟梳乎厘係食完正餐之後，早五分鐘先叫店員準備，飯後甜品😆一嚟到未食已經覺得好鬆軟，用九秒九時間相機食先，以免淋了就不太好，味道好香濃既蛋香味，超鬆軟🤤🌟 芝士牛肉煎蛋三文治配牛油果醬 $82🌟要讚既係牛油果醬味道調配得好快，加咗洋蔥碎粒、檸檬汁、醋等調味料，食完好開胃，再放上三文治做汁醬都可以😌三文治用了牛油去烘焗好香脆可口，牛肉餡料好juicy，加埋太陽蛋既蛋漿一齊食，完美配搭😋🌟 蜆肉西班牙腸扁意粉 $115🌟蜆肉肉質鮮嫩新鮮零沙粒，切粒西班牙腸入味香口😉🌟伯爵茶鮮奶咖啡 $42🌟伯爵茶味香濃，加咗鮮奶後口感滑溜，且加咗冰同奶香味都無蓋過本身伯爵茶香味😋🌟玫瑰鮮奶咖啡 $42🌟好細滑既奶泡，上面舖了新鮮既玫瑰花瓣，飲落有淡淡既玫瑰花香😌

太古城嘅 PHI coffee & Pancake ☕️🥞晚餐時段唔多人，好啱朋友傾下計八下日事。🥞經典英式伯爵茶梳乎厘 ＄158.0錯過了姆明阿美，好彩仲有 seasonal 嘅伯爵茶梳乎厘pancake ，淡淡嘅伯爵茶醬配上鬆軟蛋香🥚梳乎厘👍🏻👍🏻，仲有3舊轆左黃豆粉嘅蕨餅Q彈好食。🍖巴馬火腿法式吐司 $89.0好有早餐feel😆, 牛油果蓉醬配法式吐司👍🏻👍🏻，巴馬火腿唔會得個咸字，油香肉香充滿成個口。🍝辣蕃茄蟹肉扁意粉 ＄98.0真係辣架！意粉配蕃茄醬一定好味，加上大大堆鮮甜蟹肉，又辣又鮮👍🏻👍🏻☕️提拉米蘇咖啡 Tiramisu Coffee ＄52.0只能說～～～ 超正！ 甜品轉化成咖啡，絕👍🏻☕️Godiva朱古力酒咖啡 $52.0因為有cream 有酒味，加埋有啲似Irish coffee嘅味道，不錯不錯。

好耐冇嚟太古食飯 , 今日又嚟食 PHI ! 😎餐牌 (部分) :蜆肉西班牙腸扁意粉 ($115)蜆肉份量多 , 無沙的 😆 好香蒜味巴馬火腿吐司 ($89)2 大片 Parma Ham 😏 牛油果醬加咗檸檬汁 , 夠晒清新 , 配埋海量糖漿 , 一鹹一甜 😋😋 好味 ! 而且吐司質感好好 , 你睇吓入邊好多空氣 , 軟林林 , 好好食 , 一啲都唔濟 ! 正 ! 推介 !! 👍👍經典英式伯爵茶梳乎厘班戟 ($158)黎呢度一定要食埋梳乎厘班戟啦 ! 😝😝 一嚟到視覺效果非常豐富 ! 厚厚的疏乎厘班戟 , 配埋伯爵茶醬, 忌廉 , 雪糕 , 缺餅 , 朱古力片 , 勁多配料 , 超滿足 !! pancake 咬落充滿空氣感又唔膩 😍😍 , 份量好多 , 我覺得3 個人 share 都好足夠 ! 🤣檸檬梳打 ($42)微酸微甜唔錯 ! 幾好飲 !! 😌Godiva 朱古力酒咖啡 ($58)呢杯好好飲 ! 酒味唔重 , 配埋咖啡嘅味道 , 甜甜地又帶微甘好好飲 😊😊 仲有少少朱古力餅碎增加口感 !整體黎講 , 食店價錢合理 , 而且坐得舒服 , 擺盤非常 IG-able , 推介大家嚟 !

琴日夜晚7:30,兩個best friends 約我食飯，補祝生日，女仔朋友話嚟呢間，佢嚟過食下午茶ok,問我去呢間好唔好，我話無所謂，試吓，因為平時去啲我未去過嘅餐廳我會上open rice 睇負評，係唔會睇好評，so就去咗，同埋我呢兩個friends 食嘢仲要求高過我，我哋每人叫咗個set dinner 點知惡夢逐漸開始😳😓餐湯-南瓜湯，無影個樣普通，唔甜，唔咸，唔香，唔滑，叫人攞咗支pepper加少少飲咗佢😮‍💨Main course -慢煮牛面肉伴薯蓉賣相麻麻地，細舊但幾厚，咁就奶嘢，勁難切，切到把刀都斷，勁大力先剛剛切到，啲肉又鞋，咬到牙骹都軟😭，又無味，唔咸唔香唔知食緊咩，個汁又唔咸無味少少酸👎中間無啦啦有一大舊牛筋，又硬又靭，攪唔掂😮‍💨😮‍💨Dessert-原味梳乎厘大佬嚟喇，個樣ok但到見到中間濕濕地，都知奶奶地嘢，一切開啲一pat pat一粒粒（粉）嘅淡黃色液體流晒出嚟🤢（好核突無影）唔熟😠，可能我哋last order 先叫上甜品啦，眞係食💩啦，無辦法唔叫個妹妹侍應過嚟，問佢係我問題or你哋公司嘅梳乎厘texture 係咁，佢就話換過比我，心知都唔方好得去邊，我兩

🥞🥞🥞二訪呢間Soffle pancake店，中環同太古分店一樣寬敞，坐得舒服，兩間一樣好快full house🥐Cheese Beef And Fried Egg Sandwich With Avocado Sauce💰$82又係我嘅必食，牛角包酥脆，炒蛋勁大塊，牛油果調味幾好，落咗檸檬汁味道酸酸地好開胃🍝Salmon Roe Pasta With Mentako Sauce💰$138呢個明太子意粉好好食，意粉煮到剛剛好，醬汁亦都好多，兩粒帶子煎得剛剛熟夠軟滑☕️Earl Grey Caffe Latte💰$42好鍾意飲伯爵茶Latte，有伯爵茶香味，味道清香，唔會太濃☕️Godiva Chocolate Wine Coffee💰$58見幾特別，又有Godiva嘅Crossover，所以一試，又有朱古力又有酒味道幾豐富

太古必食嘅咖啡店😚 上次去敏華食早餐發現到佢，如果係太古城去，喺一樓近大家樂嘅通道落地下行多一分鐘就到🤗 佢絕對係返工食lunch嘅一點甜🤭 今日家姐又嚟揾我食lunch，叫咗一個pasta，兩個甜品🥞 PHI X Godiva朱古力梳乎厘 $128 - 店舖主打嘅梳乎厘😎 每碟都有三個，佢啲梳乎厘做得軟之餘，空氣感十足，每嗰都好高🤤 加埋佢嗰Godiva榛子醬🌰真係好出色，不過的確有啲heavy，唔好嘗試一個人叫嚟食，要share😆焦糖蘋果吐司 $88 - 自己好中意食apple pie，佢都做到嗰種效果，記得切完吐司🍞加埋蘋果粒同雪糕一齊食🥰明太子醬三文魚籽意粉 $138 - 因為唔可以只食甜點，叫咗嗰pasta中和一下，估唔到呢類coffee shop都做到呢嗰水準👍🏻叫咗兩杯飲品，但我必要推介係呢杯BABYCCINO 暖泡沫鮮奶🤤 我自己本身好中意飲奶，佢加咗少少焦糖同埋啲泡一齊飲，口感好正😚😚仲有就係呢度有印花卡，每食滿$60有一個印，如此類推‼️ 儲滿5個就有一杯咖啡，滿15個就有早餐，滿20個就有梳乎厘🤤記得拎印花咭同埋睇日期📅‼️

呢度嘅疏乎厘pancake係人氣菜式幾乎每一台客人都會點嚟食餐牌除咗有賣相好吸引嘅甜品外 仲有好多主食：意粉、Risotto、多士等🔹慢煮牛面肉闊條麵 $98蕃茄醬汁味道濃郁 闊條麵好掛汁慢煮牛面肉經長時間烹煮肉質變得嫩滑 肉味香濃 🔹巴馬火腿吐司 $89French toast味道香甜 面頭鋪住大大塊巴馬火腿旁邊仲配有牛油果蓉同蜜糖🔹經典英式伯爵茶梳乎厘 $122梳乎厘好鬆厚 口感軟綿綿食落好有蛋香味 賣相好靚仲有厥餅、雪糕、瑪德蓮貝殻蛋糕🔹豆花咖啡 $52杯內好多豆花係入面 好特別 咖啡味道香濃有層次🔹抹茶鮮奶 $42味道濃郁有層次 入口細緻順滑

PHI Coffee & Pancake (太古)📍太古太古城道14號耀星閣地下G1010號舖約咗朋友嚟太古城呢個休閒嘅地方吹吓水食下飯 揀咗呢間質素唔錯嘅餐廳🍞法式雜莓吐司$88厚身嘅吐司 沾上左蜜糖上面仲放咗啲好高質素嘅雜莓加一球雪糕 同用雜莓打成嘅果jam好快就已經食晒🍝蜆肉西班牙腸扁意粉$115主食點左呢款意粉有好多蜆肉同埋腸仔意粉都幾入味🍎金蘋果梳乎厘$155呢度梳乎厘會有seasonal choice而家係兔年特別裝飾 將忌廉整成隻兔仔🐰加埋甜甜地嘅焦糖蘋果粒梳乎厘充滿空氣感 仲三大塊 甜度適中🥛黑芝麻忌廉鮮奶$48叫咗款兔年特別飲品用黑芝麻 忌廉同鮮奶整成有啲似凍咗嘅芝麻糊 幾香滑😍🍓士多啤梨梳打$48以士多啤梨打成果肉 加埋梳打甜甜酸酸 解渴一流

今朝渣馬周圍塞車，經開太古城，搵到呢度唔駛排隊可以食早餐，隔離敏華排長隊。之前喺中環分店試過，不過不失，估應該ok呱。坐低，發現卡位梳化濕晒，剩返半個pat pat位冇濕可以坐，照比我哋坐冇職員抹，5mins後忍唔住要主動叫人抹。叫左個經典pancakes (caramel latte) + All day breakfast (Americano)，pancakes入面啲粉mix 唔好，一舊舊、散的，2小片bacon ok，糖醬個器皿係爛的，膠透明水杯有陣抹枱布”up”味，臭的，另外一份早餐，牛油果唔夠淋、唔creamy、冇味，因為我有食開牛油果習慣，好清楚不同牛油果分別。裝修及傢俬方面，只可以講同普通新茶餐廳差唔多。Americano比starbucks好啲啲，好淡，caramel latte飲完即肚痛，要快手埋單，返到去痾水，今朝第一餐，報告完畢。

裝修風格清新簡約，座位闊落，有唔少乾花做裝飾，營造出舒適嘅用餐環境。Tiramisu Latte以一層厚厚嘅tiramisu搭配甘醇的咖啡，令人一試難忘！焦糖脆脆鮮奶咖啡咖啡中加入了焦糖脆脆，除了咖啡的甘香外，更多了一份酥脆的甜，口道層次豐富。芝士牛肉煎蛋三文治配牛油果醬包身外脆內軟帶牛油香，牛肉鹹香，太陽蛋蛋黃唔會煎到死實，留有蛋汁，牛油果醬加咗檸檬汁，入口酸勁十足，味道清爽。明太子醬三文魚籽意粉明太子鹹香微辣，三文魚籽增加口感，加埋帶子鮮味濃郁，瞬間令味道昇華，食落鹹香惹味又不膩。Lotus海鹽焦糖梳乎厘梳乎厘大大份，係必食之選！梳乎厘蓬鬆軟綿，富空氣感，入口鬆化，伴以焦糖餅碎一食，帶有陣陣肉桂香，加埋自家製焦糖醬同雲呢拿雪糕，啖啖香甜，口感輕怡不滯，每一啖都係滿滿幸福感，作為飯後甜品就最圓滿。

凍冰冰既日子，最岩食返個暖粒粒既梳乎厘Pancake。餐廳經常同唔同既卡通合作，我去個次係冬日姆明，超開心。三件梳乎厘充滿空氣感，好鬆軟，有塊仲灑上姆明樣既朱古力粉，香滑忌廉內藏雪糕，加埋香甜既士多啤梨，同埋曲奇餅，打卡一流又好味。青醬大蝦意大利飯，熱辣辣既飯上面放左片史力奇芝士，cheesy 又creamy，大蝦亦新鮮爽口。全日早餐,有姆明熱香餅好得意，其他食材亦豐富。阿美特飲，cream上面插住阿美cookie同好多花瓣，七彩繽紛，味道香甜既草莓朱古力鮮奶。姆明椰子泡沫咖啡，又係有姆明既樣，望落去藍藍綠綠超級靚! 咖啡好有椰香又甜甜的，超有冬日感。期待下次去又有唔同既menu!

美味食物是治療的一種，good food good mood!今次同大家來到太古PHI Coffee & Pancake.史力奇的青醬大蝦意大飯這個意大利飯都非常出色，軟硬度剛剛好，青醬味道獨特，大蝦鮮又彈牙，Yummy! 😋😋北歐芬蘭溫馨全日早餐這個 all day breakfast 食材優質，有大大磨菇好 juicy配新鮮牛油果，balance 左 bacaon 油脂，如果每日都食到這個早餐，咁就超級幸福😋👍粉紅冬日姆明谷梳乎厘放假mood,特別想食甜品，同朋友一齊開心share 先，賣相好靚。自己都食過唔少pancake,自然有期望，食完一口，覺得幾美味，蛋味香濃，鬆軟度剛好，口感佳，係pancake 三甲之選！飲品淘氣阿美的粉紅冬日味道豐富有層次，每一啖都飲到獨特的味道，帶點微甜微酸仲帶有粒粒士多啤梨嘅口感，好正😋😋😋姆明冰雪探險鐘意姆明，又好coffee latte不能錯過！整體而言，環境舒適同食物滋味！值得舌尖再遊！

☕️🥞PHI Coffee & Pancake (太古) 地址: 太古太古城道14號耀星閣地下G1010號舖電話: 23522200▫️▫️▫️▫️▫️▫️▫️▫️▫️▫️▫️▫️▫️朋友係姆明粉絲，所以揀咗呢間最近以姆明做主題嘅Cafe ，門口同餐廳內都充滿冬日氣氛嘅姆明佈置，多款菜式設有姆明裝飾，賣相精緻。❄️北歐芬蘭溫馨全日早餐 $122全日早餐用料新鮮，有煎蛋、煙肉、香草腸、茄汁豆、煙三文魚、牛油果、蕃茄仔及吸睛姆明頭班戟。❄️史加奇的青醬大蝦意大利飯 $98顏色靚同史力奇主題好配合，青醬香濃惹味。❄️粉紅冬日姆明谷梳乎厘 $155姆明梳乎厘有士多啤梨同開心果兩款口味，空氣感十足，賣相吸睛，打卡必點，食落蛋味香濃，士多啤梨新鮮清香。❄️淘氣阿美的粉紅冬日 $58呢杯係白朱古力士多啤梨鮮奶，賣相💯少女心爆發嘅飲品，甜度恰到好處，白朱古力味不會過甜，保留到士多啤梨嘅清甜。❄️泡沫咖味 $38咖啡同奶嘅比例適中，啡味香濃，漸變顏色靚，兩杯飲品水準都不錯。❄️現場見好多人叫Pancake，姆明主題以外亦有多款口味，每款賣相都非常吸引，呢間餐廳喺屯門、美孚同山頂都有分店，啱晒鍾意食Pancake嘅朋友。