PHI Coffee & Pancake (太古城道)

營業中

休息中

唔知係咪啲員工經驗尚淺？我同朋友嚟食套餐嘅時候佢冇問過就上咗兩碟甜品先，我同朋友打咗個突，我哋連主食個飯都未食喎！跟住之後佢上甜品嘅時候又淨係只係上咗一個人嘅甜品，要提先至上埋另一個，唔知係咪唔記得咗呢？跟住唔知點解個員工喺我嗰邊攞咗個叉俾我朋友用，我嗰下係覺得好奇怪佢點知我邊隻叉係用過，邊隻未用過呢？總括嚟講覺得有啲奇怪。唔識形容… 體驗就差咁少少… 希望下次幫襯嘅時候冇咁奇怪啦，有進步就更加好啦！

**環境與服務**   藏身太古住宅區的轉角處，純白外牆搭配木系裝潢，採光極佳的落地窗讓整個空間充滿日系喫茶店的閒適感。週日下午到訪需稍候10分鐘。**Earl Grey Souffle Pancake（$158）**   現點現做的三層舒芙蕾鬆餅上桌時仍微微晃動，表面烤出完美焦糖色。切開時能感受到空氣感的蓬鬆質地，伯爵茶香從綿密組織中散發，搭配的鮮奶油刻意減糖，突出茶葉的佛手柑清香。特別欣賞旁邊附的琥珀色伯爵茶糖漿，淋上後茶味層次更立體，整體甜度控制得宜，是香港少見能兼顧茶香與口感的舒芙蕾。    **Babyccino Caramel（$42）**   焦糖奶泡飲表層撒上可可粉與焦糖脆脆。第一口喝到濃郁的焦糖香，奶泡厚度接近Cappuccino但完全無咖啡苦味，底層牛奶選用日本品牌，甜感醇厚。建議先單飲感受奶香，再攪拌底部的焦糖醬，會呈現不同的風味強度。    **整體評價**   雖然價格接近酒店下午茶，但舒芙蕾的工藝水準確實超越一般咖啡店。特別推薦預留時間慢慢享用，鬆餅放涼後會更顯蛋香。  **貼士**   • 舒芙蕾製作需時20分鐘，建議避開繁忙時段   • 窗邊座位光線最適

難得有間食梳乎厘嘅餐廳係太古 一定要試試佢！提拉米蘇咖啡 $58Tiramisu多咖啡版🤣幾特別 將手指餅浸落咖啡 就可以得到一個完整既tiramisu 不過cream 有啲多 最後會有少少膩 我都係中意食番甜品嘅Tiramisu多啲黃金比例原味梳乎厘 $88原味梳乎厘冇咗水果做配搭 究竟會唔會冇味呢？🤨絕對唔會！糖漿淋落梳乎厘度 甜甜地清清地 令蛋味更加突出！梳乎厘做到好有空氣感 唔會做到好硬 再配搭埋cream一齊食 正！😋總結: 梳乎厘係一定要試 原味已經咁好食 其他味更加唔使講😋

最鍾意去搵cafe 打卡嘅我除咗環境靚舒服之外食物質素亦好重要.今日又去咗太古PHI, 它們除左出名疏乎厘外而且最近都有lunch set 仲有好多選擇價錢亦唔貴仲可以加$去點埋細size疏乎厘仲有指定飲品🥤份量剛好仲可以滿足埋仲意甜品嘅你☺️我們叫左香煎雞肉全日早餐適合正在控制食量嘅我。二塊細🐔扒太陽🥚沙律菜同外脆內軟的多士十分滿足蝦哈哈意大利飯賣相亦好吸引味道好creamy 飯亦軟硬適中加上足料的青口🦐同帶子非常抵食辣蕃茄蟹肉扁意粉味道酸酸甜甜加上滿滿蟹肉口感豐富好開胃👍

新年同事聚餐，人多好難搵餐廳，唔係中式飲茶坐圓枱，就係搵西式餐廳坐長枱。今次搵到間café，可以拍埋一張長枱比我哋。無諗過一間café，lunch時間竟然會滿座，要預早訂座同落order。一去到就有位，好快松露蘑菇意大利飯就上菜。意大利飯偏向硬身，菇味夠重既，唔想食肉既話，係個好選擇。而呢間既all day breakfast　以香煎雞扒做主題，如果你心諗要茄汁豆果種就會有出入，佢地既士多係厚身果隻，可以架。最驚喜係梳乎厘班戟！就咁一個飯 $98（A），加40蚊左右，(A) +( B) set $138，就可以有多個梳乎厘班戟！原味同Lotus 海鹽焦糖都好好食！

之前試過其他分店早餐，感覺不錯。今次試午餐，combo set A,B,C,D可按需要加多少，餐飲選擇可選抹茶鮮奶或咖啡等，主菜意大利飯也很美味，當然主角的班戟口感很輕巧，很滿足的一餐。

Pancake有好多唔同口味選擇，伯爵茶味一般，個醬唔夠，食到後尾有啲乾，pancake本身味道不錯，有蛋香，夠鬆軟，都係推薦叫水果味嘅，多啲配料比較夾。帶子risotto味道一般，比較淡，all day breakfast嘅吐司有驚喜，用牛油煎香咗。餐廳環境幾靚，卡位闊落坐得舒服。

食物一般，味道好普通，無乜特別，得個賣相但服務真係極差，幾樣嘢都要催6次以上，足足等咗個半鐘。 追問嘅時候佢哋又互相推卸責任，話邊個邊個無跟，excuse x 100完全唔掂，絕對無下次

作為McGriddle忠實粉絲嘅我平時會喺香港周圍搵下邊度有好食嘅豬柳強Pancake～發現 PHI嘅早餐有得食，仲要星期一至日都有！近期已經黎食過幾次，都會再encore🤤🥞豬柳熱香餅漢堡($58)：即叫即製，食落都夠熱😋-豬柳味道正常發揮；-煎蛋就比較薄身，唔係厚焗蛋；-熱香餅pancake就薄身少少，同埋需要自己淋糖漿上去，好處就係可以自己控制甜度👍🏻🍳閒式全日早餐 ($58)另外，男朋友同朋友食Restful All Day Breakfast，都話個French toast好好味，搞到我下次都想試下😛🍵Matcha Latte (跟餐免費)早餐價錢包埋各款coffee，我地就飲Matcha Latte，不錯～

今日星期日，正常假期多人啲都正常。一入到去見到唔多人咁都OK啦，嗌咗碟意粉，兩杯嘢飲一個班戟。個意粉好快就送到係好食嘅，但係杯嘢飲要等差唔多45分鐘先有。即係一杯普通嘅咖啡同檸檬茶......最離譜嘅係嗰個班戟，等咗個半鐘都仲未有，重點係冇乜客人，但係啲Staff就喺度吹水傾偈。8個staff入面剩係得2個係有認真做嘢，尤其係負責打單嗰個女服務員，瘋狂喺度玩手機傾偈🤡🤡，完全冇留意到啲客。問返先知原來係漏咗落單。食物OK，但係服務質素極差。亦都唔會再嚟🤡🤡

PHI Pancake 主打空氣感極強口感蓬鬆柔軟的日式梳乎厘，最近與kuromi 聯名推出Kuromi主題的甜品和餐點，每一款造型都十分可愛，其中的kuromi 藍莓梳乎厘更是粉絲必點！必點 - Kuromi藍莓希臘乳酪梳乎厘最滿意的還是藍莓希臘乳酪梳乎厘，印有kuromi圖案的梳乎厘，乳酪上還放了一塊巴庫的巧克力曲奇，超級可愛！梳乎厘上面有kuromi造型的雪糕，實在不忍心用叉子把它毀掉。梳乎厘入口即化，配搭藍莓醬的酸甜或者乳酪的濃郁奶香都十分適合，讓人忍不住想要再來一份！Kuromi邀你共享精致意大利飯點了這個外觀滿分的意大利飯，飯上面有印有kuromi模樣的米紙，用紅蘿蔔切成蝴蝶結，是會讓kuromi粉絲們尖叫的餐點！然而，味道方面卻稍微有些失望，沒有特別驚艷的感覺。藍莓沙冰特飲同事還點了一杯藍莓沙冰特飲，印有kuromi圖案的裝飾插在滿滿的忌廉上，少女心爆發。可惜的是，這杯飲品的味道有些淡，藍莓味道不夠濃郁。PHI Coffee & Pancake (太古城道) (太古)📍太古太古城道14號星輝台耀星閣地下G1010號舖

放假諗起嘅Cafe，一定唔少得PHI❣️最鍾意食佢呢度嘅厚pancake，近排仲做緊Kuromi主題好得意🥰♥ 蜜瓜在初夏升溫時 $142平時pancake食得多，夾蜜瓜嘅就比較少見，果然幾驚喜！除咗有新鮮嘅蜜瓜，仲有啫喱同埋焦糖脆脆(配料都好好食，好夾)，pancake好鬆軟蛋味香♥ 漢堡扒全日早餐 $132兩個人share食諗住唔使咁飽，就嗌咗其中一份All day，呢度嘅擺碟好靚，野食好豐富包括有漢堡扒、煎蛋、煙肉、煙三文魚、牛油果、丹麥酥(好好食，牛油味好香)、菇菇同埋小小的牛柳羅宋湯。♥ 濃鮮龍蝦意大利飯 $165意大利飯口感做得啱啱好軟硬度適中，濃郁嘅龍蝦汁包滿每一粒飯粒，仲有龍蝦肉鋪面夠晒豪氣☺️肉質彈牙好鮮甜♥ 提拉米蘇咖啡（凍） $52咖啡味超濃，可以醒醒神！面頭嘅忌廉好吸睛，要嚟打卡岩哂♥ 蜜瓜在沙冰降溫時 $68應該係夏天先有，嘢飲入邊仲有兩塊蜜瓜可以食😂飲返杯沙冰要嚟消暑，又唔會好甜

叫咗個香辣蟹肉扁意粉得個死辣嘅味道唔香得嚟仲掩蓋哂d蟹肉味同蕃茄味另外仲有個藍莓希臘乳酪梳乎厘梳乎厘整得幾好食不過唔係好覺有希臘乳酪嘅味道整體感覺一般唔會再到訪

話說之前食過呢度嘅pancake念念不忘，再encore! 餐廳佈置係earthy tone，充滿花花佈置🌸<吞拿魚沙律>吞拿魚扒份量多，煮至半熟，入口溶化🥰配沙律菜、車厘茄，好開胃💕<粉紅吞拿魚貓耳朵粉>吞拿魚厚身，煎得好香口，佈滿邪惡嘅芝士😍貓耳朵粉煙煙韌韌。<石板街梳乎厘>每次黎必點梳乎厘！梳乎厘充滿濃濃蛋香，咬落非常fluffy，配朱古力漿、朱古力cream、nuts、棉花糖、朱古力餅乾碎，朱古力fans一定唔可以錯過！<Oat Latte><Flowering Tea>啖啖花香，一啲都唔澀，讚🌸

假日去太古行街，之後選擇這家餐廳。由於推出kurumi套餐，吸引了不少小朋友和家庭光顧。⭐️龍鮮龍蝦意大利飯米飯煮得很軟，吸收了龍蝦的鮮甜，讓每一口都充滿了海洋的味道。龍蝦肉一早拆了，入口鮮甜。⭐️漢堡扒全日早餐漢堡扒配上煙三文魚、牛油果、車厘茄、沙律菜、麵包、煙肉和太陽蛋，很豐富。煙三文魚的鹹香與漢堡扒的肉汁相互交融，而牛油果的滑潤則為整道菜增添了一絲清新。太陽蛋的蛋黃在切開的一瞬間流出。重點是漢堡扒夠厚身，肉汁充沛，入口香軟。⭐️暖泡沫鮮奶這杯鮮奶泡沫豐盈，口感滑順，熱度適中。⭐️蜜瓜在沙冰降溫時蜜瓜沙冰，入口冰爽，蜜瓜果肉很香甜。⭐️經典英式伯爵茶梳乎厘梳乎厘質地非常鬆軟，柔軟的質地瞬間融化在口中，口感較濕潤和有空氣感，搭配著伯爵茶的微香，配上雪糕、忌廉和麻糬，口感豐富。