PAUSE IT

營業中

休息中

上兩個月先喺荔枝角開左第三間分店，估唔到咁快開左第四間，新店開左喺元朗新商場Yoho Mix入面，環境光猛開揚，配上一貫的純白加木系設計，感覺舒服溫馨，令人好想好好放空🤍身為得獎拉花咖啡店，拉花當然唔會令人失望，orange mocha 橙味香濃，不過略嫌太突出蓋過了mocha的香味，不過都算係唔錯，鐘意橙味嘅應該會好鐘意！另外主食都好多選擇，慢煮雞胸麵包三文治正常發揮，保持住一貫水準👌🏻當然身為螞蟻人嘅我一定order French toast，一份有四件厚厚嘅多士，蛋味夠香濃而且外層酥脆，點上奶油忌廉同楓糖漿好飽肚，呢個極推介👍🏻🤍- 慢煮雞胸香草麵包三文治配薯條- 法式多士配雜果忌廉- Espresso tonic- Orange mochaTotal $303

6月初Pause It進駐入去元朗最新地標 - Yoho Mix 元點新店沿用品牌一貫嘅純白設計🤍而今次新店特別突出佢哋品牌嘅Logo「平衡沙漏」⌛️滿滿一整幅牆、好吸引眼球👀今次新店位於商場一樓唔洗好似旺角、炮台山店咁會同路上嘅大叔對上眼👀😆靠窗嘅一邊每當有自然光透入嚟🪟特別覺得開揚舒服🔅🔖 虎蝦青醬扁意粉 🍝露筍非常嫩青醬亦帶濃濃蒜香🧄虎蝦肉質彈牙外蝦頭仲有鮮甜蝦膏喔！🦐🔖 Matcha Latte 🍵Pause It 靚靚拉花已成為招牌～本身想飲黑芝麻Latte 🖤但最後點咗相對上鏡嘅抹茶Latte 🍵奶泡嘅幼滑度真係好Impressive ❣️餐檯相對大張、檯同檯之間就略近隔離檯上咗碟炸魷魚、啲香味真係會「攻」過嚟、十級邪惡👿 想講是講非嘅朋友要留意🗣️❣️BGM 有Oasis 、加5分！