Parallel

營業中

休息中

這家西餐廳位於觀塘站附近，交通方便。餐廳的內部裝修新，氣氛輕鬆，侍應服務殷勤。晚市半自助餐每位318元，自助沙律吧任吃，款式多，品質接近酒店餐廳水準，煙三文魚高質，凍蝦口感彈牙，翡翠螺爽口，青口漲卜卜，紅菜頭鮮甜，水牛芝士惹味，南瓜甜，其他蔬菜新鮮。是日精選湯是大蒜薯蓉湯，蒜味輕微，薯仔味道正常。另一碗餐湯加了48元升級為龍蝦湯，湯味濃郁。香煎鯛魚柳配甜椒汁，魚皮香脆，魚肉多汁，口感幼嫩，露荀鮮甜，甜椒汁美味。海鮮意粉配蕃茄忌廉汁，帶子肉厚，蝦肉彈牙，蕃茄忌廉汁帶少少甜味，扁意粉軟硬適中。熱檸檬茶入口順滑，熱咖啡香濃。

男朋友放工喺觀塘附近簡單食點知俾我搵到之前做開高級西餐嘅parallel轉左做semi buffet！都明白嘅生意難做所以就益左我地可以以更低嘅價錢食到高級美食🤭🤭晚餐有成10款選擇有意粉同不同扒類⼀定揀到啱心水套餐已經包左自助沙律同餐湯想更完美梗係加甜品🤭沙律吧選擇足夠有多款沙律亦有cold cut 同凍海鮮👍狂食前菜回本🤪是日餐湯洋蔥湯焦糖香甜龍蝦湯鮮味晚餐份量無變少我反而覺得加左碼咁香煎澳洲鱸魚配甘筍薑蓉好少見鱸魚扒有兩大件！魚皮煎得金黃香脆魚肉潔白相當嫩滑！慢煮黑豬腩配黑松露薯蓉黑豬腩皮勁脆有少少似中式燒腩仔黑松露薯蓉滑滑溜溜甜品藍莓芝士餅Tiramisu質素唔錯！侍應介紹包場可享九折咁可以約多啲人黎包場搞活動都得喎！

-Parallel🍽️-Semi Dinner Buffet $318/人唔好睇餐廳細細間咁但其實佢個Semi buffet既食物都幾有質素同款式都算多種類😌-海鮮類就有青口/蝦/翡翠螺🐚鐘意食螺就要試勁大隻又鮮甜👍冷盤就有Cold Cut/煙三文魚/沙律類等等煙三文魚就一定係最回本食物🤣-主菜就有意粉/扒類今次就揀左油封鴨脾配薯蓉紫椰菜同黑松露手工意粉😋油封鴨皮脆肉嫩切仲有手掌咁大隻😍薯蓉從來都唔係配角因為薯蓉軟綿綿既口感食唔停🥹而黑松露手工意粉因為係自家制所以意粉係超彈牙！黑松露個味一個字香😌-🌟評分:🏅🏅🏅🏅🏅📍地址: 觀塘觀塘道414號1亞太中心3樓302號舖

🇫🇷法式半自助高質晚宴👨🏻‍🍳-呢排又要揾地方同朋友做牛一😛 所以㨂咗呢間口碑有保證嘅法式餐廳 除咗主菜好味之外 仲有好高質嘅半自助餐沙律海鮮bar❤️ 啱晒我啲嘴刁嘅朋友仔😂-🇫🇷法式半自助晚餐 $318起沙律有好多款 除咗有自選沙律菜配自選醬料之外 仲有餐廳特製嘅十幾款特色沙律 由西式到泰式都有 就哂fresh呀😛 餐湯都好高質 當晚有甜甜地嘅洋蔥湯同好濃郁嘅龍蝦湯😋-🦞冷盤及海鮮另外冷盤都十分精彩❤️ 轉角位放咗好肥美嘅煙三文魚 cold cut同兩款芝士🧀 回本位仲有三款海鮮 有翡翠螺 青口 同白蝦 每款都好新鮮 食落爽口彈牙🫶🏻-🐷慢煮豬腩肉配黑松露薯蓉豬腩肉用咗由肥瘦肉夾住嘅部位 所以口感好豐富 食落油脂感好香 加上外皮有特別預備 所以食落好脆❤️ 薯蓉滑身但仲保留少少顆粒感 係我地都喜歡嘅流派 而且黑松露落得都幾重手 好香噴噴😛-🍝黑松露手工意粉另外嘅主食我地㨂咗呢個手工意粉 佢係粗條面路線 邊邊位有少少波紋 超級掛汁🫶🏻 食落保留少少實心 絕對係高質之作😋 另外黑松露都放好大方 啖啖都食到佢嘅香味🫰🏻-📍Parallel (觀塘)觀塘觀塘道414號1亞太中心3樓302號舖

今日朋友帶咗我去觀塘食一間半自助餐$318pp，可以俾你揀一個主菜有餐湯同埋出面有自助頭盤。自助頭款估唔到都有差唔多10款沙律、煙三文魚、蝦、青口同埋螺🦐海鮮都尚算新鮮，雖然唔會成日refill但係都有足夠貨✨🌙黑松露湯濃郁嘅黑松露湯，入面有好多菇菌碎。🐟香煎澳洲鱸魚魚份量都大，皮脆肉滑不過調味略嫌不足。🌸油封鴨髀配薯蓉油封鴨髀皮香肉唔嚡，配酸菜同醬汁食夠惹味，下面仲有薯蓉有鴨油香味。🍝黑松露手工意粉黑松露味夠濃，意粉OK彈牙，但係要趁熱食如果唔係凍咗就比較乾。

呢間餐廳有浪漫既環境好岩慶祝節日黎食，我地叫一人一份晚餐，呢度既食物係半自助前菜放題出面有多款沙律既沙律吧俾客人食用，仲有好正既青口，海蝦，螺肉等等，沙律吧主要有煙三文魚，唔同款式既火腿，芝士，粟米，蕃茄，茄子等沙律，仲配有各種醬汁，我地叫左一份海鱸魚伴薯菜，呢度既主廚係酒店高級主廚廚房開放式仲可以睇到佢點煮食物比較衞生，海鱸煎成金黃色香脆外皮用牛油慢慢煎熟，魚肉口感好嫩滑，配埋芥末醬好夾，另一份五花腩層次分明配左燒烤醬一齊食唔會好油膩。

今日開始休息喇等五月尾媽咪生完再開工，咁啱佛誕假期屋企個個都唔使返，細女book咗一間半自助餐之前諗住母親節，咁啱果日fully book見今日有位就訂咗枱，今次又預埋細妹一齊去試一行六人，呢間餐廳好細入坐個半鐘，如果唔多人就可以2個鐘，今日好好彩無咩人我哋12點半到可以坐到3點，但我哋都喺坐咗個半鐘，雖然半自助其實都只係出面有沙律菜，一款麵包好細塊，有啲芝士，煙三魚同一款凍肉，個餐有一個湯，主菜同一杯咖啡或茶，其它特式咖啡或花茶就另加錢，甜品都喺要加錢先有，坐低各人出去攞咗沙律菜食咗一陣就叫主菜，基本喺178再加一，而有些主菜都分別加唔同的價錢，我哋就叫咗6款可以一齊試食，到我哋連主菜都差唔多食完先記得無飲湯，就問是否有湯才比我哋，感覺差正常嚟湯先，到我哋叫埋甜品我突然發現無飲過湯，如果唔問我諗應該唔會比，之後叫埋餐飲大家都無再出去加沙律菜，未試過食半自助都喺坐咗個半鐘唔夠，大家都覺得無咩可再食，傾咗一陣同影下相就走，之前睇過推介話好好，我覺得就唔喺想像中好，感覺一般餐廳如果唔係阿女綱上訂有85折，呢個價錢就唔係太值，折實差唔多200蚊一個人，老公都覺得麻麻比起之前table 18差

之前同朋友仔食過𝐃𝐢𝐧𝐧𝐞𝐫 𝐒𝐞𝐭好高質😋知道餐廳🍽最近新推出半自助晚餐，比之前更抵食🤑即刻要去試下啦💃🏻𝐘𝐮𝐦𝐦𝐘𝐮𝐦𝐦😙餐廳由前酒店廚師👨🏻‍🍳主理，主打西式𝐅𝐮𝐬𝐢𝐨𝐧菜🍽️ 店內走簡約風 • 以灰色🩶為主色，配合埋柔和既燈光都幾好𝐅𝐞𝐞𝐥😎~•~•~•~•~•~•~•~•~•~•~•~•~•~•~•~•~•~•~• 🌙 半自助晚餐 Semi-Dinner Buffet (Start From $318) 🌙(包 自助沙律吧 • 是日精選湯 • 咖啡/茶)🔸是日甜品 (加+$25).▪自助沙律吧 擺滿晒半開放式廚房前面張長枱🤩(前菜 • 沙律菜🥗 • 沙律 • 煙三文魚🐟 • 𝐂𝐨𝐥𝐝 𝐂𝐮𝐭𝐬火腿🐖 • 芝士🧀…)近門口位置高枱位，就擺左𝟑款海鮮(翡翠螺🐚 • 青口 • 白蝦🦐)最鍾意水牛芝士車厘茄🍅 • 藜麥沙律 • 芝士🧀(有脆脆法包配🥖).▪湯▫️甘筍湯 (是日精選湯) 🥕▫️龍蝦湯 (加+$30)🦞𝟐款湯都係稠身，唔會水𝐧𝐞𝐥𝐧𝐞𝐥，相對之下龍蝦湯就更濃郁 • 惹味🥣.▪Mains 有𝟏𝟎款選擇，牛🐃 • 羊🐐 • 豬🐖 • 魚🐟 • 鴨🦆 • 意粉🍝…有素食選擇🌱▫️香煎澳

今日喺觀塘行街，之後約朋友食午餐，朋友帶左我黎到亞太中心的Parallel，主打semi buffet，主餐牌都好吸引，要咗手打意粉同埋牛扒🫶🏻⚜️澳洲M4+牛扒配蒜香薯蓉澳洲M4+牛扒🥩叫咗五成熟，質地嫩滑，保持豐富肉汁，牛味鮮美🤤搭配蒜香薯蓉，薯泥好香，仲有鮮嫩的蘆筍同埋車厘茄，口感豐富而濃郁👍🏻⚜️海鮮手工意粉配番茄忌廉汁見到有手工意粉，即刻就叫咗黎試，特別喜歡手工意粉嗰種煙靭有咬口的感覺，意粉煮得剛好，保持了彈性，搭配海鮮，份量不少，有蝦，帶子，青口✨番茄忌廉汁的酸甜味與意粉很搭配💗⚜️自助沙律自助沙律bar有不少選擇，適合不同人的口味👍🏻 有不同的沙律菜，冷切肉盤和芝士，煙三文魚，希臘乳酪&車厘茄，漬紅菜頭⋯⋯⚜️餐湯。紫洋蔥湯口感滑順，紫洋蔥的香氣彌漫其中，帶來了一種溫暖的感覺，暖胃✨

朋友上次介紹我嚟觀塘呢一間餐廳，話呢間餐廳環境舒服，食物好味，而且服務得好周到！佢哋晏晝有提供半自助午餐，價錢都幾合理，只係每位$178，就可以隨便享用佢哋嘅前菜🍞、沙律菜🥗、沙律🥙、煙三文魚🐟、冷切肉盤🥓及芝士🧀！雖然係免費任食，但係就絕對唔馬虎！前菜既醬料都Mix得幾好，沙律菜都好新鮮！連煙三文魚都係任食超吸引😍😍主菜方面，我哋就揀咗香草醬手工意粉配雞肉白菌🍝 同埋香煎鯛魚柳配甜椒汁🐟，佢哋嘅意粉全部都係自己整嘅，係比較闊身有咬口嘅意粉，配香草醬都幾香㗎！鯛魚柳嘅魚肉就好滑，我幾鍾意！❤️另外呢個半自助午餐已經包含咗是日精選餐湯🥣同埋飲品🍹，我哋當日嘅餐湯好特別，係比較少見嘅紫洋蔥湯！😋😋飲品方面我哋就揀咗茉莉花茶🌼 同埋 橙汁🍊

難得有朋友係英國返黎可以約到聚舊, 一於搵間舒服又特別的餐廳, 係Openrice search 到亞太中心有間 PATAIIEL餐廳, 訂座仲有9折。亞太中心係觀塘站A出口附近, 行去只係5分鐘, 而且位於3樓, 不用排隊等升降機, 直接上電梯好方便。晚餐係半自助餐形式, 睇食評已好吸引小店雖然唔大, 但有精緻的裝修, 枱上裝飾好可愛。一個Open Kitchen睇到廚師為自已準備的食物, 簡直賞心悅目。餐牌主菜共有10款, 半自助餐包括有前菜, 沙律, 冷盤, 餐湯, 飲品。除了主菜, 有驚喜係不論前菜, 沙律及冷盤都係用心製作, 白蝦, 翡翠螺及青口, 味道不俗, 擺盤用心，而且不停添加。沙律亦係我心儀之選, 款式不但多, 更用上新鮮沙律菜, 多款沙律都係親自調製味道, 用心之作, 充滿誠意。個人中意食紅菜頭沙律, 十分喜歡佢地調的汁, 好清新。當日餐湯係南瓜湯, 幼滑好味, 易入口。主菜:慢煮豬腩肉配黑松露薯蓉豬腩肉夠厚身, 用上西式的方法慢煮豬腩肉, 腩肉加上少少脂肪, 咬落去十分香口, 皮十分脆卜卜, 整體係高水準之作。    配菜有黑松露薯蓉, 西蘭花, 欣賞廚師對擺盤十

呢間係位於觀塘既一家西餐廳，今日食既午市係半自助午餐，價錢唔算貴，主菜既款式都比較多，我揀左既係油封鴨脾，然後就去開心地夾自助沙津沙津吧超多款野食揀，淨係菜都有幾款，仲要係FILL得好快手下呢個沙津吧入面最好味一定係呢個煙三文魚!! 超香口而且配合D醬汁無敵好味先到既就係餐湯，好香既蘑菇香味，十分香滑話咁快就到主菜項目，油封鴨脾超香既呢個油封鴨脾，係一道心機菜，估唔到呢間都煮得唔錯，綿綿的肉質加上勁香口的鴨油味道，超級好味再配一杯香滑既咖啡，整個LUNCH就是完美

今日行完apm,又到食dinner嘅時間，apm隔離嘅一亞太中心都有幾多餐廳，今日就選擇咗呢間餐廳，佢地嘅裝修都幾grand,睇睇門口餐牌，原來佢地有半自助晚餐，所以入去試吓。出面半自助bar都有好多款式，有蝦，螺同青口，每款都好新鮮，食落鮮甜，正。仲有多款沙律，每款都幾有特色，同好新鮮，真係食自助bar都可以食飽。呢個餐都有湯同主菜，都幾抵食。南瓜忌廉湯個湯好creamy,好香南瓜味，唔錯。龍蝦湯勁濃郁龍蝦鮮味，好鮮甜，入口好滑。手工意粉配雞肉，白菌果然係手工意粉，食落好煙韌，好香蛋味，勁掛汁，加埋d菇一齊食，好香，而d雞肉都好嫩滑，煎得好香口。慢煮豬腩肉配黑松露薯蓉豬腩肉食落一d都唔肥，因為慢煮關係，所以食落好嫩，一d都唔韌，個皮燒得好香脆，加埋佢地酸酸地嘅醬汁，可以解膩，而黑松露薯蓉好creamy,好滑，好香黑松露香味。

眨眼又一年，同男朋友週年紀念當然要慶祝。一向鍾意食西餐的我，今晚揀了間很有情調嘅西餐廳浪漫一下。優雅的餐桌配上小花和小燈，柔和燈光，簡約的裝潢，令人舒適寫意。半開放式的廚房可睇住廚師們專注嘅樣子，好charm呀！晚巿是半自助形式（$318/位），包有一份主菜、自助沙律、是日精選湯和咖啡或茶，部份主菜需加錢。是日精選湯是西蘭花忌廉湯，熱辣辣，聞到陣陣西蘭花的香氣，好吸引！西蘭花沒有打磨至全茸，吃到幼碎的西蘭花，口味豐富，亦有濃郁的西蘭花味，喜歡沒有加入太多忌廉，健康有益，喜歡！廚房前台是自助區，放了一碟碟精美嘅前菜沙律，色彩繽紛，令人食指大動。數下數下，足足有十五款，沙律菜、不同款式沙律、煙三文魚、冷切肉盤、芝士，還有海鮮冷盤，相當豐富。基本上無嘢唔食，所以款款都攞啲試下。第一碟就最喜歡係色彩豐富嘅三色椒鷹咀豆，又有益又飽肚，味道清新。另外啲紅菜頭都好清新多汁，夠fresh!第二碟就好鍾意雜果沙律，有超甜多汁嘅菠蘿、哈蜜瓜、黃桃、藍莓和草莓，好豐富！仲有吞拿魚長通粉沙律味道調得剛好，唔會太多醬，長通粉又有口感，不錯！第三碟就是冷盤，海鮮有三款，有爽口嘅翡翠螺、肥美嘅青口和鮮甜彈牙嘅白蝦。