PAPER STONE BAKERY

營業中

休息中

每次放假後第一個朝早，都唔會煮，我哋多數會買定麵包，不過隔夜麵包普遍都比較硬同乾…Paper stone就唔同，就算隔咗一晚，d包都依然幾軟熟，仲有麵包香，我最鍾意就係三重芝士米燒餅！好香，唔會太咸，口感有少少煙煙韌韌，做茶點或者早餐都好適合！老公就鍾意食五穀肉鬆包，大大個夠抵食，肉鬆係新東陽肉鬆，有保證👍🏻五穀添香又有口感，唔錯！下次一定要堂食，應該仲正，唔知除咗麵包可以點啲咩呢？如果可以加咖啡仲有餐跟就100分啦！

某日行商場行到攰,發覺這麵包店可以在店內有枱有櫈食麵包。點了兩件方型葡撻,一件scone, 一杯Americano。地方少少,坐約十人。於行人走廊尾,都可算是寫意的角落,可稍為休息。酥皮蛋撻很香,濃烈的葡撻烘焙味。蛋餡超滑,好味。Scone 就有些少意料之外。內有鮮草莓,草莓香味十足。食開茶餐廳的下午茶,食下呢間又有豐富的新鮮感。

夜晚經過見到店舖做緊櫥櫃麵包3件85折優惠就決定入手做早餐🤓🤓朱古力扭紋酥$15 即食同第二日翻焗一樣咁好食😋 麵包做到好酥脆 面頭系極邪惡滿滿既朱古力🍫再加啲果仁碎！好滿足嘅肥仔早餐🥣 對我女仔黎講 系好飽肚既早餐la！

紅桑子條裝蛋糕粉紅色的浪漫型蛋糕，下面是慕絲，上面唧上紅桑子忌廉，忌廉滑身，散發出淡淡香氣，亦加上紅色脆脆珠，味道不錯呢！果仁雜錦撻鍾意食果仁嘅你一定要食這個撻，撻上滿佈合桃、果仁、杏仁、提子乾、紅桑妹等等，係健康之選啦！撻底脆身，散發出淡淡牛油香，吃完整個他非常之飽。設有堂食位置，可以慢慢啲享用。

杯水果茶完全無味，啲珍珠又不能入口，好粉，無下次，又貴又唔好味，飲comebuy好過飲佢，啲茶鞏以沖到無味真係第一次飲，以後都唔會有幫襯。。。。。。。。。。。。。

吃飽東西後想買杯咖啡飲飲，看到這家有咖啡售賣就決定進吧。這家集合麵包店與咖啡飲品店一身的店舖，另外一邊有數個位置可以坐下來享用/休息。💥朱古力咖啡 HKD$34，咖啡味道尚算香濃，但飲不到朱古力的味道。牛奶味較重的咖啡，應該只放了很少咖啡。只是放了糖漿再加入少少咖啡。這個價錢只有這個質素的咖啡，真的令人很失望了吧😭。便利店的咖啡便宜一半還好味道一點，看有麵包售賣，雖然賣相是不錯的，但也不再買試看，因為不想再失望了。

喺呢間麵包店度買咗幾袋麵包，其中一袋叫碟豆花芝士麵包，索價$24 四塊。食緊第一塊嘅時候，食食吓突然手摸到有麵包內硬物，係一舊灰黑色0.5x0.5mm 加闊度0.3mm有尖角嘅硬物，由於冇化驗，不便評論佢係乜嘢野，大家自己諗吓到底呢舊異物係乜。最嬲嘅唔係食到有問題嘅嘢，係呢一間麵包店嘅態度。我已經即時聯絡呢間店，換來嘅係已讀不回，直到我提出將會有進一步投訴行動佢哋先至覆我嘅訊息。事後聯絡，佢哋一直只係想攞返件證物，仲提出叫我將物證交返去店舖比佢哋，佢哋就會俾返兩件甜品嚟答謝我嘅意見（？）。大佬，我買袋麵包$24已經唔食得，仲要貼埋車錢時間拎過去佢哋?老奉咩？我強烈建議牙齒唔好同埋有小朋友嘅人係呢度買麵包前真係要諗吓。

唔知自己由幾時開始靜雞雞咁愛上咖啡，可能不多不少都受身邊嘅人影響吧？但係吸引到我地入嚟幫襯嘅，並唔係咖啡嘅香味，而係好多好靚嘅麵包，蛋糕，同埋餐廳嘅環境。兩杯飲品加兩個麵包先$54，經濟得嚟又好好食。雖然我地兩個只係幫襯咁少，而且傾偈傾到興高采烈嘈生晒，但係店員都對我地好Nice，一d都感受唔到有人想趕我地走，幾十蚊就可以坐足3個鐘，好happy To summarize覺得呢度比Starbucks更好hea，再加埋今日嘅大笑開心回憶，足以令我留下一個笑臉好評。P.S 偷偷借呢個平台同我嘅摯愛嘅sweetie講聲：生日快樂 同你一齊食個麵包都過得很快樂

逛商場時經過這間麵包店，喜愛吃麵包的我當然走進去看看。店內數款麵包都提供試食。麵包款式新穎，看來是他們獨有的款式。在店內逛一圈後，選了一款朱古力味道的：朱古力髒髒包 （$18）：麵包非常鬆軟，表面有一層厚厚的朱古力，再灑上可可粉，麵包內有朱古力餡。朱古力的品質不錯，味道濃郁幼滑，配上鬆軟的麵包。口感非常好！這款麵包滿足了我這個麵包控及朱古力控！店內其他款式都很吸引，下次會再選購品嘗品嚐！而且店內亦有座位供客人坐下品嚐食物，是很不錯的麵包店！

經過哩間麵包店，系外面就聞到陣陣麵包烘焙噶香味，好吸引人啊！要左個紅菜頭士多啤梨芝士杯，麵包好鬆軟，口感超好，裏面仲有忌廉，軟滑，加埋滴芝士味，超正！外邊仲淋左一層朱古力，靚上加靚了，奶油上面加埋粒酸酸甜甜噶草莓，好體又好食！

晏晝有少少肚餓, 就試下呢度啲麵包。見到有咖啡飲，叫咗杯flat White。 心諗都唔知好唔好，就叫杯細嘅。$31.果mushroom on brown bread. 超鹹，麵包好硬。 阿女個Banana custard Danish， 硬到食唔到，淨係只可以食到啲香蕉。 杯咖啡超難飲，飲咗咁多咖啡，試勻咁多度。第一次飲杯flat white係熱到辣嘴，飲都飲唔到 ，噴曬煙. 一啲咖啡味都冇睇到咁多正評。都覺得有啲奇怪。經過呢度幾次，卒之今日試一試，完全失望 。

paperstone 最優勝就係可以試食，客人可以試吓自己鍾意邊款先至買！而我就試咗，新出的碟豆花藍莓芝士法方包，$24/4片，麵包混合了藍莓和芝士粒，鬆軟同時亦不失口感，好好味！忍唔住買咗兩袋返屋企呢個包唔會太甜，就算攞來做三文治🥪，或者其他鹹點，亦都唔會蓋過其他食物嘅味道！由於買咗咁多包，就咁食又好似太齋，我就試咗用來做腿蛋治，感覺都唔錯，麵包上多咗層口感，大大加分！其實paper stone嘅方包真係好靚好色彩繽紛，用來做早餐嘅配搭好適合！

Paper Stone Bakery 這間店是賣麵包為主，但亦有甜品及飲料供應。平時只買麵包或蛋糕回家吃，從未試過坐低慢慢食， 所以走去試試。係一田買咗兩大袋嘢，大約三點多想去Paper Stone坐低食個 afternoon tea set，去到見到仲係放住lunch set牌, 即時問店員是否應該有tea set，回應「有」，「你想要」😓唔想要又點會問你呢😠原來買tea set 都係自助形式，先同店員講完要d乜，然後佢俾個盤叫你自己去攞，再去收銀處排隊俾錢，然後再等飲品，咁就可以攞走個盤去搵位坐低😰舖位唔係大，人又多👨‍👨‍👦‍👦想坐低食要過關斬將先可坐低，下次都係買番屋企食算吧😓🔸藍莓鬆餅配咖啡$28藍莓鬆餅，大大隻，鬆軟、藍莓算多，不是乾身那款，下午茶食一隻飲埋杯咖啡，飽晒😉

係Yoho Mall商場入面，有間Paper Stone嘅面包+CafeD面包款式超級多，賣相仲超級靚同吸睛面包價錢由$12元起蛋糕賣相亦靚到暈，未食見到都流口水之前已經試過幾款包，今次買左最common 嘅白麵包試下4塊$12超級超級軟熟，D面包皮都好味，我覺得完全唔使揸酱都掂，唔會覺得乾店內仲有一張枱比客人堂食，可選擇配埋嘢飲買蛋糕加$10仲可以寫生日牌添

係yoho mall 食完晏之後，順便行埋街，去到呢度咁就停咗喺度啦👇， 因為畀佢嘅麵包🍞深深吸引咗呢度除咗有麵包外還有蛋糕🍰咖啡☕😌麵包好多種類有得試食，試啱至買同埋有啲寫明用乜材料製作😚設有座位，可以在充滿咖啡、 麵包嘅香氣嘅環境下慢慢歎好寫意紅菜頭法包🍞$26.00哎呀我冇影到, 用☝️個代替， 但見到🍞🍞芝士滿滿😍下次會買嚟試下🤤，🧀~🍞食到紅菜頭特有甜味👍👍粒粒芝士法包🍞$25.00好開心😆,真係有好多芝士👩‍⚖ 真心嘅，我個人覺得唔係貴，畀起其他大型麵包店，呢度真係食到有質感嘅麵包，用料認真，其他大型嘅，價錢又唔平得去邊，好似食風咁， 食兩啖就冇，呢度嘅麵包係要慢慢嗰隻、有麵粉味辛苦得來自在食，要對自己好啲