One & A Half (裝修中)

本來興致勃勃和家人一起到該店享受甜品，店員安排我們都接近Outside的位置就坐，由於天氣凍的緣故向店員要求把連接Outside的大門關上，後來一位戴眼鏡的男士侍應走到附近講咗一句「天氣有幾凍啊，就要閂門。」這是什麼？服務態度客人覺得凍連閂門都仲要俾人係背後講壞話，你講還講都唔好俾人知道啊，仲要係餐廳裏邊樓面唯一一個男性，如果係唔滿意我哋要求閂門其實可以幫我哋轉枱，唔係俾說話我哋聽。宜家要你閂門係唔係好影響？

放假晏就踩完單車，勁肚餓，即刻9 秒9 出yoho 搵野食，間間都要排隊，見到佢唔洗，加上一早已經想試佢既雪糕，就入去坐低左。有戶外同室內，因為夜晚比較大風，所以就揀左坐室內。我揀左晚餐便當，188 per person, 有前菜，沙律，主菜、漬物，飯、甜品同飲品。所以就變成味噌燴牛肉，醬油漬白飯，伴炸忌廉蟹肉薯餅，是日冰果茶，甜品係味噌蘋果醬既牛奶雪糕。味噌燴牛肉，味道有點鹹，不過牛肉炆到好林，一咬即化開，醬油漬白飯好味，有d 咸咸地既蛋黃同醬，撈一碗飯食哂岩岩好，炸忌廉蟹肉薯餅，食得出去出邊嗌貨嘅，味道正常啦！凍果茶有d 酸，同想像中細杯，感覺好hea,唔知乜味。雪糕味道幾好，有d 似食蘋果金寶咁，所以食甜品會較好。

因為看到餐廳有戶外座位，而且環境不俗，時間有點趕，所以決定試一試。來到的時間因為比較早，餐廳沒有人，我和朋友走進餐廳想視察下坐哪裏，突然有個男侍應大聲叫住我們，叫我們停步。語氣比較硬問我們多少人，然後叫我們坐在他指定的位置上。由於我們想坐室外，告訴他後，他也允許我們坐室外。那男的語氣態度比較趕客，未知是否是老闆才敢那樣對客人。食物方面，叫了一個漢堡扒和唐揚炸雞蕎麥麵午餐。漢堡扒口感有點像蒸肉餅，肉質比較實，吃的時候也差點忘了這是漢堡扒。醬汁的味道比較一般，只是賣相比較好。另一個唐楊炸雞蕎麥麵也比較普通，蕎麥麵的湯是淡淡的，一定要配合炸雞食才有點味道，沙律菜比較新鮮，值得一讚。加錢點一杯朱古力和Mocha，比想像中好，而且有拉花，打卡不錯。服務態度有待改善，否則以這樣的食物質素及價錢，客人還可以有更好的選擇。

1. 座位安排完全冇彈性，我地有一位bb，比左2張枱我地揀，一張就對住門口勁大風，一張就走廊轉彎位，問佢可唔可以將另一張二人枱拍埋坐入去，就話set死左唔可以郁，ok唔緊要2. Openrice book枱時寫左甜品要寫生日快樂，入座前都同佢地confirm左，見到佢個便當set有埋甜品就叫左，點知到上甜品既時候冇寫到，我地就同佢地講話request左寫生日快樂，佢地傾完一輪之後走過黎話要單點一個甜品先有得寫，如果係咁既點解唔一早講，到我地叫好哂上甜品先解釋？3. 到埋單既時候，佢地話要出面埋，我行到去，有位女同事叫我等一等個收銀，我就等，個收銀一路就同佢另一位同事train緊啲甜品既宣傳照要點影，我見唔對路，就提一提佢我想埋單，佢答我知道等一陣，咁我就再等，但佢就繼續train個同事，完全冇意欲停低幫我埋單，最後真係忍唔住，要再重申我要埋單佢先肯停

呢間野只可以用一句「可一不可再」😔黎形容，員工冇禮貌，由入坐比份menu我，落order用QR code落又唔講，個客實知喇，去茶記個客坐底都有杯水呀，呢間野d侍應帶左你埋位就理得你。上餐係用「掉」黎形容，d侍應態度仲衰過茶記。完全冇service 可言。如果野食好食的話，都仲可以勉強接受。可惜唔係囉😰未試過既，想去試既。可以參考下其他人既評論。如果話劣評可以係假，好評都可以比錢買。試定唔試，自行決定。P.s: 本身都好少會寫食評，今次真係忍唔住。

今日同男朋友去元朗行街，去左形點I覓食。最後揀左「One & A Half」🤩店員安排左外面位置比我哋👇🏻夜晚好有氣氛！每張枱都放有一隻小燈座，感覺昇華咗呢到用QR Code落單，方便快捷，適合我呢啲唔敢講野既人🤣🤣我哋叫左2個主菜、2杯野飲、1個小食👇🏻1️⃣大蝦油漬蕃茄香草軟芝士意大利粉味道🌟🌟🌟🌟賣相🌟🌟🌟🌟食後感:芝士味唔太濃唔會覺得好油膩，味道幾似肉醬意粉🤣可能因為我中意食肉醬意粉，所以覺得好正，廚師勁細心，啲蝦已經剝左殼，咬走個頭同尾就食得👍🏻👍🏻2️⃣日本味噌慢煮和牛面頰配蒜香薯蓉味道🌟🌟🌟🌟賣相🌟🌟🌟🌟食後感:薯蓉配左蒜之後勁好食😍😍同埋好creamy！！如果有得單點薯蓉一定會叫多份🤩牛面頰唔會好難咬，口感超正，不過味道我未到好中意(但男朋友力讚😂)3️⃣黑松露炸薯條味道🌟🌟🌟🌟賣相🌟🌟🌟🌟食後感:同出面黑松露薯條唔同就係佢哋比左勁大兜黑松露醬可以條條薯條都點好多醬！同埋係幼薯條🍟比起粗薯條好食好多👅4️⃣士多啤梨梳打5️⃣3.6牛乳奶昔味道🌟🌟🌟賣相🌟🌟🌟食後感:士多啤梨梳打味道濃郁，鍾意士多啤梨嘅可以嗌杯試下！3.6牛乳奶昔好重雲呢拿味，啱曬我呢啲中意食甜野嘅人士！整體嚟講，全間餐廳嘅

呢間舖我寫唔到食評, 因為我坐咗成個鐘, 佢地都出唔到一D 嘢俾我食, 我一滴水都無飲過咁走. 我今次寫嘅係佢地嘅服務質素及上餐效率.當日我在門口等咗半個鐘, 最後坐咗入去, 睇完餐牌落單, 就安心地等. 我個位對正廚師位, 清楚見到佢幾時出菜. 有幾次出菜我都以為我碟嘢到啦, 原來幾次都唔係. 就係咁我等咗40分鐘, 我終於出聲問, 個男侍應話就得, 嚟緊, 咁我又繼續等咗10分鐘, 仲未有, 我再問, 佢話幫我睇睇, 但無覆我. 再過 10 分鐘, 我再問. 今次同另一個男侍應及女侍應講, 呢個男侍應聽完直情擰轉面做其他嘢, 無理我, 另一個無著制服嘅女侍應話同我跟一跟. 我見到個女侍應直接同個廚師講我張單落咗咩菜式, 個廚師似乎唔係好明, 個女侍應遞佢自己部電話俾個廚師睇, 個廚師皺哂眉咁望住部電話, 跟住無出聲, 只係繼續出其他枱嘅菜.  我已經知道即使我之前問過兩次, 但D侍應無同我跟進過張單, 而個廚師亦將我張單嘅priority 排到好尾.  當時已經9點, 我第二日要返工. 我等唔切, 我同個女侍應講你地未整, 咁我要走.   個女侍應只係講咗聲唔好意思, 無試吓叫個廚

今次帶大家進入元朗國度✨𝐘𝐎𝐇𝐎都真係有好多餐廳，最近就有間餐廳新開左，喺門口見到餐牌，最主要係做西日𝐟𝐮𝐬𝐡𝐢𝐨𝐧。除咗因為佢新開之外，其實行過我就比佢個拱門設計吸引住左，行到入去餐廳係行簡約風格🥰而且亦都有做埋室外～整體食物我覺得不錯，而且性價比算高；不過當日可能顧客比較多，店員處理速度有點兒慢，等上餐都等咗一陣子😣👉🏻 𝐁𝐫𝐮𝐧𝐜𝐡 𝐁𝐞𝐧𝐭𝐨 $168前菜+配菜+主食+飯+飲品+甜品前菜：茶碗蒸配菜：八爪魚燒主食：唐揚雞排配松露蛋黃醬飯：𝐒𝐚𝐤𝐮 𝐒𝐚𝐤𝐮 日本醬油漬蛋飯飲品：是日冰果茶甜品：自家製阿華田甜筒整體好不錯，成個餐好多野食😍有小編最喜愛既八爪魚燒～唐揚雞排唔好好鞋，反之非常𝐣𝐮𝐢𝐜𝐲!! 配搭埋蛋黃醬又有另一種風味。最令我欣賞的係個飯🤩先係份量剛好，唔好食到好滯；而佢入面有既醬油漬撈埋一齊食簡直係不得了啊！大家去一定要揀👍🏻最後用佢最出名既自家製甜筒做結尾，香滑好味，滿足🤤

元朗國出名多有 𝖥𝖾𝖾𝗅 𝖢𝖺𝖿𝖾 ᜊ但由於急約食飯又想就腳 就選擇係 𝖸𝗈𝗁𝗈 用膳搵左幾間西式餐廳～見到一間野食👍🏻但服務👎🏻人就係有探險精神 😎 一於試試佢📋 𝗗𝗶𝗻𝗻𝗲𝗿 𝗕𝗲𝗻𝘁𝗼 𝗦𝗲𝘁 𝖧𝖪𝖣𝟥𝟢𝟪跟餐配送 羽衣甘藍雜菜沙律🥗 新鮮開胃菜餐湯🫕 +𝖧𝖪𝖣𝟤𝟢轉左蜆肉味噌湯 足料但味道偏淡生果🍈蜜果好甜 三粒唔夠喉 仲有藍莓🫐草莓涼菜🥒 漬蓮藕 夠味又爽脆 好吃😋茶碗蒸🥚 味道不錯前菜 🦀 忌廉蟹肉粉餅 真的是粉餅主菜 🥘 慢煮和牛面頰 +𝖧𝖪𝖣𝟧𝟢食物上菜唔熱 和牛口感又老又靭🙃好有咬口白飯 🍚 轉迷你日本漬蛋香蔥拖羅腩碎飯+𝖧𝖪𝖣𝟧𝟢淡淡的吞拿魚味道 配上醬油漬蛋 撈飯一流飯後配上 一杯玄米茶 和 迷你熱可可雪糕🍦📋 𝗗𝗶𝗻𝗻𝗲𝗿 𝗦𝗲𝘁 𝖧𝖪𝖣𝟣𝟦𝟪跟餐配送 羽衣甘藍雜菜沙律🥗餐湯🫕 生果🍓主菜 🍜 黑松露蛋黃醬親子雞扒配蕎麥麵一樣唔係熱既 加上有醬鋪面 入口已經微溫雞扒唔算乾柴 但掩製時應該重手左再加埋蛋黃醬 成個味道都好咸 🫢 好彩蕎麥麵夠清淡 撥走啲醬 浸一浸再食餐飲 🍹 是日冰果茶 很酸的一杯水🍮 提拉米蘇炸彈蛋糕 𝖧𝖪𝖣𝟪𝟪有驚喜既甜點～♥︎ 仲以為係傳統𝖳𝗂

之前有食過嘅下午茶☕️(可以睇返之前嘅post)今次食dinner真係不錯❤️‍🔥成個set好豐富！🔸晚餐定食 $188🔺固定有羽衣甘藍雜菜沙律🥗是日湯品+生果🍎涼菜+茶碗蒸羽衣甘藍沙律係個人唔鐘意食嘅嘢就不多加評論啦😂湯就麵豉湯就正常啦🍲生果有士多啤梨,藍莓🫐而當日嘅涼菜係蓮藕,茶碗蒸就普通🫢🔹前菜🔺忌廉蟹肉薯餅🥔薯餅好脆,其實就係平時嘅蟹肉薯餅🫣🔺和風蒜香雞鎚雞鎚冇雪味但唔係好食到蒜味🤭但都係唔錯嘅~🔹主菜🔺野菜奶油三文魚一黎度有啲懷疑係咪自己叫咗呢個😹因為係成堆菜,有翠玉瓜, 紅蘿蔔同西蘭花🥦配埋忌廉食真係好夾,而三文魚嘅份量唔係好多但份量都仲可以接受😚個忌廉汁配飯食真係好正!!!🔺日式芝士漢堡扒漢堡扒上面有燒過嘅芝士🧀芝士加漢堡扒係幾夾嘅😙漢堡扒都好結實唔係散哂咁嘅😆而個汁配飯食都好夾❤️🔹飯🔺明太子紫菜飯明太子嘅份量講真唔係好多,唔夠撈晒成個飯🫢但個飯都有明太子味,微微辣再配埋紫菜的確係正嘅😚🔺Saku Saku 日本醬油漬蛋飯呢個就惹味好多😚就咁食已經好足味！蛋黃加蔥再加上配料好好好食！如果要二揀一會推呢個❤️‍🔥🔹甜品🔺迷你味噌焦糖蘋果新地個雪糕溶得好快🥹唔好睇佢細細杯但份量都幾

新春既yoho 人山人海，係冇book枱嘅情況底下，我哋只有outdoor嘅位置，錯有錯着太陽曬落嚟好舒服，我哋三個人叫咗三個set，湯沙律茶碗蒸水果涼菜係固定既，係前菜、主菜、飯同甜品先要自己簡可能真係新春好多人，我哋由落單到嘢食上嚟都要等九個字如有佢真係要我用餐90分鐘離開真係攪唔掂☹️前菜：炸蝦🍤、章魚小丸子、蒜味雞鎚主菜：芝士漢堡扒、燉牛肉、奶油三文魚飯：明太子紫菜飯、牛油粟米飯甜品：可可新地、玉桂蘋果新地餐飲：水果茶

年初四假期，成個商場都係人，得呢間唔洗排隊，就快快入左去～因為冇訂位，所以只能坐戶外+搭檯，唔算太凍都還可接受～佢有個holiday brunch set 💲168+1️⃣見都幾豐富，好快就叫左⋯⋯但一等足足等左45分鐘先上餐🙈🙈🙈雖然唔洗等位，但就係入座等食物😪😪😪公道講句，食物係好味既👍🏻個set包左餐湯、水果、涼菜、沙律、蒸蛋、前菜（揀左章魚燒）、主菜（燴牛肉）、飯（明太子）、飲品（冰果茶）、甜品（焦糖蘋果新地）都算應有盡有👍🏻👍🏻今次第一次來，撞正假日，上餐等候時間確實難以接受、侍應忙亂不斷上錯餐、態度亦都急躁，好彩食物質素搭救，都叫有留左少少好印象。希望下次平日去既話會有好d既體驗。

食物味道可以的，不是特別好食。只係不值呢個價錢。主要係服務生問題，問個男待應態度串串共。大大力掉個menu 落枱。加上唔出聲就申隻手來收碟。食緊野時真係俾佢嚇親。叫左d 2杯coffee 都有倒瀉情況。唔知以為去咗茶記食飯。下次唔會再幫襯。

半年前同狗狗嚟過。今次嚟到撞正落雨，店員提議唔好坐室外，然後安排咗最近門口的座位俾我同狗狗。下午茶時間，點咗是日甜品餐$48。甜品係芒果忌廉酥皮卷，跟餐飲品加$18飲品轉Latte。芒果忌廉酥皮卷賣相幾靚，紅、黃兩色突出。酥皮鬆脆，忌廉唔會過甜，配搭芒果同士多啤梨醬都幾清新，好味！Latte算大杯，咖啡味同顏色比一般cafe飲到的濃，咖啡豆似係屬於偏苦唔酸，整體有少少焙茶Latte的香濃味道，我好鍾意。喺呢度下午茶狗狗就冇乜好食，只係俾咗甜品上的芒果粒同士多啤梨片佢攝牙罅~

One and a half provided a wide variety of Japanese dishes, dessert and beverages. The taste are nice, especially the dessert and signature drinks are highly recommended. All dishes look appealing which are sophisticatedly produced by the chief. However, the servers need some improvement on service. They should smile more to the customers to show sincere attitude. They should also give water to the guests when getting into the restaurant. Overall, the cafe served good quality of food with appeali