One & A Half (裝修中)

呢間係一間日本fusion餐廳。因為朋友喜歡所以間唔中都會嚟食，佢嘅lunch set $168兩個前菜，一個主菜，然後有湯有飯有飲品有甜品。不過有好多選擇要加錢的。所以為返起每人都要二百幾蚊落樓。其實食物同餐廳環境冇批評之處，唯一我自己唔係咁鍾意成日幫襯就係因為侍應的服務態度。基本上講唔到有乜嘢服務，都是冷冷淡淡。最精彩是其中有一個女侍應說話談吐充滿自信，同你講嘢好似補習社的星級老師，或者學校的訓導主任。你唔明我講乜自己幫襯一次就會知道。最後講多句，好多時等餐等得好耐，你如果係兩個人以上去食可能其中一個餐嚟到食完，第二個餐都未到。

今日星期六諗住可以休休閒閒同朋友佢地去食杯雪糕，嘆杯coffee, 結果就食到一肚氣，啲雪糕叫左成半個鐘都黎唔到，追左兩次都無用，唔知仲以為啲雪糕係要即刻整，仲難整過啲熟食。最後望穿秋水啲雪糕終於黎到，點知啲味道唔係我地叫果隻（椰子同哈密瓜），我地即刻同個伙計講，佢竟然好冇禮貌咁回覆扭紋係得呢隻味（朱古力同雲呢拿），當時真係火都黎，等咗咁耐都唔緊要，仲要黎錯，仲要冇禮貌，所以我地即時問佢個經理Samuel，點解啲野咁遲到不突止，仲要黎錯。佢竟然好似佢啲夥計咁，又係好冇禮貌咁回應，依家呢啲待客態度真係不知所謂。我地叫佢不如check單，理論左一論後佢終於肯換返啲雪糕俾我，但最有趣嘅係佢竟然秒換，咁即係擺明之前係漏單啦，真係火都嚟！到埋單嘅時候，我哋先發現堂食雪糕冇優惠，咁我哋咪出去出邊睇佢邊度有寫，原來佢個只限外賣優惠牌放到老遠，唔留意真係會好似我地咁去咗食堂食中伏，勸大家要小心！今時今日佢地咁嘅服務態度，真係唔要得，大家去食嘢無非都係想享受，呼籲大家去呢間嘢前要三思。

滿有聖誕氣氛，餐廳環境高尚，食客可選擇戶外或戶內用膳，而今日係🌬️❄️⁰13度餐廳外嘆Weekday Tea Set［朱古力香蕉牛角酥窩夫］$48🍫🍌🧇+Hot chocolate$18☕🧇熱辣辣酥脆窩夫感覺特別，有二層每層疊有吉士及香蕉🍌，配搭著可可粟米片、棉花糖、朱古力醬🍫感覺甜絲絲🥰。［日本味噌炆牛肉飯］$68🥩🍛大果茶$8🥤味道少鹽，🥩牛肉炆得好淋入味，料🥕紅蘿蔔🥔薯仔，跟🍚一碗白飯( 珍珠米)，好清淡；我鐘意

𝗟𝘂𝗻𝗰𝗵 𝗕𝗲𝗻𝘁𝗼 𝗦𝗲𝘁 $118▪️月 見 燒 雞 肉 棒ᴄʜɪᴄᴋᴇɴ ᴛsᴜᴋᴜɴᴇ sᴋᴇᴡᴇʀ ᴡɪᴛʜ ᴊᴀᴘᴀɴᴇsᴇ ᴇɢɢ ʏᴏʟᴋThe chicken skewer had the bouncy texture and crunchiness from the cartilages. However, the dipping sauce was a bit too salty..▪️野 菜 奶 油 三 文 魚ᴄʀᴇᴀᴍʏ sᴀʟᴍᴏɴ ᴀɴᴅ ᴠᴇɢᴇᴛᴀʙʟᴇ sᴛᴇᴡWanted to have more veggie intake, so I ordered this one. Lol. Didn't disappointed. Super creamy and not oily. Tho the salmon pieces were quite small, could find many of them hidden underneath the veggies..▪️日 本 醬 油 漬 蛋 飯 +$20ᴊᴀᴘᴀɴᴇsᴇ ᴀᴍʙᴇʀ ᴇɢɢ ʏᴏʟᴋ

我最鍾意就係去cafe chill 下，今次就去yoho既依間cafe。我係係open rice到訂位，星期日晏就3:30pm左右去，人唔算多，都仲有d空位。有個店員帶位，但佢行得好快，好似完全冇諗住等我地，離遠指示我地個位置就即刻走左。一坐低有個menu係枱，另外仲有一個QRcode比我地落單，但我地發現Qr code個menu同紙上既menu係有d唔同，個前菜少左幾款同甜品寫得都唔算清楚，要問店員先知原來同一個甜品都有分幾個size，所以真係要問清楚，另外店員話因為網上既menu故障，最後都係要人手落單。落完單後，我聽到店員同隔離枱講要一人點一個餐，但依樣野我好似都冇係餐廳入面見到依個指示。首先上左兩杯茶先，一杯係紅棗桂圓茶，一杯係白桃烏龍茶，白桃烏龍茶其實冇咩味道，而紅棗桂圓茶，就有淡淡既杞子味，微微帶甜。 之後發現個杯原來一直流水，店員都好快就換左個杯比我地。過左一陣，就黎左兩碗餐湯，但一碗就好多料，一碗就真係要用匙整個碗底先見到有料。湯入面有冬菇、豆腐同海帶，豆腐都算滑，味道同出面日本野食到既麵豉湯一樣味，冇太大特別。第一個餐黎左個牛面頰、雞肉串、茶碗蒸、沙律、生果同日本醬油

呢間餐廳係yoho都開左一段時間,前排聽朋友提起,就決定黎試一試😋我地叫左兩個Dinner Set, 份量唔算大,適合女仔既食量,男仔食既話未必夠飽🫣每個set都會跟湯, 沙律, 茶碗蒸 & 生果價錢 $128 - $168可以 +$18 要咖啡 / +$38 雪糕黑松露親子雞扒配喬麥麵 $128雞扒上既時候已經唔熱,雖然係炸,但已經唔脆了,但值得加分既係滿滿黑松露醬同雞扒好夾😋日本醬油漬蛋香蔥拖羅腩碎飯 $168鋪上滿滿紫菜既呑拿魚腩碎+醬油漬蛋+醋飯,係一個唔會錯既配搭熱Latte +$18Nutty但偏苦四川花椒熱情果芒果新地 +38見到呢個配搭咁得意忍唔住叫黎試下, 花椒味唔算突出, 但牛乳雪糕配上芒果熱情果醬, 十分清新總括黎講味道不過不失,無太大驚喜

餐廳有out door，而家秋天就岩哂加上室內唔算好大，out door反而就無咁焗，但位置比較小，早小小去會有機會坐。食物方面 叫set最抵食 $168 有沙律，湯，飲品，主食，飯，生果，甜品性價比都算高而食物味道比想像早好食，最有驚喜係個飯同埋甜品 但唯一唔好就係店員一入去無講明有最低消費而我地落完order有問店員有無最低消費，佢只係答左句「有」就走左，想問下幾錢都問唔到 因為我地3個女仔 叫2個set都食唔哂，點知食到最後 有個應該經理先行埋黎話要叫多樣野 我地都勁無奈，會覺得如果一早請清楚比較好，唔係要客人開口問

有一次就blogger 介紹先知原來yoho有呢間餐廳😹本身唸住食lunch 點知點點下餐過咗時間搞到變咗食tea👻但店員根本冇提我地要唔快啲點餐搞到成個人有啲嬲咗😾好彩餐廳嘅環境同食都唔錯先落返啖氣😌🔺黑松露蛋黃醬唐揚炸雞沙律🥗$58黑松露味都重嘅,而炸雞其實係炸雞扒🐣雞係嫩嘅同埋冇雪味🙌🏻但問題黎啦!!沙律汁整到啲雞而沙律汁係鹹嘅搞到炸雞有啲鹹😩而沙律就正常啦,沙律汁係日式嘅沙律汁~🔺忌廉煙三文魚意粉 $68呢個意粉加返分😳意粉上面有一至兩塊煙三文魚,而意粉裏面都有煙三文魚同菇🫶🏻真係啖啖都有三文魚😻忌廉汁唔係好濃完全唔會膩🤭🔺芒果糯米炸彈蛋糕🍰$88見到啲相好靚就想叫🤣外面黑色係黑芝麻雪糕,切開裏面有一嚿嚿嘅麻糬😚而入面仲有蛋糕,Cream同芒果🥭整體都係夾嘅同埋好特別,值得一試😉🔺涷朱古力好搞笑係用啤酒杯🍺而朱古力就正常,朱古力味都好夠🤪

🐾Brunch 便當 （$168）💛💛💛💛🖤呢個便當非常多選擇！本身就包左涼菜、茶碗蒸同埋沙律，前菜同主菜我地就揀左忌廉蟹肉薯餅同埋唐揚雞排配松露蛋黃醬，飯就揀左日本醬油漬蛋飯。 整體好都好好食，茶碗蒸蛋非常滑溜；唐揚雞排皮薄肉嫩；個飯同某角飯有些少相似，所以係唔會伏既。🐾手撕牛小排蘑菇燉飯 （$148）💛💛💛💛🖤份量啱啱好，上面嘅手撕牛小排醬汁好濃，撈埋下面香噴噴嘅蘑菇忌廉risotto一齊食非常夾！飯粒少少硬，非常creamy，個人覺得係十分唔錯既risotto。🐾提拉米蘇及咖啡啫喱炸彈蛋糕（$88）💛💛💛💛🖤賣相好靚！外層係好似雪糕咁雪硬左，裡面係有咖啡啫喱嘅tiramisu，仲有咖啡厥餅同朱古力脆脆做伴碟。全部嘢一啖食落去完全唔膩，亦唔會好甜，tiramisu味好出。✨Outdoor 座位好chill✨出餐速度快整體推薦指數：💛💛💛💛🖤

呢日收工又係Yoho搵食，之前試過呢間雪糕好正，今次就來試下dinner set😎.🍱和風芝士煎蛋漢堡扒吉列大蝦配飯 $148🍱日本醬油瀆蛋香蔥拖羅腩碎飯 $168🍹 冰果茶🍹 玄米茶🍮 蜜餞檸檬黑椒焦糖布丁 +$38🍦雲呢拿特濃牛乳雪糕脆筒 +$15.點了兩個dinner set，一個set有齊主食、飯、湯、沙律、水果、 茶碗蒸、飲品超豐富😍仲要成個木盤上好有儀式感🥰未食已經心心眼😍先講下前菜，麵豉湯有好多冬菇非常足料， 羽衣甘藍雜菜沙律份量多，茶碗蒸蛋細滑仲有冬菇係面，食完前菜已經飽左一半😂.到主食！荷包蛋下面係漢堡扒同埋菜，漢堡扒厚肉juicy牛味濃，加埋燒汁甜甜地好味！炸蝦大大條脆卜卜點沙律醬正😋另一款飯上面鋪滿紫菜和拖羅蓉，再加個流心蛋，淡淡拖羅太幸福☺️.再加少少錢點了兩個甜品，軟雪糕跟上次一樣出色，濃香牛乳口味勁綿滑，好好味一定要叫！另一款布丁賣相相當吸引，第一次食加左黑椒幾得意又意外地夾，蛋細滑再加埋焦糖脆脆滿不錯👍🏻.呢餐非常有驚喜！成個dinner set好豐富又有質素，甜品仲相當高質👍🏻呢個價錢性價比好高，元朗人一定要試下😋

元朗yoho mall入面有間日式西餐廳 見到依間的雪糕賣相幾特別 還在做優惠外賣雪糕有買一送一！我跟男朋友二話不說便買了來試試😆👍🏻雪糕有杯裝或筒裝 同樣是$48有兩杯😍我們要了一個椰子味一個阿華田味 同樣是筒裝的🍦份量算幾大個🤭吃完好滿足雪糕質地不是軟滑那種 比較像雪葩🍨我不是太喜歡椰子味幾清甜幾特別 好食啊🥥阿華田味都幾濃🍫比椰子味甜椰子味是黑色的好特別 但要小心會吃到嘴唇變黑色😂脆筒都是黑色的 沒有特別味道 不過非常脆😬因為要外賣才有這個優惠 所以一拿到就要趕快在一旁站著吃🥹🥹味道：🌕🌕🌗🌑🌑環境：🌕🌕🌕🌑🌑服務：🌕🌕🌕🌑🌑價錢：🌕🌕🌕🌑🌑回頭率：🌕🌕🌕🌑🌑📍One & A Half (元朗)元朗元龍街9號形點1期2樓2058號舖

等左9個字先有得食，食完要催先上湯。D員工反應又慢、態度又唔好，上漏野唔好意思都唔講一句，擺係張枱角落頭到掉頭就走，無下次。野食唔係難食，正常質素，但對唔住個價錢，出面求其搵間cafe、餐廳都食到呢個水準。

今日同老公醒起呢間開左好耐都未食過，就黎試佢既dinner。行過Yoho間間都勁多人等位，可能大家有得0+3真係放鬆好多，行到黎見到無人等位，而我地又有bk位，所以即刻入得。睇menu吾算多野食同埋都吾平，所以我叫一個dinner set而老公就叫個包拼薯條。我upgrade左個餐奶做阿華田milkshake，味道一般啦吾算太好飲，但吾太甜既。我個set小食簡左忌廉蟹餅，食落勁似激安買個啲😂味道過得去啦。前菜同沙律我都吾食既，老公有食就話都係一般般無咩特別。蒸蛋都算滑既，而主食既雞扒就脆皮既，但味道我就吾覺得有其他食評講到既咁好食咁誇張羅。可能元朗好食既炸雞扒舖頭太多，呢間其實只係好一般。至於老公食嗰個包就話好硬，以佢咁喜歡食包既人都話無下次。總結就係呢間價錢同味道完全吾成正比，所以星期六既晚餐時段無人等位係有原因既

元朗行山前搵間好嘢食，元朗朋友推介呢間cafe, 午餐時段人頭湧湧, 最後只有吧枱座位。話明Cafe梗係試吓佢嘅咖啡，夠香夠濃，唔錯。再揀選溫泉蛋煙肉意粉，意粉煙靭彈牙，加上紫菜，特別好味。蘑菇意大利飯, 濃濃的蘑菇味，每一粒飯都包圍着醬汁，滋味無窮。

同朋友補祝生日其實Yoho Mall係有好野食雖然少貴，但有驚喜，係好食，不過啲位真係好迫，同埋service真係唔太好個個都食set(最低💰188)既時候，我地發現set唔吸引，轉左散叫黑白芝麻炙燒吞拿魚配和風莎莎醬 💰128¤好多吞拿魚，莎莎醬配料洋蔥配搭好夾，好少少辣辣地味道，正日本味噌慢煮和牛面頰配蒜香薯蓉 💰288¤牛面頰勁淋，就咁用匙羹都分得開，好入味，個薯蓉超正，好香口阿根廷赤蝦油漬番茄香草軟芝士意大利粉 💰158¤個汁好creamy，一啲都唔假，好濃味好掛意粉，蝦有頭但已經體貼咁分開左，食得好方便，意大利粉軟硬岩岩好提拉米蘇炸彈蛋糕 💰88¤好得意，外殼係雲尼拿雪糕，入面係tiramisu，仲有啲咖啡果凍啫喱，味道唔太濃，都唔錯