影片
更多
2023-02-15
172 瀏覽
呢間舖我寫唔到食評, 因為我坐咗成個鐘, 佢地都出唔到一D 嘢俾我食, 我一滴水都無飲過咁走. 我今次寫嘅係佢地嘅服務質素及上餐效率.當日我在門口等咗半個鐘, 最後坐咗入去, 睇完餐牌落單, 就安心地等. 我個位對正廚師位, 清楚見到佢幾時出菜. 有幾次出菜我都以為我碟嘢到啦, 原來幾次都唔係. 就係咁我等咗40分鐘, 我終於出聲問, 個男侍應話就得, 嚟緊, 咁我又繼續等咗10分鐘, 仲未有, 我再問, 佢話幫我睇睇, 但無覆我. 再過 10 分鐘, 我再問. 今次同另一個男侍應及女侍應講, 呢個男侍應聽完直情擰轉面做其他嘢, 無理我, 另一個無著制服嘅女侍應話同我跟一跟. 我見到個女侍應直接同個廚師講我張單落咗咩菜式, 個廚師似乎唔係好明, 個女侍應遞佢自己部電話俾個廚師睇, 個廚師皺哂眉咁望住部電話, 跟住無出聲, 只係繼續出其他枱嘅菜. 我已經知道即使我之前問過兩次, 但D侍應無同我跟進過張單, 而個廚師亦將我張單嘅priority 排到好尾. 當時已經9點, 我第二日要返工. 我等唔切, 我同個女侍應講你地未整, 咁我要走. 個女侍應只係講咗聲唔好意思, 無試吓叫個廚
當日我在門口等咗半個鐘, 最後坐咗入去, 睇完餐牌落單, 就安心地等. 我個位對正廚師位, 清楚見到佢幾時出菜. 有幾次出菜我都以為我碟嘢到啦, 原來幾次都唔係. 就係咁我等咗40分鐘, 我終於出聲問, 個男侍應話就得, 嚟緊, 咁我又繼續等咗10分鐘, 仲未有, 我再問, 佢話幫我睇睇, 但無覆我. 再過 10 分鐘, 我再問. 今次同另一個男侍應及女侍應講, 呢個男侍應聽完直情擰轉面做其他嘢, 無理我, 另一個無著制服嘅女侍應話同我跟一跟. 我見到個女侍應直接同個廚師講我張單落咗咩菜式, 個廚師似乎唔係好明, 個女侍應遞佢自己部電話俾個廚師睇, 個廚師皺哂眉咁望住部電話, 跟住無出聲, 只係繼續出其他枱嘅菜. 我已經知道即使我之前問過兩次, 但D侍應無同我跟進過張單, 而個廚師亦將我張單嘅priority 排到好尾. 當時已經9點, 我第二日要返工. 我等唔切, 我同個女侍應講你地未整, 咁我要走. 個女侍應只係講咗聲唔好意思, 無試吓叫個廚師做返快 D 或同我解釋佢地整我碟嘢有咩困難要咁耐, 亦無問我有無其他菜式我有興趣可以代替等, 佢地好似覺得客人咩都無食就咁走係好理所當然咁.
平心而言, 其他人叫套餐嘅係好快有嘢食. 唔夠五分鐘即刻有湯飲, 跟住上沙律. 我叫嘅係 a la carte, 所以預咗會慢D. 但係一個鐘真係唔合理. 呢間餐廳連最基本嘅令客人有嘢食都做唔到, 餐廳要尊重吓自己作為餐廳嘅基本要求. 任個客人等咗成個鐘無嘢食餓住咁走仲一D歉意同補救都無, 餐廳嘅服務對象係人, 但你對客人一D尊重都無, 亦無體恤客人夜晚9點幾餓住個肚走後要再搵嘢食嘅感受, 令人好失望.
張貼