NINETYs (K11購物藝術館)

營業中

休息中

我地嗌咗兩碗飯一碗係和牛面頰係和牛又係面頰位寧舍嫩滑驚喜位係薯蓉好重黑松露味酒煮牛汁好濃郁好回味另一碗係Siu Wan Rice冇錯Siu Wan Rice就係黯然銷魂飯亦即係叉蛋飯好多餐廳都試過賣叉蛋飯或者餐蛋麵呢啲貼地食物然後mark up到好高結果俾人鬧搵笨今次呢碗Siu Wan Rice賣$198但我覺得你絕對值回票價嘅基本上佢就係取各家之長放落碗飯叉燒係baby back ribs諗到食ribs撈飯嗰個真係值得一讚平時食西餐side dish配薯蓉薯菜veggies都嘥咗撈飯先對得起個蜜汁蛋係溫泉蛋飯係珍珠米所以佢真係唔係叉蛋飯咁簡單

呢間cafe 菜式多元化，同朋友相聚選擇左呢間，大家都能輕易選擇到自己喜歡的菜品。Braised Australian Wagyu Beef Cheek W/Drunken Beef Gravy ($238)牛面珠墩配黑松露薯蓉 - 肉質鮮嫩，入口即溶，真係食完齒頰留香。另外，用黑松露薯蓉配，味道撲鼻，未食就已經聞到香味，超好食，必試！Piggy Piggy ($268)豬肋骨蛋包 - 首先有驚喜既係佢既包，酥脆既包夾住豬肋骨，但又唔會伶到個包變軟，讚👍其次，豬肋骨味道好足，又係入口即溶既感覺。除此之外，蛋入面有啲菜。食個包都食出幾個口感，很不錯👍Taro Mochi Muffi ($35)芋泥麻糬味，由於我們選擇加熱，所以口味更好，香芋味更出，中意食香芋既人唔好錯過。

K11係我食過ninetys嘅第三間分店，呢間主打澳洲菜，從來冇令我失望過。由食材到出黎嘅presentation, 都好滿意呀！今次先發現原來有d野食係K11 exclusive selection架喎！不過我地今晚都係想食d mainsNZ Sole Fillet Pasta, 佢用左rigatoni, 即係粗身直通大條嘅通心粉，每粒粉中心都吸到好多汁，好正。佢嘅ginger and spring onion cream sauce勁香噴噴😍魚柳表面煎香左，內裏夠滑，如果再多幾舊就好喇😍Boston Lobster Barley Risotto, 呢個原來係薏米粒risotto黎！好鍾意薏米大大粒勁有咬口！龍蝦用芝士焗香左食落好開胃，亦都食得出係新鮮靚海鮮，皆因啲肉質都幾札實不失嚼勁👍👍除左野食幾推介之外，呢兩杯命名為嘅white latte同black latte都好好飲又唔甜，black latte仲有埋拉花，同埋兩杯都係冇咖啡因架所以夜晚飲都好岩

今日同男友睇完星之卡比展覽之後好肚餓，廢事揾食咩就隨便行咗入展覽隔籬嘅餐廳，原來係ninety’s~ 呢間餐廳向來俾我嘅印象都係飲咖啡食輕食嘅cafe，完全唔知原來佢有得食晚餐，食物選擇仲比我想像中多好多添~餐廳枝水好特別，入面加咗一條我估計係備長炭嘅野，所以啲水都無水喉水味~ 食物方面，今次我地叫咗黑松露薯蓉牛面頰，仲有豬肋骨配炒蛋包，身為芋泥控嘅我，當然要叫返個芋泥麻糬麵包~ 三種食物嘅味道都令我非常驚艷牛面頰啖啖肉兼炆得十分腍滑，配埋香噴噴嘅黑松露薯蓉令人胃口大開~ 豬肋骨炒蛋包入面嘅豬好入味，蛋炒得好滑，包都唔係一般嘅漢堡包，而係牛油味好重嘅法式brioche~ 最後個芋泥麻糬麵包，為依餐畫上咗完美嘅句號~芋泥又香又綿，食到好滿足總括嚟講呢間餐廳嘅食物質素都幾高，雖然唔係特別平，不過我哋兩個都覺得物有所值，一定會再嚟試吓佢其他食物

放假最喜歡就是約整包之友去學整麵包，今日約了晨早10:00am堂，連放假都要早起去尖沙咀上堂，真是太愛整包，哈！整包都好用氣力，所以上堂前吃返一份豐富的早餐。在K11見到間以木系為主的咖啡店，四處以綠色植物作擺設，還有幾棵大樹，好似一個森林，感覺自身於原野當中，挺舒服。內裏設有多張二至四人枱，還有不少大圓枱，座位不少，還有一個開放式的廚房，是一個可野餐的「大森林」，哈！這時段有Brunch Board、bakery & sweet、Day、Weekday Breakfast 和Drinks，都挺多選擇。先用QRcode下單，方便易用。******************************我們叫了一份豐富的素食之選大碼早餐和一個鬆餅開心share。素食之選大碼早餐 Vegetarian Breakfast ($88)本身已有七款食材，分別有炒蛋、燒蕃茄、焗薯、炒雜菌、羽衣甘藍、洋薏米和酸包，而我們就想再豐富一點，加了牛油果 avocado (+$30)和煙三文魚 smoke salmon (+$30)。嘩！滿滿一大盤，好豐盛，見到都令人滿足！炒蛋弄得剛好，又香又滑，放在煙煙韌韌的酸

📍尖沙咀K-11 藝術購物館 Ninetys📍工作上需要嚟尖沙咀呢頭，仲要晨咁早，當然要搵個地方坐得舒舒服服咁食個靚早餐安慰下心靈先。搵到呢間喺K-11 藝術購物館G floor嘅Ninetys，咁早已經有開，環境好Cozy，好舒服😌，於是就決定喺到食嘢🤭。呢到嘅食物好特別，好多fusion，平時少見，例如有Char Siu Benedict，中西Fusion叉燒菜😳😳！我就叫咗一份Pulled Port Benedict，上面係滿滿嘅肉絲，醃得好入味，香口惹味，有點點辣。肉下面係2隻Poached Eggs，再配啲沙律菜 & 酸種麵包😝，成個配搭真係Egg Benedict 嘅食法，只係肉不同了，好新奇。佢哋提供嘅水有活性碳喺入面，都好特別。整體來講，環境舒服，食物新奇特別，幾好幾好👍🏻。

咁岩同朋友都係TST收工，所以係K11呢邊食野，見到間Café 好大間，幾靚咁。所以就同朋友入去食啦~ d staff都好nice。落單用QR code，我地叫左2個主食，分別係Spicy crab meat pasta同埋Boston lobster barley risotto。意粉係粗身少少個款，蟹肉份量好多，同埋有少少辣味，而且第一啖食落去蒜味比較重，見佢都煎香左好多蒜片，所以食落好夠味。有時出去食蟹肉意粉，因為用蟹肉碎，所以個粉會感覺好乾身，但呢個唔會，拌勻左之後，可能因為有足夠既油，所以意粉唔會痴埋一舊舊。Boston lobster上面仲有芝士咁焗過，好香口。barley risotto口感好特別，用薏仁做的risotto更加有口感和風味，入面仲有好濃既龍蝦汁味道。

K11 Art Mall 喺角落嘅地方，有一間望落去總係令人覺得特別寫意relax嘅餐廳，佢嘅裝潢營造出一種令人放鬆嘅感覺，成間都係金屬風格，中間仲有一棵綠色植物，獨特嘅設計令人好嚮往喺入邊用餐係咩嘅感覺😇今次我真係有機會trytry ~呢間澳洲品牌咖啡店係素食方面好出色，但係我同男朋友都係食肉獸，order咗兩款item都係肉類為主~Australian Waygu Beef Cheek $238餐牌上面寫住呢個係必點嘅項目之一，牛肉控嘅我今次就捨棄食牛扒，轉食牛嘅面珠燈😌基本上真係入口即溶，口感非常綿，而且每一啖都係非常之入味。賣相唔算好正，不過食落真係好有驚喜，打底嘅薯蓉係黑松露味👍🏼Boston Lobster Barley Risotto $238openrice見到好多人都會點呢款item，我都要trytry 🤝 佢嘅意大利飯係偏向大粒同埋有咬口，滿滿嘅龍蝦湯味，混埋忌廉一齊食，特別香非常好食😋 比較少食到咁有咬口嘅risotto😂龍蝦好大隻，有埋蝦膏🦞座位方面坐得非常之舒服，感受到用料方面係比較高質同精緻，值得推介，relax & chill 🌿

K11 入面嘅Ninety’s真係好似森林入面嘅小餐廳，輕輕鬆鬆嘅環境食飯係唔同啲🥰樣坐位都坐得好舒服～完全好似get away from work嘅感覺🐮澳洲和牛牛面頰煮到軟淋淋嘅牛面頰，入面嘅啫喱狀筋位好軟糯😋配上好好味嘅黑松露薯蓉，真係會令人唔小心一啖又一啖🥹🦞波士頓龍蝦配Barley Risotto 拉絲嘅芝士配上龍蝦🥹 夢幻嘅配搭！🧚‍♀️加上煙煙韌韌嘅risotto～ 唔會過漏嘅醬汁同cream混埋一齊食，香滑又有咬口，好味！朋友仲叫咗一杯It’s Easy Easy geh cocktail 🍸

收工同朋友係K11行街搵食，見到依間餐廳裡面有棵樹好特別又吸引。餐廳裡燈光柔和，簡潔優雅，大樹在餐廳中間，感覺十分舒服和放鬆。餐廳內的飲用水入面唔係檸檬，而係長炭，幾特別。BLACK TRUFFLE PASTA - 一上枱松露果股香氣先達，見到厚切嘅大啡菇已經好吸睛，意粉係我鍾意嘅厚實長通粉，口感煙煙韌韌，口感好好；入口黑松露股香氣直衝味蕾，跟大啡菇一併入口，兩種菇味互相交錯，配合得非常完美，呢個非常推介👍🏻。SIU WAN RICE - 金沙骨外層燒到少少脆香，色澤均勻，有啲似叉燒。日式珍珠米做飯底，再配上溫泉蛋和醬汁，幾特別。🍷Nectar peche blanche - 一支桃味嘅果汁，入口好杰身，好有質感嘅飲品，唔會太甜，桃味🍑突出，最岩我呢個桃迷。☕️MILK CHOCOLATE - 朱古力味香濃幼滑。因為晚餐唔想飲咖啡，所以就order 咗杯朱古力，都係唔錯嘅選擇。

今日約咗幾個朋友嚟一個lady night，我哋棟咗位於尖沙咀k11的Ninetys ，貪佢夠nature 。Cafe中間有一顆樹，地方寛敞，沒有壓迫感，充滿大自然氣息，令人relax。我哋每人order一個主菜，一齊share食。Boston Lobster Barley Risotto啖啖鮮味的龍蝦肉平時不太食Risotto的我，都覺得好食，飯好有咬口，滿滿的龍蝦湯味Piggy Piggy創意無限，諗都諗唔到用豬肋骨做漢堡包，賣相不錯。Asian Style Citrus Spring Chicken慢煮春雞配上石榴，溫泉蛋🥚、粟米、薏米、大麥。雞肉肉質嫩滑，又飽肚。好啱注意健康飲食的朋友，食完都不會有罪惡感🤣Braised Australian Wagyu Beef Cheek W/ Drunken Beef Gravy見到must try就一於試吓，牛肉非常腍，而底部的薯蓉還加入濃郁的黑松露😋我哋一路食一路傾，好快就過咗一個輕鬆又愉快的一個晩上。

尖沙咀一向都有好多好嘢食🤤今日喺K11行街嘅時候見到一間設計望落好新穎、又有open kitchen嘅cafe，於是同朋友入去食個dinner😆餐廳嘅中間圍住一棵小樹，天花亦都裝咗好多燈泡，加上店內運用咗好多嘅玻璃設計，空間感十足，夜晚食飯嘅時候就好似喺大自然之下欣賞夜空一樣，感覺幾舒服🥰我哋叫咗兩個main分嚟食😙Braised Australian Waygu Beef Cheek with Drunken Beef Gravy ($238)見到寫住must try就叫咗嚟食😎果然有驚喜😆牛嘅面好淋而且入味，仲可以食到啲有咬口嘅骨膠原，而且唔會好油膩。而配上嘅黑松露薯蓉亦都係我嘅至愛❣️薯蓉香滑黑松露味亦都唔會太過強勁，加上有一啲小水芹作為點綴，喺我哋今晚最滿意嘅菜式👍🏻👍🏻Asian Style Citrus Spring Chicken ($198)最初睇字眼以為Spring Chicken 會似係平時嘅西式燒春雞，原來佢似係慢煮嘅雞胸，輕輕一切雞肉已經能夠散開😯而雞本身用左柚子釀製，食落感覺好健康，有一種好新鮮嘅感覺👍🏻入面有好多配菜，包括蘆筍、粟米、果仁、溫泉蛋等等，由於份量

今晚去左位於尖沙咀K11一間幾有特色，環境幾優美嘅餐廳食飯”Ninetys"餐廳闊落，以木系裝修為主，餐廳中間有棵樹，可以望下啲綠色物，都幾舒服。叫左個必試菜試-Braised Australian Waygu Beef Cheek w/ Drunken Beef Gravy (燉澳洲和牛面頰)，和牛煮得好腍，唔會過熟，醬汁入味，仲有黑松露薯蓉配食，好香好滑，果然係必試推介。Boston Lobster Barley Risotto (波士頓龍蝦意大利飯)，Risotto好有咬口，粒粒分明，試過食過啲Risotto煮到林patpat,呢個一啲都唔會，仲有芝士同龍蝦汁入晒落啲飯，好好食😋龍蝦肉質又夠彈牙。piggy piggy(homemade叉燒bb背肋骨)好特別，漢堡包造型上碟，夠創新。包係用左牛角丹麥酥，餡有豬肋骨，炒日本滑蛋，有啲酸菜，仲有好多羽衣甘藍，好健康。Asian Style Citrus Spring Chicken（燒春雞）真係值得一讚，雞好嫩滑，用左miso barley、栗米、日本tamago、仲有石榴，感覺好fresh又豐富。

星期五放工過嚟食 唔洗等位cafe 採用木系裝修 好靚 夠大又坐得舒服仲要係open kitchen 見到成個area都好乾淨同衛生叫左兩個main一個snack BRAISED AUSTRALIAN WAYGU BEEF CHEEKw/ DRUNKEN BEEF GRAVY 🥩$238⭐️⭐️⭐️⭐️⭐️黎到見賣相唔算好好 但食落好有驚喜 牛煮得好淋身又好香牛味 側邊既配菜係truffle potato mash 好香truffle味 唔好睇佢細細份 食落其實好夠飽BOSTON LOBSTER BARLEY RISOTTO (s)$238 🦞⭐️⭐️⭐️⭐️⭐️之前係OpenRice見到已經覺得好吸引好想試 一上碟見到龍蝦好大隻 有膏有蝦籽 食落啲肉夠厚實 risotto 好香龍蝦同忌廉味 夠creamy 食落又唔會膩 重點係個飯既texture 好粒粒分明同有咬口 好少食到呢個texture 👍🏻GRILLED PORK BELLY W/ TOMATO & GREEN APPLE SALSA🍏🐖⭐️⭐️⭐️⭐️⭐️呢個好有驚喜 pork belly調味辣辣地加埋青蘋果酸酸地 中和左個油膩感 食一啖已經食唔停口今

今日同女朋友行K11，行行下見到有間餐廳勁靚，又唔係特別貴，就一於入左去試呢間Ninetys，入面設計得勁靚！最impressive係有張枱中間有棵樹，好有特色！呢到主打西餐，咖啡cocktail應有盡有，而家價錢都唔算貴，唔錯呢個係piggy piggy，用左羊角麵包做burger，中間係ribs同炒蛋。麵包勁出色，好重牛油香味，食落好脆身，配埋啲炒蛋食一流！至於ribs亦唔輸蝕，好濃蜜糖味，煮到好淋，肉質keep住鮮嫩粉紅色，多汁又入味不過用ribs做burger唔好處係一定要分開食，唔可以成隻咬波士頓龍蝦意大利飯，龍蝦面頭鋪左芝士，下面係大大啖龍蝦肉，好鮮甜無腥味意大利飯亦有驚喜，唔係全部都係米，中間夾雜左薏米，健康又唔會好肥，而且估唔到咁夾，好有新意！